先說對不起，今日因為之前約左學整野，所以去唔到參加大集會，但我個心係支持的！
資深電影人岑建勳到現場支持學生，表示自己40年前也曾上街絕食，沒想到40年後仍要上台，他為香港感到痛心。
(另外找到有人拍的 http://www.youtube.com/watch?v=6ZKl8qnIFe8 )
我都覺得萬分痛心，點解？香港會變成咁？
唔知大家有咩感覺？或者，大家都覺得事不關己，己不勞心。但作為一個人，有獨立思想既一個人，係咪應該反思一下歪曲既國民教育對我地既下一代有咩影響呢？
以前我讀書既時候，中史同西史係必修科目，中國歷史令我了解到中國五千年文化既歷史，亦令我了解到西方既歷史，帝王的興衰，太平盛世，戰爭等等，古人都會以古鑑今，係唔同既歷史吸取教訓，咁先會有進步！
我支持改革開放，因為我覺得一個國家係應該要改革要開放先會有進步既空間，但而家由共產黨專政既中國變左做咩樣？肥上貧下，貪污腐敗，道德淪汒，中國人變得自私自利，視人命如草介，冇民主，冇自由，封鎖消息，歪曲歷史，究竟中國既五千年文化，道德禮義廉恥去晒邊度？一場文化大革命令中國人既本質變得蕩然無存，到六四既事件，八九年，我只有九歲，但係新聞見到既片刻，仍然深深咁印係我腦海入面，一個國家去去對付一班手無寸鐵既愛國人民，以血腥去鎮壓，係個一刻，係我心目中，「中國」已經唔係「中華人民共和國」了。
我認同學民思潮講既就係我認同自己係一個中國人，但當毒奶粉，豆腐渣工程遺害緊我地既下一代時，你仲認同一個黨嗎？我愛國，但唔係盲目咁去崇拜，而係有理性有良心去認知！
原本，梁振英上台時，大家都反對，我就在想，反正呀，兩個都係親中既人，如果梁振英真係如佢政綱咁會搞好香港既，咁應該比機會同時間佢去做呀！
但係，唉...... 我錯了，唉....... 真係無奈又無奈，我對佢真係好失望。
不丹國王辛格自廢君主制，強迫民眾走民主道路；建兩院立多黨制，要求議會彈劾自己。說；“雖然我可以努力做個好國王，但我不能保證不丹代代都是好國王。為了不丹人民的長久幸福，必須推行民主；一個好制度比王位更重要”
點解，我地既國家，我地既政府冇呢種胸襟呢？
世界人權宣言教育的目的在於充分發展人的個性並加強對人權和基本自由的尊重
教育既目的，唔係洗腦式既教育囉，睇新聞話有啲返大陸既洗腦團，我真係十萬個為什麼係個腦度問點解會有家長比自己既仔女去呢啲團？
佢地知唔知當年文化大革命教識小朋友做啲乜野？對中國既遺害有幾咁深遠？佢地真係想自己既仔女變晒做紅衛兵？？
世界人權宣言
人人生而自由，在尊嚴和權利上一律平等。他們賦有理性和良心
我唔識得啲咩大道理，但作為一個人理應要有良知，埋沒自己既良心去推行洗腦式既國民教育，只會搽毒我地既下一代，唔識分是同非，盲目咁去愛國，咁同一條咸魚有咩分別？
我只係一個普通既市民，可能我講既你會唔認同，但呢個係我既觀感 (我知大家都有唔同既觀點同角度的)，大家可以討論，但請尊重我思想同言論既自由。亦希望你都想一想，思考一下你身處既社會。
對，係香港仲未完全共化之前既僅有既自由。
當別人被打壓，我們選擇沉默與冷漠是何等危險
對於學民思潮既所有成員，我深深咁敬佩你們所做的事情，你們做了很多人不敢和不會做的事情，雖然你地年紀仲好細，但思想既層面遠超過我所想像的！希望其他學生，其他家長，其他教師，仲有香港人，都好好咁維護自己既良知，守護孩子，守護香港！希望有一日，大家都會以「香港人」為傲！
「學民思潮」支持你地，加油唷！
想起前天看「女朋友。男朋友」的一句對白：一個人跳舞是造反，全校跳舞是民意
大家準備好一齊跳舞未？
