PUPA ♥ Very Vintage 非常復古春季彩妝系列

首先感謝莎莎(sasa) x PUPA今次係尖沙咀分店安排既 PUPA Very Vintage 非常復古春季彩妝系列示範，今次應該係閃閃第一次接觸 PUPA 呢個品牌，其實咁多年黎，次次係 sasa 見到都會好好奇，可能因為唔係太多宣傳，所以對呢個品牌係零認識，今次可以由 PUPA Official International Make Up Artist – Giorgio Forgani 介紹品牌理念，今次 Very Vintage 既概念，真係了解多左好多呢！

Giorgio Forgani 真係好高大靚仔兼有型，由佢親自介紹，真係好正呢！每用一款既產品，Giorgio 都會好詳細咁講解，聽左唔少 tips 呢！

♥ Very Vintage 非常復古春季彩妝系列 ♥



今次既系列係限量品

彩妝示範除左用到 Very Vintage 系列外，仲會用到其他 PUPA 既產品，Giorgio 示範日妝外，仲示範埋轉晚妝添！




Giorgio 既化妝示範我會另外有文同大家講解一下，但有啲 Tips 都可以同大家 Share 返，好似胭脂咁，我地成日都會笑黎打胭脂係 Apple Zone，原來佢地仲有另一個手法就係好似 Model 咁"木"起個咀，咁就會睇到面上面肌肉線條，去將胭脂打起唔同既部位去做成立體既效果。

♥ 左邊既日妝，右邊係晚妝 ♥

★ Smoothing Foundation Primer ★

首先由底妝開始，先做左護膚程序後，用呢個 PROFESSIONALS Smoothing Foundation Primer 做 Makeup Base！

試過上手，第一下質感好油，但係拖開又好滑，其實唔油，用完佢手上面既紋減淡左，仲好滑添唷！

★ FOUNDOTINTA ULTRA LEVIGANTE ★

Liquid Foundation 好像共有四色，我試了其中三色，質感不厚，推開很薄但有遮瑕度！

★ Satin and Shine Eyeshadow Duo 閃亮雙色眼影 HK$118 2g ★

分別係由右起：
01 Grace (Pink/ Silver)
02 Icon (Brown/ Pink)
03 Glamour (Apricot/ Gold)

PUPA全新乾濕兩用眼影採用雙色設計，讓您能輕易替眼睛營造出層次立體感。眼影蘊含極細的珍珠閃粉碎，令眼影粉質如絲般柔滑，並增加塗上後的貼服度。再配合隨產品附送以天然乳膠製成及雙頭設計的眼影棒，協助您更能隨心所欲地為雙眸添上明媚色彩，塑造閃亮動人眼眸。備有3款動人色調選擇。

我分別試左用乾上同濕上既分別，乾上感覺較粉，濕上相對上比較似CREAM 狀，顏色亦較實，Giorgio 係彩妝示範時，亦都有利用呢個眼影既特點，係眼影底層先用濕上既方式，而面層就用乾上！
而且兩用既眼影，顏色已經夾過，只要運用濕上同乾上既效果，就可以做出好有層次感既眼妝！

★ Extrablack Glossy Eyeliner亮麗眼線液 HK$ 96 1.8ml ★

另外呢個 Eyeliner 我都好有興趣，因為話防水防油 (要試上我眼先知呢....)同埋我落佢個時，我見係色塊咁甩出黎......

閃爍亮澤的黑色眼線液讓您盡顯50年代風格與魅力，令雙眼更動人亮麗! 防水配方令效果持久，同時容易卸除。再配合其創新的“魔術刷頭”，容易掌握，令塗抹時感覺柔軟細緻，確保您能精確繪畫出完美線條。另外通過低敏眼部測試，適合敏感及配戴隱形眼鏡人士使用。

★ Trio Blush 閃亮三色胭脂 HK$176 10g ★

胭脂盒內結合三種亮麗色調，分別為兩款啞緻顏色和一款亮麗顏色。令您雙頰白裡透紅的同時，能提升面部自然度，特顯更清晰面部輪廓，給人一種煥然一新的感覺。另附上天然豬鬃刷，使用時更得心應手，為您打造亮麗自然妝容。備有Celebrity Peach及Very Vintage Rose兩款色調。

呢兩款胭脂我都好鐘意呢！最近因為成功挑戰到橙色既妝，所以橙色都開始接受到，見到佢唔知點解諗起圓圓既CD，中間有閃閃的，可以做 highlight，而外圈既兩色有深有淺，可以打亮 Apple Zone 同埋打斜掃上打造立體既效果。

另外，今次係打造 50年代妝容，連 Very Vintage 系列都加入左 50年的胭脂水粉味道，大家要去試下 Smell 下呢！哈哈~~~

★ Sheer Lipstick 水潤唇膏 HK$118 3.8ml ★

右起：01 Cosmopolitan Fuchsia
02 Nude Rose
03 Coral Dream

備有3款充滿春夏氣色的色調，質地柔滑，持久滋潤雙唇，為您帶來亮麗的自然唇妝。

因為我少搽唇膏，不過試呢個唇膏上手又出奇地水潤，三個我覺得中間個隻最靚，應該係02 Nude Rose！

★ Glossy Nail Polish 持久亮麗甲油 HK$40 5ml ★

備有3款全新春夏迷人色彩，色彩鮮明亮麗、質地柔滑。其毛掃質地柔軟，很容易便能均勻地把甲油推開，令效果貼服持久。

呢個我極之推介呢，其實我未寫呢篇 Blog前，已經周圍同朋友講 PUPA 呢個甲油好好用，個日我都有搽上手，如果技巧好，可能單層已經夠，我就搽左兩層唔駛加 Top Coat 已經好靚！個掃好好搽，個色又靚！

重點係。。。四十蚊咋！

我前買過一個M字品牌仲貴少少既甲油，個質素差到我掉左佢，但 PUPA 個甲油只係 $40 蚊，雖然係得 5ml，但其實好多時太大枝好快乾，呢個 size 其實岩岩好，另一重點係，女人係對妝物好貪新忘舊，呢個價錢會冇咁肉赤！

Giorgio 仲幫 Blogger VyVy 搽上 Divie Red 既甲油添，從中我都偷到師添！









多謝 sasa 既工作人員好細心咁安排埋 Cake 比我地食添！




最後梗係要同 Giorgio 影返張相先啦！嘻嘻。(冇化妝....因為搞錯左以上係化妝班:P)

最後提下大家，呢個系列係限量版黎架，快啲去 sasa 啦！

我係呢次活動答中問題，得到一份禮物，PUPA 仲送出左幾件妝物比我地，我決定左分開同大家分享，等等我，我會出一篇有關 PUPA Very Vintage 既彩妝分享呢！


* 呢排個人真係好唔妥，其實除左試用想同大家分享，都仲有好多飲飲食食買買買既敗文同生活上既野同大家分享，希望精神好啲更新快啲啦！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

Estee Lauder ♥ 升級版 CyberWhite Brilliant Cells

夏天都未到，就介紹美白？哈哈，美白呢，可以講係女生們一生持續既工程黎，一年四季都要美白，所以好多品牌而家都一年四季都會推出美白系列，見到上面呢張相，知道邊一枝係最新既美白系列嗎？



哈哈，就係左手邊個支啦！全新既 CyberWhite Brilliant Cells 全能細胞亮白系列既全方位亮白精華素 Full Spectrum Brightening Essence， 不單止淡斑，仲可以去黃，保濕，同時令肌膚通透亮白。





乳白色既精華，好易搽，好輕柔透薄，唔駛好多就可以搽晒全面，記得要連頸都搽埋喎，咁就唔會出現兩截色，美白兼且亮膚，因為早前試用保濕既關係，好少用美 白產品，雖然未致於深色左，但係的確係暗啞左，用左一星期，就覺得肌膚比之前光亮左！而且一般美白產品都會好乾，但呢個精華都唔會令肌膚好乾呢！

我會再試用多一段時間，希望每星期同大家報告一次，分享一下唷！

多謝 Beauty Exchange x Estee Lauder 今次既試用活動，今次係全新美白精華，我自己用既時候都好期待呢！再同大家分享唷！




p.s. 其實呢篇文章應該係2月17日出街的，而家遲左POST 出黎，但review 會呢兩日出返。

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

用完一枝又一枝 ♥ 油眼人必試 L'Oreal Curl Impact Collagene Mascara

如果有來看過我的文章，應該知道我是油眼人，最怕用眼睫毛液甩到眼肚變左熊貓眼，L'Oreal 係我一個長期都會回購既眼睫毛液品牌 (相關文章) 無論是試用或是自購，都用上很多很多枝了，由紅到藍到今次的金色，我都是忠實 Fans ！

忠實的程度是，抽不中試用都要自購，對！所以這篇不是試用文，是分享文唷！

最新推出的的是 L'Oreal Curl Impact Collagene 震撼捲曲豐盈睫毛液，我係萬寧亂逛時已經發現到，但因為係專門店會員購買會有折，所以我留返經過旺角朗豪坊的專門店時購買！



說真的，我很少用雙頭白色那邊，所以今次出單頭，很合我心水！
Curl Impact Collagene 的刷頭也有設計過，分有 Front 和 Side ，Front 那邊是很有 S 形曲線，是用來在眼睫毛的根部，以 Z 形上，增加眼睫毛的濃密 Volume 感，另外的 Side 是在眼睫毛尖處，拉出纖長 Curl 感。

〈Before〉



〈After〉


眼睛有放大的效果唷。這是我的大愛 ♥ 妝品之一，如果你也是油眼，也要試試唷！但要注意的是，這類用溫水可以卸除的 Mascara ，一般膠質也比較重，捲曲效果較難持久，要間唔中用眼睫毛夾一夾。但因為以溫水卸除太方便了，我的方法是沖涼時用溫水濕一濕，沖完涼濕濕既手輕輕一掃就會一條條甩出黎，一條條甩出黎既好處係唔會暈染眼肚，有啲品牌出品也可以用溫水落但會係甩色出黎，咁眼肚一樣會糟映！

還有這枝眼睫毛液原來添加水溶性膠原蛋白，可以內而外滲透眼睫毛並提升保水度，可以保水之餘豐盈雙眼呢！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

JILL STUART VIP Beauty Workshop ♥ 完美底妝工作坊

2月1日收到 email ，可以優先試用粉底同底霜 (3月1日推出)，雖然只係用過 Jill Stuart 既彩妝，冇用過佢既粉底同底霜，但又好有興趣，所以 Lunch 一食完飯就去比錢留位了。

我揀左上星期五晚上 7點至九點個場，一放工就搭叮叮去金鐘，今次工作坊係金鐘既 Conrad Hong Kong ，六點半我已經去到，第一個到場，坐底影下相，仲有土多啤梨奶昔。



完成左底妝示範後，仲有甜品食添唷，好靚呀，唔係好捨得食呢！



因為唔係 Blogger 既活動，所以底妝示範既時候我冇影相，今次優先試用既係呢兩款新品，黎緊春季唔再係素顏咁簡單，而係雪紡肌，所以新品 Smooth Silk Liquid Foundation 好吸引，而個 Pure Lasting Makeup Base N可以均勻膚色。一個完美既底妝，可以令彩妝更加突出。



每人都會有一面 Jill Stuart 既鏡，好靚呀！呢個係咪冇得買既呢？


每兩人中間會有一套底妝同彩妝試用。



先來試 Pure Lasting Makeup Base N


由右起01的自然色，02色紫色，03的膚色，我最後選了01的自然色，因為想要自然的妝感。



再來試 Smooth Silk Liquid Foundation



我最後選了103色，試了上面去比較後，還是喜歡自然點。



還試了以下的妝品，平時 Jill Staurt 的 Counter 好多人，雖然今次的工作坊不會有齊妝品，但都夠我們左試試右試試！














但因為酒店內的燈很黃，影相都偏黃，選粉底顏色時有點危險呢，怕選錯顏色呢！


最後每位朋友都有一份護膚旅行裝做工作坊的禮物呢！


至於我買左啲咩呢？因為新品未到港，要下星期再囉，到時再同大家分享我的完美底妝呢！

好開心係會場識到三個朋友仔呢，我地仲即場ADD 左FACEBOOK 添唷！佢地好勁呢，今年已經買超過左五千蚊既野可以有會員禮物...我仲欠好多呢........

今日出左三篇文，聽日仲會出一篇講我新買既 Mascara添！♥♥♥♥

抖抖啦各位！^^//

((想說的是，要知道文章是試用文又或是購物分享文，可以看標籤，如果是試用文，我會標籤為「試試用」如果是購物分享文我會 Label 做「買買買」咁大家就好清楚囉))

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！