Yummy Tuesday because Waffle Day - Gelare

認識閃閃既朋友仔，都知道閃閃不愛喝汽水(是不愛，不是因為減肥而不喝！)，不愛吃朱古力 (不是平貴或是肥唔肥既問題，純粹不喜歡那個質感，但是間唔中都會吃少少)，不愛吃雪糕 (由其是奶味超重的！不過如果好味另計，尤其愛雪芭)

所以當 Little Ka 邀請說吃雪糕的時候，我有想過唔去架！但好在原來唔只有雪糕，還有窩夫！好了好了，我是因為被窩夫吸引而去的！

說到被窩夫吸引，當然是因為閃閃喜歡吃窩夫，所以對今次試吃窩夫期望好高唷。

所以首先要同大家分享係窩夫，因為好好好好味！我實在要比好多個好字！
熱辣辣既窩夫，香口，脆脆地，再加上雪糕，實在好好好味 (我唔係想賣廣告的！但實在好味，閃閃之後帶朋友去食個個都讚好！) ，淋係窩夫面既 Honey ！味道好好好味！
配上蜂蜜脆糖雪糕，真係超好味！(個雪糕好煙靱，因為 Gelare 既雪糕係零空氣的)





唔配雪糕一樣好食，最岩情侶或朋友仔一齊分享，因為一份都算大份架！兩個人食岩岩好！


店主推介過大窩夫，我地都想試埋細窩夫！
不過呢正如店主推介，我地都係覺得大窩夫較好味，因為大窩夫係脆口的，但細窩夫比較淋！




閃閃不太識飲咖啡，但看見美麗的心心，就很想喝 (後來閃閃跟朋友來吃窩夫，友人點了一杯咖啡，佢話好飲呢！)


店主 Z 還準備了 Smoothies ，有鮮果和雪糕打成，好香好滑好好味！



閃閃推介：Honey Malt Crunch 蜂蜜脆糖雪糕




看到標題說 Yummy Tuesday！係因為據店主講，傳統留傳落黎係每個星期二都係 Waffle Day，係外國每個星期二，個個都會去食Waffle的！因為有「半價」
當然 Gelare 都一樣，每個星期二都係 Waffle Day，個Waffle 會半價架 (雪糕唔計架喎)
大家經過旺角家樂(離遠已經見到，經底白字招牌好醒目的！)，除左食街邊小吃外，又多一個好選擇了！

BE X 瑪花纖體 - 皇牌療程試用活動

多謝 Beauty Exchange 同瑪花纖體既安排，十一月初我去左試做佢地既皇牌療程。

閃閃唔係第一次做纖體既儀器，以前做過 Meet脂機，但冇乜效果，所以都冇再繼續，今次有幸試做瑪花既纖體療程，雖然只係試做一次去體驗，等閃閃同大家分享今次既體驗。




纖體顧問 Mary 首先同我講解我所做既療程「SX 微壓氣穴破脂塑身療程」以前一路都已經脂肪細胞只可以縮小，原來而家既技術係可以令脂肪細胞中既甘油三酸被乳化，然後透過按摩加速通過淋巴系統排走！

原理就好似下圖咁：


Mary 講解完之後，就係度身既時候，要脫剩內衣，都幾尷尬架，但之前做纖體療程都試過，因為纖體顧問要仔細了解我地既身體狀況，其實我地平時照鏡都可以了解自己多啲呢，今次Mary指出原來閃閃右邊腰位比較有腰型，但左邊就比較直(點解會咁呢！！！) ，雖然閃閃有肚腩，但唔算嚴重，最嚴重係雙腿，而且度身既時候，發展右邊小腿比左邊更粗(慘) ，最靚既一對手！Mary 話我要好好Keep住一對手臂既纖細(閃閃最呃得人就係上身，哈哈！)

之後去另一間房度做 Inbody Check ，得出既結果係 Body Fat 25.5% ，Mary話閃閃如果係23%會比較好，體重最好係107-115 之間。

上身都係標準，但下身去超標.... 嗚嗚....

係 Mary既建議下，為左有明顯既效果，就試做左大腿既療程！

黎緊一個鐘都係呢間房仔度啦！


因為影唔到纖體師同閃閃做療程既相，唯有比官網既上比大家睇！做大腿療程主要係做大腿後面的。所以大部份時間都係扒係度！



就係用呢部機器，首20分鐘係溶脂既療程，佢係以每秒高逢50萬次既正負極電流互動去引發「生物熱能」直達皮下深層脂肪，可上升達5 ℃ ~7 ℃體溫，然後就係人手按摩加上燒脂精華，去加速甘油三酸經淋巴按摩排走。

做呢部儀器既時候，會聽到刺耳既吱吱聲，咁纖體師就一路同閃閃傾計，其實啲吱吱聲對閃閃黎講都叫接受到既！




做完按摩之後，細心既纖體師比左杯暖既五花茶比閃閃！之後就做Sharper ，佢好似 MEET啲肉咁的，去收緊返做完溶脂後收型，唔太痛，兼且閃閃覺得舒服到訓著！哈哈~

之後纖體師叫閃閃去照鏡，發現雙腿既肉冇之前咁泡泡咁！有收緊左同提升左既效果！做一次就見到效果，讚！！

其實閃閃本身想做小腿多啲，因為小腿既肉比較成日見人，但Mary話閃閃既肌肉 (慘啦！係咪冇得救．．．．) ，今次試做為左睇到效果，所以揀左脂肪比較多既大腿！

之後 Mary話比閃閃聽療程既價錢，好似閃閃做既前兩 Parts！療程價每次$3000 ，而家 Package 10次只係$10000，仲有啲額外既配套，閃閃唔記得係咩添:p，10次都只係 $12500！唔係貴喎，而且比閃閃之前係另一纖體公司做更有效果！(有比較麻.....)

今次閃閃既體驗令閃閃對瑪花纖體更有信心，第日要塑身，瑪花將會係閃閃考慮之列呢！

再次多謝 Beauty Exchange 同瑪花纖體，另外都多謝纖體顧問 Mary 同纖體師 Annie (有冇記錯呢！嘻嘻！)

《女人因愛自己而美麗》 Sonia Rykiel Makeup Workshop -Part 2

我很喜歡 Sonia Rykiel 這句

《女人因愛自己而美麗》

上個月，如果有看過閃閃的部落格，都會知道閃閃出席左 Sonia Rykiel 既 Makeup Workshop (相關文章 Part 1) ，上次提過佢地既底妝篇，今次同大家分享彩妝篇！

再次多謝愛麗絲 (Yahoo 人氣Blogger！每天都有Update，好勤力同用心既 Blogger唷！閃閃都要好好學習)(賣口乖因為閃閃今次呢個Part 2太遲了)，閃閃得以第一次接觸 Sonia Rykiel 呢個品牌！Yeah!!!!

上篇文章提到今次既 workshop係由SR首席國際美容化妝總監OKAZAKI 先生親自教授，

做好底妝，就係化妝既時候，首先要化既，做係眼眉先，大家都知道只要畫好條眉，面部既輪廓就會好唔同，今次用既係SR既眉蠟+眉粉既組合，閃閃一向都用開眉粉，因為閃閃本身眉型都還好，只要加上眉粉就會自然得黎又加返啲色，咁會更好看！但有個問題係眉粉易掉色，基本上放工已經冇晒眉粉！

但呢個SR既眉蠟+眉粉既組合好好呢！佢首先用左眉蠟，咁可以fix 一fix 眉毛之餘，之前加眉粉就唔會易掉色，據OKAZAKI 先生講，就算落雨都唔怕！(閃閃用左多年既眉粉就黎用完，去過咁幾個化妝班，以呢個組合最得我心！睇黎都要入手了...)

下圖這個是化妝班用的，貨裝是圓圓的一盒，左邊一格眉蠟，右邊一格眉粉！


之後就到靈魂之窗-眼睛！

OKAZAKI 先生指出最重要係做好立體感，閃閃簡單講就係要用深淺不同既眼影，黎營造立體感既眼睛，先用淺色做出眼窩既輪廓，再用較深色的貼近眼線位置向上化開！(真係用文字好難解釋，下次 SR有化妝班，大家幾得報名參加！) ，試用 SR既眼影，發現上色黎很足，無論用手指或是用掃(因上次上另一品牌既化妝班，發現眼影用手指很難上妝！) 讚！



OKAZAKI 先生再講解眼線既技巧，閃閃用左紫色既眼線膏，因為紫色無黑色咁sharp，但深度較柔和，但都有將眼睛放大的效果！畫眼線不用一筆過，一下一下填好眼線，不用心急！


OKAZAKI 先生仲介紹左一個日本售賣既眼睫毛夾，叫 SUQQU，知道眼睛有得賣嗎？我想試下呢！SR既工作人員話呢個夾好好用架！夾出黎既眼睫毛好靚 ，據講大約二百多元一個(閃閃用既野越黎越貴...>.< ，最初用 Fancl , Shisedo , 之後用百多元既 Koji，而家仲想用二百多元既 SUQQU﹐又一次証明做人真係有要求先有進步...)

SR既眼睫毛膏都好好用，可惜閃閃唔愛用要用落妝用品先可以卸除既用品 (FOR 眼睫毛)



最後就係胭脂了，看到嗎？那個胭脂又是一行行色的設計，隨你喜歡在用在不同的部位用不同的色！OKAZAKI 先生話pink 既colour 較岩我，所以我01既胭脂！




最後就係唇妝了，閃閃不搽唇膏的，但試用麻，咁就要咩都試下先知好唔好！
不過因為閃閃有一支唇膏禮物，閃閃將試用品再同大家分享！

化好妝啦！係咪sharp 左啲呢，有睇上一篇都會記得閃閃個素顏樣！


最後OKAZAKI 先生同我地簽名合照留念，好似囉証書咁唷！哈哈


後記：閃閃之後去街街，因為個妝化得靚靚咁，個人都好開心，而因為粉底好水感透薄，一整天也沒有脫妝的問題，呢個豆腐粉底真係深深咁打動閃閃.....(又要駛錢錢了)

第一次覺得一個品牌佢每樣產品都做得好好！讚！(真心的！)
SR的BA亦很Nice，我之後都有同同事和朋友介紹，亦和朋友去概念店試試，雖然什麼也沒買(因為閃閃仲有好多粉底未用完.. 唔想又貪新棄舊)，但BA亦好nice ，所以令我留下好印象 (希望服務水準要好好keep 住呀！)

最後想再說《女人因愛自己而美麗》，最後閃閃覺得愛人會使自己美麗及進步，但愛人也要愛自己，要愛自己先可以令人愛唷！

SONIA RYKIEL 概念店
銅鑼灣世貿中心 P105A 2808 1130

SONIA RYKIEL 專櫃
油麻地永安 PLUS 2374 1371

Sonia Rykiel Cosmetics：http://www.soniarykiel-cosmetics.com/


Remarks: CMP.LY Disclosure 2

Gift from SASA

閃閃星期四收到個包裹，嘻嘻！打開黎睇先！

其實閃閃係SASA Facebook 上試用既活動抽中既產品，只要大家係 Facebook 既 莎莎香港 (Sa Sa HK) 度 Become a Fans！咁就可以係每個星期一，參加佢地既試用活動，今個星期閃閃好好彩，抽中左可以試用 NUXE Face gentle cleansing gel（蜂蜜溫和潔面啫喱），咁岩岩岩用完支 Curel既泡泡潔面，抽左Cleansing Gel實左太合用了！

產品資料
蜂蜜成分完美地與多種天然花卉及植物精華結合，柔嫩滋潤保護肌膚，給予臉部肌膚細緻呵護。金合歡蜂蜜、人參精華及植物性潔淨成分，清潔之餘不損皮膚天然水脂膜，同時可緊緻毛孔，中性酸鹼度，即使是敏感性肌膚亦可安心使用，包括敏感性肌膚及三歲以上小孩。配合清新香味，令人愛不釋手。

成分：金合歡蜂蜜、人蔘精華、極溫和植物性潔淨成分、蜜桃精華、萊姆花萃取液、合桃精華
使用方法：早晚取適量於微濕的掌心，並於面上加以輕輕按摩，然後用溫水清洗乾淨。

sasa 既公關好細心，包得佢好妥當呢！




就係呢支啦！閃閃尋晚同今朝用過，搽佢上面既時候好似搽honey上面咁，好香好甜 (好想lum下！哈哈) 而家天氣轉冷，用左佢都冇好乾好緊既感覺，閃閃平時唔用gel的！因為覺得泡泡會洗得乾淨啲，今次改變左我既睇法！等我用多一星期，再同大家分享用後感！


星期一又有另一輪既試用抽獎，大家記得留言參加啦！

多謝 Sasa，希望下次都咁 Lucky 抽左我試新品！yeah!

好好味既 Crunch Cake

今天星期六，閃閃要回公司工作，因另一部門的司級唔掂，累及我地個部門要幫手，好耐冇試過星期六返工了！今朝好冷，不過星期六果然冇乜人返工，交通暢順，大約一個鐘就返到公司啦！

係差唔多三點多，可以走得既時候，主子係 Grand Haytt 帶左 Cake 比我地食！正！

呢個朱古力既cake.... 太太太甜了！本身閃閃唔好食朱古力，但連食朱古力既同事仔都話甜！


呢個冇左另一邊朱古力塊既蛋糕，唔知好唔好味，因為我冇食呢件！



最好味就係呢個 Crunch Cake 啦！上次去 SEVVA 都冇認真食，今次切左一部份黎share，好好味唷！個cream唔太奶 (因為閃閃好怕奶味重既食物) ，個cream 好香！上面既糖脆好好味！正呀！唔知呢個幾錢件呢，下次去買黎食呢！


多謝主子賞賜既糕點！果然好好味！

Benefit Makup Private Party

上星期有幸抽中可以出席係沙田新 Benefit 專門店，參加由 Benefit 安排既 Makeup Private Party ！多謝 Benefit & Meling ！

七點要去到沙田，都真係有點趕，閃閃六點一放工就去搭隨巴再轉東鐵，去到沙田仲去 Citysuper買左啲野食填左肚，但原來去到 Benefit先知，PR 一早安排左野食比我地食，好貼心呀！

一開始，大家介紹左之後，就抽簽分組，我見到上一次我去Benefit 幫我 Wax 眉個個黑妹... 我個心係咁諗千萬唔好比佢又抽中我呀！聽聞佢地講黑妹係好出名修眉，但我上次去既時候，幫個修既眉個個同事都話有問題，個次既經驗其實係好差的，因為佢睇唔到我眉型既問題，只係不斷咁sell WAX眉既好處，我眉有高低佢又睇唔出，之後我啲皮膚又紅左一片同好痕咁，我擔心會敏感，但佢就不斷話唔會唔會...... 皮膚係我自己，有問題我自己會感覺到，所以個時我冇 JOIN到個修眉既Package，好在冇咋，因為第二日就出事啦！成條眉附近既皮膚都出晒白色既粒粒！我未見過咁出粒粒的！足足要三四日先退.....

個次之後，我開始擔心係咪我對 wax 有敏感.....

後來 Meling 出左 email 話有 Benefit 呢個 Party，我就報名，諗住再試下啦！

幫我地扮靚靚既 Benefit 人員，同我地三個 Beauty Bloggers 黎將合照先！



好彩唔係抽中黑妹，係另一組，首先 BA 同我清潔左皮膚先



然後就係用 Wax 修眉，同埋脫唇毛！今次個 BA好好，佢能夠指出我眉型既問題，亦都會話比我知佢會點做，先幫我 wax，然後又教我點樣 Keep住條眉會靚，仲有講到脫完毛如果有敏感可能出既既反應，我覺得呢個 BA 比黑妹專業好多唷！

第一次試染眉毛既服務，好緊張添，過程好快，大約五分鐘左右，染完眉之後，唔駛畫眉都ok唷！



搞掂之後，就去轉人比 Makeup Artist 化妝啦！MUA好專業亦好細心，仲幫我痴埋假眼睫毛！
化完妝成個感覺唔同晒呢！閃閃變得 Sharp左啦！



左邊係幫我 Wax 眉同上唇 ，仲有染眉既可愛BA，右邊係好有型既 Makeup Artist






Benefit 既 PR 為我地每一位 Beauty Bloggers都影一張寶麗萊留念呢！


之後仲送左小禮物我地點.... 但已經比我妹妹拆開左，希望之後同大家分享用後感！

下圖相片來源：Candy Yip Blog



今篇點長！希望大家喜歡閃閃的文章，請留個言給我好嗎？


再次多謝 Meling & Benefit ，今次可以體驗各項服務，以及可以感受 Benefit 護膚品及化妝品，很 Good呢！

後記：第二日，我的上唇出白色粒粒了，看來我那個麻煩又敏感的皮膚不適合用 Wax來脫毛！其實用 Wax 修眉確實比用夾夾乾淨得多的！我的問題大約是個別問題吧！

Auntie Anne's @ CWB Time Square

前日係 Time Square 閒逛的時候，發現左 Auntie Anne' s 係銅鑼灣 City Super 度開左檔仔！
好耐冇食過啦，因為平時只有去開旺角新世紀廣場先會食！

尋日因為經過既時候已經食左野，肚仔冇空間再容納佢，所以今日一放工趁空檔去左買黎食！我手上呢個係玉桂糖圈圈，成個都係玉桂糖黎架，佢有好多隻味道的 (因為最愛玉桂糖，唔記得仲有其他咩味了！哈哈 :P)

黎到銅鑼灣開店，佢價錢貴左，我呢個要20蚊一個，仲要冇係平時旺角時既買三送一(之前買二送一添架)，不過佢好好味，貴啲都係銅鑼灣買啦！近麻....

佢仲有個檸檬汁甜甜地幾好味架！大家去行街可以多一個選擇買零食唷！

仲有好多其他味架！

「千秋樂」 短期內都唔會再想去.....

十月尾閃閃同埋同事約食飯，因為有同事喉嚨不適，所以就去左食一餐日本菜，選左平日午餐有去食過的「千秋樂」


首先講下食物先。

我地今次點左分別有：

蒜子牛柳粒 拼 香煎銀雪魚 - 幾好食，香口！唔錯唔錯



牛油果軟殼蟹卷 - 幾好味！




雞泡魚干 + 枝豆 + 鹽燒鴨舌 + 蟹子沙律 + 海膽手卷 + 明太子尤魚壽司

雞泡魚干好香口，男人去食送酒最岩。 海膽手卷唔掂......





稻庭冷烏冬 - 都ok ！


散叫刺身 (赤貝、三文魚、帶子、甜蝦) + 龍蝦刺身 (特價 $99)



九時後的特價壽司





海鮮粥出場，最出事就係呢個海鮮粥了，分好左，一食，嘩！好咸，食左兩啖！另一個同事覺得好有問題，叫我地唔好食，叫侍應過黎，個侍應係咁解釋，然後我地叫佢叫部長黎，個部長黎到，好唔相信咁，我地話唔信你可以試，佢竟然真試食先同我地換... ，其實我地話咸就應該即換，你要試囉入廚房試，但唔應該係客人面前試！



部長行開一分鐘，我地覺得都係唔好了，所以叫侍應通知話要取消，都係一分鐘內，佢話已經落晒料喎... 咁好啦！再等一陣佢再送過黎，個感覺好似白粥加返頭先個窩海鮮落去咁，啲粥冇應有既鮮甜味，個粥底仲要淡而冇味！

其間仲見個廚房師傅走出黎望我地，其中一個肥肥地既侍應對我地黑面之餘，仲要係度話個粥係咁，唔夠味可以加豉油或者魚露...... 但我地係食海鮮粥，應該好有鮮甜味......而唔係食豉油粥



另外明明我地個龍蝦刺身個頭唔要黎整湯，明明個侍應都知，仲有回答我地，但係最後又自把自為煮左湯！(另加錢的！)個幾十蚊算了，已經覺得佢地既服務有問題。

其實食物並唔係突出，但幾好味已經都ok的了，但服務差.. 我真係唔想再去幫襯！

另外座位安排都好有問題，我地五個人要迫係四人枱，但明明個度客人唔多，仲有好多枱剩，係咪咁有需要我地屈係一張四人枱度呢！問左幾次都唔肯加多格枱，最後要問部長先即刻加... 其實如果full，咁都會好明白，但問題就係個場跟本係好多枱剩........唉.. 真係唔係好明佢地諗咩....

埋單$1100 (5人) ，以呢個價錢可以食另一間囉..... (仲要已經八折左了....因為有member card)

Open rice Link :
http://www.openrice.com/restaurant/commentdetail.htm?commentid=2042862