Red Nail

見到 Sasa 係 Facebook 搞左個 Sasatinnie dolly fantasy color 活動，閃閃都去左 Sasa 買左兩支指甲油！(兩支呢.. 係因為 $35/2枝)

揀左一隻閃閃從來都唔搽既紅色！因為一直以來都覺得搽上手會好怪！但見人地個啲又好靚，所以就係呢個 Christmas 試下佢啦！(閃閃開始勇於嘗試啦！哈哈)

上圖既紅色，只係搽左一層，就好上色，而且自己覺得一層已經好夠！想再實色啲可以再加多層！個頭好易掃，呢個價位有呢個質素相當唔錯，但係個指甲油啲味太勁了！久久不散.... 家中有嬰兒，唔係咁好.......

之後閃閃加左 Anna Sui 既閃閃甲油！但後來覺得只係紅色會更靚！下次唔可以多手了！

最後加一層 Mavala 既 Mavadry 甲油快乾液，大約一分鐘多就乾透，好好用！

左起：Mavala - Mavadry ($43 @sasa), Anna Sui, Sasatinnie - Super Dolly Fantasy -Rose ($38/2 @sasa)


好唔習慣有深色既甲油係手指甲上！不過紅色會映得雙手更白，另外買左粉紅色，要等BB唔係家先可以再試了！

如果 Sasa可以整埋色辦就好了！咁唔駛估估下搽出黎既效果唷!!!

Maybelline X theZtyle [Magnum 瞬盈睫毛液] 試用

多謝 theztyle 抽中，閃閃可以試用近期既廣告寵兒阿SA既其中一個代言品牌(最近阿SA既廣告可真多唷！好在一啲都唔會有混淆既感覺呢！但全部都同 Beauty 有關！)

今次呢枝 Mascara 有好醒目既包裝，紫黃色！好鬼 Sharp

個掃頭真係好大，係佢今次賣點之一，一邊係比較幼身，打平就係扁平既掃頭，可以自己就角度黎搽 Mascara！

熟識閃閃既朋友都知道，用 Mascara 我只會用可以用暖水落妝既 Mascara，因為比較方便，唔駛用油落妝，咁又可以懶一個 Step，但係一般可以用暖水落既 Mascara ，膠質比較重，要間唔中用眼睫毛夾夾一夾！先可以Keep住靚靚既雙眼！同埋冇咁濃密的，咁其實呢... 對眼真係冇咁有電力的！

今次抽中囉返黎先知呢個係要用油落，但係閃閃抽中左試用，點都要試用先得架麻！所以閃閃都囉到返黎就一直用到今日啦！

但自拍好難影對眼，所以又係借左妹妹對眼黎做示範！(未搽前)



搽左一層咋！


正面睇，長左好多架！有濃密同增長既效果


用後感：閃閃係超油眼，最注意就係有冇甩左啲 Mascara出黎變左 Panda ！
可惜閃閃真係太油了，都係有少許甩色既情況，但係又比我以前用既Waterproof Mascara 情好好多，只要補少少粉問題唔大！所以閃閃都鐘意呢枝 Mascara架！因為確係好易搽到好濃密既 Mascara 效果喎！

但係呢... 因為閃閃既妹妺唔算係超油眼，而且借用左枝 Mascara一日去飲宴比人激讚佢搽左 Mascara 既佢對眼好 Sharp後，妹妹已經搶走左佢了......

Mayelline 以往出既 Mascara 我都有用過，今次確係覺得呢枝好用！而且只係 $99蚊！真係好抵用！

關於落妝：閃閃係用 Faxxl 既落妝油黎落，都能夠落到，只係還有少少係眼肚位要用棉花抺走！唔算好難落，都ok 架！

再次多謝 theztyle 同 Maybelline！閃閃仲要化一個妝添唷！但原來閃閃冇黃色同紫色既眼影... 要買左先可以再同大家分享囉！

theZtyle x Loreal RevitaLift 緊貼提升舒展面膜試用

抽中左 theZtyle 既試用，可以試 Loreal Revitalift 最新既面膜，未囉之前... 閃閃係度諗，閃閃都唔係好大年紀呀.... 以代言人鞏俐來計，閃閃距離要抗皺應該仲有一段好長既時候喎.... 但又諗，正所謂，預防勝於治療，到要救既時候... 就遲了...

4 in 1 既功能，集緊緻、提升、抗皺、同保濕既功效，等閃閃試下係咪好貼面先！


貼面度：
相當貼面，可以舒展既織布面膜，有彈性，可以拉緊貼面，眼位部份雖然有照顧埋，但係可能剪裁問題，唔太貼伏，但都ok 的。面邊都可以拉向耳邊！



保濕度：

洗完面有30.9%，敷完之後五分鐘，水份都仲有58.5%！保濕度好好！



用左二片了，一盒內其實有四片，每星期大約可以用二片，如果以閃閃既年紀，閃閃覺得一星期用一片可以了，保濕度唔錯！用完皮膚都仲係好滋潤，過左一兩個鐘都冇乾既感覺，精華應該都吸到皮膚內！

入面有24ml 既精華，成份包括左維他命原A，可以激發肌膚新生，等皮膚冇咁薄！仲有佢地既專利成分 Fibre-Elastyl，可以緊緻同保護彈力蛋白纖維防止退化！

總括黎講，閃閃覺得呢個係保養類既面膜，即係唔駛日日敷，一個月用幾次黎做保養就ok，當然要睇埋自己皮膚既狀態啦！同埋呢啲抗皺同緊緻既用品唔係用一兩次就有效果，如果有需要就唔可以懶啦！

多謝 theZtyle 今次安排既試用！

「唔駛找, 聖誕快樂」大行動

Copy From Facebook events 「唔駛找, 聖誕快樂」大行動

如果用$2便可溫暖一個人, 你願意嗎?

我們每天都在忙工作, 都在計較得失, 總怕賺不夠錢...然後又付出大量金錢去買時間、買開心。
事實上, 有種滿足感、有種快樂, 花費無幾, 效益卻很大: 施比受更有福!

我想趁這個冬日, 邀請大家一起跟我實行這個「唔駛找, 聖誕快樂」大行動。方法很簡單:
請大家下次買煨蕃薯、買糖蔥餅、買旗、乘的士、去街市買花、買菜時, 如果找續零錢不多, 請向對方說句:「唔駛找喇, 聖誕快樂!」需知道在寒冬天氣下在街頭擺賣, 在戶外工作其實真的很辛苦。就當是慰勞他們辛苦為我們服務, 或是趁聖誕行善積福也好。既然你不介意付出幾百一千買衣服、去派對、乘的士...請不要吝嗇那幾塊零錢, 為別人送暖~

你也許不知道, 你的一塊幾元, 你的一句「聖誕快樂」, 會有多溫暖人心~


註: 小妹發起這個活動, 是因為我自開始賺錢以來, 每次在冬天經過又一城接駁火車站的天橋時, 我都會向一個老伯伯付$20買一塊$5的糖蔥餅。伯伯年紀又大, 賣糖蔥餅賺來的錢亦不見得足夠糊口, 還要在寒冬下擺檔, 其實真的很辛苦。但我覺得需要幫助, 並不只伯伯一人。我希望可以透過facebook這個強大的網絡平台, 邀請大家跟我一起行善。用少少零錢, 讓每個人都感到 love and care~


雖然聖誕已經過左了，但閃閃想，溫暖人心的事！每天都可以做的！
閃閃前幾天，在天水圍輕鐵站邊，有個婆婆用紙造左啲唔同造型既掛飾，閃閃同妹妹都覺得婆婆好花心思！最後用 $20買了這個$5的魚魚。雖然唔係多錢，但希望婆婆有個開心的聖誕唷！

其實只是行簡單的事，大家可以做到，請支持這項活動唷！

Neo Derm Group Blogger X'mas party @ Fusion Gourmet

聖誕節前，出席左 Neo Derm 為 Beauty Bloggers 搞既 X'mas Party (今年係閃閃去得最多 X'mas Party既一年！多謝各位有邀請閃閃既 PR唷！) 我約好 Candy 放工時間係銅鑼灣行個圈！就搭MTR去上環了！

今次活動係係上環 Fusion Gourmet，一去到，就見到熟識既面孔，今年閃閃因為寫 Beauty Blog既關係，識多左好多好朋友，係呢個每年最有節日氣氛既日子見到大家，閃閃真係好開心唷！

多謝 Neo Derm 咁多位靚靚 PR既悉心安排，就品牌整左唔同既遊戲比大家，仲有豐富既禮物 (閃閃中唔到呀..... ) 但真係好開心呢！

Fusion Gournet 係五樓廚房的另一分店，售賣世界各地既肉類，係店內食過好味，但可以買回家自家煮！(來年閃閃其中一項要做的事，就是學煮野食，雖然閃閃都可以煮到幾味！但都只係幾味！唔夠唔夠，可以煮出美味既食物同愛人分享，係人生一大樂事！)

周圍都是被食材包圍住，哈哈。如果你的女友是喜歡煮野食的女生，一定要帶她來吃個晚飯唷！


一黎到，首先叫杯野飲先！Welcome drinks 一共好像有四款，閃閃選了圖中這杯，甜甜的，很適合閃閃！(哈哈，閃閃忘記了什麼生果的 Drinks了.....)


之後就係麵包了，這裡的麵包是自家制，閃閃個人來說很很很喜歡，外脆脆的，內軟軟的，好有「口感」，而且好香好香添唷，不過因為之後有更加好味既野食，所以唔可以食咁多呢！


個牛油好似係打過的，搽上麵包好好好味唷！




今次安排左 4 Course Dinner比我地 (後來在 Meling 既 Blog睇到，Fusion Gourmet 的聖誕餐每位 HK$688 + 10%，同我地食呢個 Course 差唔多，但會多左個 Seafood Platter)

Appetizers : Pan-seared prawn with fresh hand-picked crab meat, oven-roasted tomatoes and basil pesto
因為另一道係鵝肝，看過有關鵝肝既片後，閃閃就唔想再食鵝肝了..... 所以點了這個帶子加蟹肉既開胃菜，最得意係三片紅黃橙的東東，我初初以為係椒黎，我不吃椒的，後來經理 Tony來介紹，先睇清楚... 係番茄，唔同顏色既番茄，只係睇顏色既配搭，其實已經好開胃了！嘻嘻！


Soup : Tomoto Seafood Soup
呢個番茄海鮮湯實在好正，因為另一道湯係南瓜，所以選左呢個湯！好濃好濃既蝦味，好鮮甜，入面亦有好多不同既海鮮食材！真係好正唷！



Main Course: Grilled U S Kurobute Pork Rack from (Snake River Farms) with beans and rosemary sauce
選主菜的時候，侍應就這裡最有名的是黑豚，而因為我已經非常罪過地食左海鮮類了(閃閃皮膚敏感中！)，所以平日少點豬肉類的我，點了這黑豚！
一上枱，好大份，仲諗住，咁多，閃閃點食呀？
最後..... 因為實在好味，閃閃食晒添唷.....



Dessert


甜品叫做不過不失，但因為閃閃當日趕住走，所以錯過左之後既特別甜品......

當日除左食食食之外，仲有抽獎同遊戲玩！過左一個好開心既晚上！






Fusion Gourmet
地址：上環文咸東街22-26號柏廷坊1樓
電話：2545 0068
(五樓廚房的Web Site)

SOS 急救皮膚的法寶

最近天氣好乾，又時凍時暖，多謝「蘋果的化妝箱」送左枝 SOS Relief Body Lotion 比我唷(抽中左，Lucky 唷)，最近 Nivea 呢個品牌個個都記得呀！多得消委會做既眼霜測試。

Nivea SOS 速效潤膚乳液

閃閃皮膚唔算太乾 (for my body skin only)，但又因為懶，天氣轉凍又懶再搽 Lotion (千萬唔好學閃閃，閃閃懶左兩日咋，就出事了 >.<)，皮膚敏感到要睇中醫，主要係膊頭位置，但係因為呢個 SOS LOTION有香味，我怕香味會令皮膚更敏感，所以唔敢搽係膊頭位置，但因為手手腳腳都開始乾到痕痕地啦！要急救佢地先得啦！ 純白色既乳液，質地好水水的！好易搽開！閃閃覺得吸收度唔係太快，都算係慢慢吸收。

(photo from http://upload.wikimedia.org/wikipedia/commons/1/15/Calendula_officinalis.jpg)

呢朵知唔知係咩花呢？？
佢係金盞花，係呢枝 SOS LOTION 其中一個成分 Calendula Oil (金盞花油)，金盞花油對於消炎、促進傷口癒合、皮膚龜裂有很好的效果，而且非常溫和。


又係時候睇下水份機既測試啦！




搽完之後，皮膚既水份多左6%，唔算升得好勁，但皮膚感覺有左lotion 既保護，而且佢既成份係深入皮膚底層去誘發天然既滋潤同修護能力！令皮膚24小時有深層滋潤既效果。佢又確實令我皮膚冇左乾燥感。



順帶一提，唔好等皮膚出事先去保護呀！出事先保護就有排搞架啦..... 學阿SA話，女生要「白」同「滑」，肌膚滑溜都好有手感架！哈哈哈~~~~~~~~


溫馨提示：開左黎用12 month 就要用完佢架啦！

再次多謝 「蘋果的化妝箱」安排既試用。

來自遠方食物的引誘

雖然最近常常都釀著要減肥，但望見好味的食物，總是一口一口都吃下肚！閃閃可時才可以減肥呢！

多謝朋友仔從台灣帶回來，維格的綠豆糕，閃閃很喜歡吃這品牌的綠豆糕，可能是用料不同吧！有一次吃過另一朋友帶回來的另一牌子的綠豆糕，嘩！很難吃，看看原來用豬油做，感覺不好吃！



一盒十件，在台北機場第一航廈二樓可以買到！
維格出品的水準很穩定，多年來味道也沒有變差！GOOD！
外面黃黃地色係綠豆做，中間夾著紅豆蓉的！好味道！



另一個是朋友從新加坡帶回來，Pandan Cake (斑蘭蛋糕) 係用斑蘭葉做的，綠色的蛋糕，很鬆軟很香，因為閃閃公司有新加坡同事，所以以往都是吃機場買的Bengawansolo Pandan Cake ！今次朋友到當地公幹，當地朋友買了另一牌子給閃閃的朋友，所以閃閃可以試另一牌子了！






下星期閃閃的新加坡同事又回鄉了，閃閃要再次比較Bengawansolo 和 Garden 味道的分別！因為我覺得 Garden Pandan 的味道較淡，要再試試 Bengawansolo的是否比較香濃！但Garden的 Pandan 好像又比較鬆較喎，都好好味唷！！！

感謝朋友仔送給閃閃他方的美食，讓閃閃可以在香港也可以吃到來自遠方的食物唷。

果然係清爽不油喎

早前係 Facebook 抽中左 Mane 'n Tail 既 Hoofmaker - Hand & Nail Therapy 黎試用，多謝安排，上個月尾收到支 Hand Cream 了！

閃閃一向好好好好好好怕用啲好油既 Hand Cream，最怕就係用完佢去洗手，好似成隻手都係油包住咁，洗唔到仲油膩膩，所以一收到呢支 Hand Cream，第一次時要試下佢，睇下會唔會好油膩！！！

黃黃地，質地唔會好杰，好易推開全手，而且好快吸收，用完佢之後，感覺到對手好似夏天個時天氣唔乾燥，對手唔乾有水份既感覺！而且唔油膩喎！個日係公司，搽完佢，被紙戒左一條紅紅既痕，以為會流血，點知過一陣就冇左條痕，即係佢有滋潤同保護左皮膚喎！！！

而且個味都幾香，但我唔識形容係咩味！唔知係咪椰子油既味呢！？


用水份測驗機測試下先！

未搽之前


搽左之後


據官網寫容折斷指甲，咁我要多啲搽係指甲上黎保護指甲先得，因為閃閃成日都搽指甲油，雖然係用左底油，但係始終化學野係會傷指甲既，呢枝 Hand Cream既可以滋潤手部，又可以強化指甲，的確係好讚！！！

而且呢！170g大大枝都係62蚊！

手甲深層潤膚霜
Hoofmaker (170g)
HK$62
http://www.manentail.hk/products.php

Starbucks X'mas Party - 禮物篇

看到上圖，看到是什麼字嗎？

閃閃也有願望，但閃閃的願望看來是要首先唔好懶同要好好愛自己，才可能有機會實現。
今天台灣那邊地震，閃閃看到內心一沉，現在是希望地震震區的居民會平平安安唷~~~~

你有什麼願望嗎？ Make a wish！首先要內心有想實現的願望，才會有機會實現唷。

看到這個 Wish ！你會估到這個是什麼來嗎？？？






哈哈，很難估吧！我拿著這個走在街上，有遊客問閃閃這個在那裡買，我到化妝店看化妝品，店員也來問我這是什麼來的唷！

如果你有看閃閃的美食篇，會估到是什麼來？？



登登登，答案是 Starbucks 送的小紅絨袋，很美吧，美得閃閃不捨得用，但不用只放著又浪費了！閃閃很喜歡這設計，通花的，很有心思的一個小挽袋！


有星星的圖案呢！看到嗎？？？


想買嗎？OH SO SORRY，這是非賣品來的，我不知道這個在美國是否可以買到，因為上面印了USA 及價錢 US$3.95，如果你很喜歡，可以找找在美國的朋友問問唷！


另外袋裡還有禮物，左邊是 Party吃完甜品的小小杯子，紅紅的很很可愛！閃閃很想要多一只！因為小小的杯一對的，很有成雙成對的感覺！
右邊的是 Starbucks 送給我們的杯，每袋不同，閃閃抽的本來是雪人的，是後來公關手上有一只，閃閃立即換了！很可愛吧！沖一杯熱飲，很窩心唷！！


最後還有兩張 Tall Size Coffee Coupons！ THanks Starbucks!!!!!


Become a Fan with Starbuck Hong Kong right now, let's Starbucks!!!!!!

THanks Meling, Starbuck PR's , THanks all, Let's gathering @ Starbucks next time!!!!!

CHANEL Skincare & Makeup Workshop

早前閃閃有幸出席 CHANEL 為 Beauty Bloggers 們搞既聚會及活動 (相關文章) ，今次第三部曲就係 Skincare & Makeup Workshop 唷！

位於中環置地廣場上的 Office ，地方好大，一貫的黑白感覺。

靚靚既 PR們為我地準備左小點，好貼心唷。



每人都一面鏡，好正既鏡，又係有黃燈同白燈，黎配合化日妝定夜妝！



每人都有一份工具，嘩！成套掃每人一份，仲要清潔好，我好想要左佢唷！(我去過其他品牌既Workshop，要同其他人share ，感覺冇咁衛生！) 好貼心，讚！！！



都好齊全呢！


首先由 PR小姐 AVA 講解 CHANEL Skincare 既 Product，唔講唔知，原來 CHANEL有自己既一隊 TEAM，負責去世界唔同既地方，包括一啲好落後既地方，去了解佢地既文化同風俗，同埋醫藥等，咁從而發掘一啲唔同既楂物品種，帶返實驗室去研究唔同既物質會唔會對皮膚有用！

AVA都講解左幾款唔同產品內既原料尋找既過程同發現，原來很有趣的！大家用既 CHANEL Skincare 既時候，原來內裡既原料係黎自世界各地。

Ava 仲有同我地講解係屋企既日常護理，閃閃仲係懶，冇常做按摩，要勤力啲先得唷！



之後就係 Makeup Artist 做妝彩示範了，唔講唔知，CHANEL既 Makeup Artist 全部都係男性！


其間介紹左今次 Christmas 出既化妝掃 SETS，但係...當日介紹既時候.... 全線已經賣晒了！



下面就係今次閃閃用既產品！！！



今次既彩妝示範，係今季最新聖誕彩妝系列，據講 CHANEL 既彩妝創作總監 Peter Philips 每季都會係 COCO CHANEL 既舊居同物件上囉靈感，今次既靈感係黎自 COCO CHANEL 舊居既一個金色鳥籠擺設，


LES 4 OMBRES 四色眼影 Bird of Paradise $435
原本一見到個四色眼影，覺得好誇張，自己搽上眼會唔會唔靚，後來同其他 Bloggers 傾返，都有呢個感覺，但係到一步步咁搽上眼後，原來好靚架！



多謝 CHANEL PR既安排，剛好三小時完成今次既工作坊，仲要係為我地度身訂造既工作坊，等我地再了解 CHANEL既產品多一點唷！

完結了嗎？尚未完結呢，下一parts 再同大家分享彩妝！