SKINVITALS 「BRIGHTEN 透徹亮白系列」

又一次多謝 Meling 同 SKINVITALS 品牌公關送出一套四件既美白套裝
左起：
BRIGHTEN Everyday Illuminating Lotion 亮白光采日夜乳液 $159/40g
BRIGHTEN Vitamin C Concentrate 亮白水凝精華 $159/15ml
BRIGHTEN Brightening Eye Cream 多胜肽亮白眼霜 $149/15ml
BRIGHTEN Pigmentation Corrector Pen 亮白淡斑精華筆 $129/3.8ml
(各詳細資料可看官方網站或Meling相關文章介紹)


質地：
左起
BRIGHTEN Everyday Illuminating Lotion 亮白光采日夜乳液
-呢個LOTION好易推開，少少笠，但我覺得雖然佢話有保濕成份，但對我皮膚黎講唔夠保濕！
BRIGHTEN Vitamin C Concentrate 亮白水凝精華
-GEL狀，都係有少少笠笠地，但都好快吸收！我連頸都有搽，因為想同塊面balance 返！
BRIGHTEN Brightening Eye Cream 多胜肽亮白眼霜



BRIGHTEN Pigmentation Corrector Pen 亮白淡斑精華筆
呢支筆仔呢，我扭左好多下好多下先出到！坦白講，我覺得個設計唔係咁好，佢既容量得3.8 ml ，但支掃都應該吸收左少少，而且個掃太長了，唔係咁好掃，用左幾日，唔覺得啲斑有好明顯淡左，可能仲未成日用啦！

反而亮白光采日夜乳液同亮白水凝精華，用左個幾星期了，皮膚真係去到黃，有少少白左添，LOTION唔駛好多，就可以好好咁推開成塊面，我連頸都有搽，頸我都覺得有少少白左！
而精華呢，咁一下，都夠搽成塊面，其實我都唔知係精華work 定係lotion work，但係我諗雙管齊下，就可以美白兼均勻膚色呢！以呢個價錢做到呢個效果，唔係咁多美白產品可以做到，所以我覺得呢個好好用同好抵用！


之至眼霜呢.... 我暫時未睇到可以淡化眼紋既功效，可能眼睛既野，要用多一段時間先會有效啦！
不過講起眼霜，佢同精華一樣有個膠蓋，我好唔鐘意呢個Design，好難up得好！如果唔up 呢，眼霜樽口既cream 會硬左... 又浪費左啲了.....(呢樣野真係要改善下喎)，如果up佢呢，又會唔小心咁咁到佢喎... 又浪費左....

用左一個多星期就見到有去黃既效果，好GOOD呢！希望Keep住用可以白多一兩度啦！

多謝Meling同SKINVITALS PR！Thanks!!!!


延伸閱讀
Meling : 新品上場 + 試用招募：澳洲 SKINVITALS 四大皇牌

仿似置身花園裡的感覺 -FA "Golden Star" 香體止汗露

首先唔好意思，因為太忙了，篇文打好左大半但又未有時間影相。終於影左相相了(但唔多夠，今晚返去再補先得！)。

多謝Meling, HKCOSME.COM 同埋Fa 送左一套兩支既"Golden Star" 香體止汗露比我試用，咁岩我又終於用完自己個支 (品牌RXXXXX，終於用完係因為真係唔想浪費，但係隻味真係唔Like，好"攻"鼻..... ) 一收到即刻打開黎試下！

我自己比較鐘意走珠式既止汗露，因為以前試過其他牌子既噴霧式止汗劑，一噴之下，成個浴室都好似煙霧迷漫，仲要好大陣化學劑味，香味又太假，好似密室殺人咁！抖唔到氣 (冇誇張到，我真係覺得唔可以抖氣架....) 所以我頭幾日係試走珠式的！


我收到呢支係淡淡的茱莉花香味叫Golden Star - Glamorous Fragrance，唔太假，又唔難聞 (難聞既.. 真係好難受...而呢隻淡淡既香味，真係好吸引) 係而家30幾度既高溫下，用左成日都唔覺得有出汗！可能呢幾日運動量不大，不過呢，到晚上既時候，好明顯感覺到冇初初用既時候咁清爽了！
香味：☆☆☆☆
持久：☆☆☆


另一支成支Pink Lady咁叫做Pink Passion (Floral Fragrance)！但噴霧式實在唔想試，但係我要寫報告架麻，唔！！！點都要試的，好啦！

去街街前，攞佢入浴室試下！仲要開住抽氣扇 (我唔想焗死我呀) ，噴黎試下啦！咦！好似OK喎，冇好大陣化學劑味 (係冇好大陣，但都有，但冇之前另一品牌用個支咁殺死人！) 唔係因為有得試用所以讚佢啦！但佢既香味討好，唔會太假，又唔會濃到蓋過香水味 (我之前用個隻... 陣太假既香味好勁！)，持久度呢，都係一定唔會有24小時止汗效果架啦！但都KEEP到半日好清爽！GOOD!!!我諗我之後都會買呢個牌子既止汗劑，因為個香味對我黎講，真係好重要。

香味：☆☆☆☆☆
持久：☆☆☆

FA呢個牌子呢，坦白講，之前一直冇諗住買，我用過好幾隻牌子，但從未用過FA，根據Meling 介紹，FA係德國牌子，而且係德國製造，再運輸黎香港，成本不輕唷，但係佢又賣得唔貴，今次可以試用，對呢個牌子另眼相看！我比☆☆☆☆☆推介，佢既香味，令我有仿似置身花園裡的感覺，可以再配搭相配既香水。

溫馨提示：原來止汗劑係應該沖完涼擦乾水份就用，唔係出門口前用，更加唔可以出左汗先用唷。


走珠式止汗露原價$23.8/50ml
特價$17.5
噴霧式止汗露原價$30.8/150ml
特價$22.9


延伸閱讀
Meling ：教你施展「女人香」時尚魔法 , 善用「女人香」改善兩性關係

Pot of Gold Skin Balm

剛過去的冬天，皮膚敏感，用藥黎治療，感覺始終唔係咁好，最後上網搵到化妝師Gary介紹既Pot of Gold Skin Balm！

之前都有用 Vaseline (凡士林)，但係我覺得用左都係冇乜特別好到，而且雜誌上網都有人話 Vaseline 唔好，因為佢係石油副產品黎。所以之後就佢有介心了！

所以見Gary介紹呢隻Pot of Gold Skin Balm！我就上網搵有關佢既資料！

「著名化妝師 Gary Chung 於他自己的blog及雜誌上，都曾經大力推介這瓶來自紐西蘭叫做「Pot of Gold」的 multi-purpose skin balm (多用途軟膏)。此產品原來是紐西蘭皮膚病人專用的有機護理霜，因為他們不能接觸任何化學物，只有這急救霜能舒緩他們的皮膚問題。其後連醫生、護士及化妝 師也發現它的神奇功效，特別是用於眼紋、爆拆，甚至對濕疹及去疤也有極好效果。

這瓶軟膏的成分只有天然油及蜂膠 (beeswax)，75% 是使用有機品製做。不含香料，不含類固醇，及不含任何致癌物。也不含石油製品如 Petroleum，譬如說同樣質地的 skin balm 如 Vaseline (凡士林)，主要成分就是 Petroleum 了。濕疹患者如果接觸了含石油製品的產品，有機會引致皮膚的抵抗力下降，會令到濕疹更難診治
另外這個 Pot of Gold 的 skin balm 也有嬰兒用的
baby skin balm 版本呢！小 baby 也可以擦哦~連妊娠紋都係靠佢！ 」

見好似真係好好咁，而且有75% Organic 我經Y拍向Seller訂購，訂左返黎搽係敏感既地方，又真係好似好左啲喎，但係唔係仙丹要慢慢黎！而且佢仲可以搽眼紋同當做LIP MASK！
所以如果有敏感or有濕疹，都可以試下唷！！

用左好多了，質地似凡士林



可以用心手暖左佢先，再搽係如眼既位置！

Bobbi Brown 修眉

昨天去了Bobbi Brown修眉，其實我之前一路都沒有修眉既意識的，可能因為我眉都算濃密同粗，所以以為唔駛點搞，但係呢，人越大越貪靚(其實係希望自己喜歡的人覺得自己靚靚咁)，不過呢，又因為人地話比人修壞條眉會唔好，所以一直都唔敢試，直到Meling係Blog(最新相關文章)有提及修眉，所以就問佢邊一個好！Meling 介紹左我去Bobbi Brown！

我去個間已經係要Book成個月了，所以我第一次Book既時候，都等左一個月，去到呢，BA姐姐好細心咁問左我想要咩眉形，佢好專業咁左夾夾右夾夾，就修好我條眉啦！修完眉會用遮瑕膏遮住因為拔眉毛皮膚紅左既地方，再畫返條眉

之後我試過去IPSA既I-PLACE修眉，但係呢，都係唔夠專業，IPSA既BA姐姐發現唔到我眉形既問題，修完之後效果唔理想，而且我仲要紅住咁走，我問佢可唔可以幫我用遮瑕膏遮一遮，佢只係答我一陣會冇架啦... 唉... 我離開左之後係銅鑼灣鬧市行架麻.. 要見人架....

所以最後都係返返Bobbi Brown修眉，尋日去修眉，因為之前放工時好趕，只係好快手咁搽左胭脂，但原來搽錯左位，BA姐姐話我其實要掃胭脂係低啲既位同唔好只係掃Apple Zone，要搽後啲，咁先會影得我飽滿啲！

我係度打算緊係咪應該去Bobbi Brown度開化妝呢~~~~

$150一次
買五送一，平均$125一次。

Sofina AUBE Couture designing eyes 新品試用

多謝蘋果的化妝箱 Meling (相關文章) 同Sofina 的高層J小姐，閃閃有幸抽中左 Sonfina 新品AUBE Couture designing eyes (COL: 506)試用！收到產品是生日前，好像收生日禮物般，很開心。

有泡泡紙包住！打開包裝盒好靚唷！


粉紅色加黑色的設計，而且產品盒既設計好貼心，只要單手按底盤的指定位置，就能夠自己打開！全套七色，我既係啡金色系列，一直都想買盒啡色既眼影黎試，終於有機會了。

盒後面有指示﹐去點用呢盒眼影化眼妝


四色經過精心組合的眼影，亦配上四支不同的化妝掃！


閃閃搵黎妹妹既眼黎做一次示範，首先用A既米白色(我諗係叫米白吧！)搽整個眼窩！


再用B區既金色搽係眼球位置。


再用C區既深啡搽係近眼尾既位置，加強輪廓！


再用最細既棉棒，沾上D區最深色既啡色黎做眼線，咁樣就完成一個好有層次既啡金色眼妝了！


其實佢個盒上眼影既設計真係好好，完全就係化落眼時既位置，顏色都好上色同好貼，用左半日都Keep到個眼妝！不過原來啡金色太岩我，我諗我想買盒綠色呢！因為唔太複雜但又做到有層次既眼妝。



AUBE Couture designing eyes
$240

The First hkbeautybloggers.com gathering - Scrapbooking Party

上星期五，去左第一個HKBeautyBlogger既首次聚會，係 Random Art Workshop(RAW) 舉辦！多謝Meling同 RAW 既 Joyce呀！

本來公司有活動，黎唔到的，但因為老闆唔得閒，出席率又不足，最後要延期，所以就即刻報名，因為名額有限，幾驚抽唔中，好彩都Lucky抽得中呢！YEAH!!!!!! (地點位於繁華的銅鑼灣中！)


Scrapbooking
定我寫返我囉返黎卡片上既資料比大家啦：
Preserve your precious moments by decorating and narrating your photos so you can relive them later on. Choose a theme: travel, baby, wedding, birthdays, or whatever you like. Just bring 5-10 pictures and any mementos such as brochures, ticket stubs, maps etc. and everything else will be supplies. We offer a selection of high quality photo albums, photo frames, and paper selection.

Scrapbooking係相做一個有 Theme既 Memory board咁！我就係電腦揀左啲相去快圖美晒，同埋將我儲起一啲戲票，演唱會飛呀等等，帶埋去。



用盒仔儲起部份的回憶。














一起旅行時用剩的錢幣，戲票......











一開始 Joyce就介紹左佢開呢間Workshop既 Concept 同埋介紹佢呢個好Home feel既Workshop所有既材料，有好靚靚既圖案紙(我唔記得影相，啲紙真係好靚，我想問佢係邊買呀！我好鐘意好靚既紙架！)，仲有好多印仔，閃片，珠仔，靚到呢.... 真係唔捨得用呀~


Joyce介紹左大概點去開始做，我地就自己發揮啦！大家好似返返去中小學時代上美術堂既時候，但以前上堂邊有咁多材料比我地玩！呢度咩都有啲，可以拼拼貼貼，好開心！


成枱都係工具，唔知點解心情好開心。哈哈哈哈...................


左下個張係我整架，圖片經過處理(因為唔係得我一個樣，咁就唔好出街啦！)但都睇到我個張好colourful 架！hahahhaa~~~

今次Gathering好好玩，係未去之前揀相已經係一大樂趣，睇返啲相就諗好起好多美好既回憶，到拼貼既時候，又多工具同材料整，地方又舒服，我地大約正式整應該都係八點，但時間過得好快，眨下眼就已經過左九點半了，大家都快手快手咁完成自己既作品，RAW呢個地方仲有好多活動，又可以Book黎做Private Party，佢成為左我出年候選既搞生日會既場地之一。

最後大家影返張合照，今次人少少，但咁可以了解大家多啲同會記得住大家個名(人多唔記得..我都冇乜記性！)期待下一次既聚會唷！！(圖片又係經過處理！)


再次多謝Meling & Joyce(RAW)

Mane 'n Tail 美國箭牌洗髮系列

因為朋友仔頭髮經過染髮，每日都吹頭，日日都用髮泥，經多重既損害下，頭髮變得好乾同開叉，咁岩我去City Super見到呢隻牌子做Promote，介紹既簡介好似好好咁喎~(咁係Product都會話到自己好好架啦！)


所以我為左想了解多啲同睇下口碑，咁我就上網搵資料，原來Meling (令 Sarah Jessica Parker 閃亮的洗髮水)之前有介紹過。上網都見到有人分享話好用，而且係BabyKindom有優惠套裝！咁我就訂左兩套返黎自己試下，都比朋友試下睇下佢頭髮有冇會好左。

Sent Email去落Order，我訂左下面呢兩優惠套裝 (因為優惠套裝仲會送一套兩支60ml 既Shampoo & Conditioner)

(我唔係靚靚媽咪，不過只要落order 都有優惠)
呢套我買比朋友仔的，但因為佢短頭髮，應該唔會想用啲好潤既野，經過我左問右問(CS 打黎Confirm Order 既時候，佢好nice咁答晒我一大堆問題呀！讚！) 佢就Recommand 我將Herbal Gro Conditioner轉做Original Formula Conditioner(經典配方護髮露)咁頭髮會再輕身啲，但又會做到保護既效果！
所以呢Set變左係Herbal Gro Shampoo+Original Formula Conditioner同支草本精華噴霧！(支草本精華噴霧，我相信我朋友仔唔會再有心機去用！所以我留返比自己用！)


因為我朋友仔本身冇用Conditioner，CS姐姐話，原來洗頭水同護髮素一個係酸性一個係鹼性，所以如果只係單一用shampoo，咁PH值就唔會平衡，頭髮就好易會變差！！所以一定要用埋護髮素啦！




另外呢Set呢我係買比自己的！
係Herbal Gro Shampoo同Conditioner，見到佢話售罄係因為Herbal Gro Treatment Creme 冇晒貨，佢話可以換Olive Oil Treatment Creme，功能同效果都一樣，只係味道唔同！
而因為個Treatment Creme 搽係乾髮上，唔洗過水。所以我好有興趣試，咁既然一樣咁用，就換呢個Olive Oil Treatment Creme 啦！












用後感：我期望佢可以好好咁修護頭髮，同埋有返光澤，我未試過一隻洗頭水用一次就覺得頭髮會有光澤感，個日我見朋友，朋友都話我啲頭髮有光澤左！另外每次用完護髮素，沖洗既時候，連身體既皮膚都會好似有層膜咁，但呢隻護髮素我用完，皮膚無一層膜包住既感覺，但頭髮都係好滑，最驚喜係洗完之後，好明顯睇到頭髮冇好多毛毛飛起！我到第二日都仲係keep到呢個狀態。因為實在有啲驚喜，所以要即刻寫呢篇用後感。


左邊係 Shampoo，右邊係Conditioner(杰身啲！)，好靚既淡藍色！有一種我都唔知係叫咩既香味。

用多一個月，再寫多次用後感！









售賣點：CitySuper, 屈臣氏, , Log-On, Wing On有售 (我只見過CitySuper，其他如Waston's 見唔到！可能唔係間間有！)
Mane 'n Tail 官網：http://www.manentail.com.hk/ (上網買有九折，另外可以問佢地既優惠套裝！)


延伸閱讀：
Meling：令 Sarah Jessica Parker 閃亮的洗髮水 , 是日好用：From Head to Toe

化妝棉分享

見到Beauty Blogger Group有人分享化妝棉，我都黎做個分享先！呢盒就係我平時常用既化妝棉，佢一盒有80塊，每塊可以再分5層！見到盒面既圖就明白架啦！



雖然五層，但都唔係好厚


分開五片。


一片倒左落妝水，我平時係會一次過要三層黎沾落妝水，咁就分開三片黎落妝


如果係爽膚水呢，我沾溼一片黎用！
佢既質地都ok柔軟，而且可以一次過用五片倒爽膚水黎敷面，敷五分鐘就ok 了！


另外IPSA 既化妝棉都好好用呀

厚厚地一大片


要黎落指甲油好好架！唔易散開，又夠大片，一片可以落晒成隻手呢！而且質地都好柔軟！

LUX SUPER RICH（洗髮露+護髮素+日本限量版美容護髮液)

感謝LUX既公關同埋Meling送左一整套LUX SUPER RICH（洗髮露+護髮素+日本限量版美容護髮液)

好轉折咁終於到手，試用左一段時間(差點唔記得寫返試用報告，遲左好多添:p 唔巧意思，我太失暈了了)
等我分享下今次既試用啦！

上次我係Meling 個Blog提到：

"我Keep左Curl Hair 有八年了，年年都電一至兩次，所以hair 好傷，不過我同你一樣都係懶，哈哈，有用其他牌子既精華素，我覺得個效果都係一般咋....

好想有啲簡單好用既護髮產品，唔知呢個係咪真係好用呢？"

公關姐姐抽中左我，我試用既時候，第一樣係睇個LUX SUPER RICH SHINE美容護髮液，點解呢？？因為我真係好懶去護理頭髮(其實咁係唔岩的，哈哈)，Hair Mask一般要用20mins以上，先有用，但我又唔想等咁耐喎。所以當我見到個美容護髮液只要用五分鐘，就勁開心了！果然係簡單好用既護髮產品。

試用左一段時間，我諗可能我頭髮真係好傷，所以唔能夠好似廣告咁有閃亮動人既頭髮，但比我之前用某"Dxxx"牌子既，感覺上頭髮毛毛飛起既情況冇咁嚴重，頭髮都柔順左好多，但唔會話得個潤字，最開心係髮尾斷裂既情況冇咁嚴重(我諗都有減少至少30-40%)，而家我都Keep住一星期用兩次，每次搽完用抓抓夾起頭髮等五分鐘，沖洗完頭髮好滑，有點閃亮，乾左都OK Keep到！睇落冇之前咁傷！！！

另外呢，隔左一日唔會話令頭髮好油，因為有啲只係得個潤字既洗頭水令我個頭好笠，變相其實只係用啲好潤既野焗住我啲頭髮。呢樣係我期望既野呢！！

• LUX SUPER RICH Glowing Radiance閃亮新生洗髮露 $49.9/700ml
• LUX SUPER RICH Glowing Radiance閃亮出色護髮素 $49.9/700ml
• LUX SUPER RICH SHINE美容護髮液（日本原裝限量版）$42.9/150g