台北之旅 2011 ❤ 住宿篇之「安的部屋」

本來不是去台北的，但因為泰國水災既關係，假期又不多，所以就去台北了，男朋友可是第一次去的，所以閃閃著他揀了想吃的店，其他行程就由閃閃安排！

閃閃不是第一次住民宿了，上一次是住「住宿管家」感覺很酒店房的感覺。今次特地再找另一些民宿，就找上很歐陸風情的「安的部屋」。




抵步那天都七點多，因為出機場塞了兩小時車，而且是下午機的關係，所以很晚才到達，係機場搭長榮巴士在第八個站落，部屋很易找，閃閃選的是忠考復興站那邊的，只要巴士下車後，走下捷運站，在5號出口出再一直行就可以了。




因為閃閃一早係機場買了台灣用的電話卡，所以就直接打電話和店家聯繫了，到了那大廈就有阿姨在等候了！



這張卡就是這四天出入大廈和房間的通行證，很方便！我們住的是五樓，511室~
房間坪數 6
住房基本人數 2
床型 雙人床
房型 套房
可加床否 不可
獨立廁所 有
樓層 5 電梯 有
■ 無線網路WiFi ■ 32吋液晶電視 ■ 冷氣 ■ 公用客廳 ■ 冰箱 ■ 公用洗衣機 ■ 吹風機 ■ 3M可生飲濾水器 ■ 衣櫃 ■ 熱水壺 ■ 羽絨被 ■ 室內拖鞋 ■ 羽絨枕

設備可算很齊全唷，要用的東東都有，房間很美呢，還和男朋友說將來都要這款裝修 (真的可以嗎？) 床很舒服，都是軟軟的，但很高，很怕掉下來:P，6坪的房間大小還可以唷！









吊燈都很美呢，閃閃和男朋友晚上都坐左靚靚的沙發上吃外帶。

好了，說一說怎麼訂房間唷，就是在這網址 http://www.taipeiannhouse.com.tw/ 找出合適的房間，電郵跟店家聯絡，記著給入住日期和離開日期，好讓店家查詢是否有空房，還會給房價，好像閃閃住這間，房價是TWD 1980 一晚，住了三晚=TWD 5940，訂房先付 TWD 1000 (即大約265元港幣) ，付訂金也很方便，因為是香港的戶口，其餘的到店才付的！(台幣唷！)
平均都只是 HKD 540 一晚，比起一般的平價酒店六七百元一晚平！

不過注意的是，民宿都是不會有執房服務，只會簡單清廁所的垃圾，不過閃閃覺得問題不大唷，平了的錢就要來食食食吧！


補充一句，每次話返去，都會用「返屋企」黎形容「安的部屋」，因為有家的感覺。

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

第一次試食分子料理 ❤ 魔廚的 Bo Innovation

閃閃未去旅行前，出席左一個節目的發佈會，係 NOW TV 其中一個頻道 516 Li TV 「The Maverick Chef」 節目，請黎有魔廚之稱既米之蓮星級廚師 Alvin Leung 主持節目，每集都會介紹當地唔同既美食，然後 Alvin 會以分子料理方式程現，請當地廚師品嚐同評價。

節目好吸引呢，閃閃一向有看 NOW TV 的節目，飲食節目更是支持者，因為可以睇到唔同地方既飲食文化。

http://www.litvchannel.com/themaverickchef/home/












先來是 LiTV 負責人講解新節目，然後就係介紹 Alvin 出場！




第一個出場既係：TOM YUM GONG



冒晒煙咁，其實係乾冰既效果，熱既冬陰公飲得多，凍既冬陰公就第一次品嚐到，凍凍地既冬陰公湯，少少酸，少少辣，加上半生熟燒過既牡丹蝦，配合湯內的酒精成份，為味蕾打開序幕。





第二個係小籠包，相信呢個係世上最薄皮既小籠包，入口一咬穿個皮涌入口的滿滿是小籠包既味道，上面紅色個條你估下係咩？



就係浸左醋既薑絲！好有心思好得意添！




之後就係蟹肉梳乎厘



呢個閃閃都好鐘意，因為有蟹肉絲係入面，仲有少少新加坡辣蟹既味道，其實 Alvin 諗每道菜式既時候，背後都有一個故事的。而呢個故事就係 Alvin 係新加坡認識到一個好出色整新加坡辣蟹既師傅，但佢已經冇晒啲牙了，所以 Alvin 就諗點樣整一道佢可以品嚐到既新加坡辣蟹，就係呢度菜式既故事了。





突然咁多煙既？仲有香味添~



原來係為左之後呢度臭豆既菜式而設，個臭豆泡泡既味道閃閃唔係太接受呢....





呢張相拍得不太好，因為閃閃掛住落個蝦米油落啲麵度，呢個菜式蝦米油係個精髓黎，好香好香的蝦米味但又無油益味。呢個閃閃食晒泥！





估下呢個係咩黎？



佢係椰漿飯黎呢，真係估佢唔到，閃閃都覺得好得意好好味呢！有辣椒有花生有魚仔，仲用左綠葉既味道黎做個皮添唷！


最後呢個勁勁勁靚呢，佢就係珍珠奶茶了，真係未食過咁既形式既珍珠奶茶。





一粒粒既珍珠變左英式係 Earl Grey Tea & 中式既烏龍茶，中間既珍珠要大力啲先可以打得開，入面就係奶味既CREAM，混合係一齊，就成為左珍珠奶茶了！



啲珠珠係係呢個儀器整出黎架！





掛住影相.... 個雪糕開始斷啦.....

呢個TV SHOW 係11月13日已經開始左，第三集會係聽晚9點係 LiTV 播出，每集都會介紹不同地方既美食呢！鐘意食既你唔好錯過唷！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

挑戰煮食用品 ❤ Smart Chef 高速煲 - 煲湯篇

哈哈，閃閃現在在飛往台北的航班上，開著電腦寫文，因為最近都很忙，沒有空寫，先分享今天 BIG DEAL 的團購優惠唷！

是什麼來的，就 Smartech 的 Smart Chef 高速煲，早前已經收到了，不過一直沒有時間用，今天早上起來趁還有時間，就煲個湯水來喝。

這些用壓力的東西，就是一定要先看看說明書，看清楚才用！這可以重點來唷！

先說閃閃煲了什麼湯水唷，就是「青紅蘿蔔螺頭湯」

材料：
西施骨 四份三斤
紅蘿蔔 一條
青蘿蔔 一條
螺頭 十粒
鹽 少許

準備功夫：
先準備一煲水把西施骨出一出水，螺頭都要用水浸一下。
然後就把材料放在壓力煲內，然後加清水，加到煲的四分三左右就可以了，因此湯水或者粥等都不能加得太滿。




最後就是蓋好蓋子，是逆時針鎖上的，

插好電，按 Function soup 就可以，它會開始在煲內加壓，直到完成加壓，就會開始倒數。好像閃閃按制後，大約十至十五分鐘就完成加壓程序，煲湯的25分鐘會開始倒數。



完成啦，如果不太趕時間，可以讓煲自己排氣，但因為閃閃煲的時候有點趕，就過分鐘後就放一條濕毛巾在放氣口，然後打開放氣，這個步驟可要小心唷！



當然，這個湯的味道和老火湯差一點點，但對我們這些都市人來說快靚正可是王道！雖然這個煲只有3L，不過都夠我家一家幾口喝了！而且煲出來的湯渣 (西施骨等！)比起老火湯煲出來的嫩，所以連平時不太吃湯渣的妹妹也吃了！

雖然已經開始了幾天！(閃閃去左四日旅行麻.......) ，不過還是要推介大家這個 Big Deal 的團購優惠，只要HK$498 就可以帶回家了。http://www.bigdealhk.com/deal.php?deal_id=59
還有兩天完了，這個閃閃決定嫁的時候要帶埋佢走，因為岩晒鐘意飲湯既我，同埋又可以快速咁炆"食送"呀！ 是了，閃閃要挑戰一下炆這個FUNCTION先得呢！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

敗敗敗 ❤ Jumbo SOGO 18周年感謝周年慶 2011

SOGO 既周年慶係上星期五已經開始左了，大家去敗左未呢？？今次閃閃只係敗左小小，嘻嘻！



微晶膠原蛋白套裝 HK$882


護膚品只係敗左兩套 ULTIMA II 既微晶膠原蛋白套裝 (一套係媽媽一套係閃閃)，係一枝精華，Eye gel 同埋一片面膜，可惜星期六去買唔到限量既微晶膠原蛋白面霜，敗到就係一套了，唔知係咪好好用呢，遲啲同大家分享一下！


之後都係食既野黎。



呢個 Manuka Honey UMF 5+ 閃閃買黎看門口的，因為閃閃轉工後成日要講野，所以喉嚨時時都好乾好痛，所以就入手左呢個，之前閃閃都有飲過的，但原來唔可以用鐵既 SPOON 黎"筆"啲蜜糖，因為會破壞左佢既成份，閃閃都唔知添。 呢個買左二百蚊！





呢個係男友買比閃閃的，就因為你見到嗎？上面有日清雞仔，哈哈哈哈。




雲耳買黎，閃閃係想整涼拌黎做早餐，仲買左六包咁多添！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

超貼粉底體驗 ❤ GIORGIO ARMANI Designer Lift 美妝研習班

好似好耐都無去以美妝為題既班了，一來個部落格無乜點更新所以相對地邀請參加活動少了很多 (所以不要羨慕別的博客們有得玩有得食，大家都是有付出才有收獲的！要知道打一篇可以比起出席活動所用的時間還要長)，二來都因為太忙同太累，所以沒有氣力分享，閃閃可是還有很多欠債.......

今次很開心可以參加 GIORGIO ARMANI (下稱 GA ) 的美妝研習班，GA 可是閃閃化妝初期喜愛的粉底牌子之一，小時候閃閃收入不高，要買一枝三百幾元的粉底可是經過好些日子的爭札，還要計那個門面和店員很專業的樣子，決定入去買又要幾天的爭札！最終入到店內，買了人生 GA 第一枝的粉底！！！........未完......... 又因為店員很專業地用上粉底掃上粉底，還示範用手指和用粉底掃上的分別，所以閃閃又買埋枝粉底掃 (本來預計只用三百多元變了七百多元，還要粉底掃比粉底還貴！) ，但回家一直使用後，就覺得沒有買錯！嘻！一分錢一分貨麻~~~~

說完往事了，先和大家分享今次的體驗，安排了在沙田的 GA 分店，那天還情商了男友作攝影師，因為閃閃換了相機後，還未習慣自拍，好在男友充當攝影師，因為那天閃閃要當示範的MODEL呢！

GA PR 貼心的安排了食物還有可以自選飲品，而且是小班教學，只有三位博客參加一篇的美妝研習班，還為每位博客安排 MUA 們化妝！

首先落妝先，閃閃當日沒有化妝，只搽了防曬用品，完全是素顏上陣！



GA 自家的護膚品，先用 Cleansing Milk ，然後拍爽膚水！



然後就是先用 eye serum - GA CREMA NERA EXTREMA Youth Memory Eye Serum 黑曜石青春眼部精華。以 Reviscentalis 非洲重生草中萃取既再生成份，用以提昇同埋緊緻眼部既肌膚，淡退幼紋同皺紋，閃閃用第一次，覺得有少許緊緻既感覺。




之後就係用上 GA 既醫學級護膚系列，REGENESSENCE [3‧R] youth regenerator ™ 三重再生青春修護精華，以三種再生精華：亞麻籽萃取、偏木聚糖同埋維化命C 既高濃度分子注入，可以直達所有皮膚層，以回復美肌。



之後就等一等，等皮膚吸收左精華先，閃閃就去左店內左影影右影影！






先搽上 make up base，再用 Corrector ，可以初步可以調整返面部同啲瘡瘡印呀，黑眼圈等等，不過佢唔係遮瑕膏，主要係調整膚色。



閃閃膚色較白，用右邊那枝偏粉紅色的，膚色較健康的，可以用左邊偏橙色的！



跟住就用最新既 Designer Lift Smoothing firming foundation SPF 20 ，共有10款色調，總有一款同你膚色夾到！



呢個藍色唔係眼影，係特別加入左係粉底入面既藍色珠光微粒，仲加埋粉紅珠光微粒同埋金色珠光微粒，佢地分別係可以改善暗黃膚色，帶出健康光澤同埋發放古銅色的光暈，藍色既珠光微粒可以改善暗黃膚色真係好岩黃種既東方人呢！



MUA 阿BEN 仲教我地係向下搽個粉底 (睇相好難講，等一下閃閃拍個片比大家睇唷！下回分解)。



睇下，閃閃既右邊面係搽左粉底，見到膚色均勻晒，粉底仲好薄好貼，仲要提昇左添呀！真係好神奇唷！閃閃變左大細面呢。。。



係完美既粉底完成後，雖然有好多瑕疵都已經遮左，但粉底只係一層好薄既 2nd Skin，所以都要用返遮瑕膏遮一遮閃閃既豆豆呀，印印呀咁！



係底妝既最後一部份，就係用碎粉定妝啦！



之後就到其他 Bloggers 上底妝了。





係其他 Bloggers 忙緊既時候，MUA 阿 Ben 過黎幫閃閃畫返條眉！


用既眉色係用呢個新既秋妝 Jacquard Woven Eye Color Palette (HK$480)，佢係四色調組成，兩款主題色調、一款高光色調同最底用作強調既深色，而閃閃既眉色就用左深啡色，本來閃閃覺得感覺有啲古怪，因為閃閃好少用咁啡既色黎做眉色，但 BEN 話呢款啡色會帶出柔和既感覺唷！



未開始眼妝前，先掃一啲碎粉係眼，咁會令個眼妝更加持久！





之後就開始 Jacquard Woven Eye Color Palette 黎做眼妝~~



其實今次 Ben 教我地既係輕盈版既 Smokey eye ，平時我好怕 MUA 化到我對眼勁黑，今次呢個有輪廓得黎又唔太誇張，先畫左一條眼線，再用 Jacquard Woven Eye Color Palette 既眼影慢慢 Blend 開，Sharp 得黎又唔會太誇張，閃閃對今次既眼妝好好好滿意呢！嘻嘻~






而個咀仔簡單搽左 Rouge d' Armani 既唇膏，帶少少橙，再加 Lip Gloss 就靚靚了！提一提的是，個 lip gloss 一啲都唔笠，幾好咁喎，閃閃好怕好笠既 Lip Gloss 呢！



PR 仲好細心咁安排左HAIR STYLIST　黎幫我地整一整頭髮，閃閃就係吹返直啲頭髮啦！




最後緊係要同BEN 影返張相啦，靚仔黎麻！







今次活動好開心呢，多謝 GIORGIO ARMANI 同 HKCOSME.COM 既安排呢！最後呢張相閃閃好鐘意，特別多謝男朋友仔黎幫閃閃影相添呀！希望今個星期六日可以拍埋片比大家睇啦！嘻嘻

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！