化化妝：REVLON 化妝班

今日出左統一中心上Revlon既化妝班，多得Meling既關係，亦都有幸被抽中，開心開心！

一去到呢，三張好長既枱，好多人唷，初初因為Meling話每班十個人，我仲以為係小班教學添，因為我遲左啲啲，去到搵個位坐，就見到Meling啦唷！

今次為我地做化妝示範既係化妝師Kerry，Kerry都講左好多Tips比大家呢！最記得下面幾個：

• 應該係用Concealer遮左我地唔好既野，而唔係用Foundation去遮，咁會令個妝好厚！(閃閃一直都冇用過Concealer，因為覺得用Concealer會令個妝厚，原來呢個觀念係錯的！)
• 要係鼻中間搽Highlight，但唔可以太粗喎，咁影相會靚啲！
• 搽胭脂唔係只係蘋果位，要斜拉向後！咁會自然好多架唷！
• 同埋啲品牌有出個啲Colour base (咪又藍又綠又紫既)，Kerry話唔駛架，我地唔係拍戲唔需要搽太多野係面架！搽個好似Revlon呢個Beyond Natural Smoothing Primer ，佢係冇色的，做一個Base係底已經可以！

其實仲有其他既，例如點畫眼線呀！搽Eyeshadow既層次呀！妝既次序呀！同埋啲小技巧咁！都化妝既時候就會識得應用。

講返今次既感受，我覺得冇乜時間比我地應用一下，如果唔專心聽Kerry講呢，都會miss左好多野，所以我大部份時間都冇乜點真係試啲Product，到Kerry完左就講指甲護理，想再試下呢，就已經完了！互動性唔係咁大，比係其實品牌既化妝示範，真係做得唔係咁完善，同埋我好想認識另外九位blogger架，不過都唔知邊個打邊個呢，但都識左三個Blogger！


呢個Revlon既Colorstay Mineral Foundation SPF10 ，好過Mayxxxx個個啦！佢個掃起碼冇咁吉肉同硬，同埋佢易完過Mayxxxxx個個呢！我比較有興趣呢個！


呢個係Beyond Natural Cream to Powder Eye Shadow



呢個係REVLON Crème Gloss 終極炫目骨膠原唇蜜，新出架！又係Lip Stick又係Lip Gloss！好似幾好咁喎，我有興趣呢個呢！



題外話：收到Daisy佢既卡片，佢係Blogger身份既卡片唷！commercial 既卡片收得多，Blogger既卡片我都係第一次收！好靚靚唷！ 希望下次可以再認識其他Blogger呀！


延伸閱讀：
Kat : Revlon 化妝班

化化妝：Koji Curving Eyelash Curler

閃閃一直都係用Shiseido 既Eyelash Curler，佢係好多化妝師推薦話適合東方女仔用，好好夾既眼睫毛夾，但最近睇到袁彌明Video Blog推介Koji呢個睫毛夾，心思思想買，未買之前同事仔已經好快手係Citysuper買左了！有機會可以試用一下！



試夾左一下，真係果然冇介紹錯喎，佢好貼住隻眼，用少少力就由眼頭到眼尾既眼睫毛都夾到晒，重點係佢夾出黎有四散太陽花效果。

左圖係佢網頁介紹，一般眼睫毛夾夾出黎既效果；右圖呢係Koji夾出黎既效果



跟手我就搽Mascara，就好明顯睇到效果，好易就搽到太陽花眼仔啦！
推介推介，真係好好用，好得唷~~~~

同事仔係Citysuper買$125蚊~ Koji有好多隻架，唔好買錯唷~~~



延伸閱讀：
http://www.koji-honpo.co.jp/curving/
袁彌明Video Blog：用過之後不會再想用其他睫毛夾的睫毛夾

一個人@台北大冒險(一)

雖然仲有個半月先出發，但心情好緊張興奮，好期待今次台北之旅。

我自己並唔係特別獨立既女生，所以今次一個人出門，對我黎講係一項特別既挑戰，自己有一本好簡單既旅遊書，我呢幾日都由尾睇到頭，由頭又睇到尾，樣樣都想試，樣樣都想食，心中構思當然都會考慮安全的問題，盡量都以捷運和巴士為主，一方面省下來的交通費轉為買書和食野！另一方面，我唔敢夜麻麻一個人搭的士回民宿。

對了，本來想租住「桔子旅館」的，最後因為朋友仔的推介，所以已經訂了一間民宿，自己都好鐘意，到時會影多啲相！
但係同事講係台北住宿撞鬼事件，諗起都驚驚地，應該最後一日離開先敢影相吧！

上網找資料的時候，看見有網誌介紹一本叫「台北小旅行」既書，佢用另一個角度去寫的，唔係一般既旅遊書，諗住係香港買黎Plan Itinerary ，嘩... 成100蚊，台灣都係四十幾蚊... 睇黎我都係儲晒啲錢係用黎係台灣買書好了，香港真係標得貴。

原本Plan去三日兩夜，後來訂機票個時訂左四日三夜，而家覺得四日都唔多夠咁，不過冇得改，唯有早少少起身。

朋友仔知我去旅行，問我幾時去，叫我去之前借佢個netbook，太好了，解決左Save相既問題，另一方面就係問民宿有冇Lan線上網，但佢只係答我有免費上網... 佢係咪睇唔明我寫乜呢，我諗自己帶Lan線去好了！


仲有46日就出發啦~~~~~~嘻嘻~~~好開心




延伸閱讀：
《台北小旅行》
作者的話－－《台北小旅行》：寫一本書的背後

一個人@台北大冒險

年初決定左五月到台灣旅行，一直都打算一個人去，雖然後來有想過因為自己一個人會害怕，但今朝起身，都係決定一個人去。
係我咁大個女第一次一個人離開香港，決定去台灣係因為我曾經去過一次，感覺都安全，同埋唔算貴，尋日本來都仲諗緊搵多個朋友去，不過經和曳媽咪一席話後，我都係決定一個人去，呢個係人生入面一個體驗，我會好好珍惜呢短短既四日旅程。
雖然五月先去，但而家心情已經好開心，既緊張，又興奮，度度下覺得四日唔多夠用咁，不過作為一個人冒險之旅，都應該好足夠。

上網睇人地寫既Blog
有個好得意，佢帶埋bear bear 去！好開心咁，我都打算帶一隻公仔去，同佢影寫真，咩公仔好呢
熊霸天下

化化妝：Estee Lauder Nutritious 礦物粉底

岩岩開Yahoo.com既時候，見到Ad Box Estee Lauder 賣廣告 Sell 礦物粉底，好多品牌都出左礦物粉底，連多年前上網見到大家話要越洋訂購既 bareMinerals by Bare Escentuals 都登錄香港 (詳請可看Meling的新品上場：bareMinerals 正式在港發售 一文)
不知道這個好不好用，不過網頁上有免費試用新品，大家可以填左表格佢唷~~~~

為為食：FW [Top ten worst foods of 2009]

Share from Facebook, OMG, Caffè Mocha with whole milk and whipped cream has 450 calories and 13 grams of bad fat~~~~~~~~ I love the whipped cream ar......

Fw from : http://shine.yahoo.com/channel/health/top-ten-worst-foods-of-2009-393616/

Top ten worst foods of 2009

user by FatFighterTV

8. The Starbucks Venti (20 oz.) Caffè Mocha with whole milk and whipped cream has 450 calories and 13 grams of bad fat - more like a Quarter Pounder with Cheese in a cup. But you can lose all the bad fat and all but 170 calories if you order a tall (12 oz.) with nonfat milk and no whipped cream.

護護膚：Estee Lauder Cyber White EX - Extra Intenisve UV Protector Protenction anti-UX ultra-intensive SPF50/PA+++

星期日去左踩單車，太陽伯伯好晒，見到有包Sample，所以囉黎試！
佢係全新既CyberWhite EX 突破亮白深層系列
因為見佢有SPF50 PA+++！諗住好好咁保護皮膚啦！
唔好晒黑呀麻，不過個質地太厚了，好油好油咁，好似封住左皮膚咁。
我諗會比較適合乾性肌膚，同埋香港天氣比較潮濕，所以我諗唔岩我用了。

為為食：御家

• 
  
  
• 
  
  
• 
  豬軟骨拉麵 -$38
  
  
• 
  刺身定食 -$45
  
  
• 
  蟹子沙律
  
  

今次第二次黎食了...
上次黎食過一次Lunch，但待應姐姐態度唔多好！
不過見佢午餐八折咁抵食，今日都黎食第二次！

刺身定食 (配白飯，湯，蟹子沙律，熱檸蜜同埋甜品)
有三片三文魚，三隻甘蝦，四片仔既帶子

都幾好味喎，三文魚都唔細片，甘蝦都唔係最細個重，帶子都幾好味唷！不過係細細片！
但呢個價錢ok 啦！

豬軟骨拉麵 (配湯，蟹子沙律，熱檸蜜同埋甜品)

朋友仔食呢個，都好大碗下，朋友仔話幾好味！我下次都試下先得！

你話係咪好正既魚生，咁又唔係架啦！不過都叫做新鮮既~~~~~ 呢個價錢係銅鑼灣叫好抵食架啦！

今次唔多見到上次個個唔好禮貌既姐姐，可能我地坐另一邊啦！
所以今次食得幾開心唷~~~

Open Rice Link: http://www.openrice.com/restaurant/commentdetail.htm?commentid=1979702

為為食：正宗山西刀削麵店

• 
  
  
• 
  
  
• 
  
  
• 
  
  

之前朋友仔帶過我黎食，好好味，所以我都帶媽媽黎食

我叫既係醉雞刀削麵，酒味唔係好重，冷盤黎，但雞肉都幾好味！
媽媽叫左手撕雞削麵，本身呢個係麻辣手撕雞，但媽媽唔食得咁辣，所以走左辣！
勁多青瓜同埋手撕雞一齊，如果唔鐘意青瓜既一定要之前同佢講走青瓜呀！
媽媽話都幾好味！
而刀削麵，唔駛講梗係好味道啦！片片大小不一，但好有口感同有彈性，而且都幾大碗架！
所以一定好夠飽！
唔知點解黎左幾次都係好少人，雖然都好既唔駛等位~~~~~

推介菜式:刀削麵

地址 : 荃灣荃興徑15號地下
English Address: 15 Tsuen Hing Path (Tsuen Wan)


Open Rice Link : http://www.openrice.com/restaurant/commentdetail.htm?commentid=1978263

護護膚：Haba Whie Lady美白精華超抵優惠

岩岩收到HABA既SMS，由3月13日至15日，於HABA美容專櫃以$390購買 White Lady 美白精華，即享買1得6超抵優惠，再送您面部護理。
查詢：35561063

我打去問過，佢會送一SET TRAVEL SET，但唔係送平時好細支個啲，都有30ml 的，有洗面爽膚等等，平時買要$280蚊！
另外仲有美白Mask一張(平時：$800 for 3pcs) ，同埋會送面部既護理。
平時有用開White Lady既朋友仔，呢Sets好抵架唷~~~

為為食：板長壽司 Itacho Sushi

• 
  
  
• 
  左起：蝦膏、芝士飛魚子、海膽、蟹膏
  
  
• 
  上左: 帶子、蟹棒; 下左：天使蝦、三文魚腩、三文魚
  
  
• 
  蟹肉牛油果沙律
  
  
• 
  
  
• 
  
  

上星期三放學，返左灣仔既板前食sushi，因為想食蟹膏壽司唷~~

八點幾九點，都唔係好多人等位，等左一陣就有得入座，在座既食客有三分一都係外國人，坐我地隔離枱既講既都唔係英文(似法文，德文之類啦) 應該都係旅遊書有介紹而黎既旅客！

環境都ok ，係迫左少少，但都ok 既，侍應既服務態度都好好，斟茶呢啲動作都幾勤快。不過呢，有時客人既order 會亂左。

講到食物，佢既質素同板前差唔多，但係一件件計，可以唔駛一定要叫一碟兩件同朋友share, 唔駛食自己唔like 食既野食，可以order 晒自己鐘意既sushi！呢樣係好既地方。

而且有我鐘意食既蟹膏，佢係蟹膏軍艦黎，一半係蟹肉一半係蟹膏，好好味唷，可能我鐘意食蟹既關係。朋友仔都覺得好味！另外我食蝦膏軍艦比較淡口，都係蟹膏香濃啲唷~~

海膽都唔錯，都幾新鮮同份量都ok！最緊要冇啲青瓜係度，係成件軍艦都係海膽黎！

個沙律都幾好味，不過蟹肉同牛油果都好少，不過都ok 既！

三文魚三蚊件好抵食，鐘意食可以食多幾件！
三文魚腩就略為唔夠肥美了！
蟹棒就唔得了... 唔夠鮮味，味道有啲古怪....

總括黎講都係好味的，會再黎食過唷~~~~~~

推介菜式:蟹膏軍艦, 海膽軍艦

地址 : 灣仔軒尼詩道318號地下B舖 English Address
英文地址：Itacho Sushi Shop B, G/F., W Square, No. 318 Hennesy Road (Wan Chai)


Open Rice Link: http://www.openrice.com/restaurant/commentdetail.htm?commentid=1978986

為為食：愛爾蘭瘋薯 Ireland's Potato

• 
  台北 - 份量多好多唷~~~~
  
  
• 
  香港銅鑼灣 - 份量好少唷....
  
  

係台北旅行食過Honey Mustard！
所以知佢係香港開左，就係點同一樣既醬黎試下！
但一拎上手，少左好多呢.....
大家睇相可以見到，我係台灣食既時候，好full 的！
但今次係香港食，少左好多只係將啲薯條圍住邊黎插扮full....

因為份量既關係，我想比喊樣....不過佢既Honey Mustard都係好味道，拉返少少分啦！！
我諗因為香港租金貴，所以將貨就價~~~~~

Anyway...我去台灣會再食，香港應該未必會


p.s. 我係mk 分店見人地個啲都係比cwb 分店既薯條full 的，唔通mk 租平啲.....

推介菜式:Honey Mustard

地址 : 銅鑼灣謝斐道518號
電話 : 2151 0889

Open Rice Link: http://www.openrice.com/restaurant/commentdetail.htm?commentid=1978995

為為食：Applegreen

• 
  Buffalo Wings，係有啲酸同有啲辣既雞翼。味道一般~
  
  
• 
  Classic Caesar Salads, Order左半份黎試下
  
  
• 
  Cajun Seafood Bag
  
  
• 
  
  

上月約左朋友仔黎試呢間係網上面好多好評既店~~~

同朋友仔都係第一次黎食，睇完一輪 Menu 就點左以下幾樣野

叫得The house of Salad，咁就梗係order 左一客salads 啦！
Classic Caesar Salads (half)
食過之後我鐘意左食Salads呢！入面有Romaine Leaves, Shaved Parmesan cheese, Tassed with Applegreen signature caesar dressing
個包包甜甜地，不過Parmesan Cheese有點太碎，唔似得其他網友點上黎咁大片！
但好好味，我平時唔鐘意食Salad但都覺得好味！

Buffalo Wings
我本身好鐘意雞肉的，但呢個雞肉好實，個汁都ok 好味道，影唔到啲配菜，個甘荀條幾好味喎~~~~

Cajun Seafood Bag
呢個Seadfood Bag，係我今次比喊樣既原因，實在太唔掂，入面啲海鮮好"梅"，唔新鮮唔好食... 好失望！！！我諗我整會好味過佢好多... 其實如果明知食材唔新鮮，就寧願同客講叫客人order 過另一樣野好過......

不過呢，如果一大班人都會揀佢食多次... 希望唔會再失望~

推介菜式:Classic Caesar Salads

地址 : 旺角太子道西193號新世紀廣場7樓713-715號舖 English Address
英文地址：Shop 713-715, Level 7, Grand Century Place (Mong Kok)


Open Rice Link : http://www.openrice.com/restaurant/commentdetail.htm?commentid=1978990