皮膚好充滿水份

看到 Meling 有關 CHANEL 的新文 (相關文章)，就想起一整個冬天伴著我的 CHANEL ！

HYDRAMAX + ACTIVE 這系列，是上年年尾(相關文章)，去 CHANEL 試 FACIAL 的時候，分析所揀選的，之後收到 PR 送來這套系列，冬天的時候開來用！

最記得我一直叫妹妹用這套系列，妹妹一直沒有用，到有一天中午，接到妹妹的電話，電話裡頭妹妹跟我說：皮膚好充滿水份！！她是為了說感受而打給我！(後記：應該係: 皮膚好似揼滿水咁呀！ - 妹妹當時說的話)

相信今年尾的冬季，伴著我的仍然是 CHANEL HYDRAMAX + ACTIVE



這個是 GEL CREAM，就算用什麼，我最後都會加上這個 GEL CREAM ，其實而家成日開冷氣，夏天都可以用，敷住佢訓覺，皮膚充滿水份唷！

LES TROMPE-L’OEIL DE CHANEL

閃閃呢篇文出既時候，可能已經售罄了！

自從 Peter Philips 成為 CHANEL 彩妝創作總監之後， CHANEL 每季既彩妝都有唔同既驚喜，今次同彩妝無關，但係 Peter Philips 帶黎另一驚喜，Peter Philips 為 CHANEL 2010春夏時裝展，設計了這款精緻而玩味十足的紋身貼作點綴，紋身圖案多是CHANEL的標誌性元素，如CC標誌、珍珠等。將綑皮銀鏈纏繞於纖細的手腕處，或者在大腿繪上一圈優雅的絲襪帶…鳥雀的設計靈感則源於Chanel女士寓所中的烏木屏風 – 兩隻小鳥叼著長長的項鏈，在肩頸處成了精美的裝飾，還有一大束野花搖曳生姿。


著露肩Tube Dress 係鎖骨貼上這紋身貼，激靚！

Les Trompe-L’Oeil de CHANEL紋身貼一盒5張，共55款圖案，定價為每盒$550，將於3月12日起，於 CHANEL 美容專門店及 CHANEL 時裝精品店發售。



$550 幾蚊對於入手 CHANEL 精品黎講，一啲都唔貴，不過閃閃唔捨得呢！如果男生們既女朋友喜歡 CHANEL，入手Les Trompe-L’Oeil de CHANEL紋身貼作為小禮物黎氹下女朋友仔，就好抵了！
黎緊白色情人節了，又多一樣禮物選擇。

但閃閃諗... 要買快手！好快冇！hahahaha~

CHANEL Skincare & Makeup Workshop

早前閃閃有幸出席 CHANEL 為 Beauty Bloggers 們搞既聚會及活動 (相關文章) ，今次第三部曲就係 Skincare & Makeup Workshop 唷！

位於中環置地廣場上的 Office ，地方好大，一貫的黑白感覺。

靚靚既 PR們為我地準備左小點，好貼心唷。



每人都一面鏡，好正既鏡，又係有黃燈同白燈，黎配合化日妝定夜妝！



每人都有一份工具，嘩！成套掃每人一份，仲要清潔好，我好想要左佢唷！(我去過其他品牌既Workshop，要同其他人share ，感覺冇咁衛生！) 好貼心，讚！！！



都好齊全呢！


首先由 PR小姐 AVA 講解 CHANEL Skincare 既 Product，唔講唔知，原來 CHANEL有自己既一隊 TEAM，負責去世界唔同既地方，包括一啲好落後既地方，去了解佢地既文化同風俗，同埋醫藥等，咁從而發掘一啲唔同既楂物品種，帶返實驗室去研究唔同既物質會唔會對皮膚有用！

AVA都講解左幾款唔同產品內既原料尋找既過程同發現，原來很有趣的！大家用既 CHANEL Skincare 既時候，原來內裡既原料係黎自世界各地。

Ava 仲有同我地講解係屋企既日常護理，閃閃仲係懶，冇常做按摩，要勤力啲先得唷！



之後就係 Makeup Artist 做妝彩示範了，唔講唔知，CHANEL既 Makeup Artist 全部都係男性！


其間介紹左今次 Christmas 出既化妝掃 SETS，但係...當日介紹既時候.... 全線已經賣晒了！



下面就係今次閃閃用既產品！！！



今次既彩妝示範，係今季最新聖誕彩妝系列，據講 CHANEL 既彩妝創作總監 Peter Philips 每季都會係 COCO CHANEL 既舊居同物件上囉靈感，今次既靈感係黎自 COCO CHANEL 舊居既一個金色鳥籠擺設，


LES 4 OMBRES 四色眼影 Bird of Paradise $435
原本一見到個四色眼影，覺得好誇張，自己搽上眼會唔會唔靚，後來同其他 Bloggers 傾返，都有呢個感覺，但係到一步步咁搽上眼後，原來好靚架！



多謝 CHANEL PR既安排，剛好三小時完成今次既工作坊，仲要係為我地度身訂造既工作坊，等我地再了解 CHANEL既產品多一點唷！

完結了嗎？尚未完結呢，下一parts 再同大家分享彩妝！

第一次做 Facial 會訓著左 - CHANEL

記唔記得上回閃閃得到一個神秘既信封呢，裡面有黎自 CHANEL 安排試佢地既！閃閃好快就打去預約，但已經要差唔多一個月後…終於係十月月試左啦！

閃閃揀左去銅鑼灣時代廣場分店，因為PR姐姐話個度比較舒適唷！而且銅鑼灣都近我，所以個日放工就去左Time Square啦！去到呢，首先要做分析先，佢係根據唔同既問題黎發問，自身同環境，而分析皮膚需要改善啲乜野



問左好多唔同既問題，好彩我冇選擇恐懼症，哈哈

我得黎既結果梗係話乾性皮膚啦！我真係好 DRY.....

所以美容師就建議我做「水漾保濕護理」查實我想試美白既護理架！但係美容師話我太乾，都係做保濕好啲喎 ....我好想白麻, 哈哈

我就係用CHANEL 既 HYDRATION Line

左 起：Creamy Cleansing Milk, Active Fresh Nanolotion, Maximum Radiance Exfoliating Gel, Avtive Moisture Boost Serum, Nourishing Cream-Gel Mask



做Facial 既地方就係店舖內，但間房都算太間架！以白色為主，做Facial既時候會將燈較暗，而且仲有柔既音樂。


因為做 Facial其中一Part係會有手部既按摩，所以首先要洗手！用既係Chance... 好香呀... 雖然我鐘意Coco多啲，哈哈！


之後就係做Facial既時間了！閃閃都有做 Facial，但係今次係第一次會舒服到訓著，因為佢首先用按摩粉按摩肩頸，個按摩粉係咪冇得買既呢！用粉真係好好！因為我討厭油淋淋既感覺，但用粉就好乾爽，下次問下有冇得買既先！

成 個程序呢... 真係唔好意思，平時閃閃係唔會訓著的，但今次真係訓著左！只係記得按摩-> 落妝-> 清潔 - > 去到磨砂就咩都唔記得！最後醒既時候，就係用緊Nourishing Cream-Gel Mask黎敷面！ (印象中係有用Avtive Moisture Boost Serum黎做按摩的！)，係我敷mask 個時我醒左，係敷緊mask 既時候就做手部按摩。

做完成個 Facial之後，皮膚感覺到濕潤左！有光澤左，只係化返少少妝就ok 晒啦！



多謝 CHANEL PR 既安排呢！黎緊仲有活動，好期待呢！

好似我做呢個Treatment咁！只要你係CHANEL度買滿$800 (包括一件護膚產品)，就可以約做一次的，難怪咁難約啦！(成個月喎.....)

btw COCO CHANEL 有閃粉個枝... 係咪冇得賣架啦？

我的第一支N°5 (初遇CHANEL之禮物篇)

帶大家睇完CHANEL既旗艦店(唔只咁少野既，下篇文章再講)，又同CHANEL high tea 完之後，仲有驚喜唷，就係CHANEL給我的禮物。

究竟係咩呢！包裝得好精美既禮物唷！

包裝得咁精美！我真係唔捨得拆佢，但又好想知入面係乜野喎！睇下朵山茶花，好靚唷。




CHANEL 會希望送什麼給新相識的Bloggers們呢！

答案就係CHANEL一套三本既書冊，同埋著名既N°5香水！



原諒我年少無知，對N°5有所誤解，我一直都以為係好濃烈既女人味！會俗不可耐，打開噴少許係手腕度，原來真係好似美雪 (相關文章) 所講，係bb仔既味道。

這是我第一支CHANEL N°5！現在每天都噴上，在我感覺來說，有點輕巧，有點性感，有點耐人尋味的香味。


多謝公關Lilian & Ava揀選給我們Bloggers這份禮物！

有留心看第一張圖，會發現還有一個信封，這是第三份禮物唷，我到十月中再和大家分享這份禮物唷！

和 CHANEL約會嘆 Afternoon Tea 篇

在初遇 CHANEL後，對CHANEL 心動不已，我們相相到 Sevva 談心去！

感謝公關小姐的安排，我地係環境優雅的SEVVA食afternoon tea!當日我地就係坐呢張長枱了，CHANEL 既公關小姐好細心咁要求 SEVVA 安排 BANKSIDE呢邊比我地傾計。
掛住一幅幅大油畫，好有MUSEUM FEEL!!!!



AFTERNOON TEA SET MENU！係公關小姐改左既MENU ，我地可以試盡 SEVVA既精美小點。首先揀野飲，我揀左Supermodel ！




左邊係Joyce揀既Green Yum Yum, 右邊係我揀既Supermodel
Supermodel好好味，酸酸甜甜咁！佢包括左薑汁、檸檬、西柚、蜜糖同埋梳打！酸酸甜甜咁！好味又開胃，為下午茶揭開序幕！



三層高既TEA SET，最上層係東南亞小點，其中我最喜歡個蟹波，掛住食，冇影相比大家睇，入面係一絲絲既蟹肉！好yummy!!!!



中層有和牛漢堡、煙三文魚鬆餅，及士多啤梨窩夫！



下層看到嗎？有這裡馳名的Crunch Cake(可惜因為我怕吃奶味重的東西，經Meling一提，我不敢吃唷！) Chocolate Fudge Cake連我不愛看朱古力的也覺得好味道！ Ginger Cheese Cake ，最好味唷，我到而家仲回味緊唷！上面既薑片浸左糖水！甜甜地又不太辣，芝士味唔係太重，但同薑味又好夾！正！






生果拼盤，係呢個時候，我已經飽飽了。但係畫面咁精美既生果盤，又唔想唔食下喎！
最後揀左好鬼好味道既芒果，好甜唷！



最後出場既！登登登登~~~~ 全部女仔都嘩然既神秘人物！
hahahah，高高既棉花糖似唔似一個女人既頭髮呢！Meling 係 BLOG 內叫佢做「瑪麗皇后的頭髮」，都好貼切唷！

「Marie Antoinette's Crave 」







開心果海綿蛋糕，內有覆盆子果肉，外面仲有色彩繽紛既Macaron！



個VIEW真係靚到呢，我都要同喜歡的人來食TEA唷！





多謝CHANEL 既公關小姐，同我地一眾小Bloggers 按排呢次既聚會了，過左一個好愉快既下午。
大家有傾有講，又食得美味既食物，好開心。
驚喜仲未完結，下一篇再同大家分享！



SEVVA
25/F Prince's Building, 10 Chater Road (Central)
2537 1388
由曾擔任Chanel亞太形象總監曾郭志怡開設的休閒餐廳及酒吧，設有環迴360度景致的室外平台，餐廳內展示源出倫敦Fine Art Gallery的二十世紀國際藝術品，供應揉合傳統亞洲地方菜式及西式高級餐飲的菜式。餐廳閣樓位置劃分為4個區域：Harbour Side、Bank Side、Taste Bar及大露台，另設Cake Corner。(Info. from Openrice.com)


(因為相機冇電，用手提影的，相片唔靚，請勿見怪)

初遇 CHANEL篇

見到上一篇文章的邀請卡嗎？上星期從信箱收到的時候，勁開心唷！雖然還未知當日詳情！但心情勁興奮，一直都在期待昨天的約會。

事前我不知道有誰會出席，大部份都是熟識的面孔，還認識了新朋友 KATY, JOYCE 及素顏天使，和兩位CHANEL的兩位公關小姐！感謝 CHANEL既邀約，讓我可以對 CHANEL認識多一點！(套用公關小姐說，GABRIELLE CHANEL在生的話，會喜歡我們對她了解多一點？嘻嘻)

事前我對 CHANEL 的認識只是2.55 Hang Bag, CHANEL N°5 香水 , CHANEL初初係做帽的，還有Makeup & Skincare！而自己一直都認為 CHANEL是成熟女人的象徵，離我們這些小女生很遠很遠！(雖然我已經不是小女生了 >.< ) 要說 CHANEL 的故事，我想我要打很多篇的文章呢！但因為今次的約會，令我對 CHANEL多一份熱愛！認識我的人都自己我是喜歡新事物但又喜歡古舊的東西的人！所以今次公關小姐對CHANEL的講解，我很感興趣，事實上 CHANEL 傳奇般的一生，也有很多地方令人聽入迷呢！ 今次首先同大家分享的，是位於中環太子大廈的旗艦店！(當日原來相機沒電，所以影的相不多！) 三層高的 CHANEL 旗艦店，配以外牆那樓高三層LED顯示屏，晚上大家經過的時候，不彷抬頭看一看這個充滿創意的設計！找天晚上我也要來看看唷 (平時無留意...>.<)

我們在G/F 腕表及珠寶專區等待的時候，枱上放了有關 CHANEL的書！
而這個區域，是參照 CHANEL家的佈置和裝修！





公關小姐說，CHANEL很喜歡CRYSTAL，這燈是仿製品！



可以看得見嗎？很美的水晶吊燈，不知是不是MOON STONE？




走進鐘錶的區域，看到一面LED在播放不同的圖案！店內店外的LED將CHANEL 著名的 tweed 表現出來！





看下圖，CHANEL的側面畫像，知道用什麼來原成的嗎？



答案是鑽石！
Vik Muniz 的 CHANEL 鑽石畫像，這只是相片，這幅畫像的相片，一共有三張，一張在香港，一張左日本銀座分店，另一張在美國紐約分店。

看得見一粒粒的鑽石嗎？



另一件藝術品是 Lalanne 的銅鹿，據說 Lalanne 和 CHANEL 認識的，這頭鹿在 CHANEL家有一對，Lalanne 在CHANEL家看到，造了一對銅鹿！在中環的分店大家可以看到其中一頭雄性的鹿，據公關小姐說在CHANEL家有很多一對對的東西！




下圖是Othoniel 32 米 長 的玻璃珠鍊，據公關小姐說有三百多棵，全部都是一棵一棵吹出來的來的！由三樓貫穿全店！這件藝術品代表了 CHANEL對珍珠的熱愛




Stashkevetch 的山茶花，一共兩張！為什麼 CHANEL 這麼喜愛山茶花，據公關小姐說，當時的社會只有男人會別上山茶花在襟前，CHANEL 也把這花別在衣服上，其一原因因為山茶花並沒有味道，這樣不會影響她噴上香水的氣味！其二是因為白色的山茶花別在襟前，有為肌膚打燈的效果！(這樣我真的沒有想到！)，其三是 CHANEL對美學的追求，因為山茶花的花瓣都是一片片相同的花瓣有規則的疊在一起，符合左帶有中性調的女性特質(山茶花是無性別的花卉)



遠遠還有一張，在鏡中看得見我在拍攝嗎？




非常感謝兩位公關小姐的安排，讓我們了解 CHANEL 更多，亦讓我們在店內拍攝 (很難得的唷！)，其中最欣賞公關小姐提給他們的工作其中一項是要了解CHANEL是否會喜歡他們這樣做，那樣做！我想這是去延續一個品牌理念其中一個主要因素！

初遇 CHANEL已經令我心動不已！
下一篇分享和CHANEL約會嘆 Afternoon Tea篇！



以上資料都是邊聽邊用腦記下，希望沒有記錯！:P