仲有兩日就到情人節啦！如果好忙既你未買禮物既話，咁就睇下呢個特集，閃閃搵黎唔同既野一氣過講！(其實因為閃閃好忙分唔到咁多集了，但一次過講都唔係輕鬆架！)
先黎又講一講飾物啦！男仔送比女仔，閃閃有朋友覺得最穩陣當然係送 Tiffany & CO.啦！可能對男生來說方便吧！每次買份新出既飾物就搞掂！快靚正！(閃閃尋日係尖咀都見都有人龍呢！) 有百幾年歷史既 Tiffany Blue 對女生來說，始終有份情意結既！有預算既男仔可以去入手！聽日放工買都未遲！
上面既手鏈同耳環都大路，其實 Tiffany 的設計一向穩陣，但介指就留返係求婚呀結婚既時候先好送啦！
另外閃閃既飾物都好深得女生既心，好似 Swarovski 咁呀！早前佢就出左好多不同既產品！好似同 上年初同 Clarins Fragrance Group 合作既「Aura by Swarovski」咁呀！
好似下面呢款吊咀咁，入面係 Lip Gloss 黎！外面有閃石！背面有小鏡！靚靚又實用，閃閃記得大約五百多元！又靚又實用又唔太貴，呢個都可以入 List 呢！
以下面呢款就係年尾出，比較新的，入面係香水膏黎，又係實用品之一！外面粒水晶好大粒好閃下的！閃閃影相影唔到效果，但如果女生喜歡閃閃的東西就岩晒了！
去影相都帶住佢呢！(請無視閃閃既殘樣同黃牙.. 原來影相真係好覺，閃閃覺得美白牙齒用品都可以當一份禮物 (按此閱讀)
之後佢仲出左 Hello Kitty 系列 (Kitty 迷不能錯過呢！)
有啲 Kitty 飾物好似好誇張咁，不過真係鐘意 Kitty 的，就會好好收藏，如果你既另一半係 Kitty 迷，咁呢個介紹應該好岩駛掛！
到最近佢地出既春夏系列！閃閃都有去個 Swarovski Swing,Sing.Shine Spring/Summer 2012 Accessories Launch Party！
閃閃對啲閃閃既飾物係零抵抗力，全部都好鬼靚！不過有部份飾物好大件，所以要揀啲平日戴既款式呢！
當晚完左 SHOW 後，仲可以整CUP CAKE 帶走呢，左邊係閃閃整，右邊係男友既作品！
仲同莊思敏影相添，佢真人皮膚好靚，個人又好靚好高好瘦！正正正！(閃閃當堂圓多十陪>.<)
講完一大輪飾物，下半講 BEAUTY 野啦！如果你既另一伴係會化妝的話，化妝品都係一個不錯既選擇！
先推既係 Sonia Rykiel 既限量妝品 BEAUTY COLOR COFFRET HK$520/組
閃閃去試過色，啲色好靚好水潤，佢本身呢個限量版出左三套，以"A Day to Paris"為概念~
色號分別係：
Matin /01早晨巴黎 : 展現柔美精緻的純淨感，温婉和諧的女性。
Midi /02日光巴黎 : 令人感覺充滿生氣活力，印象鮮明的女性。
Soir /03夜色巴黎 : 散發出熱情洋溢，充滿魅惑的女性。
入面有一支眼影，一支胭脂，同兩支唇彩！閃閃覺得如果你女朋友平時係淡妝示人的話，可以買01早晨巴黎；如果係著得比較隨性，鐘意啲綠呀，杏呀等等大自然色就買02日光巴黎；如果係比較濃妝的可以買03夜色巴黎！ (閃閃都打算入手01早晨巴黎，打造情人節妝容呢！)
ANNA SUI 最新春妝，又係限定品，分別有 ANNA SUI LIP BALM & LIP GLOSS KIT 薔薇美唇套裝 (HK$385/組)
Lip Balm 薔薇潤唇膏
● 新配方減少蠟質成分，增加真空半固體油與啫喱状油潤劑，令潤唇膏的質感更柔軟。保濕成分讓唇部
保持長效水潤飽滿。
● 潤唇膏配方用上全新 ＊油潤劑oil agent ，在唇部形成豐潤護唇膜。
＊油潤劑Oil agent﹕具有保濕力的柔膚成分
Lip Gloss薔薇唇彩
● 充滿豐盈水潤感與透亮光采!
唇彩基底以無蠟質配方打造，柔滑的半透明溶液令唇部充滿豐盈水潤感。
加入高黏性油分，增強透亮光采，同時形成柔軟唇妝膜，讓妝效持久漂亮。
★ 套裝内容 ★
Lip Balm薔薇潤唇膏16g
Lip Gloss 薔薇唇彩 7ml
Pouch 薔薇化妝袋 (尺寸: 直徑90mm x 闊度160mm)
Mirror 薔薇鏡子 (尺寸: 直徑70mm)
ANNA SUI EYE COLOR & CHEEK COLOR PALETTE 薔薇眼影胭脂組合 (HK$270)
- 兩種獨特的眼影及胭脂配搭組合，01色選充滿嫵媚感的煙燻魅力； 02 色選展現充滿時尚玩味感的色彩搭，讓妳可隨時打造不同個性的動人妝容。
- 限量包裝設計﹕用上的薔薇花束表現出女性的嬌艷欲滴的美麗。
個人來說，閃閃比較喜歡01，個色會易用啲！
另外仲有呢個唔係限定品，係春妝系列
ANNA SUI ROSE CHEEK COLOR 魔顏精靈薔薇頰彩 $250
ANNA SUI CHEEK BRUSH 魔顏精靈頰彩刷 (HK$265 只一色)
呢個幾好喎，個刷入面有埋胭脂粉，不過個色要試下上手先知岩唔岩自己！
好了，講到呢度，今次既情人節特輯完結了(想知仲有咩最新春妝上網SEARCH 2012春妝應該會搵到好多！)，本來都仲有好多點子想講，但閃閃冇乜時間再講了，唯有出年再見:P，希望之前幾集加埋今集會幫到你唷！下年閃閃早啲準備再同大家分享唷！
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言