最近閃閃影相上 Facebook ，唔覺意露左手指，有朋友仔問係邊隻甲油咁靚，其實唔係甲油黎呢，係一種金屬甲貼，一般金屬甲油因為依靠金屬色閃粉折射光綫，黎做到閃爍既效果，但就做唔到 MINX NAIL 呢種金屬質感般既雷射反光視覺效果，所以連 LADYGAGA 、RIHANNA 等等既名人追捧！
今次去試做既呢間店叫 O'TSUME 御甲，位於銅鑼灣SOGO後街樓上店，閃閃上星期一放工就閃過去，佢地岩岩搬店，岩岩裝修好，地方好舒服！
美甲師著閃閃係一堆不同的甲貼先選擇心水既金屬甲貼，真係頭痛，因為太多款 (唔記得影相...::P)，搞左好耐，先係美甲師既建議下揀左呢組圖案，簡單，斯文，但又夠閃！
美甲師先幫閃閃修好甲型，然後打磨一下甲面，因為閃閃唔想做GEL 甲，所以會直接貼甲面，如果有做開GEL 甲的，可以先做GEL 甲底，再貼甲貼，咁會更加平滑！
然後決定好甲貼既位置，再埋揀好岩甲形大細既甲貼，再剪好！
放近係 MINX HEAT 度，以熱力令甲貼軟化。
再貼上甲面，用軟膠棒令到甲貼與指甲邊緣更緊貼。
最後再用較剪剪返邊緣位，留小小位，因為會再加一個GEL 甲既TOP 係面照燈，咁做可以令甲貼更加耐用！
最後成品！係咪好靚呢！^^
左右手既甲貼編排有少少唔同架！平時少搽甲油既閃閃都大愛 ❤
MINX NAIL 如果唔加 TOP，大約可以KEEP 到七至十日，如果開 GEL TOP 就大約應該 KEEP 到兩至三星期。要 REMOVE 佢都好簡單，如果冇加 GEL TOP 就浸熱水，再係邊位撕走！
如果加左 GEL TOP，就用甲挫挫左甲面啲 GEL 再浸熱水，再係邊位撕走！
第一次試做 MINX NAIL HK$458 (原價閃閃冇問添！)
O'TSUME Nail Beauty
3/F., 545 Lockhart Road, Causeway Bay, Hong Kong
Tel: 2892 2840
website: http://www.otsume.com
好啦，講到最後，多謝 O'TSUME 送出十個名額既免費修甲服務比閃閃的星球讀者！
點參加，就咁啦！大家都知閃閃有 Facebook Fans Page，就快有400個LIKE 啦！(你要知道閃閃唔做宣傳，所以呢... 加既人數好慢....)，希望大家先去 like 一個，再係個度會指示話比大家知點參加唷！
閃閃的星球 Facebook Fans Page ：https://www.facebook.com/littlebluebb
截止日期：23/MAR/2012 - 23:59分
悄悄話，黎緊閃閃仲安排左送面膜添唷！大家記得緊貼閃閃的星球唷！謝謝 (灑花~~^O^//)
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言