仲有一個月左右就係情人節了，揀左心水禮物未呢？閃閃自己都未諗到送乜比男朋友仔。不過都想分享下最近買到既野同送禮物比女仔既小心得，純個人感受唷！
首先，設定一下，你要送既對象係咩類型，如果簡單分類就係型格女生同甜美女生，已經係女朋友定未係戀人未滿？在閃閃黎講，其實只要你有花過心思，就已經係一種觸動！
你究竟有無了解過「她」既喜好呢？最簡單的，就係從公仔入手，例如閃閃鐘意鬆弛熊同 Little Twins Star 咁，有啲女仔好鐘意 Miffy、Hello Kitty 等咁！咁就簡單啦！買個佢鐘意既公仔就OK 啦！當然要「用心」揀過啦，如果怕自己揀左個唔靚既，上網搵下資料，又或者問下身邊女性朋友既意見都OK 唷！
可能你會話，公仔太行喎，咁你可以再花啲心思，就個公仔買一系列既產品，可能係公司飲水既水杯，電話座又或者得意既精品，文具用品咁！今年2月14日係星期二，咁就可以早星期五開始送，星期一再到星期二，咁就令個女仔驚喜又窩心啦！
但其實如果你了解佢既話，平時行街點都會留意到「她」鐘意啲乜野，又或者對邊啲野特別既野！仲有一個月時間，快啲留意下啦！
不過都要講一件事，閃閃唔係啲好物質既女仔，所以小小野都好開心，如果你既對象係勁再現實勁物質既女仔，咁SORRY，之後幾集你都可以唔駛再睇！因為太現實既女仔唔會為你一隻公仔就心動的.....
講完公仔，聽日同大家講下其他野啦！
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言