好啦，閃閃首先承認，當初收到這到金光閃閃既 POND'S 時！放埋左一邊冇理過，因為直覺覺得唔好用！後來執野搵返佢出黎就開黎用。用左就黎一個月，又發覺原來好用喎！
所以係度都要多謝公關搵閃閃試用，有時真係唔試過，真係唔知原來係咁好用，以開架品牌黎講，呢一套產品既定位係算中價，所以唔算貴！
呢套系列叫 POND’S gold radiance™ 臻金盈采™系列，首先就介紹個精華先！
Precious Youth Serum 稚采精華霜 HK$229.90 / 30ml
以滴管式設計，埋白說，閃閃不太喜歡 (最近的產品都用這個設計，但又做得不太好，其實POND'S 這個還好，差點閃閃介紹另一個更難楂手！)，希望改一改設計就好了！
透明設計可以看到一粒粒金光閃閃的，就是臻金因子，加埋維他命 B3，質地好清爽好水！
閃閃滴在手背，因為質地很水的關係，很快滑走！
而且搽上皮膚係好快吸收！呢段又凍又乾既日子，閃閃都係靠佢渡過，連身體一啲好乾既皮膚，搽左佢都會有返水份，仲KEEP 得住添！
Pond’s Youthful Glow Day Cream SPF15/ PA++ 稚采日霜 HK$219.90/ 50ml
第二枝介紹就係有防曬既日霜~
SPF15 PA++ 對一般OL 黎講，算夠用了，不過當然高啲去到SPF20+以上會好啲！
白色既乳霜，同精華既味道差唔多，但當然防曬既質地唔同啦！唔杰身，都易推開！又唔會令皮膚白左！仲有少少既金光閃閃添！
Pond’s Youth Reviving Eye Cream稚采眼部精華霜 HK$199.90 / 15ml
佢都係豐富既臻金因子，用以改善黑眼圈同埋明亮眼周膚色，亦都可以緊緻眼周肌膚！用左一段時間，可能因為閃閃最近都係訓得唔好，緊緻就好似有，但改善黑眼圈就暫時未見到！
少少就好夠用，都係易推既質地！
Pond’s Youthful Night Repair稚采復顏晚霜 $219.90/ 50g
特別想提一提係盒既設計，佢開口有個缺口位，好多品牌都冇咁既設計，有時開盒好難開，要夾硬整難個盒！所以呢個位係一係細心既位唷！❤
另外就係提供埋棒棒，可以唔駛每次人手接觸啲晚霜，乾淨好多呢！
每晚用左精華，再加埋呢個稚采復顏晚霜，係晚間再好好鎖住精華，持續咁修護肌膚！
總括來說，閃閃對這系列評價不錯，尤其係個精華，好補濕鎖水同埋有減淡細紋既功效，全套加埋都唔過九百蚊，送比媽媽用都不錯的選擇，因為抗衰老既產品，閃閃覺得25歲以上既所有女生都岩用呢！
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言