哈哈哈哈哈，應該最遲係閃閃啦！尋日考完中期試，真係用慘不忍睹黎形容，唉......算啦！過左去，都係到左出文既時間，今日就講返之前既灰熊山谷預演！
有 LIKE 迪士尼既朋友，都應該知道灰熊山谷係上個月十四號已經開左！
閃閃係開前早一星期得到迪士尼既邀請，可以優先去試玩灰熊山谷！
仲記得，上一次黎既時候，仲係寫住將於2012年中登場！話咁快就開了，下一個要期待既係迷離莊園，唔知係乜東東黎呢！嘻嘻~~~
講返今次灰熊山谷先，最想玩既當然係佢既最新機動遊戲，灰熊山極速礦車，係迪士尼樂園中車道最長既機動遊戲，閃閃最鐘意呢種講起速度既玩意，最緊張既係，去到某個位，會極速咁溜後，一早都知會有呢個設計，但冇估過佢溜後既路段都幾長，向後既感覺都幾刺激架！閃閃呢個都玩左好幾次！！
灰熊山谷仲有好多好西部礦石場既設計，仲有一個位係噴泉山谷，入到去，一定濕身！
當日帶左柏宇去玩，佢玩呢個水槍玩得好開心，不過......其實佢唔夠力.... 最後咪係閃閃負責射水，不過都真係要幾用力架！但小朋友就玩得好開心啦！
玩完之後，仲有一張 Cert 比我地添！嘻嘻！
呢個真係MUST 玩的，大家去迪士尼樂園唔好錯過灰熊山谷呢！仲有好多場景好岩影相添唷！
咁入得樂園，其他園區玩啦！
個三眼仔公仔係咪好可愛呢，閃閃平時都冇乜留意一啲活動，以後只係扭下波比小朋友，原來佢地會扭一啲迪士尼既公仔出黎，呢個係閃閃猜包剪揼羸返黎架！(哈哈，同個小朋友猜，贏左都有啲唔好意思！)不過柏宇好鐘意的，閃閃都係電光火石間計算過對手出啲乜野既機會率架！加上其他BLOGGER既支持下，閃閃都猜贏左！^^
睇下柏宇幾開心，拎住佢周圍去添唷！^^
之後仲去玩左柏宇最鐘意玩既楂車，雖然唔係佢控制到左右，但小朋友就係簡單同開心！
其他都唔多講了，最後梗係要睇埋煙花先走架！
男朋友說，又係迪士尼... 閃閃想說的是，雖然香港的迪士尼唔算大，但一日真係未必玩得晒的！一來排隊啦！二來行下睇下係需要時間，同埋帶住小朋友去，佢地永遠唔會玩膩的！最怕冇得玩，哈哈哈哈！
黎緊係萬聖節啦！唔知今年係咩主題呢？？？嘻嘻~~~~~~
再次多謝樂團既邀請，今次遲左交文添！:P 不好意思唷！^^
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言