講返今次既試用，今次揀中閃閃我諗主要係因為閃閃已經用緊佢地既「無線太陽能鍵盤 K750」，其實當初揀既時候，曾經係「無線炫光鍵盤 K800」同 K750 之間爭札，究竟買邊一個好，價錢相約，但 K800 係會連埋一個無線 MOUSE 的，而 K750 就冇，最後閃閃都揀左 K750 係因為各方面既考慮，首先係 K800 比較深 (唔知應該用咩長定闊形容) 因為佢係多左一個手枕位，其實舒服的，但就因為閃閃工作枱唔算好深，咁會再佔左我工作既空間 (當然夠位就 K800 好啦！) 而 K750 太陽能既設計閃閃又覺得好環保喎，同埋佢有啲似用緊既鋼琴面筆電鍵盤，以低平式按鍵設計，打得好舒服，所以就算無連滑鼠，閃閃都揀左 K750。
然後就開始諗住物色返一個岩用既滑鼠了，要知道有個咁型仔既 Keyboard，個滑鼠就唔可以太笨，見到 Logitech 係 FB 介紹呢個 m600，佢一身平滑既造型已經囉左唔少既分數 (好彩被揀中 :P)，好！等閃閃黎講唔專業既開箱文啦！嘻嘻！
m600 既包裝，有啲似閃閃最近拆既 Plantronics 既 Backbeat Go 耳機 (又是無線，對，閃閃真的不喜歡有好多線的感覺....) ，都是用膠枝架，托住件產品，好似一個 Display 咁，靚！
入面包括左電，說明書，接收器，同埋一個絨袋，方便帶出街配筆電使用！
而因為閃閃冇用過 APPLE MAC 機，所以唔知道佢同早期 APPLE 或者其他品牌出既觸控滑鼠有咩分別，上網搵左段片，比大家了解佢既功能！
開始用之前，首先係安裝好佢，插埋接收器，電腦會自動安裝，不過因為佢係冇連埋軟件，想全面咁用佢功能，就要安裝埋 FLOW SCROLL (按此下載)
睇完片都大約明白點用，左右都同平時用既鍵一樣，不過唔同既係，你咁左邊右邊要提起，用右邊既話左邊手指要提起，因為佢係觸控，所以做唔到咁住兩邊再咁落去，所以呢個係一個要習慣既地方。係有啲唔習慣，但新野就係要習慣架啦！
第二就係佢用佢既觸控面黎做到控制上下同轉頁，上下就同平時滑鼠滾輪一樣，唔同既係變左一個平滑面去做，閃閃初頭幾日都好唔習慣，而家叫做用得流暢點了，而左右就比較少用，可能係閃閃係囉左返公司用既關係，如果係平日係屋企用一般上網用，就可以大派用場了！
而佢既大細對閃閃黎講都係岩岩好，而且以 Logitech 而家既光學技術，唔用 Mouse Pad 都唔會有問題 (但我個 Mouse Pad 係我最愛既鬆弛熊麻！要用既....hehehe)
另外佢入面係要用2個3AAA 電的，不過單用一個佢都可以運作，咁可以減輕佢既負重，帶出街會方便啲，當然用一個只可以頂到三個月，兩個電池就可以用到半年了！
整體黎講，閃閃對呢隻 m600 都幾滿意，當然閃閃覺得佢係有進步既空間！閃閃都始終都係覺得，返工對得最多就係個 Keyboard 同 Mouse ，揀隻岩自己手感既工具對自己好啲其實都好緊要的！(講講下... 屋企個 Keyboard 同 Mouse 都應該要換... 屋企都成日打字寫BLOG 麻....:P)
再次多謝 Logitech 提供既試用！謝謝 ^.^
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言