[活動] SWAROVSKI 秋冬系列 ❤ 閃閃的「華麗國度」

早前，閃閃出席左 SWAROVSKI 既秋冬秋列發佈會，大家都知我個名叫「閃閃」，對於閃閃爍爍既野係零低抗力。所以雖然發佈會那日要上堂，但閃閃都走左大半堂出席，好可惜係晏左開始，閃閃連少少都睇唔到，不過事前影左啲相！所以，今次既文係以上為主，一半係閃閃以iPhone 影，一半係大會既發相！希望比大家感受下今次既「華麗國度」

今次既活動係 W HOTEL 舉行，冇上次係金鐘搞咁大型同GRAND，但多左份型格既味道，我諗所以佢地先揀左呢間走型格既酒店，閃閃未夠六點半就到場，因為要早閃，所以要快啲影多啲相，又話說，個日應該好好日，有三個EVENT出左邀請比閃閃，仲有其他閃閃冇份的，當日勁多活動，但閃閃鐘意  SWAROVSKI  ，所以揀左 SWAROVSKI  出席呢！

場地唔算大，勁多人，有記者有 SWAROVSKI  既客戶亦有 Blogger ，周圍都勁多人呢！

可惜當日閃閃要返學，見唔到美人周慧敏，超可惜呢！
以為啲咁型格既飾物唔岩玉女？錯啦！玉女都可以配襯得好靚呀~~~~~

閃閃都幾鐘意呢條，好岩著晚裝既時候戴呢！

加埋燈光真係閃到爆呀！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

[活動] 遇上閃爆名錶唷 ❤ 瑞士天梭表 Lady Heart Diamonds

閃閃好耐冇戴表了，其實錶呢樣野，係一種時間既表達，亦可以以時尚去演繹

今時今日，表呢樣野呢，有平有貴，但好多時大家都會對某品牌情有獨鍾

而閃閃我都對 TISSOT 呢個品牌情有獨鍾

講緊既係有型有款既男裝表，但原來，女裝表都瑰麗而閃爍

最近，閃閃去左 TISSOT 既店舖試戴呢隻成萬八蚊既表
係邊一隻？我諗大家都有睇過上面呢張海報
雖然閃閃冇特別喜歡大S，但呢張黑白相都拍得好靚
感覺係咩？有型格但不失女性既嫵媚

如果硬話唔喜歡既地方，就係佢係真皮帶，閃閃個人鐘意鋼帶多啲
不過，要數喜歡既，一定係個設計同埋圍圈既鑽石
以66顆頂級威塞爾頓的璀璨美鑽打造
 再以PVD玫瑰金錶殼鑲包圍住
真係靚到爆

同埋細心咁睇，係 12點鐘位置的圓形視窗
可以讓人得以窺視精密既瑞士製造自動機芯
睇住佢一跳一動
有好奇妙既感覺

相信我，戴上手，真係唔想除
原本唔鐘意皮帶既閃閃
戴住鱷魚紋白色真皮錶帶既表
又覺得配搭得極好

佢唔係一般既扣，係好似鋼表帶咁既搭折疊扣環
而且有30米既防水深度
掂到水冇問題
同埋佢既表面係防磨損藍寶石水晶鏡面
而 66顆頂級既威塞爾頓美鑽，都附有鑽石鑑定證書

閃閃諗，應該可以保值添呢

雖然其他價格較相宜，但係都係呢隻最靚

女生，可以買黎氹自己
男生，可以買黎氹女生

瑞士天梭表
Lady Heart Diamonds瑰麗女裝鑽石腕錶
HK$18,500

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

情人節特輯 ❤ (二) 一連串的驚喜 「驚喜/驚嚇」??

曾經，閃閃有一個朋友，連續一個月每天都收到一對耳環，係咪好感動呢？




如果係你，每一日都收到一對同自己唔襯既耳環，明知自己唔會戴，你會對佢既行為有啲......心動，但就打了個折，你會點諗？有時印象同感覺既野就係咁，行錯一步，就滿盤皆落索！所以男士們，做一啲好一連串既驚喜時，真係要諗清諗楚！唔好驚喜變驚嚇~.~

又係個句，最保險都係搵個朋友去一齊揀，若果你能夠請得動「她」的閨中密友，當然就最好啦！如果唔係，就唔好只係一味買耳環！分散投資一定保險好多！

不過，以下既建議，只係適合好似閃閃呢類型鐘意得意野既女仔！

❤ 髮飾 ❤







有些女生，好鐘意用唔同既髮飾，由其係一啲鐘意睇日本時裝雜誌既女生，都鐘意一啲可愛又靚既飾物，閃閃介紹呢間店呢，之前都有介紹過 (❤相關文章❤)，閃閃每兩三個月就會去入一堆飾物，店主稱係韓國入手，好多款式，價錢仲要好多都好實惠，好似閃閃呢堆髮飾加埋下面個堆飾物，大約都係三百蚊！(實數唔係好記得了，但係好多款式都係幾十蚊咁！)


❤ 飾物 ❤







如果可以，你當然可以一邊諗住「她」，一邊揀，如果唔係，SHOW 張相比店員睇，閃閃諗或者佢都會幫到手，不過都係個句，用心諗過係咪真係適合佢！

要送幾多日，就睇你自己既預算，好似上面九樣野，三百左右，閃閃覺得唔貴麻，若然多啲預算就買夠二星期或者一個月！(送去佢OFFICE 好喎，呢啲行為係應該要其他人都知道架！*一個星期都係返五日工啫！*或者一星期二日，唔定時間等佢心掛掛) 係虛榮黎，不過如果唔係個啲要個名牌袋既虛榮，而係想要一個肯為自己花心思既呢種虛榮，應該唔難做唷！

若果你再有多啲預算，就留給頸項吧！買一條貴啲既鏈，係情人節當日送吧！

重點係，要CHOK 住同「她」講：我希望你全身既裝飾，都係我送比你的！

係！閃閃唔理你有冇林峯咁CHOK，但如果佢鐘意你，應該會冧的！


Tiara Shop 有三間分店，閃閃一開始係係葵涌廣場個間買的，之後去荃灣個間，因為大間好多！
買夠三百蚊永久有八五折，所以都幾抵，有時閃閃係其他地方見到同一款飾物但會貴啲添，所以閃閃好多時都返Tiara 入貨！

之前有人問過閃閃地址，但閃閃只係識形容，上次閃閃終於囉左地址了，你地可以搵下唷，不過如果去 Kwai Chung Plaza 的話，留意唔好去錯，閃閃真係見到同一款飾物，貴二三十蚊都可以.......

Kwai Fong
Room 3073, 3/F, Kwai Chung Plaza 2428 8776
Tusen Wan
Shop 86, 2/F, Nan Fung Centre (New Town Mall) 2402 2004
Mong Kok
Shop M12, 1/F Allied Plaza 2402 2024
Kwai Chung (2)
B82, 1/F, Kwai Chung Plaza


閃閃下篇都係會介紹一下飾物，但貴少少了，下篇見！❤

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！