IPSA 殿堂級專業化粧班 藤原紀香御用化粧師教授日本獨門化粧秘技

很薄很薄很脆的豬肉紙

"左邊的是櫻花蝦豬肉紙，右邊的是杏仁豬肉紙"

從阿蘇在飲食男女和電視的飲食節目介紹後，一直很想試這種豬肉紙，因為被它的很薄很脆吸引了(我是不喜歡吃豬肉乾的，但想買不同的零食給喜歡的他試，所以就想買了)，第一次試食是麻煩朋友到台灣旅行時帶這手信回來，我給他地址，他真的給我買了(後來自己去的時候，才知道很遠唷...謝謝你唷！)

食過一次很好吃唷，真的很薄很脆也很有豬肉味，好啦，再有朋友去台灣又拜託朋友去買，但之後其他朋友看地址也說不會經過，所以就買了其他牌子的給我吃。但......都不夠我當初吃的好吃呢。

之後的之後，我一個人到台灣遊蕩去，自己一個人去了買，左找找右找找，終於找到了！

上星期朋友仔告訴我他訂了！「訂了？」
原來現在可以電郵訂購，隔天送貨，它們搭長榮機來香港呢。



現在封口膠袋內還有一個實淨的膠盒！冇以前得膠袋咁易撞碎啲豬肉紙唷！


還有體貼的溫馨提示！嘻嘻！


看正面不知有多薄呢！


打側就知有幾咁薄啦！

有興趣既朋友，可以係上江記華隆網站電郵訂購呢，運費大約每包HKD$10啦(我諗買得多平啲既！)

Steady 7月號

尋日經過7-11，見到Steady呢本日本雜誌，被書附送既禮物吸引左！

估下係咩黎？

後面.... 估唔估到？


係啦！就係三面化妝鏡！但是很失望的不是上次Sweet6月號送般是打得破的真鏡，但它的貓貓圖案很美呢....
所以如果不是看開Steady的話，可以不買呢...




看內文，我想有一頭這種Curl度的曲髮呢。但要買一個電髮捲呢！！！

好好既洗甲水 Kose Softymo Super enamel Remover

為左靚靚地見他，我總會為指甲扮靚靚，但為左令指甲的甲色咁圖案Keep得持久，我會搽上兩層Anti-Chio Top Coat以作保護，所以好用的洗甲水好重要！(因為太多層甲油了)

Kose Softymo Super enamel Remover
$28/160ml @卓悅

佢唔會好似一般既洗甲水咁有好大陣既酒精味，仲有少少既生果香味。平時用洗甲水好似係咁"拿"甩啲指甲油咁。呢個感覺性質好溫和咁溶左啲指甲油，感覺上呢，指甲唔會因為用左洗甲水變得好乾咁。而且佢仲會連指甲貼紙既膠同貼紙都溶埋。

我試下用鍚紙包住有甲油既化妝棉係指甲上。

之後冇手影相，但包住左五分鐘後，佢已經溶左大部份既甲油同貼紙。之後再用化妝棉黎落都好快落乾淨。(用既化妝係IPSA的，我覺得佢用黎落指甲油一流！)
用完佢啲指頭會油油地(可能係唔乾既原因之一)。

相關文章：
Kose Softymo Super enamel Remover

妹妹的小寶寶

Baby係2009年6月24日誕生為巨蟹小男生了，母子平安，小寶寶重8.5磅，可愛可愛

this week nail art

行左好多間莎莎，終於買到呢個喱士花邊既Nail Line Seal，我見到仲有藍色心心，白色花邊的，但藍色我好難襯咁，我都係鐘情白呀，粉紅既顏色。


佢有兩行的，花邊位好立體的！！好優雅咁唷！！


為指甲塗上螢光粉紅既顏色！(呢個色......我平時實在冇搽過的... 總覺得單搽的話會好"娘")
尋晚我一邊塗媽媽也一邊說好娘喎！！hahhaaha


但係加左貼紙之後，唔同晒，即刻可愛左！！！嘻嘻。
我塗左一層TOP COAT做保護，今晚返去再塗多層順便加幾粒水晶石！！靚靚唷！


但貼呢啲立體既貼紙，好快就甩，我決定試Cal Gel Nail呢！有冇邊間整得好可以介紹唷！^^

Shiseido Skin Test

上星期四(June 18)我同妹妹約左去Shiseido 既美容中心做皮膚測試。

等左一陣，美容顧問Wendy帶左我入房仔度做皮膚測試，細心既Wendy倒左杯暖水比我

呢部就係做皮膚分析既儀器啦！


因為我有化妝，所以Wendy首先幫我係額頭同面既兩邊用Cleansing Gel幫我落妝，等五分鐘之後，等水油平衡返，就開始做皮膚測試啦！


測試係分水份、油脂、新陳代謝、彈性同透明度度做分析，亦會測試體內調節能力指數(即係肌膚受傷既回復程度)

妹妹做示範啦！(我做測試既時候，佢仲係SKII)
用機器測試面部既水份。

再用吸脂棉測試油份

再測試面部既角質層
仲有測試面部既色素表層同底曾既黑色素

等一陣，分析出左了(好緊張呀)

我超乾呀！！！其中新陳代謝同彈性最好
而我比較擔心既透明度都原來差少少就可以到粉紅區，Wendy話咁其實都同我水份不足有關係。

Wendy問清楚我平日既護膚程序，原來我有啲程序錯左！
咁係可能因為我用唔同品牌既Skin Care，每樣Product都有唔同既用法(我係咪應該要買返一條Line呢！)
最重要係我只顧左美白同防曬，冇好好做好保濕呢part，所以搞到皮膚冇足夠既水份，亦到冇油份去保護皮膚，令皮膚冇左皮脂膜去保護，亦因為皮膚唔好，搽保養品都唔能夠吸收 (由其夏天成日係冷氣地方，抽到好乾)


如果我做好保濕呢Part，皮膚就會有返光澤同埋可以更吸收美白既精華！
我要做返好保濕呢樣野呢。
另外妹妹因為新陳代謝唔係咁好，Wendy都有教佢簡單既按摩做保養，其實我地如果平日抽時間每日做少至五分鐘既按摩，皮膚都會變得更加好架！！！
呢樣野上次上亮白美肌堂都有講架，我而家用既SOAP都要做按摩，我同妹妹都打算買佢既White Lucent -Brightening Massage Cream N黎每星期做多一至兩次既按摩 (如果用Lotion黎按摩既話，因為lotion 會好快吸收，咁就會好易磨擦到皮膚)
我
呢個皮膚測試可以比我地了解自己肌膚既問題同需要，好好唷！


最後仲有Shiseido出既曲奇同朱古力添呀！(可以係銅鑼灣美容中心同沙田既專門店購買)
個朱古力唔太甜，幾好味架！^^









美容中心仲有好齊全既Shiseido，可以慢慢試，無人會阻住架！



妹妹就黎生了(應該呢個星期掛)，佢腹大便便咁出左黎做Skin Test呢！哈哈
Shiseido呢個美容中心既入口有條好張既紅地毯樓梯，好靚靚唷！！

值得一提係BA Wendy佢又細心又Nice！我地係護膚既問題上佢都會好用心咁答我地
做完個Test佢仲會因應我地既需要，送Sample比我地試
我既呢，就 係White Lucent Concentrated Brightening Serum (美白精華素)同埋Bio-Performance Advanced Super Revitalizer Whitening Formula 營養霜。


延伸閱讀：
Karen - SK-II「第一支神仙水的奇蹟體驗」& shiseido skin test

ANELA MANA SOAP

哈哈，其實我都算係乜都夠胆試既人，月頭係Y拍發現呢個Soap好似幾好咁(最近用緊係台灣買既阿原肥皂沖涼同洗面。某美容書介紹我地都係用返天然既肥皂對皮膚係最好)

過左數，就等佢寄黎，我買既係試用裝7g ($28)好細片，叫做試下係咪真係好啦！
根據Y拍內的說明：
"本產品在製作過程中不添加任何的防腐劑、酸化防止劑、色素及合成香料等，是一款不會對肌膚造成刺激的無添加製品。泡沫非常的溫和，細膩的泡沫將您的肌膚溫柔的包裹。設計這款產品當時的理念就是依靠製品本身的自然力。作為只能限量生產的產品也是生產者用心、用愛奉獻的一款潔面皂。

正在為成人粉刺所煩惱的先生、女士們。。。。。
所謂的化學治療（Chemical healing）是指用AHA乙二醇酸（德語glykol）抑制炎症，將皮膚角質層上殘留的粉刺油脂等已經老化的部分去除，緩和毛孔，並將因粉刺疤痕所造成的皮膚凹凸不平磨光滑。正因為這種治療所以是可以期待皮膚重現光滑的。 "

查實我唔知成份係乜野黎啦！但見佢話冇刺激性，而且話使用一次既效果 好過做一個過千元既facial (其實好嘩眾取寵)，不過我都想皮膚滑啲唷！

收到啦，個包裝係咁的


入面既內容

入面有說明書(日文黎，因為話係Made in Japan)，但有晒圖，而且仲有賣家既中文說明書一份。
個SOAP好細，我已經用左幾日，冇左一半了！見唔見有個袋形既網！
個網都ok方便，可以裝住個Soap又可以要黎起泡，用完就連埋個Soap掛起佢！

因為又要起泡又要等2-3分鐘，自己實在冇手可以影相，唯有Copy賣家既相過黎，我都想話好用0者，希望唔好比佢話我啦~~~


用法就係：
1.用溫水將面部全部濕潤 (ee... 但我戒左用溫水喎！用室溫水啦)
2.潔面皂充分揉搓出細膩的泡沫。如果不揉出泡沫在放置過程中就會坍塌不成形。
3.下顎和額頭等角質比較集中的地方，塗抹泡沫後進行按摩。
4.塗抹著泡沫放置2~3分鐘。如果感到疼痛或有什麼異常的話，請馬上清洗乾淨。泡沫請不要塗抹在眼睛或嘴唇及敏感的部位。
5.清洗時要充分用水清洗乾淨，感覺不到泡沫的濕滑為止。

用完既感覺係：
皮膚滑左，雖然佢話係美白，但又唔係一洗白左咁誇張，但我覺得洗完去左啲暗黃既感覺，Keep住用再加美白既用品，應該會好好。同埋用完好滑同好乾淨。
但另一樣野我Feel到既係，佢有控油既效果，好明顯我上星期個nose仲係會係中午出油(咁又溶左我啲粉底)，但呢幾日就好感覺到冇浮油既情況(good)，因為我冇轉其他護膚品，所以應該係個SOAP既功效喇。

我係Y拍賣家：rebeccacsty買的。
有興趣可以向佢購買啦！
(聲明，個賣家我唔識架，不過真係幾好用向大家介紹下，如果怕自己唔岩用，可以學我咁買試用裝試下先！)

The Body Shop 全線果香沐浴露250 ml $25

至到聽日(June 19) 就完啦！有興趣Print out出黎去買啦！^^

MUJI Pressed Powder

哈哈，話比同事朋友知我用既碎粉係MUJI既時候，大家都好驚訝乜MUJI既化妝品都好用嗎？我想又一次，如果唔係Meling介紹(中女的棉花糖肌)，我都唔會自己買黎試 (唔好亂駛錢麻)

以前我用完Foundation就算，唔會再加碎粉去定妝，之前都有用IPSA既Pressed Powder，但我又覺得粉唔夠幼，見Meling介紹MUJI呢隻 Pressed Powder，好似IPSA咁都係壓成圓餅狀(我好怕好怕成個粉撲一唔小心就沾左過多既散碎粉)，而且價錢唔貴 ($80)，所以就去左MUJI個Counter度試下上手，之前去World Trade個間得返閃既Pearly Pressed Powder！問下Staff仲有冇Stock，原來利舞臺個邊有Natural喎，咁又過去買啦！

閃同唔閃既Pressed Powder一樣都係咁幼滑，而且唔係話真係好白(我唔想變粉面人)，我諗就算我遲啲白啲，都岩用！所以就買啦！^^

返屋企打開黎用，個粉撲軟棉棉，係粉餅上轉一圈，印上面上，可以減低搽完粉底後的油膩感(其實都唔係好油.. 係有啲笠笠地！)，只要用手背掂下塊面唔會笠住，薄薄地一層就OK啦！

大家可以去MUJI度試下質地，真係唔錯呢！^^

my HTC Diamond

見到個個都講Nokia既N97新機，等我都講返我部舊機先。因為已經習慣左用HTC了！正如Daisy 講，習慣左某牌子，好難再接受其他品牌介面 (Daisy: iPhone用家看Nokia N97)

因為想用Touch screen既電話，所以轉左用HTC Diamond(其實係有啲個人既情意結, hahaha)，陪我買既朋友仔見親我都問我識唔識用個電話，其實點為之識用呢，我諗我既Sense算係唔識用，應該話唔識好好利用電話。但換左呢啲PDA phone，確實為生活帶黎唔少方便既。

初初我用左好多時間，去研究加一啲Application落部機，同埋將輸入法加入速成(識加已經好好啦！唔用倉頡係因為我唔係個個字都識拆，係電腦就話可以打"*"轉做速成，但電話唔得，所以而家已經習慣左電腦打倉頡，電話打速成！^^) 又研究點改One2Free既Lock！令部機既介面更加配合自己使用，上網睇文，邊改邊學，搞掂左的話，都好開心架。

之後就係想改每個page都係同一個screen 既圖片，但我而家仲未識... 好似好難.... 睇黎之後又要抽好多時間黎研究。

另一樣就係睇新聞了，我唔係咁鐘意係街囉報紙睇，唔想拎多樣野 :P，所以PDA Phone睇報紙就好方便了！每朝我都會睇新聞，陪住我搭巴士架。每日Update新聞係好重要架，有時我唔駛返工，起身又唔想落床(即係懶床)，就會囉部Diamond黎睇新聞。

MSN亦係唔可以欠缺既Application！我唔會成日講電話，但會間唔中同朋友MSN！有時搭車悶悶地，同朋友傾下計，都好開心架喎~~~~~

初初搬屋既時候，成日返屋企唔識邊個位落車，新裝既Google Map就發揮強大既作用了！之後好幾次我係街迷路，都係因為有Google Map先搵返自己係邊樹(衛星定位！！！)
呢個Application對我黎講好重要，真係好有用！

唯一唔好既影相唔靚，不過相信以我既觸角，就算相機質素唔夠好，都可以拍出有Feel既相片，嘻嘻。

HTC出左好多新機，我諗暫時都唔會再換電話住了。出年睇下會唔會出部靚靚仔仔既先再作打算啦！

the sky...

掛念您。。。

Doraemon MTR Souvenir Ticket Series 多啦A夢百寶港鐵紀念車票系列

地鐵將於2009年6月28日一連三星期分別推出限量版多啦A夢百寶港鐵紀念車票系列，每款包括紀念車票兩張*、精美票套一個及紀念品一份，只售港幣88元。紀念車票於各港鐵客務中心(非付費區)公開發售；機場快線、輕鐵、羅湖、落馬洲、馬場、欣澳及迪士尼站除外。每人每次限購兩套，數量有限，售完即止。

Enjoy 時光系列 + 靜香鬼馬電子鐘
28/6 開始公開發售（售完即止）

Smile放大系列 + 大雄神奇電筒
5/7開始公開發售 （售完即止）

隨意Ｈappy系列
12/7開始公開發售 （售完即止）多啦A夢哈哈笑發聲器

(圖片只供參考)

*車票有效期至2009年8月31日，憑車票可乘搭港鐵任何車程一次，不包括機場快線、東鐵線頭等、往來羅湖、落馬洲站、輕鐵、港鐵巴士及港鐵接駁巴士。

Mamma Mia Gelato @ Lippo Sun Plaza

之前係旺角Langham Place食過一次，未寫食評，今次寫食評，主要係想講下服務

今次係TST經過見到雪糕櫃比佢吸引住，最近身體好好，冇病冇痛，就食下我最Like既sorbet 啦！

鐘意sorbet 既原因係因為佢無牛奶，係低脂低熱量的好選擇，而且選擇生果味會好清新。

個度既服務員好有禮貌亦好主動，但又冇感覺迫你食，同埋唔會黑面(Langham Place啲服務員姐姐見到諗耐啲都有啲黑面)

所以就算我諗左好耐唔知揀咩味都好，佢地都好好禮貌，讚！！！

我揀左藍莓芝士(唔係sorbet，但好重cheese 味, 我like) 另外仲揀左西柚+柑既sorbet ，好香西柚味！

$28蚊兩個球，好抵食。

另外一提係佢既無糖系列 call :"Double Zero" 是一個專利雪糕配方，由代糖和脫脂奶製成，零糖零脂肪，每一款口味都取得醫生認可，適合糖尿病和對牛奶敏感的人士食用。