十一月的碎碎念：NEW ME!、食食食、豎琴

對上一次，作出大改變，應該已經很多年前了，那次剪得比今次長一點，電了曲髮，還染了一片片金色的 highlight，不過找不到那時的相了，只找到後來染返深色的，那年我忘了是03/04年。

這是03/04年(忘了:P) 和好朋友到海洋公園玩，到現在我還愛玩，只是有些太刺激的不敢玩了，老了。



那曲髮，也跟了我好多年，一來曲髮都好易打理呀，習慣了。
這是五年前了，同事仔剛結婚，那時頭髮長了很多。
今年他們五週年紀念，出年多一個小生命，好幸福呢！



說回頭髮。又電又染是很傷的，近一年，回復 nautral wave ，不想整直，只想自然直。大家都說我細個左！:P (又一印證小時扮大人，大時又扮青春！哈哈)


最近又剪了那幾吋頭髮，大家說我似中學生(著埋校服可能會似啲！)個頭好輕好輕.....，不過一定要吹頭造型，要早啲起身吹頭呢！(IPHONE 自拍照，哈哈)

上次食過海南少爺(相關文章)，超失望，有朋友說初開個時好好的，但我已經係我心裡BLACKLIST了，前兩日又去左泰妃雞，呢度既海南雞很有水準。今次我地午餐叫左一隻去骨雞(HK$150)唔係好大隻，但啲雞係連雞胸都唔會好"鞋"，其他部份仲好滑，另外點了燒豬頸肉(每次必點的！)，仲叫左泰式炒通菜(不過我地覺得炒得唔夠香！)，仲有扎肉沙律(好辣下，係慢慢辣出黎個隻)
6個人既午餐大約每人五十幾蚊。



泰妃雞
灣仔活道1號地下2號舖
Shop2,G/F,1 Wood Road, Wan Chai
2893 4798

剪頭髮那天，去了好旺角食晚餐，次次黎都係食雲吞麵，今次點了南乳豬手撈麵吃(HK$33)，第一次食呢，每次見人地食都好似好好味咁。南乳味唔會太重但入味，好多膠原咁，好岩女生食吧！(^O^)// 遠處那個蝦子上湯我勁愛的，每次來吃麵都會另點一碗飲的。

呢間麵家好古老咁，細細個已經黎食架啦！






好旺角麵家 Good Hope Noodle
旺角西洋菜街146號
146 Sai Yeung Choi Street, Mong Kok
2393 9036

最近係海港城搞左個「第四屆香港豎琴節」多謝PR既安排，我同幾位BLOGGERS 可以試玩一下！一直以黎，豎琴比我既感覺都係好優美！學過小提琴的我，對音律都略知一二，但大約都忘了怎樣看五線譜，第一次接觸豎琴 (HARP)，豎琴係平常冇乜機會接觸到既樂器，好鐘意豎琴既音色，好清脆呢，係小老師既指導下，我都彈到一首歌仔，而且試彈個時仲彈到天空之城第一句添呀(一句咁多...)，真係好開心呢！

大家係咪都好想去聽下呢！趁呢個WEEKEND ，去開尖沙咀就去 HarbourCity 聽下豎琴既音色唷！

「百人豎琴」演奏會
全港首次雲集100位豎琴表演者於海港城同場合奏，表演者將帶同不同款式的豎琴現身，並由最頂尖的韓國電子豎琴才女 Harpist K 擔任音樂指揮，當中更有兩位韓國新崛起的年輕豎琴手 – Yoon-mi Ji及Ye-song Ji，而香港代表則有香港管弦樂團客席豎琴手 –譚懷理小姐及施盈琳小姐，作歷史性的「百人豎琴」中韓音樂交流演奏會。一眾豎琴手將合奏由香港著名音樂創作人伍卓賢重新編曲的《東方之珠》及《聖誕串燒歌》，為現場增添節日氣氛。

日期：2010年11月28日 (星期日)
時間：下午1:30
地點：海港城港威商場大堂II

聽日最後一日啦。有興趣記得去啦！

最近日日追看天天天晴和義海，由其好鐘意天天天晴井喬既角色，總覺得我好似佢。。。
夜了，晚安！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

Paisano's - 好味又抵食既 Pizza

(From Openrice)

上星期去放工去左中環聽講座，但去之前完全唔記得左要食飯，到完左活動已經好夜，沿路行返落去，係擺花街見到有間店舖好多人，咁 Blogger Meling 就話呢間 Pizza 好好味，可以試下，咁就落去地牢搵位，上返去上面買野食！

我屋企人好鐘意食 Pizza 的，所以我成日都食 Pizza，有一段時間更加係自己整自己焗，但係我又冇好研究過餅底又或者用料，總之好味就可以。

個日我其實餓到胃痛，但係諗返起個 Pizza都仲係好回味，真係好味道，我買左one slice plain pizza同一枝 Vitaminwater XXX ，大家估下加埋幾錢？



而中環呢個地段，仲大過我塊面既pizza ，只係$25 (pizza) +$20 (XXX)，都係$45蚊，係咪好抵。
重點係：好味！好多番茄醬加芝士，不過我個片可能囉黎囉去，已經冇咁熱，但都不失美味。



鐘意食PIZZA 既可以去試下呢。


Paisano's
9 Lyndhurst Terrace, Central
2544 4445
11:00-23:00

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

ettusais 之滋潤篇 - sweet hands & lips gathering

尋日去左兩個活動，其中一個活動係 ettusais 既活動，選址係銅鑼灣既 hit the road (openrice)兩邊都係大玻璃窗，陽光射入黎好舒服，我之前未上過黎，下次要搵埋朋友黎試下食個飯先得。



(仲有問題遊戲添喎)

我早到左，未開始，人唔係太多，所以周圍影影影。尋日唔係太凍，所以我只係著左好薄既外套。又係著左我好鐘意既 Boots！（唔記得左影LOT 添:P！唔係正面，估到邊個係我嗎？)


今次既活動係介紹兩個產品，第一個係呢個！冬季限定既極上保濕加強版，之前係美肌教室已經試過，好好用，今次可以試用，實在太好了。因為我個咀成日都好乾，主要係因為一些壞習慣，例如緊張既時候會咬自己..... 所以因為咁個咀比較乾，但我又好怕啲好似漿糊既LIP GLOSS/ LIP ESSENCE/ LIP BALM，好怕笠住但又想滋潤保濕，呢個限定版「極潤版唇部修護精華 (lip essence -deep moist) 」就岩晒我。


佢地搵左寒天黎做一個示範，左邊係普通寒天，右邊係加入左「極潤版唇部修護精華 (lip essence -deep moist) 」的，可以睇到，左邊個個已經乾地，但右邊個個就仲係好脹卜卜。
加埋陽光照住，話埋比你知佢有SPF 18++架！呢個冬天真係唔可以少左佢....


我塗左上咀，係咪好水潤呢，用左佢再用LIP GLOSS 就可以又保濕又有COLOR 啦！



之後就係介紹呢個 ettusais 首次推出既護手霜 - 「甜蜜蜜滋潤水霜 (Sweet dear hand cream)」，個外型圓圓地似蛋糕，三種味分別係右上既清甜洋梨、左下既夢幻甜美草莓同埋右下既濃郁芳醇葡萄。好可愛呀！最甜既係葡萄味，跟住係草莓，最清係洋梨。


介紹產品外，仲即時幫我地做手部按摩，我揀左葡萄黎試下，個味都真係好甜呢，岩晒鐘意甜既女生。



因為我地早去到，所以好快就完成個活動，之後就同 Candy 坐埋一邊傾計食野，因為好味道，所以想搵日再黎食野呢！






多謝 HKCOSME.COM 同 ettusais 今次安排活動呢，過左一個好愉快舒服既下午，係咪覺得我冇乜介紹產品呢，因為試用中，大家估下我試用邊一款香味既潤手霜？試用後再同大家報告。

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

皮膚靚唔夠架。頭髮都要靚。Kiehl's 高效順滑護髮系列體驗

早前呢，Kiehl's 搞左個新品體驗會，我平時用Kiehl's既皮膚護理就用得多，但頭髮用既產品就未試過，但 Kiehl's既產品一向都覺得好用，所以對佢既頭髮護理產品都滿心期待。

首先講返個日既 Kiehl's 體驗會，選址左一間係WTC MORE 9/F 既SALON，原來好鬼大間的，一去到首先就去洗頭，當然就係用佢地今次介紹既洗髮系列 -高效順滑護髮系列。
(上圖：高效順滑洗髮露 $210 / 250ml、高效順滑護髮素 $200 / 200ml、高效順滑秀髮修護膜 $310 / 250ml)


用高效順滑洗髮露洗完頭，塗埋高效順滑秀髮修護膜 ，就坐返出去聽 Kiehl's PR 既介紹。


大家有冇留意自己既頭髮呢，平時我都唔多留意，只要用既產品夠潤又唔油對我黎講已經OK，但其實有好多產品都添加左啲化學成份，長期咁用其實對頭髮都唔係咁好，而今次呢高效順滑護髮系列，產品係購自公平貿易的100%天然有機摩洛哥堅果油而研製，性質溫和，不含矽氧烷(Silicone)、硫酸鹽 (Sulfate)、Paraben (防腐劑類)，有效加強順滑髮絲、改善粗糙質感，令秀髮健康貼服，散發自然的光澤。
而有時我地用左潤髮既產品，但係頭髮都係起毛毛，咁係因為化學成份只係係頭髮表層作出保護，唔能夠滲入髮絲內，亦會係表面帶走水份。形成假潤感。
而高效順滑護髮系列就係用左天然既成份有機摩洛哥堅果油，蘊含豐富既脂肪酸，可以全面咁滲入髮芯，鎖緊水份，保護髮絲不受濕度影響，令頭髮順滑。

講解完之後，就請左SALON 既HAIR STYLIST 黎同我地講解今年秋冬頭髮既潮流變化。

我都係度諗緊點搞我個頭，但有啲朋友話我CURL 大啲，有啲又話細啲，不過我之前CURL 左十多年，有點悶，而且直頭髮冇咁多野要搞，頭髮相對健康左，再用啲好啲既產品，我相信頭髮會再靚啲。

之後沖完水，就到整頭髮既時候，我其實已經唔係話咁想CURL了，而HAIR STYLIST 話我本身係NATUARL WAVE 咁，所以就幫我吹直佢！(我自己永遠吹唔到佢直... 呢啲都係功架黎)

首先係濕髮上 (半濕都可以！)，用上呢個 Kiehl's Stylist Series 既 Heat-Protective Silk Straightening Cream，佢可以抵抗我地平時吹頭既熱力，兼且令頭髮更加順直！(最近我先發現先來健康順直既頭髮都可以好吸引，所以呢個產品我都打算入手！)





吹直個頭之後，再係髮尾用呢個髮尾油，因為我髮尾唔係好到到啲營養。


整完個頭之後，個個都話我啲頭髮好直好滑咁。嘻嘻，靚靚。


多謝 Kiehl's 安排我地係SALON 體驗外，仲送埋一套比我地在家體驗。




我最推介的係個高效順滑秀髮修護膜，我呢啲平時好少上 Salon既女生 (好少特登去做Treatment ，去埸Salon 都係剪頭髮)，有呢個 Hair Mask 就可以係屋企都幫到頭髮做 SPA，呢個 Mask 好方便，只要係 Last 係頭髮上3-5分鐘就可以，我會揀星期六日個時，洗完頭直接用呢個 Mask ，等佢停係頭髮上耐少少，等頭髮吸收左啲營養就可以洗得，用完個香味同洗髮系列一樣好天然既香味，我好鐘意呢個香味，唔假！成250ML 其實如果唔係太長頭髮，都好用好耐下架，為左頭髮既健康，絕對值得投資！回購度：100%




另外高效順滑洗髮露同我平時用既洗頭水有啲唔同，就係佢唔係太起泡，不過大家都知道起泡起得好多個啲又係化學成分黎，所以佢起泡起得少反而係好正常，洗完頭過水，你會感覺到仲洗頭水都已經令頭髮好潤，因為佢入面有摩洛哥堅果油麻。洗完頭頭髮香香地，又好滑。
不過價錢就比一般洗頭水要貴，不過一分錢一分貨，頭髮真係好緊要的，到傷左冇頭髮個時就後悔當初冇好好保養架啦！


高效順滑護髮素就冇一般護髮素既假潤感，成個系列比我整體既感覺都係好天然又令頭髮好順滑。持續用左一段時間，頭髮又真係比之前冇咁毛燥。更加靚同埋健康。


Kiehl's 仲比左啲貼士比大家：
1) 使用Sulfate-Free的護髮產品，Sulfate容易帶走頭髮中的水份及必需

的油脂
2) 洗髮時應使用Conditioner及配合Hair Treatment使用
3) 濕髮時，避免使用毛巾摩擦頭髮，應輕輕按壓，減少因靜電帶來的毛燥問題
4) 避免使用風筒或使用有防熱保護頭髮功效的產品
5) 使用絲質的枕頭套，減少摩擦
6) 為頭髮造型時，應使用有保養成分的造型產品 。

最近有朋友話我既頭髮好靚，令一向都冇好好咁注意頭髮既我注意左，要keep住頭髮靚其實都要好花心機架。女仔為左令自己更吸引，就係每一部份都要好好保養呢！

多謝HKCOSME.COM x Kiehl's 今次既體驗，如果你同我一樣之前都係好毛燥又受傷既頭髮，可以試下用呢個高效順滑護髮系列呢！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

八字擇日記

今個月初有朋友結婚，婚禮簡單，但都令人好感動，一對新人雖然著得好 CASUAL，但都感受到當中既氣氛。我一直都認為婚禮既野大有大搞，細有細搞，只要上頭呀出門個啲做足(我係比較傳統的，比較鐘意中國啲傳統野！)，其他擺酒簽紙簡簡單單，好似我朋友咁擺兩圍FOR親人同朋友，就已經好難忘，最重要係個老公愛鍚自己麻。

記得之前我曾陪朋友去搵師父嫁娶擇日，上網搵左一輪，最後係生活易度見到有個準新娘留言，覺得都幾好喎，咁就陪我朋友仔上去擇日啦。


一開始我朋友仔已經Email 左雙方資料比師父，好似過幾日師父就E番啲日子比佢哋揀，我朋友仔揀定左，所以就叫埋我陪佢上嚟攞紅紙。呢個師父姓黃，睇落都幾後生，但講起野上黎又幾老積，平時啲師父睇通勝黎擇日，黃師父話唔駛，仲 SHOW 左好多唔同地方寫既通勝出黎，話其實個個唔同既地方都有寫通勝唔同既方法(上圖:師父囉左好多本通勝出黎)，要擇日，應該係睇返兩個人既八字，睇下咩野相沖，咩野相合，再夾返擇日既時辰，以求天時、地利、人和，各方面既配合，其實八字呢啲中國術數我地真係一頭霧水呢，但黃師父見我地唔明就會再用顯淺啲既例子令我地明白，我地問咩都係有問必答，真係好好呢。

夾八字既過程，講左好多一對新人既性格，又會講下佢地發生過既事，又準喎！(將來個啲呃你都得，但過去既野冇得呃！) 再講埋佢地結婚後事業發展，子女運，同屋企既野等等，勁多資料，準新娘子話好多都講到中晒，所以佢都有留心聽將來要注意既事項。
在紅紙上黃師父寫左佢哋既八字，結婚吉日、過大禮、仲有好多咩嘢安床上頭出門入門回門既嘢，一式兩份比準新郎新娘，真係實在太多野要記了。仲要咩方位咩時辰.....真係頭都大埋呀！


(唔比得內容大家睇，但入面寫左好多野......)

我一直都唔抗拒呢啲野，不過聽到就八字就已經睇到咁多野覺得好神奇，搞到我都想知埋自己既野一份，不過又怕知得太多......咁黃師父就話而家啲人都係好似我咁，想知又唔想知得太多，所以現在很多人卜卦，卜卦係可以按事情來問，噤樣我試咗卜卦。


單身既我，梗係對姻緣呢啲野最有興趣啦！(呢個又係呢篇既重點，請大家唔好又以為我有男朋友...)，所以就請師父起左支卦問將來黎緊既戀情。(因為應驗左，其實拍拖個時係唔記得呢件事的，係因為事後應驗左，所以先記起，我都真係有選擇性記憶呢。)，卦象係叫乜野名堂已經唔記得左，大致係講我大約幾時遇到個男仔，因為某些原因影響到我同佢既發展(因為回想返，太準了！不過不想提了)，師父話呢個男仔同我分開係為左我好 (當時聽到梗係"下"，乜有啲咁既人既咩！但而家回想又準到嚇親我！都係傷心過後...... 先記得起，哈哈哈哈)，記得當時我有追問既然會分開，咁仲乜要一齊呢？但師父話呢啲野係冥冥之中有主宰，有啲人分手後又會複合(佢話最多人問呢啲問題)，又或者因為呢個人又識到另一個人，呢啲野係好奇妙的。之後我又問如果鐘意呢個人想複合又得唔得呢，師傅就話睇卦象只係睇到我問卜個問題，而卦象個一刻係話會分開，當你的真分開了，到時可以再卜卦問有冇機會複合。


將來既野未知會係點，今日種既因，可能係將來既果，係呢個階段，我回想返，就覺得有啲野唔可以勉強(化左。。)，曾經見過有啲朋友分開左好耐之後，最終都一齊返，又見到有啲當初好愛因為屋企反對，最後因為失去聯絡，到聯絡返大家已經各有伴侶。或者只可以咁講，係岩既時間遇到岩既人，係錯誤既時間遇到，咁或者要真係有緣先可以再一齊，當時個卜卦其實都有講到佢既問題，咁我諗，有啲野唔係一時三刻可以改變，人大左，就學識放下，而將來既事，「順其自然」吧!

早前去聽深雪既座談會，有個讀者問到，點可以避免遇到啲變態男朋友，深雪既答案引黎全場爆笑，佢答大意係，你條命生成係遇到變態既男朋友/老公，係你夫妻宮命帶凶險，條命係咁冇得好避，幾難先會遇到個想殺死你既男朋友/老公？所以就呢個問題，我都問過黃師父，師父話可以算下睇下避唔避到既.....好似去旅行前，如果卜一卜卦，就可能可以避過一啲大劫。

而深雪既概念係，愛情係一種命運，幾多好差既女仔/男仔會有好好既另一半，但你自覺好好但係冇另一伴又唔好灰心，除非你條命真係一世孤獨，如果唔係總會出現另一半的，時間問題吧，有啲人廿歲已經結婚生仔，有啲又好似靚到李嘉欣咁都成四十歲先結婚，個個人際遇唔同，但千萬唔好放棄自己喎，永遠都要KEEP 住自己，咁到你既姻緣黎到既時候，有外在條件已經可以成功左一部份啦(好多野配合既......)，師父都有提到有姻緣都要好好把握架，所以呢，女生們，時刻都要準備。
鐘意深雪既我，好鐘意佢其中一本小說內其中一句

人生是一場創造

其實我覺得有啲野唔係導人迷信，中國既八字呀，紫微斗數，同外國既星相都係有系統而又博大精深既一門科學，有時人係迷茫既時候，如果有人可以比啲意見你，其實都係好事黎既，我都相信人生係有好多門要推開，我地既一念其實就會影響到門後既風光，人生每一個決定，都會影響到每一度門後既故事發展，所以我相信人生是一場創造，就算你既命係會好成功，但你咩都唔做，又點會有成功既一日呢。


我同朋友仔都覺得呢個黃師父好用心，當時我又BLOGGER 上身咁問可唔可以影啲相，難得師父又唔介意，不過我都唔好意思影太多(呢張係卜卦時偷影，我好唔專心呢:P)。大家有興趣可以去佢個BLOG 睇下：http://hk.myblog.yahoo.com/philipldwong


黄立棣 Philip Wong
9185 5798
http://www.wonglapdei.com.hk/


最後我祝願之前結左婚，岩岩結左婚，黎緊擇左日結婚既朋友仔，新婚快樂，永結同心，執子之手，與子皆老！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！