快速增生膠原既方法 ❤ reenex 高效膠原自生組合療程

見到咁靚既 View？係邊度？其實係 reenex 位於北京道一號既分店，閃閃上次做完 CPS (相關文章)後，約左黎做高效膠原自生組合療程！

高效膠原自生組合療程係咩黎呢？其實係由「冷凍光學膠原自生療程」同「HGF 激活細胞增生療程」組成的，reenex 膠原自生整合療程其中一部份，先以 CPS 更新肌膚，清除角質，然後就做呢個療程了！



先講「冷凍光學膠原自生療程」，佢係透過1540nm 既冷凍光學，能夠深入真皮層的骨膠原所在位置 200-500 微米，活化纖維母細胞 fibroblast 增生骨膠原，提升肌膚彈性同承托力，有效咁改善同預防各種老化徵狀，同時更能變細過於發達既皮脂線，改善過盛既油脂分泌！



治療師會一點一點咁，印係皮膚上，將光學打入深入位置 200-500 微米既真皮層，但過程你唔會感覺到熱，因為佢有「Koolburst」既科技，以5度冷凍既技術保護同鎮靜皮膚，所以成個過程，閃閃只係感覺到一下又一下凍冰冰既感覺！







之後就係做「HGF 激活細胞增生療程」，呢個就感覺到個真空吸頭，係皮膚上吸走啲 Dirty 既野，佢係利用真空水漾煥膚淨肌，一邊注入營養煥膚液，而另一邊就吸就角質同污垢黑頭等等。再用另一吸頭，去係鼻頭呢啲多黑頭同油垢既地方再吸，咁皮膚就更加乾淨！



睇下... 吸出黎既水幾咁 Dirty......




黎到呢個療程其中一個好重要既步驟啦！就係導入呢枝專比導入用既「人體生長因子 Human Growth Factors」！成枝導入百多種既人體生長因子會全部導入肌膚內，為肌膚注入各種營養！



睇返效果，真係唔好意思，開始影個張冇對焦添，但係閃閃覺得做完皮膚乾淨左，其實做一次效果唔會勁明顯，但係呢，因為閃閃係連埋早前聖誕節EVENT中左既獎品做，閃閃發覺只係呢個療程，做第二次既效果已經同只係做一次有唔同，今次好明顯感覺到皮膚有好似飲飽水既感覺！覺得有彈性左！應該係膠原已經增生緊呢！



大家有冇興趣試做呢，★ 按此登記 ★ 想試下就去登記啦！可以試做 CPS ，體驗完之後仲會送 Bioderma 卸妝水 100ml 添唷！

多謝 reenex 既 PR 安排，黎試一個月後閃閃會試做第三部份既療程，期待唷！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

用岩方法卸妝潔膚 1 Take 過 ❤ shu uemura「綠茶抗氧化潔顏油」

試用過好多唔同既卸妝油，但係咁多年黎，反而冇用過 shu uemura 既潔顏油。一來有段時間用左卸妝水，係最近先開始用返卸妝油，所以收到 PR 既邀請試用，自己又未用過，就答應左了。

睇返資料，shu uemura 係由植村秀先生成立，而潔顏油係當時為荷李活藝人擔任專屬化妝師時，而研製出僅以一個步驟即可徹底潔淨厚重舞台化妝、而且讓肌膚保持潤澤細嫩的油性潔顏劑，所以就啟發了植村秀先生係日本市場推出第一代的 Unmask 潔顏油系列。由1967年成功 Unmask這支歷史性的潔顏油之後，就不斷研發不同配方既潔顏油，而呢 40年來，潔顏油都係只需要一個步驟就能卸去濃妝污垢同時有效保濕。



而家既 shu uemura 既潔顏油，已經有六種唔同既配方，以迎合唔同肌膚既需要！(應該冇乜品牌只係就卸妝都有咁多配方呢！)



而閃閃今次試用既係，就係抗氧之選既「綠茶抗氧化潔顏油」，大家都知道綠茶有抗氧化同美白既功效啦！綠茶的苦寒性質，有輕微的抑菌或殺菌效果，所以將茶葉泡開，放涼之後來洗臉，會有較為清爽的感覺，也由於輕微的抑菌效果，會有些美白的作用。所以用綠茶黎做原料制作潔顏油真係一個好好既天然原料呢！

而炎熱既天氣會令皮膚加速氧化，所以夏天可以轉用清爽既「綠茶抗氧化潔顏油」，幾時都講要有好既肌膚，深層潔膚係非常重要！除左綠茶之後，全新既「綠茶抗氧化潔顏油」仲加入左銀杏葉精華！可以有效抗氧化同埋促進血液循環既成份，再加埋海洋深層水，有親膚既補濕成份，有多種既礦物養份，可以改善肌膚自我補水能力添唷！

只要一枝潔顏油，就可以做到卸眼妝同面上既彩妝，仲可以徹底清潔毛孔，有啲朋友話卸妝油唔好用，其實只要用岩方法都卸妝油都可以好清爽！



首先閃閃係手上面，畫左一堆眼線呀唇彩呀同眼睫毛液，留係手上面十五分鐘，之後就試用個潔顏油！



記得用個潔顏油要乾手乾面，咁佢先可以發揮最佳既潔膚功效，如果用係臉上面，就揼四揼左右，搽上面上。先加少少水按摩。



然後再加水乳化，乳化係好重要架，有好多人以為唔駛乳化就可以，其實如果冇乳化，油份就會留係肌膚上，所以點解有啲人話用完有暗瘡粉刺呢個就係其中一個原因啦！充分乳化就可以沖水啦！



用完潔膚油就唔駛再用潔膚用品了，用完之後肌膚好乾淨好清爽。



你係咪都好想試下呢，而家上 Facebook Page 登記試用啦！
http://ad.she.com/ad_editorial_link.cfm?id=1827&url_id=7

多謝 PR 同 shu uemura 呢！大家記得要用岩方法去用唷！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

要變返V型臉 ❤ CLARINS 纖顏緊​緻精華

你會唔會好似鬆弛熊咁，有塊好鬆弛既臉呢？

多謝 Beauty Exchange 抽中，閃閃可以試用呢個 CLARINS 既纖顏緊​緻精華，話說閃閃最近因為勁食既關係，所以除左個身肥左之外，每個面都圓左 (按：王子話閃閃以前明明面尖尖架....)

所以抽中呢個試用，真係好開心，因為可以試下新科技麻，閃閃係登記時約好既時間，去左尖沙咀廣東道 CLARINS 既分店，提取呢個纖顏緊​緻精華 (Shaping Facial Lift)！



去到分店，店員好細心咁講解閃閃而家面型既狀態，原來閃閃既面型同個標準V型面都唔係差好遠，其實大家都可以自己係屋企做測試，方法係囉一面鏡，平放向下望，然後再放係頭頂向上望，你會見到向上望既就係你本來既輪廓，但向下望就係你而家既面型，而我地要既就係向上望時既面型！



而纖顏緊​緻精華 (Shaping Facial Lift)以創新既「3D立體塑顏科技」，蘊含左冠茾花、娑羅果、亞馬遜巴香草，係可以幫助分解脂肪同有埋循環排水既功效，可以將面部既線條拉緊，所以每次閃閃用完佢之後，皮膚都有一種拉住左既感覺！

而佢既精華係要配合佢既法式手法！睇片啦~~~







其實閃閃塊面冇想像中咁嚴重，不過的確係圓左，試用左幾日，又的確係有收緊左既感覺，但未去到最理想既時候，我會 KEEP 住用多一段時間，再同大家分享成果，佢有淡淡既花香，質地好爽一啲都唔"立"，用左佢再配搭其他精華都唔會好厚！而且佢吸收得都好快呢，岩晒朝早好忙既時候，唔駛等佢慢慢吸收！



閃閃爭少少就係90度啦！希望快啲到，再同大家分享啦！



多謝 Beauty Exchange 同 CLARINS ，其實呢篇 Blog 文應該八月頭出街的，寫好一半但一路都冇時間埋尾，所以用後感都係用左大約一星期既用後感，之後因為試其他野要停用，但而家又開始用返 (因為我覺得佢WORK 麻~~~ ) 希望快啲V 型臉啦！^O^~//

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

開架好用品牌 ❤ OLAY White Radiance

多謝 She.com 既邀請，今次閃閃係試用 OLAY 既 White Radiance 系列，試用兩星期，睇下佢好唔好用呢~



首先洗完面，就係用呢個高效透白露 White Radiance Pristine Liquid Light (HK$169.90)
蘊含左90%高濃度有效精華，可以導入水份豐盈細胞，導入獨家 Sepiwhite 美白多重成分，洗完面用佢黎去一去表面既角質，可以保濕同美白，然後為之後用既精華做好準備~




因為好鬼大枝！閃閃有時唔太趕時間，會用棉花沾濕黎濕敷，五分鐘就黎，感覺上冇酒精既成份 (閃閃冇詳細睇呢！)，所以用左佢之後皮膚會濕啲！






之後就用上呢個高效透白精華 White Radiance Pristine White Essence (HK$229.90)
品牌以滴管設計是 OLAY 第一款頂級滴管淡斑精華。主要成分包括獨有美白因子 SEPI WHITE，及全球認可的美白成分 Niacinamide及 Hesperidin，美白之餘可以保濕同均勻膚色！
質地水潤，不過吸收就一般，要比少少時間，閃閃會要黎做個簡單既按摩！











最後用高效透白水凝霜 White Radiance Pristine White Cream (HK$179.90)
鎖返住搽左既精華，佢蘊含高效透白系列中最有效及穩定的權威美白因子SEPI WHITE 同埋 Niacinamide 外、仲含有角鯊烷以同維生素C 醣甘等珍貴亮白成分，不過佢比較潤，夜晚用會較岩，朝早閃閃會只用精華加 BB cream 出街街去！




用左兩星期左右，好明顯見到啲印係淡左！冇咁多印了！嘻嘻，邊個話平野冇好，只要岩自己用，就OK 啦！



再次多謝SHE.COM 同埋 OLAY 呢！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

BigDeal 大買賣 ❤ 上海綠楊邨酒家飯聚

今日月中了，閃閃的星球要到今日先得閒更新，真係好對唔住黎探閃閃既朋友仔，講聲唔好意思先，因為岩岩既月頭，經歷左好多好多野，有開心有唔開心；做左四年多既工作辭掉了，其實好唔捨得，因為其實一齊做野好開心的，但好多野變左質，唔同以前咁，閃閃比既形容詞係「頭家散左」，就好難變返原來咁，決定要遞信，亦開始搵工，好在上天都照住閃閃，好多好愛鍚閃閃既朋友比左好多意見閃閃，令到閃閃搵到方向，亦搵到岩自己既工作 (其實兩份都岩，不過長遠來說，都係做老本行較好！) ，辭工到搵到工作一個星期就搞掂，太好了，放下心頭大石！(閃閃要養家的說~@.@)

碎碎念完了！好啦，今日同大家介紹一個全新既網站「Big Deal 大買賣」BIG = Buy In Group 咁解，其實未開動的@.@ (大約係八月第三星期推出的)，閃閃今次就同一眾 Bloggers 同 Big Deal 既負責人食左一餐飯，了解一下呢個全新既團購網站呢！

今次既飯局，去左銅鑼灣世貿中心既上海綠楊邨酒家，之前係世貿都食過好幾次飯，但呢間上海綠楊邨酒家就第一次食，一上枱既食物，引到我地對住啲食物不斷咁影影影！仲嘩嘩聲！




首先介紹既係茶燻溏芯蛋~❤ ，閃閃本身勁鐘意食半生熟既蛋，溫泉蛋呀，溏芯蛋勁喜愛！



個兔仔，好可愛！




呢個 茶燻溏芯蛋 好有茶香，加埋個汁，趁熱食係最好，半軟既蛋黃~~~~ 好香唷！



之後就係花花系列，你會見到啲冷盤全部都係做到一朵花咁！勁靚！

左邊既係瑤柱豆瓣酥~❤ ，其實幾香的，個口感好得意，本來諗住唔好味但又原來幾好味！
右邊既係辣辣地既紅油伴魚片~❤ ，閃閃個人係好鐘意食魚的，呢個魚好滑，加埋紅油辣辣地好惹味！



左邊既係閃閃另一個都好鐘意食既菜式，就係老酒醉雞~❤ ，酒味唔會好搶，但好香！淡淡酒香配滑滑既雞！好好味！
右邊既係宮廷富貴花~❤ ，係用醋浸左蘿蔔，砌好入面仲有辣椒粒，以為有辣椒粒會好辣啦！點點試過後唔辣好好味，咁閃閃都試下啦！呢個勁開胃，因為酸酸地既關係，閃閃都食左唔少！



蔥油海蜇頭~❤ 呢個好爽！勁爽呢！閃閃又係密密食 (*o* 好在冇比人發現，嘻嘻)




好啦，食完冷盤，就開始食熱既野，先黎呢個文思豆腐羹~❤ !




唔好睇佢係湯羹就以為佢好簡單，功夫菜黎架，你睇下啲豆腐絲，幼到呢...... 真係少啲功夫都唔得呢！呢個豆腐羹好好味，閃閃本身好鐘意湯類既野。




千丁糯米肉~❤ 閃閃個人鐘意食糯米，有0趙口，呢個個汁濃濃地，不錯！



最得意係佢入面一粒粒既肉，所以叫千丁囉！又係要心機既菜式黎啦~~~~~



清燉獅子頭~❤ 閃閃平時唔食獅子頭的，唔知點解呢個清燉獅子頭閃閃又覺得好鐘意食喎，佢既肉好嫩，清清地有鮮味，閃閃好少可會食成個獅子頭的！




香酥八卦寶鴨~❤ 哈哈，佢個 look 上枱時我地笑左好耐，唔覺得佢係鴨咁！哈哈~




又係有糯米呢，不過今次既糯米有鴨肉既香味，鴨肉都嫩~ 幾好味！




松鼠桂花魚~❤ 又有魚！正~




一睇就知又係酸酸 may may 既菜式，啲魚炸過好香口，雖然好大條，但因為我地人多，所以每人只係分得少少！




秋葉白玉盒~❤ 呢個上枱時大家都嘩嘩聲，因為好大盤 (就返人數麻)，我地係咁影影影，你睇下個辣椒碟就知有幾大！




入面勁多料囉，真係勁多，全部一絲絲，不同既味道加起上黎好豐富。



最後有上海小籠包~❤ 灌湯生煎包~❤ 炒手拉麵~❤
個灌湯生煎包入面真係好好好多湯，食既時候要小心熱唷！





超滿足既一晚，仲識左新既 Bloggers 添唷！多謝王子既邀請，仲有 Big Deal 既招待呢！閃閃已經同同事講呢間好好味，大家都話想黎試下！

另外仲要多謝 Big Deal 送左一大袋禮物比每一位 Bloggers 唷！係勁有心思既禮物呢，因為真係好多，閃閃要開多一篇同大家分享，但而家就同大家分享左呢個先！

閃閃第一次收到中國湯，原來已經有十幾年既歷史！



仲送左個碗添！~




每個湯都有保溫盒，因為當晚返去太夜了，閃閃之後囉返公司飲，但有其他 Bloggers 話返到打開仲係好熱呢！




某連鎖品牌既湯我飲過覺得好假，但呢個湯，真係好有媽媽既味道！好正！



中國湯 : http://www.chinesesoup.com/index.html
中國湯 Facebook : https://www.facebook.com/pages/Chinesesoupcom-Limited/202519796441467

Big Deal 大買賣將會係下星期登場，佢地會有別一般既團購網站，會有更多互動既點子，亦會有一啲從來都唔會做團購既品牌提供優惠，係佢地未登場前，快啲 Like 定佢地既 Facebook Page，接收最新既資訊，因為佢地會送出小禮物比首500名登記得會員呢 (好正既小禮物)，所以快啲去 Like 佢地啦！

閃閃都率先同王子一齊去黎緊會推出團購優惠既店舖試食，好好食呢，閃閃已經同同事講左，一推出既時候即買去食！因為真係好正！


Big Deal
http://www.bigdealhk.com/
https://www.facebook.com/bigdealhk

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！