[分享] 閃閃的美白習慣 ❤ 你的美白習慣？

以前，閃閃有個習慣，就係冬天會著重保濕多啲，因為以前既美白產品都冇咁保濕，所以閃閃會係冬天著重保濕，但係而家既產品同以前唔同左好多，已經冇以前咁乾了，所以冬天而家都好安心咁用美白產品。

有啲女仔會係夏天先做美白，但閃閃又唔覺得係咁，因為陽光係一年 365日都有，應該要全年都做好美白既工作，咁先可以減低黑色素既出現。

閃閃有個 DIY 既天然美白，就係用豆腐黎磨面，皮膚會變得好滑，不過冬天用就覺得好凍了，雖然要好耐先有效，但係都不失係一個天然又平價既美白小 DIY。

以往都用過好多唔同既美白產品，不過美白真係要講下耐性的，唔可以一用就一下子就可以白到，由其係皮膚有28日既更新週期麻，唔好話用一星期唔WORK就唔再用，起碼都要用返一個月以上先真正見到效果架？

仲有呢，美白MASK 都唔以缺少，當然平貴既產品用既成份都唔同啦！但係有時平平地密啲敷都有用，當然有啲日子要重點出擊就要駛下錢用啲貴少少既產品。

你又有咩美白既習慣，可以用閃閃分享嗎？

[試用] 加拿大都要白白 ❤ Dove Ultimate White 淨白美肌止汗香體系列

岩岩睇完港姐，真係有啲無奈，閃閃好想投黃心穎的，不過死左SERVER，無得投好可惜！
不過見到大家係FACEBBOOK 洗板話TVB 係特登咁做，閃閃又覺得無需要咁做呀，你估TVB 真係好想比人鬧爆咩？
不過，今晚將會係電視歷史上既污點了。唉... 想投票選港姐都唔得添.....呢個真係天大既笑話黎，閃閃諗幾年之後都仲會有人講呢....

入返正題，見到港姐著晒三點式泳衣，加拿大都一覽無遺，女生都真係太多部位要注意，不過閃閃實在唔好意思影個加拿大比大家睇，所以只好只係SHARE 返PRODUCT 相了！

Dove Ultimate White 淨白美肌止汗香體系列睇名都知今次係行美白既路線，其實閃閃個加拿大都算白淨，不過有啲女生唔知咪剃毛剃得多，所以有啲黑色素沈澱左，加拿大黑黑地咁。

而且夏天出汗既情況真係多好多，有時如果一時唔記得用止汗，又咁岩出晒汗咁，其實都幾尷尬架！

個人鐘意ROLL 裝，但妹妹就鐘意用SPRAY 裝，真係各有喜好！

佢既香味都幾勁下，比起SHAMPOO 個味係清香點，但都係好勁既花香味！

美白效果閃閃就唔係好試得出，不過如果個加拿大黑黑地既，都可以試下，一物兩用都唔錯呀！





個SPRAY 閃閃試過，有軟膠幾好"禁" 架！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

[試用] 用左成個幾月了 ❤ KIEHL'S 全新美白 Clearly Corrective™系列

二月初，閃閃出席左 Kiehl's 既新品介紹BLOGGER EVENT~ 多謝PR 既邀請，閃閃第一次接觸 Kiehl's 既美白系列：Clearly Corrective™ Dark Spot Solution 醫學革新維C淡斑精華

其實 Kiehl's 係以藥理同皮膚科知識應用而研發既產品，而家就係由哥倫比亞大學研發，而家普遍既淡斑方法係以苯二酚(Hydroquinone)同維他命A(Retinoids)，不過有唔好處係以苯二酚為例，只可以局部使用同埋唔可以持續用超過三個月，而維他命A就因為會引起光敏感，由其唔岩夏天用，同埋會好容易令皮膚乾燥！

而 Clearly Corrective™ Dark Spot Solution 醫學革新維C淡斑精華，佢主要成份係活性維他命C、牡丹精華同埋白樺精華，可以瞬間滲透、改善深層色素而且係革命性剔透配方！

今次既醫學革新維C淡斑精華，首次應用左活性維他命C係美容護理產品內，可以即時發揮功效，而且具有黑色素「反聚集」功效，可以減淡色班同埋阻止新色班既形成。

而且仲有5 Free 配方，不含矽氧烷 (Silicone)、Paraben 防腐劑、香料、色素同反射光線成份。

當日我地係銅鑼灣SOGO旁的店進行活動，PR 幫我地分別試了由洗面、磨砂、爽膚、精華及面霜。







簡單用完幾個步驟後，已經好明顯睇到左手同右手有分別，白淨左呢！






閃閃試用左個幾月之後感想係膚色均勻左，比起之前皮膚係白淨去黃左，不過斑點都仲係係度(有淡少少)，閃閃諗要用多兩三個月先會明顯既效果(因為有更新周期麻)，但閃閃確實覺得佢有好好美白左既效果，雖然佢係維他命C，但技術同成份都唔同左，所以日夜都可以安心用 (你見佢個樽身係透明，就知佢成份好穩定唷！)，不過提一提，雖然佢有保濕成份，如果你係油性至中性既應該夠晒保濕，但閃閃勁乾既時候就唔夠，就要另加保濕精華！

上圖閃閃大約用左個幾月，只係用左四份一左右，因為佢每次只係用兩滴就可以全面咁用，而且價錢一啲都唔貴，只係HK$460，閃閃諗應該可以夠用半年呢，打算入手多一枝比媽媽用呢！







唔知大家有冇去銅鑼灣呢間分店呢，有冇留意有部好古老既機械係度？原來係佢舊時比人囉SAMPLE 既機械黎！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

[活動] 夏日 VS 美白 ❤ Estée Lauder 全新美白

先黎一張好似好火辣辣既相片先，因為火辣辣只係閃閃身邊既男模，一睇閃閃當日仲係好凍，係咁凍既時候，Estée Lauder 安排左一個有關夏日美白產品既活動，將間房打造成一個海灘般！(而家既EVENT PR 真係好花心思呢！) * 但大家要無視閃閃既素顏，因為閃閃以為係MAKEUP CLASS！:P

其實 Estée Lauder 既美白產品閃閃對佢一啲都唔陌生，平時閃閃冇試用緊既時候都會用返 Estée Lauder 既 CYBERWHITE 系列，會用返佢教既方法混合粉底黎用，真係水潤貼伏好多呢！



因為閃閃當日活動遲左放工，所以錯過左大半既化妝 TIPS 呢！所以就上網搵返 Leo Wong 既片黎睇！











其實今次係介紹 CyberWhite Brilliant Cell Night 全新 CyberWhite 全能細胞亮白盈潤晚霜
就係前右個個，閃閃平時會用左手邊既保濕霜，不過有時係冷氣又或者好凍既天氣就未必咁足夠，今次出埋晚霜實在太好了！

多謝HKCOSME.COM 同 Estée Lauder 安排，閃閃完成手頭既產品試用就會開始用返呢 SET 呢！
大家等閃閃既試用報告唷！^^

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

[活動] 橄欖樹的神奇效用 ❤ PHYTO-C SUPERHEAL™ O-Live 系列

原來閃閃手頭好多文未清，但係自己又好多野想講喎，咁唯有快啲清左啲文佢！
不過黎緊出席活動都要揀過先得，因為四月開始要返學了。冇咁多時間可以去活動了，可能方向都會有啲轉變呢！希望大家繼續睇閃閃既部落唷！

好了，今次同大家分享一個活動，隨後會另文分享用後感，呢個品牌閃閃應該係第一次接觸，佢係PHYTO-C，一個由美國穩定維他命C專利護膚配方權威製造商 PhytoCeuticals, Inc 成立的。美國醫學抗氧權威科學家Dr. Mostafa Omar（維他命C之父）創立的PHYTO-C 醫療級護膚品牌，閃閃對醫學類的都會比較有信心，今次推出既 SUPERHEAL™ O-Live 系列，閃閃真係一用愛上！(但銀包對佢未愛上呢... 因為唔平唷！)

今次公關安排左我地去上肥皂班，講解完就利用 SUPERHEAL™ O-Live 系列既GEL 黎做肥皂！(肥皂突然身價飆升！:P)

由導師示範，講解，再到我地著手造，因為本身已經有皂基，所以我地只係混合材料，不過都唔簡單架，因為有啲步驟係需要人手打到好似蛋白咁起泡 (手軟唷....)，不過又幾好玩！



枝精華成千蚊架，所以先會話肥皂因為幾滴精華而身價飆升唷！
個MACARON 造型既綠色都幾靚唷！^^ 啲色素既分量要好好控制呢！






造好啦！係咪幾靚呢！查實閃閃到而家都仲未捨得用唷！







好啦！講返 SUPERHEAL™ O-Live 系列先！今次介紹既分別係：









係官方網頁抓來，詳細啲呀麻！閃閃對佢可以緩和玫瑰痤瘡及濕疹症狀最感興趣，因為閃閃以往都有被濕疹症狀困擾 (不過呢年食台灣一款膠原蛋白產品就冇再返發了，有睇閃閃FANS PAGE 應該知係邊隻)。



佢既質地唔似一般精華好水水的，佢真係同佢名一樣係GEL GEL 地，吸收唔算好快，但係感覺好保護咁，閃閃用左佢既 TESTER 好多日 (3.75ML 閃閃好唔捨得用晒佢)，每晚用完佢之後 (所以只係捨得晚上用...)，第二日皮膚都滋潤咁！好正呢！不過成 HK$980蚊一枝，但係呢，如果只係夜晚用閃閃諗都應該用好耐下！因為如果朝早用佢，佢又好似潤左啲！



閃閃個人覺得回購度極高，但銀包對佢既回購度保持觀望。
不過，閃閃諗應該都會買，最近覺得女人既皮膚係一項極需要投資既項目！









唔知點解，反而面霜質地冇咁杰，好推好多，有水水既感覺，閃閃晚上連埋佢一齊同GEL用，感覺好好呢！佢既成份好全面，除左抗敏同抗炎外，仲可以抑制黑色素添呀！





佢成個系列都係呢種帶啡既顏色，講開又講，閃閃唔鐘意食OLIVE，不過佢呢個系列既氣味又好討好喎，搞到閃閃好鐘意搽佢！(售價:HK$1050 /50G)












一打開，要先用棒棒將佢地混合，然後先用！(呢個遲啲出文再講)
呢個面膜好貴呀！成HK1,150/50G，不過閃閃用過一次真係覺得好正！佢本身係寫一星期用2-3次，但閃閃真係勁唔捨得唷，不過佢咁多功能，又真係好值得投資喎！


講左產品，就講下佢既成份啦，其實人類利用橄欖樹木已經有很長一段時間。古希臘神話中就有這樣既記載，女神雅典娜在雅典衛城聖殿山之間種植了一棵橄欖樹，這棵樹具有照明、治愈同賦予營養既力量。聖經裏面都講到，摩西下令免除橄欖種植者的兵役。橄欖枝是和平和繁榮的代表，橄欖油是純淨和善良的象徵。古希臘奧林匹克競賽的優勝者被授予橄欖葉編織的花環。

而且橄欖樹又被稱為「生命之樹」因為其壽命長達400年或以上，而橄欖樹的醫學療效歷史悠久，當中更以含有極高橄欖苦素之Oleuropein (橄欖多酚)廣為醫學界關注，多項醫學文獻証實高濃度純橄欖葉精萃能為皮膚提供驚人既修復癒合能力，能夠改善敏感膚質，由內而外強化皮膚既抵抗力，兼且具有抗氧化及抗細菌既功效，並有效緩和玫瑰痤瘡及濕疹症狀，令到脆弱既皮膚重拾緊緻。

所以由極高橄欖苦素之Oleuropein (橄欖多酚)製成既護膚品相對只係用維他命C製成既，佢地抗氧能力係相差400倍架！可以更有效咁保護皮膚避免受到陽光既侵害，同時能激活骨膠原更新，減淡幼紋添唷！

PHYTO-C 仲有其他產品呢！^^



多謝PR 既邀請呢，閃閃又認識到多一個品牌。

想了解佢地多啲，可以去佢地既網頁同FACEBOOK 唷！
http://www.phyto-ceutical.com.hk
https://www.facebook.com/pages/Phyto-C-HK-Official-FB

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

[小記] 第一次出席SHISEIDO 活動唷 ❤ SHISEIDO WHITE DAY 3.14 記者會

最近忙得很，Weekday 放工後的活動幾乎排得滿滿，有好幾個 EVENT 也推掉，有部份是因為是 OFFICE HOUR，沒發子出席呢！今次這個記者會也是OFFICE HOUR，不過PR 說半小時而且就在MTR一出的TIME SQUARE，所以那天閃閃就用了 Lunch Hour 去參加唷 (因為印象中未出席過SHISEIDO 活動，所以由YMT 飛過去，趕死我啦！)

不過現場太多人了，閃閃到場後只能在一旁，影不到相，唯有用官方的相唷！

今次記者會有代言人陳法拉、徐靖雯及周子揚，仲有莊思敏擔任活動司儀，活動主題係 WHITE DAY 3.14 ，同大家分享美白之道。



Shiseido 早前推出左 SHISEIDO WHITE LUCENT美透白系列既 Intensive Spot Targeting Serum+，今次係WHITE DAY 推介埋另一新品，就係 WHITE LUCENT Anti-Dark Circles Eye Cream，其實閃閃一直覺得平時用既美白產品眼唔用得，咁咪得眼部係黑啲？

好在有而家有美白眼霜，咁一邊修護，一邊美白眼部唷！







閃閃當日留左一陣就閃返公司了，好在岩岩好一個鐘返到去！呼~~~~

收到美白精華同眼霜，試用後再報告大家！^^

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！