牛陣 Gyu Jin

(資料圖片 Openrice :http://static2.openrice.com.hk/UserPhoto/photo/1/13L/007THPD66AD7729C08AC89l.jpg)
前幾天相約要預約的好友吃飯，因為沒有設定要吃什麼，在尖沙咀 iSquare 數間食店餐牌前看過後，最後友人選定閃閃未吃過的牛陣！

因為沒有訂位的關係(亦因為很多人訂了座的關係) ，大約在門外等了45分鐘才入座，友人很少會等位的，如果等的，應該也是好吃的。

入到店內，大部份都是大卡位，另外也有圓枱，而我們2人可以入座4人卡座，座得舒服，燈光適中。因為是任食放題，一入座就開始計時，90分鐘為限，閃閃不太了解選擇的項目，所以待應阿姐都好快速咁講解左一次(仲叫我地快啲決定，因為計時中)。牛分不同的級數，亦有四百幾蚊一位既和牛可供選擇，而因為係放題關係，所以2人都要選擇同一級數的牛。因為閃閃沒有所謂，所以就要$148級數的牛，但後來因為湯底的問題，友人想要Shabu Shabu 清湯，侍應阿姐說可以帶出牛肉的鮮味，但友人一向喜愛味道較濃的食物，所以閃閃要求來多一個味道較清湯濃和帶甜味的 Sukiyaki ，所以最後點了$178位的鴛鴦火鍋了！

左邊的是Shabu Shabu 清湯，右邊的是Sukiyaki ！閃閃還夾了一堆菜來！


友人說，一係就係食$148一係就$298，中間個啲級數比多少少錢唔見得有太大分別，閃閃都好同意！

這是第一盤的牛！OK的唷，吃下也好吃，但是後來的第二第三盤就很不同了 >.< 將貨就價吧！(看到Openrice的食評，這個食評的第一碟和第二碟牛的既分別就係我地當晚遇到既情況！但當然我們點的牛比太平！但第一碟和第二碟的差別很類似)



另一盤是豚肉，因為友人主要是吃牛，所以一碟也吃不完！


配料閃閃取的，友人笑閃閃太斯文，取那麼少.... 但實情事，到最後有剩....！還好沒有再取，不要浪費食物麻！



最後閃閃發現友人淥得最多的.... 根本不是清湯 =.=...

閃閃覺得兩人來吃還好，如果一大班人就不太適合，因為只有90分鐘，時間很趕，大家你一言我一語，時間會過得很快很快！

埋單$400多元，多謝友人請客，友人問覺得每位$200值唔值，閃閃覺得如果每盤都是第一盤的牛肉，就值唷！

牛陣 Gyu Jin New
尖沙咀彌敦道63號國際廣場(iSquare)7樓706號舖
2311 1092

ELLE X Clinique Derma White 產品試用 Week 2

ELLE X Clinique Derma White 產品試用
Week 2: 16-22 Feb 2010

進入第二個星期啦，又係時候寫試用報告，一如上星期，閃閃早晚都有揼一下黎搽全面，佢質地唔算吸收得快，要按摩幾下先可以吸收得快啲，唔知按摩下會唔會令皮膚更加吸收美白既精華呢？不過只係按摩幾下咋，因為吸收左就唔好再按摩，會拉鬆皮膚的唷！

呢張係早上拍攝的(仲未訓醒添:p)，好明顯閃閃唔記得張精華素搽係頸，兩截色添........


上星期生左粒暗瘡，通常閃閃啲暗瘡印有排先退，但今次有 Clinique Derma White 既幫助下，個暗瘡印淡左好多好多！！驚喜唷！睇下再過一星期，會唔會冇左先得！^^



其實閃閃日日對住自己，唔知有冇白到， Close up 影一張左邊面既相，等一星期後又再對比下！


用左兩個星期，仲未有好明顯"白左喎"既效果，不過呢，又唔係仙丹，咁緊係要比啲耐性同心機日日用，最近閃閃皮膚太乾，用其他產品既時候有少少吉吉地既感覺，但用呢個 Clinique Derma White，算係對閃閃黎講，第二個驚喜，可以放心日日用啦！！

下星期再見！

延伸閱讀：ELLE X Clinique Derma White 產品試用 Week 1

Project WAVE”Research

Q1. 第一代潔面產品，例如京都藝伎用的潔面粉、或是洗髮+洗身+潔面合一的沐浴肥皂，都是固體的產品，有哪些東東是第一代潔面產品（可用網抓圖片或youtube video展示）？用固體的潔面品，有什麼長處？有什麼短處呢？




一直以來，閃閃都覺得凡係固體既洗面用品，潔膚能力都較強，洗得更加乾淨的，唔會洗完有好似冇洗過面既感覺，相對地滋潤既感覺就會低好多，所以好處係洗得好乾淨，但另一方面呢，佢既起泡能力較低咁，對於潔面時用細膩泡泡去清潔毛孔就要啲附助既工具了！


Q2. 第二代潔面產品，如我們今天常用的 cleansing foam，cleansing milk，cleansing water...都是液體的產品，有哪些東東是第二代潔面產品（可用網抓圖片或youtube video展示）？用液體的潔面品，有什麼長處？有什麼短處呢？


cleansing foam 係閃閃最常用既清潔用品，自行加水起泡，用完感覺清爽，閃閃最愛，但要起到細膩既泡泡先可以好好咁清潔到皮膚毛孔既污垢，而家有啲 Cleansing 會係一揼出黎就係泡泡，方便好多喎！

cleansing milk 呢個呢... 閃閃比較少用，因為滋潤感好高，係歐洲式既洗面方法，閃閃成日都覺得清得唔乾淨咁，因為只係用紙巾抺去就可以，而且又係感覺洗完好似冇洗過咁，閃閃唔喜愛！

cleansing water 而家啲 Cleansing water 係做到 Makeup Remover, Cleansing, 同埋 Toner，呢三個步驟，簡單講就係一次可以做晒三個step，面都唔洗就可以搽lotion 去訓！但係呢，雖然佢可以唔洗洗面，但係閃閃都係覺得洗下個面好啲呢！所以雖然方便，不過都係唔敢倚賴佢.....

ELLE X Clinique Derma White 產品試用 Week 1

收到 ELLE 既PR既邀請，報左名，好幸運咁抽中左可以試用Clinique Derma White 既 Clinical brightening essence ！Thanks Elle & Clinique!!!

識得閃閃既朋友仔都知，閃閃成日都話要美白，雖然朋友仔話閃閃已經好白，但係其實同白滑呢個 TERM 閃閃仲差好遠好遠！正所謂「一白遮三醜」，皮膚白白滑滑確實正好多架！比起妹妹同媽媽，閃閃既皮膚比佢地深兩度色左右啦！其實已經差好遠！一日都係閃閃小時候唔識得好好保護皮膚，去游水又唔識搽防曬，曬足六年，到中四先知要防曬！(個時大家都冇保養同保護皮膚既概念架！)

成日晒黑皮膚既女仔亦都比較白淨皮膚既女仔老得更加快！！！！

Clinique Derma White Clinical brightening essence 30ml

揼裝咁一下，夠晒全面用！

揼一下既分量

帶少少黃黃地，推開係透明，吸引得比較慢，可以做幾下 Massage 令佢吸收得更快！



頭一日用唔記得影相，左邊係用左兩日影的，右邊係今日影的！
好啦！閃閃會連用四星期，每星期會同大家報告一次，希望可以白返一度啦！ ^^

ROC Multi Correxion™多效活膚系列試用分享

早前閃閃出席左由HKCOSME.COM x RoC 舉行的 「RoC Multi Correxion™多效活膚系列 Beauty Blogger 發布會」(相關文章)，好好玩！
(左起多效活膚亮采眼霜、多效活膚乳霜及多效活膚煥采精華)

試用左三星期，閃閃要黎個試用分享啦！(用到二月三日)


Multi Correxion Anti-age Intensive Serum 多效活膚煥采精華 30ml
獨創既 Multi-Action Complex，就係今次可以一次對付多種肌膚衰老問題既主角，可以減褪細紋及色斑，同時有滋潤、緊緻、提昇光澤既功效！
揼一下，已經夠全面用，好易推開，揼出黎見到佢黃黃地白白地色，好似係揼出黎先混合咁既感覺！
質地好水水咁，同超香呀！香到想食落肚！初初頭幾日用個時，有少少"桔桔"地既感覺，後來就冇左呢個問題了！快吸收！



Multi Correxion Anti-age Moisturiser 多效活膚乳霜 50ml
含有甘油同乳木果高度保濕成份，而且有SPF 15既防曬系數，可以對抗紫外線同埋游離基，阿曬對肌膚來說，係對抗衰老既重要一步！
乳霜質地較白，杰身點，但又係好易推！搽完佢之後，皮膚有光澤(應該因為同甘油同乳木果既關係)吸引相對比 Serum 慢多了，氣味冇 Serum 咁討好了，帶點防曬用品既氣味！但因為佢有防曬系數，所以用完佢可以直接上粉！可以skip 左搽base ！岩晒朝早趕出門口既閃閃！



Multi Correxion Anti-age Eye Cream 多效活膚亮采眼霜 15ml
含釀酒酵母成分，有效對抗紋理、黑眼圈、眼袋及乾燥既眼部問題；另外創新既光感反射成分"Silk Pearls" 可以瞬間提昇眼部肌膚既光澤！！
少少已經可以已經可以同眼部做 Massage ，奶白色，用相機影唔到搽左 Eye Cream既皮膚比較有唔同既光澤！


用左三星期左右，閃閃覺得係呢期咁唔穩定既天氣，皮膚處於不穩定既狀態，用左 RoC既系列，皮膚既紋減淡左少少，亦冇好乾燥既問題，但效果要長期用先見到，用左幾星期覺得好好用，唔駛試用其他產品既時候我都會keep 住用佢呢！

虎進金來！！

收到 Neo Derm 寄來既利是封，好鬼得意， Neo Derm既 PR們都好花心思呢！
謝謝唷

最喜歡後面寫上「虎進金來」！




雖然閃閃唔駛派利是，但呢個利是封實在得意，比妹妹要黎派壓歲錢比柏宇啦！嘻嘻！

已經立春，已經係新一年開始，閃閃希望大家新一年都「虎進金來」！！

普普藝術包裹著的香水

估到嗎？

其實DKNY 為左情人節出既 Limited Edition Bottle ！

收到 PR送來的時候，真的很驚喜，因為這個限量版香氛系列，將原本銀色的地方轉了粉紅色！加上透明樽身上點上 DOT 柄，好可愛！

閃閃以前很少噴香水，因為妹妹不喜香味，就算我家有多枝香水，也很少噴，但其實閃閃一直也很喜歡帶甜味的香水，直到近呢兩年，閃閃才比較多噴香水！(還是最好出了門口不在家裡噴！)

曾經有位朋友仔說香水是很個人的事，每個人都會喜歡不同的香味，有些喜歡木香，有些是花香，有些是果香！而香水在噴在身上之後在每個人身上所發生的化學作用，會產生獨一無二的香味，香味可以是清新，可以是誘人，可以是香甜，可以是醉人.....

這幾天，閃閃都噴上，這個香水都維持很久，閃閃由早上到三四點還聞到香味！

DKNY FRESH BLOSSOM ART：閃亮的西柚、黑醋栗和陽光浴下的杏子，與心調的婉約鈴蘭和玫瑰花瓣相遇，被光亮的茉莉花群簇擁著。蘋果的氣息以縈繞身軀的金色木材和幼滑的肌膚香調作結。

西柚，不知為何閃閃最近很喜愛這香味，DKNY FRESH BLOSSOM ART 以蘋果為造型，所以一整天也聞到蘋果的香味，清新夾著鮮甜！和閃閃一向用開帶甜味的香水不同。

如果你要送的「她」是一個甜美的女生，可以選這枝限量版的粉紅禁果，咬一口，很誘人呢，嘻嘻！

DKNY Fresh Blossom Art 50ml Eau de Parfum*

如果藝術反映現實，那麼 DKNY Fresh Blossom 的氣味應該穿上新鮮、大膽，生氣盎然的包裝。
DKNY Fresh Blossom蘋果香氛將以限量版形式，
呈現在一種最精力充沛藝術風格上：普普藝術(Pop Art)。

靈感來自普普藝術風潮，限量版的 Fresh Blossom Art 香氛創作以漫畫方式演繹 DKNY Fresh Blossom 的蘋果和模特兒，生動活潑。呼應普普藝術的風格和設計特色，Fresh Blossom Art 的包裝參照美國普普藝術大師 ROY LICHTENSTEIN’S 的創作特色，將ben-day點狀圖案、字母和對話框，與及一個剛被咬了一口的蘋果。結果：銷量最高，人氣高企的原創DKNY Fresh Blossom 被賦予新奇有趣的面貌。

* Eau De Parfum -香水 - 可維持大約五小時

銷售地點:

香港: 崇光百貨1/F(銅鑼灣)、連卡佛(時代廣場)、永安百貨(上環)、APiTA (太古城)
九龍: 連卡佛(廣東道)、Citysuper (海港城)、LCX (海運大廈)、永安Plus (佐敦)
澳門: 新八佰伴