還可以相信永久嗎？

最近有看這上圖的廣告嗎？沒有？還是有看過下圖的廣告？

如果不看品牌名稱，你會估到這是什麼廣告嗎？　
在這個新世代... 你還會相信永久嗎？　
是口裡說相信，但心裡不再相信？　
是心裡很想相信，但現實總教我們不敢相信嗎？　
只是兩張圖片，已經令人想多一點..... 問一問自己，還會相信永久嗎？　

教人想多一點，這是 dermes最新的廣告「相信永久」，如果你有留意，dermes係全港唯一一間專做激光的中心，對上一次廣告是「十年專一」代表十年來專一只做激光療程。
「相信永久」同「十年專一」，都令人想起愛情，但有多少愛情，經得起時間，經得起考驗？

今次得 dermes 既體驗，讓我淺嘗「專一」專業的服務和了解「相信永久」的服務承諾。

你用什麼方法脫毛？



以上的方法你試過嗎？Wax的方法比較痛，但比較持久一點，剃的方法比較快和方便，但是不到1-2天毛毛又生出來了！

而且原來用wax ，剃刀剃又或者用拔的方式，都會令毛髮折斷又或者因為毛孔閉塞，形成毛髮倒生，而且易傷皮膚，毛髮會越來越粗！我試過因為長期剃毛，某些部位毛孔粗大，以前的舊男友看到都會問為什麼皮膚一點點的，感覺很尷尬，而且很難令毛孔變細.......



最左邊的我也試過，一邊轉支棒棒一邊超痛；線面聽說也很很很痛；拔毛機我也有呀！但係又係好痛......

總括而言.... 所有方法都係要持續地做.... 只要毛毛再生，就又要再重複同經歷痛楚！諗起都好痛呀！

想有皮膚滑滑沒有毛毛可以怎麼辦？

早前我到了 dermes了解了激光脫毛和試做，首先我地黎了解毛髮既生長週期先，點解要六至八個星期先做一次呢，原來因為毛髮有幾個唔同既生長週期，要係毛髮同毛囊連埋一齊，激光既熱能先可以沿住毛髮既黑色素一路落到去毛囊而去脫除討厭既毛毛！所以要做大約四至六次去清除不同生長週期既毛髮！


而dermes既激光係「選擇性光熱效應技術(TKS)」以激光「選擇性」針對毛囊並加以破壞，完全不會損害周圍皮膚組織，不但能達到理想的脫毛效果，還確保安全可靠。而且係做激光脫毛既過程中，會而零下四度既冷風同步吹住脫毛既位置，咁會冇咁痛呢！



而激光脫毛比起彩光有咩好處呢，就係以單一波長既光波去脫毛，而光波如果搵唔到黑色素，係會消失，而唔會被皮膚吸引左，但彩光就因為冇特定既波長，而且唔係每條光波都搵到黑色素，光波會落左係皮膚到，最重要係：激光係永久，而彩光唔係永久！

講解完之後，就開始療程了！首先係治療師檢查我 Under arm 同 Upper lip 既毛髮，因為我係用剃既方式多，原來剃刀會對皮膚好大刺激，令皮膚有一層死倒塞毛囊！

然後就係剃走面層既毛毛，再用冰袋冷敷，戴上激光專用的保護眼罩準備做激光既療程！

整個過程好快，大約二十分鐘，期間有刺痛感，但還可以接受 (因為我有倒生毛髮，所以感受比較大....)

完左之後有少少紅腫，返到屋企已經冇乜事了！

女生都愛美，手手腳腳有毛髮總係唔係咁好的，由其係夏天想著背心短裙，毛毛更加係唔可以留底！而激光脫毛既永久性，係唔駛再擔心突然有人提出既邀約，先發現自己成手成腳毛毛唔見得人！！如果做左激光永久脫毛，就再冇呢個煩惱了！

各位女生，妳同意嗎？？？

我相信永久的唷！！！



「相信永久」Yahoo Search


dermes 激光永久脫毛分享 youtube (簡單分享)

Nail for my fd

Weekend到朋友家吃晚飯，閃閃帶了印花甲既工具去！

這個比較清的，粉紫漸變加白色的印花。



這個是朋友預先搽了的灰啡色底油加白色印花，深色的底色較果果然突出很多！


希望朋友仔喜歡唷！

ASCENT APPS 分享

有留意本部落格既朋友仔，應該會知道上星期閃閃搞左個試玩 APPS 送香水既行動 (相關文章)，而呢個活動只係為其5日至明天26號止，有興趣又未玩既朋友，可以去試試唷！我星期五晚都約左朋友去呢個 Roadshow 影相呢！可能岩岩放工時間尚早呢！一唔係太多，朋友仔等左十分鐘就可以玩了！

已經有好多朋友玩過了，所以閃閃今日同大家分享 APPS 既內容唷！透過一系列刺激思想既測試，從影像、音效同埋顏色去了解自己既個性，一共有七條問題：



香水比我既感覺呢，係吸引異性的，香味會形成記憶，令我想起某一些人！



其實呢，大部份都係係我生命中不可缺少既，但當我睇到啲卡既時候，直覺就揀左呢張了！




其實揀呢張唔係因為想去 PARIS，而係第一個感覺係如果去旅行我會去睇唔同特色既地方同地標，呢個就係我揀呢張圖片既原因！


我相信冇乜女仔會抗拒雪糕同日本菜，而我因為唔太喜歡雪糕的，所以揀左女仔最大路喜歡既日本菜啦！HAHAHAHAHA~


其實唔同類型既音樂我也會ENJOY，但硬要我揀的話，我會揀聞歌起舞既音樂！


最後一張了，喜歡果香既我，就揀左呢張好多生果既圖片


結果呢................



我係高雅型兼休閒型，自己覺得很準呢！

最後你估下我揀左邊支香水呢？？？


就係呢支紫色蘋果啦！嘻嘻，甜甜地有 BERRY 既味道，我好鐘意呢！





藍莓凝露 Juicy Berry EDP HK$450/50ml
這是一次由堅實的小黑加侖子和肥美多汁的黑莓炮製的莓果盛宴。肉汁豐腴的梨子和圓潤甜美的荔枝，為令人垂涎的雜錦甜點錦上添花。薈萃各式果實的花蜜湧往如絲絨般細軟的玫瑰花瓣，依偎在氣味細緻的蘋果花上。香氛最後以奢華的檀香木和糖心金色木材作結。莓果凝露裡的各式莓子甘美非常，成就DKNY的非常演繹。

仲找來超 Cute 既廣告，好味到想食左佢！hahaha


今次多謝 Estee Lauder 集團同 Beauty Talk 送出左三十多個名額比登記左既 Beauty Bloggers 們 (多謝大家留言報名參加唷！)，仲有邀約既PR W小姐，以下係有分抽中去參加今次香氛大測試既 Bloggers 們既分享 (排名不分先後，會再更新的！)

Chelsea - ASCENT “個性香氛大測試”
Tata - 私家地喱蛇果
princess_karman - 屬 於 我 的 蘋 果 香
Sindy - ASCENT 個性香氛大測試 !!!!
Daisy- 掙脫牢籠的雛菊．尋找屬於自己的香氣！Ascent 個性香氛大測試 :)
Sandra - IPOD TOUCH/IPHONE幫我揀香水~
冰 - 除了打麻雀以外，iphone還有甚麼用途？
Cindy - ASCENT幫到我~以後揀香水就冇難度~正呀^^

瑞典美顏針Restylane® 美之約會

上上上星期四(最近好忙.... 而家先寫添...)﹐閃閃應 PR 既邀請，出席左瑞典美顏針Restylane® 美之約會，本來收到電郵既時候，閃閃唔諗住去的，後來有相熟既 Bloggers 會出席，閃閃最後抱住咩都要知啲既心態下，開始左呢歷險之旅。

一去到，認識左同閃閃電郵聯絡但未見過面既 PR，之後佢地就話叫我地食啲野先，佢地準備左到會，岩晒岩岩放工既一眾 Bloggers 們，有冷盤之外仲有熱盤添唷，好細心唷~~~~~~~~~~




安排左皮膚科醫生黃偉傑醫生 (Dr. Wong) 黎講解，Dr. Wong 解釋佢唔係整形既醫生，打注入式既透明質酸只係皮膚科醫生已經可以進行！
Restylane® 係全球銷量冠軍既品牌，係歐美日本台灣韓國等地方相當普及！

瑞典美顔針Restylane的主要成份是透明質酸(Hyaluronic Acid)，亦稱玻尿酸。透明質酸是一種天然存在於人體包括皮膚組織內的物質，與人體內的透明質酸相近度超過99%，達至高度相容性。
瑞典美顔針Restylane可用於五大領域：

而用係唔同部位既透明質酸(Hyaluronic Acid)粒子大小都會唔同，以應用係唔同既部位！



Dr. Wong 講解完就到化妝師 Do Do 係為大家介紹點可以用化妝將面部既輪廓立體起來！但係化妝只可以立體到正面望既感覺，一係側面望過去，就睇唔到架啦....


之前 PR打比我既時候，問我怕唔怕打針！我第一次間答佢怕，上一次只係去驗身抽血，我已經驚到喊左出黎，叫我去打針........ 我超驚！

下面呢位女生如果你有係 The Ztyle 睇既 Blog的話，就會知道佢係 TheZtyle Editor 大佬B，人如其名呀！好勇敢做示範唷！
未打之前，佢鼻樑唔高，鼻頭都冇乜肉！



開始打啦！首先係係鼻樑為落針！天呀... 係旁邊睇見既我都覺得好痛，但大佬B話冇乜感覺，因為針內已經包括左麻醉藥既成份！
每打一下，醫生都會用手造返個形出黎，一路打一路整！整到又直又靚為止


因為鼻頭都要打入透明質酸(Hyaluronic Acid)，呢個位比較痛，係旁邊睇到膽戰心驚....





中途睇效果時，大佬B睇到嘩嘩聲！


旁邊睇真啲，又直左又高左！



之後到化妝示範既 MODEL！


醫生說為佢黎個 BIG CHANGE，所以會打鼻同埋下巴！






打完之後，比之前SHARP 左！下巴尖左無咁短，個鼻都高左啲唷！全個過程佢都冇乜點叫過痛，只係話靚就得啦！勁！為左靚靚痛都唔怕！


雖然我未有咁既勇氣去為左自己既容貌作出改變，但都好驚嘆現今既科技既進步，想整靚啲已經唔駛再做複雜既手術，簡單去皮膚科醫生處打個針，就已經可以靚足半年！

多謝 PR 既邀請呢，閃閃又識多樣野唷！

ASCENT 全球首個互動個性香氛測試軟件 - IPOD TOUCH / IPHONE (送出5支適合你的香水活動, 要看到最後唷！)

昨晚應邀出席 Estee Lauder集團既ASCENT 全球首個互動個性香氛測試軟件大測試，事前閃閃已經忘記了和軟件有關，只記得和香水有關，去到 Estee Lauder 既 Office 見到其他 Tech Blogger ，先記起這次是一個軟件測試試用。

每間公司都會有獨立專屬香氛既部門，Estee Lauder集團都唔例外，佢地既香氛部 Aramis And Designer Fragrances 除左致力研究唔同既香氣外，仲會用一套好似TAROT CARD 既卡，用直覺去幫助客人揀選岩自己既香氛。

而家仲推出左一個專屬 IPOD TOUCH / IPHONE 既 Apps，從一系列具互動性問題，從多感官體驗，揭示你的個性，尋找適合你的香水，仲可以簡單咁分析到係邊一類型，再係相關既組合揀選岩自己既香水，唔再係以前去買香水咁只係答花味/木味定甜味，用呢個方法去揀的確係有趣得多！

男仔又可以用多一個唔同既形式去揀一枝岩女朋友既香水！

等閃閃簡單介紹個 Apps啦！

首先揀選自己既性別！


再就唔同既問題揀選答案，都是一啲圖案卡去憑直覺去揀選。


閃閃屬於 Sophisticated (高雅型) & Casual (休閒型)



得出結果後，就會根據結果揀選適合既香水以供選擇



其實閃閃岩既分別係紫色蘋果，紅色蘋果同埋Dreaming........係數十款香水中，挑選出來，有選擇困難症既朋友，可以少左好多煩惱了！good good good!!!


睇到呢度，係咪都好想試下呢，Estee Lauder 會一連五日( 22 至26日) 係 Time Square 有 Roadshow ，有興趣既朋友仔可以去試下呢！



((apps 既圖片唔多，因為希望大家去試既時候唔會因為之前已經睇過圖而影響左個結果！))

希望大家都可以揀選到一支適合自己既香水唷！

「GOOD NEWS FOR BEAUTY BLOGGER」
今次呢個 APPS 暫時以閃閃所知只會係呢次既 RoadShow 提供，想試玩既你一定要去試下！
而家閃閃有五個名額，只要係4月21日十二點前留言係呢篇文章！並提供以下資料，就有機會可以係22-26號到 Time Square 試玩呢個 APPS 之餘，仲可以得到最合適你的香氛50ml 乙支((忘了說，當然要寫文啦！希望大家試完後可以一星期內寫一下感想，和大家share 今次試玩既感受唷))

姓名
Blog Link
Email (Must have因為我唔知邊個留言的！)

多謝 Beautytalk.com.hk 提供五個名額唷！

theZtyle.com X MIOGGI 生命水試用

MIOGGI 既產品，閃閃印象中冇用過，今次多謝 theZtyle.com 同 MOGGI 提供既試用，閃閃試用呢支叫「生命水」既產品！


殿堂級活膚配方“Bio-CelluActive”之9大突破功效：

1. 調節肌膚生理週期，鎖緊水分，使肌膚回復幼滑　
2. 促進棘狀層及纖維母細胞的更生，重建肌膚結締組織
3. 美白均勻膚色，增加光澤透明感
4. 補充肌膚底層所需水分及營養
5. 平衡油脂分泌，減少暗粒粉刺
6. 預防肌膚敏感，抗炎抗菌，提升抵抗能力
7. 刺激骨膠原製造，撫平皺紋
8. 預防醣化衰老，強化肌膚彈性
9. 有效抗氧化，保持肌膚年輕


閃閃最近好忙，返工忙，放工又忙，難得在家也有很多野做，皮膚冇好好保養，面膜冇敷，只是搽了保濕面霜就去睡，皮膚差了，又出瘡瘡，好煩好煩！

試用了這枝生命水一星期，這個星期都將這枝生命水當做爽膚水用，之後用回閃閃平時用的面霜，一星期後，閃閃覺得皮膚比之前好了點，皮膚滑了點，覺得冇咁乾！不知道是不是生命水調節了肌膚，所以皮膚好了呢！最近上粉都比之前貼了！

第一次用要打開這個小蓋。



有一陣香味的，但閃閃可以接受。沒有色素，透明的！滲透度也高，很快吸收！


最近閃閃在看佐百千津老師的書，裡面教敷三分鐘化妝棉，閃閃雖然有點懶，但也用生命水來試了幾天，效果很好，有試用和正在用緊這生命水的都可以試試看：
將可以分開既化妝棉(如果沒有就用比較薄的吧，又或用紙面膜)，首先用水沾濕，榨乾一點，就再用生命水沾至全濕，敷在面上三分鐘，不要超過三分鐘！！注意唷！如果可以堅持早晚都用，閃閃相信加上生命水的功效，皮膚會靚上加靚唷！

平常可以當爽膚水用，又或者用在爽膚水後。也可以用紙面膜敷5-10分鐘當急救面膜用。

只用了七天，感覺好好，初初擔心活膚成份會加劇瘡瘡既形成喎，但又無事喎，雖然唔係話好神奇既產品，但係都好好用！用佢黎當爽膚水感覺更加全面。KEEP住用呢！！！！要靚都真係唔可以懶！

$430/125ml

theZtyle.com X Good Skin Labs SMOOTH-365™透澈柔滑精華試用

之前成日都見到 Good Skin Labs 既eye cream 一直都好想試，但咁岩自己又買左 eye cream了！所以冇買黎用，今次多謝 theZtyle.com 同 Good Skin Labs 安排既試用，閃閃可以試下用呢支 SMOOTH-365™透澈柔滑精華。

其實收到試用品既時候，閃閃都唔係好知呢知係乜野黎，不過Good Skin Labs 既產品一向都係以即時見效見稱，而且佢叫 SMOOTH ，第一印象就係令肌膚滑左，所以閃閃都第一時間開黎試係手上面，白色既精華，同個名一樣，搽上手好滑，冇乜香味的(其實閃閃唔係咁喜歡護膚品有很假的香味！)，味道是有一點古怪的，點講好呢，似細個要搽既藥膏味。不過唔打緊，唔係臭味就ok 啦！

用左差唔多兩星期，當佢係妝前底霜用，用左佢上粉更加貼，閃閃想是因為佢並唔係 Makeup Base，佢係一支改善膚質，令肌膚幼滑既精華！

乜都未搽之前！皮膚有少許乾紋！



白色既精華，好易推！



用左之後，皮膚滑左，看到嗎？近手腕既紋都淡左！即時見效呢，所以上粉前用就最好，令肌膚滑左，上粉都貼啲！而且佢有多胜肽複合配方，可以促進骨膠原既制造，功效都好多方面呢！


官方資料：
3大先進科技及科研配方
美國醫學美容界指出：「Peptides(多胜肽)是今天醫學界抗衰老的熱門成份，胜肽蛋白能促進天然骨膠原的製造，讓肌膚回復彈性及均勻膚色。SMOOTH-365™蘊含Peptides成份及焦柔科技，不論即時及長遠的效果均十分顯著。」

1) 多胜肽複合配方 (High-tech power peptides)
蘊含Acetyl Hexapeptide及Palmitoyl Oligopeptide等
多種胜肽成份，有效促進天然骨膠原製造。Peptides可直
接深入肌膚底層，發揮最佳修護功效，讓肌膚回復彈性及緊
緻，撫平細紋、皺紋，同時預防紋理加深。


2) 淨澈活膚成份 (Clarity-promoting extracts)
蘊含酵母、桑椹、葡萄及黃苓萃取成份，有效均勻膚色，令
肌回復剔透亮澤。長效能擊褪積聚的黑色素及抑制黑色素形
成，淡化色斑。


3) 焦柔科技 (Optical diffusers)
珍珠藍光柔焦粒子，能反射斑點及瑕疵，即時修飾幼紋及粗 糙肌膚，顯得更幼嫩滑溜。


使用方法
每天早晚潔面後，擠出適量SMOOTH-365™透澈柔滑精華，避開眼部四周肌膚，輕輕從下巴至額頭由下而上以打圈方式輕抹於全面及頸部，特別留意粗糙的部位。清爽幼滑的精華迅速被皮膚完全吸收後塗上乳液。