相約於櫻花樹下

多謝 Meling 既邀請，閃閃有幸出席左今年海港城既主題活動「幸福祈願櫻花祭@海港城」既「櫻花攝影班」。有得玩有得學，又有得食野！正！

尋日下午一點半，我地約好左係櫻花樹旁等，一去到就見到相熟既 Beauty Bloggers 們，同埋今次海港城特別邀請了Good Tutor (www.goodtutor.com.hk) 既專業攝影師 Iris Cheng ，教我地點影櫻花。

閃閃仲著左日式浴衣(唔記得影返張全身相，有邊位 Bloggers可以比返張相我唷！)

多謝 Daisy 用 iPhone 影左張相！

攝影導師 Iris 好有心機咁分左幾個 Step黎教我地，首先係我地自己試下影櫻花先，然後再就個別同學仔既相作出分折同指導，雖然閃閃用 DC仔冇得好多 Function可以自己調教黎影相，但係都就自己既 DC 仔配合今次影櫻花作出調教，什麼 ISO呀... 閃閃以前都唔知係乜野黎，而家就知道係感光度，雖然閃閃部相機仔只係 DC仔，原來係影唔同既物品既時候，原來都可以作出適合既調教！

睇下大家幾留心聽書！

之後就係一邊影，一邊講解，以下就係閃閃既攝影作品啦！

每次影完都會再 Focus or 調較一下，同埋試下開閃光燈既效果。由最初Out Focus到影到朵櫻花啦！


之後就唔同既構圖去影。


搵一啲有樹幹去襯托既櫻花，希望影到靚靚既構圖！

你都想參加，快啲睇呢度：

HarbourCity: 幸福祈願櫻花祭@海港城 -- 櫻の攝影班

之後我地仲去左 niji 試佢為左配合櫻花呢個主題既櫻花芝士餅！



一上檯大家都嘩嘩聲，未食個賣相已經夠搶了！


根據餐廳經理既介紹，呢個芝士餅係用左日本空運黎既櫻花整成的，閃閃好喜歡芝士餅，但第一次食用櫻花整既芝士餅，食落櫻花有少少咸咸地，但配落芝士餅度又出奇地好好味，由其係閃閃咁喜歡吃芝士餅，睇黎閃閃會去食多次先得唷！


有得玩又野學仲有得將櫻花食埋落肚，真係超滿足呢！
多謝 Harbour City 既安排，同埋多謝 Meling 呢！

完成左呢個攝影班之後，閃閃最記得一樣野就係「要買部起碼可以較下光圈既半專業相機」咁先可以影多啲靚相呢！ (大家真係要去每篇博文最底咁下廣告，資助下閃閃買相機:p 先謝！)

相知 Harbour City 最新既活動，就要加入佢地係 Facebook 既 Fans Page 啦！
http://www.facebook.com/HarbourCity