▌試用 ▌Multi function 的多效抗老修護霜 ❤ Neutrogena AGELESS Repid Repair

而家做女仔，真係唔懶得，工作忙，又要進修，如果結左婚又要照顧埋頭家

百足咁多爪，保養既時間相對少左

好似閃閃咁，每晚返到屋企已經鬼咁夜

洗完面已經想訓啦

仲要搽N樣野上面，真係想死唷

今次試用  Neutrogena AGELESS Repid Repair 

標榜既係一枝可以做到解決色斑、毛孔、乾燥、鬆弛、皺紋

膚色不均等多種老化問題

皮膚其實由唔同既 LAYER 組成，唔同既既皮層需要修護既物料都唔同

而 Neutrogena AGELESS Repid Repair 就係針對唔同皮層既需要

而綜合而成既一個產品

「LAYER-by-LAYER TM 分層抗老科技」並結合抗氧黑莓及蒔蘿(Dill)精華

維他命B3及C的修護力量

研發出「AGELESS Rapid Repair MULTI-SIGNS全效修護霜」

逐層修護不同肌膚現的色斑、細紋、毛孔、乾燥、暗啞、粗糙、鬆弛等多種問題

再特別加入17倍抗氧化的紅酒抗氧分子-白藜蘆醇 Resveratrol(常見於紅酒中的成分)

有助消除及抑制加速肌膚老化的自由基free radicals

從而放大「分層修護」效果，一次解決所有肌膚問題

以$179.9 / 50G 來既價錢來就，相當抵用

雖然係開架品牌，但Neutrogena 既產品質量一向不錯唷

有良心既品牌唷，連包裝都有環保既考慮

泵式設計，好方便按出使用既分量

閃閃用左十多天，個人覺得好用的，因為可以拍完爽膚水就直接用

而且夠滋潤，因為夏天都開冷氣，滋潤度要足夠唷

最近毛孔都細左少少添唷 

所以閃閃都推介這個產品唷

如你喜歡閃閃的文章，可以按一下LIKE嗎？

閃閃的星球 FACEBOOK 專頁已經開動啦！

閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

[活動] 夏日 VS 美白 ❤ Estée Lauder 全新美白

先黎一張好似好火辣辣既相片先，因為火辣辣只係閃閃身邊既男模，一睇閃閃當日仲係好凍，係咁凍既時候，Estée Lauder 安排左一個有關夏日美白產品既活動，將間房打造成一個海灘般！(而家既EVENT PR 真係好花心思呢！) * 但大家要無視閃閃既素顏，因為閃閃以為係MAKEUP CLASS！:P

其實 Estée Lauder 既美白產品閃閃對佢一啲都唔陌生，平時閃閃冇試用緊既時候都會用返 Estée Lauder 既 CYBERWHITE 系列，會用返佢教既方法混合粉底黎用，真係水潤貼伏好多呢！



因為閃閃當日活動遲左放工，所以錯過左大半既化妝 TIPS 呢！所以就上網搵返 Leo Wong 既片黎睇！











其實今次係介紹 CyberWhite Brilliant Cell Night 全新 CyberWhite 全能細胞亮白盈潤晚霜
就係前右個個，閃閃平時會用左手邊既保濕霜，不過有時係冷氣又或者好凍既天氣就未必咁足夠，今次出埋晚霜實在太好了！

多謝HKCOSME.COM 同 Estée Lauder 安排，閃閃完成手頭既產品試用就會開始用返呢 SET 呢！
大家等閃閃既試用報告唷！^^

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

原來韓國出品的 BB Cream 都幾好用喎 ❤ MISSHA 撫紋嫩肌 BB Cream

多謝 HKCOSME.COM 的邀請，其實接到邀請時，都有問過係咪好用架？因為閃閃一直覺得韓國出品的 BB CREAM 不太適合香港的天氣，雖然方便好用，但閃閃一直都好抗拒，直到最近有幾個品牌都出左啲岩香港天氣既 BB Cream ，今次閃閃就試用左 MISSHA 既撫紋嫩肌 BB Cream！

收到既時候，覺得幾得意，連 BB Cream 都出扭紋 (好似扭紋雪糕)，原來白色的係 Wrinkle Filler，可以即時隱藏毛孔同埋細紋，同埋有抗皺功效。而膚色的就係 BB Cream，可以修飾遮瑕同埋均勻膚色！



其實閃閃之前都有試過用 MISSHA 既 BB Cream ，早期既 BB Cream 都仲係有唔適合香港天氣呢個通病，所以閃閃試呢個Cream 既時候，都冇抱好大期望，但原來隨住推出不同既 BB Cream 後，黎到呢個扭紋 BB Cream 已經有極大既改進，上手既質感幼滑易推得多！



用法都簡單，其實 BB Cream 真係適合朝早極趕時間既女生用，因為佢能強化肌膚防禦力，又能自然修飾、 美化肌膚，只要用係化妝水後就可以了。

BB Cream (又名 BB 霜) 其實為 Blemish Balm Cream 的縮寫，中文意思是傷痕保養霜，早於 60 年代由德國人研發出來，是一種針對進行雷射、美容治療或脆弱敏感的肌膚使用而設計的醫學美容產品。而家既 BB Cream 推陳出新，好似呢款扭紋BB Cream 咁，仲添加左 Wrinkle Filler (皺紋填充劑)，進一步咁令肌膚更加柔嫩。

Wrinkle Filler (皺紋填充劑) 除左有超輕透光微粒 (Silicon Elastomer)，可以撫平皺紋同埋收細毛孔，令肌膚亮麗柔滑外，仲添加左抗皺縮胺酸 (Syn-Ake) -仿血清蛋白，其美容功效十分超卓，能控制神經肌肉收縮以針對撫平表情紋、眼紋、虎紋、額紋等；- 核心蛋白聚糖肽 (Decorinyl) - 提升膠原蛋白自我更新能力，令肌膚緊緻、有彈性；神經肽複合物 (Neuro-peptide) - 有助鞏固肌膚底層細胞、預防及淡化皺紋；同埋最常聽到既透明質酸 (Hydra Plumper) - 特強水溶性成份能深入肌膚底層，令肌膚每一個細胞水漾、重生。

要講成份，就真係有排都講唔完，閃閃就覺得佢有 SPF37，提供左高度既紫外光保護，又同時可以修飾肌膚，令膚色均勻，而且唔會厚同易推，就已經好夠！



而用既時候，要係手上面混合左佢地既成份，嶄新的龍捲風融和科技 (Tornado Technology) 令到乳色 BB Cream同埋白色嫩肌之皺紋填充劑 (Wrinkle Filler)分開，形成獨特的旋風式扭紋形狀，所以混合左先上臉，同埋唔駛用好多 (上圖夠閃閃用埋塊面了！)，適量既份量就可以了，因為太多就會好厚！



上左手，睇見係好滑同好均勻！不過記得同用粉底一樣，要加薄薄既碎粉，咁個妝先會持久同唔會係街度沾左啲塵埃！(因為閃閃成日都聽到話用左BB CREAM 乜都唔駛用！除非你真係因為做左雷射、美容治療等而唔可以再加任何成份係肌膚上，如果唔係點都應該要加碎粉令肌膚摸落係乾爽的！)

其實呢款BB CREAM 上年已經推出左~係 MISSHA 都已經有售，閃閃用左一個星期，就比媽媽搶走了，媽媽貪佢有SPF37仲可以抗皺，見佢鐘意用就比左佢了。

MISSHA Signature Wrinkle Filler BB Cream 撫紋嫩肌BB Cream
No.21 亮白膚色 / No.23 自然膚色 (閃閃用No.23 的！)
HK$360 / 44g

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

得獎名單 ❤ Beauty Glow 「蠶絲保濕面部護理」及「砭石身體按摩」

多謝 HKCOSME.COM 同 BEAUTY GLOW 呢，送出 10 個名額比網友試做 (相關文章)，以下係得獎既網友仔唷~~

10位幸運兒分別是：（排名不分先後）

Candy
Ho Ka Yan
Ho Kar Li
Kwan Wai Chu
Lau Hoi Chi Daphne
Li Oi Yan Cindy
Sin Ching Ting
To Wing Man
Wu Wing Sze Juliana
Yiu Jocelyn

（註：幸運兒將會獲得專人個別電話通知預約療程時間。）

另外，抽唔中都唔緊要，Beauty Glow 送出優惠價試做，到以下連結並填妥表格：

http://hkcosme.com/beautyglow/198/

便可以HK$198 優惠價體驗「砭石身體按摩」或「蠶絲保濕面部護理」乙次

(註：登記截名日期2012年1月15日晚上11時，優惠必須於2012年2月29日前使用。優惠名額有限，額滿即止。 )

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

你同閃閃都可以試做 ❤ Beauty Glow 「蠶絲保濕面部護理」及「砭石身體按摩」

首先呢，多謝 HKCOSME.COM 同 BEAUTY GLOW 呢，閃閃係參加左「蘋果的化妝箱」的試做體驗，好開心10個名額都抽得中閃閃，勁開心呀，因為睇 Meling 既文時都覺得應該會係勁舒服個啲黎。仲要蠶絲保濕咁得意，閃閃收到電郵通知時真係勁開心唷！(大家都想試做要看到最後唷)



約好左上尖沙咀既分店，閃閃都係第一次菲力偉集團（Phillip Wain）旗下既集團，地方都好大，未開始前可以係呢個休息間飲下野睇下雜誌咁，然後就去做療程唷！




房間裝修既色調都好乾淨溫暖，閃閃最近出左好多粒粒，而且可能冇乜做好深層既護理，所以皮膚欠缺光澤同埋有啲乾。




「蠶絲保濕面部護理」係以蠶絲黎做主要既材料，原來唔講唔知，蠶絲蛋白中含有十八種胺基酸成份，可以輕易地穿透皮膚，進行深層修復，強化已被損壞的膠原組織和彈性蛋白，保護皮膚免受自由基傷害，仲可以促進微循環，促進膠原蛋白的增生使肌膚更有彈性及持久的保濕能力外，據研究指出蠶絲內的蛋白成份，更能刺激細胞再生及抑制黑色素的產生。增加表皮水份，深層滋潤乾燥的肌膚，使肌膚回復健康的狀態。

首先做深層清潔，然後搽上蠶絲保濕滲透面膜，再係上面敷上蠶絲。



美容師一片一片咁敷上蠶絲，不過閃閃影相唔夠快，有部份蠶絲已經溶化左了。



好似龍鬚糖咁呢啲蠶絲。




見到嗎？閃閃影得唔夠快，要美容師再敷多片閃閃先影到相呢。




之後呢，敷好左蠶絲之後，就係蠶絲纖維及精華按摩，精華係用左天然植物精華 (Natural Plant Extracts)，內含有人參、積雪草及馬齒莧 (註1)，慢慢咁按摩，等蠶絲纖維及天然植物精華滲入皮膚內。



最後呢，就係敷上蠶絲軟膜，進一步加強滲透。

試做「蠶絲保濕面部護理」有別一般用儀器做導入，以蠶絲蛋白本身既十八種胺基酸穿透皮膚，做到深層既修護，閃閃做完之後連妝都冇補，直接就閃人，因為覺得皮膚有光澤左，個人"令"左！





「砭石身體按摩」

因為做按摩自拍唔到，所以閃閃講解一下唷！



閃閃當日仲未病好，諗住做按摩會舒服啲，但個按摩將閃閃既病谷晒出黎，因為砭石含多種有益人體的微量元素，使用砭石按摩人體時，會釋放大量超聲脈衝，可以疏通經絡及改善微循環。

所以閃閃既病同事都釋放左出黎，做完之後，超級累！



又原來閃閃唔多受到熱，其實坐熱砭石既熱水只係40度，但閃閃都受唔到，要治療師沖一沖冷水閃閃先受到，由背部開始，用經絡按摩油加砭石代替人手，係身上碌黎碌去，然後係小腿大腿，反轉正面再按頸胸，全身都碌均，其實閃閃好怕人手按摩的，呢個砭石按摩好岩閃閃。




做完之後，閃閃去左沖涼，大家仲可以用埋佢既設施桑拿同蒸氣浴添 (閃閃做完已經好夜，要閃了)
仲可以用佢地提供既用品化埋妝先閃架！



好啦，大家係咪好想都去體驗下呢，方法超級簡單，只要按以下既LINK，填寫資料就可以參加唷：
http://hkcosme.com/beautyglow/

截止報名日期2011年12月9日晚上11時；名額20個，如果報名人數多於10人，HKCOSME 會以抽籤方式選出10名幸運兒。


註1:
• 人參Ginseng Root Extract：
– 增強免疫力，加促血液循環，緊緻及美白肌膚。
• 積雪草Centella Asiatica：
– 修護受損細胞，淡化色素，有助使疲倦的肌膚恢復生氣。
• 馬齒莧Portulaca Oleracea：
– 具有極佳的排毒及抗氧化功效，改善暗啞無光的肌膚。

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

超貼粉底體驗 ❤ GIORGIO ARMANI Designer Lift 美妝研習班

好似好耐都無去以美妝為題既班了，一來個部落格無乜點更新所以相對地邀請參加活動少了很多 (所以不要羨慕別的博客們有得玩有得食，大家都是有付出才有收獲的！要知道打一篇可以比起出席活動所用的時間還要長)，二來都因為太忙同太累，所以沒有氣力分享，閃閃可是還有很多欠債.......

今次很開心可以參加 GIORGIO ARMANI (下稱 GA ) 的美妝研習班，GA 可是閃閃化妝初期喜愛的粉底牌子之一，小時候閃閃收入不高，要買一枝三百幾元的粉底可是經過好些日子的爭札，還要計那個門面和店員很專業的樣子，決定入去買又要幾天的爭札！最終入到店內，買了人生 GA 第一枝的粉底！！！........未完......... 又因為店員很專業地用上粉底掃上粉底，還示範用手指和用粉底掃上的分別，所以閃閃又買埋枝粉底掃 (本來預計只用三百多元變了七百多元，還要粉底掃比粉底還貴！) ，但回家一直使用後，就覺得沒有買錯！嘻！一分錢一分貨麻~~~~

說完往事了，先和大家分享今次的體驗，安排了在沙田的 GA 分店，那天還情商了男友作攝影師，因為閃閃換了相機後，還未習慣自拍，好在男友充當攝影師，因為那天閃閃要當示範的MODEL呢！

GA PR 貼心的安排了食物還有可以自選飲品，而且是小班教學，只有三位博客參加一篇的美妝研習班，還為每位博客安排 MUA 們化妝！

首先落妝先，閃閃當日沒有化妝，只搽了防曬用品，完全是素顏上陣！



GA 自家的護膚品，先用 Cleansing Milk ，然後拍爽膚水！



然後就是先用 eye serum - GA CREMA NERA EXTREMA Youth Memory Eye Serum 黑曜石青春眼部精華。以 Reviscentalis 非洲重生草中萃取既再生成份，用以提昇同埋緊緻眼部既肌膚，淡退幼紋同皺紋，閃閃用第一次，覺得有少許緊緻既感覺。




之後就係用上 GA 既醫學級護膚系列，REGENESSENCE [3‧R] youth regenerator ™ 三重再生青春修護精華，以三種再生精華：亞麻籽萃取、偏木聚糖同埋維化命C 既高濃度分子注入，可以直達所有皮膚層，以回復美肌。



之後就等一等，等皮膚吸收左精華先，閃閃就去左店內左影影右影影！






先搽上 make up base，再用 Corrector ，可以初步可以調整返面部同啲瘡瘡印呀，黑眼圈等等，不過佢唔係遮瑕膏，主要係調整膚色。



閃閃膚色較白，用右邊那枝偏粉紅色的，膚色較健康的，可以用左邊偏橙色的！



跟住就用最新既 Designer Lift Smoothing firming foundation SPF 20 ，共有10款色調，總有一款同你膚色夾到！



呢個藍色唔係眼影，係特別加入左係粉底入面既藍色珠光微粒，仲加埋粉紅珠光微粒同埋金色珠光微粒，佢地分別係可以改善暗黃膚色，帶出健康光澤同埋發放古銅色的光暈，藍色既珠光微粒可以改善暗黃膚色真係好岩黃種既東方人呢！



MUA 阿BEN 仲教我地係向下搽個粉底 (睇相好難講，等一下閃閃拍個片比大家睇唷！下回分解)。



睇下，閃閃既右邊面係搽左粉底，見到膚色均勻晒，粉底仲好薄好貼，仲要提昇左添呀！真係好神奇唷！閃閃變左大細面呢。。。



係完美既粉底完成後，雖然有好多瑕疵都已經遮左，但粉底只係一層好薄既 2nd Skin，所以都要用返遮瑕膏遮一遮閃閃既豆豆呀，印印呀咁！



係底妝既最後一部份，就係用碎粉定妝啦！



之後就到其他 Bloggers 上底妝了。





係其他 Bloggers 忙緊既時候，MUA 阿 Ben 過黎幫閃閃畫返條眉！


用既眉色係用呢個新既秋妝 Jacquard Woven Eye Color Palette (HK$480)，佢係四色調組成，兩款主題色調、一款高光色調同最底用作強調既深色，而閃閃既眉色就用左深啡色，本來閃閃覺得感覺有啲古怪，因為閃閃好少用咁啡既色黎做眉色，但 BEN 話呢款啡色會帶出柔和既感覺唷！



未開始眼妝前，先掃一啲碎粉係眼，咁會令個眼妝更加持久！





之後就開始 Jacquard Woven Eye Color Palette 黎做眼妝~~



其實今次 Ben 教我地既係輕盈版既 Smokey eye ，平時我好怕 MUA 化到我對眼勁黑，今次呢個有輪廓得黎又唔太誇張，先畫左一條眼線，再用 Jacquard Woven Eye Color Palette 既眼影慢慢 Blend 開，Sharp 得黎又唔會太誇張，閃閃對今次既眼妝好好好滿意呢！嘻嘻~






而個咀仔簡單搽左 Rouge d' Armani 既唇膏，帶少少橙，再加 Lip Gloss 就靚靚了！提一提的是，個 lip gloss 一啲都唔笠，幾好咁喎，閃閃好怕好笠既 Lip Gloss 呢！



PR 仲好細心咁安排左HAIR STYLIST　黎幫我地整一整頭髮，閃閃就係吹返直啲頭髮啦！




最後緊係要同BEN 影返張相啦，靚仔黎麻！







今次活動好開心呢，多謝 GIORGIO ARMANI 同 HKCOSME.COM 既安排呢！最後呢張相閃閃好鐘意，特別多謝男朋友仔黎幫閃閃影相添呀！希望今個星期六日可以拍埋片比大家睇啦！嘻嘻

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！