星期四那晚，閃閃趕頭趕命，因為本來抽中左 iMore x Jill Staurt 的春日新品發佈彩妝示範，另外也有有關HAIR STYLE 既EVENT，但因為
不眠王子的邀請，試食皇家太平洋酒店最新推出的「楊貴妃宴」，思前想後，還是美食較吸引，還另加因為是不眠王子邀請，機會超難得，所以最後都是推了那兩個活動！(最後有去到 iMore 活動，在 Jill Staurt 那篇再說唷！) 所以那天，一放工就趕去銅鑼灣禮頓道，留了半小時，踏著三吋 high heels，趕去尖沙咀的皇家太平洋酒店！
因為王子提過不可以遲到，所以我計算好跑去MTR，轉車，再跑去酒店的路程，哈哈，時間剛剛好！但做了一年沒有做過的運動！哈哈哈，所以因為消耗太多能量，去到酒店已經超肚餓！(所以.... 我唔係大食呀....只是太肚餓！)
先說一下這家酒店，知道在中港城，但我也不知搞什麼鬼，走了入 Gateway 那邊，係入面一路行先記得應該係另一個 Tower，皇家太平洋酒店我第一次去，因為分了不同的翼，所以要去九樓的宴會廳是要上到 L/F 再轉另一邊轉乘電梯上九樓！一進入宴會廳就見王子坐著等著我們了！
話明係星級試菜團，當然有星級既食客啦！
不眠王子就不在話下，另外排名不分先後既，分別有
蘋果的化妝箱 Meling Lam、
愛麗絲 Alice Au、
點點買物●美妝●玩樂誌既點點、
藝人伍慧珊、Openrice 殿堂級食家
Yan Lo、
歌手趙學而 (我成晚一望住學而，都諗起每隔兩秒我都想起你....)。個個都係星級 Bloggers 同食評家唷，我呢... 真係好有幸身置其中呢
｡◕‿◕｡♥ 多謝你呀王子！
金衣白玉
(涼拌蘆薈帶子滑豆腐)
♦
雪裡藏珍
(燕窩蟹肉炒蛋白)
♦
參靈養生
(靈芝菇伴釀海參)
♦
花漾年華
(蟲草花菇炖鰵膠)
♦
雪肌透紅
(玉露浸生班球)
♦
紗窗倩影
(金湯釀竹笙)
♦
貴妃香苗
(牛油果帶子炒飯)
♦
御庭貢品
(貢梨燉雪蛤紅蓮)
♦
玉環美點
(圚肉桂花糕 / 北海道牛乳雪米糍)
♦
後宮佳麗
(精美鮮果盤)
其實唔只呢十道的，另外加埋另一道總廚得獎的菜色 (最後才說吧，嘻嘻，雖然是第二道上的菜，嘻嘻！)
♡ 金衣白玉 (涼拌蘆薈帶子滑豆腐) ♡
第一道前菜來吧，用上嫩豆腐 (不知是不是絹豆腐，很滑唷！)上面有蘆薈粒，鮮甜的帶子粒和芥蘭，上面再以金箔點綴，金光光閃閃的即時高貴起來，初初聽到酒店方面的 Marketing 同事介紹有薑汁在內，以為會很重薑味，但食落口，我和點點都不約而同覺得薑味好溫和，反而因為少少薑味，帶出其他配料的鮮味！
在底下的這個不記得是什麼來，但很爽脆，我很喜歡吃！(按：後來問左王子，原來係窩筍，香港好少有架！係季節性既菜黎既)
♡ 雪裡藏珍 (燕窩蟹肉炒蛋白) ♡
這個一看到這麼多的燕窩，又是即將高貴起來，看上廚師對食物的美學，把翡翠豆苗擺放成一幅圖畫般，靚靚！
蟹肉蛋白我好鐘意食呢，蟹肉既鮮甜配搭蛋白既清淡！加埋養顏既燕窩，每一啖都有燕窩蟹肉同蛋白，超滿足！♥♥♥♥ 仲要呢，平時我唔會點食個雀巢的，但呢個用麵黎炸成既雀巢，唔油膩仲好香脆添，我成個雀巢食晒添唷！(按：酒店方面解說，話就呢個雀巢都用左好多唔同既物料去造過，但係都係以用麵黎炸口感最好！)
♡ 參靈養生 (靈芝菇伴釀海參) ♡
先吃靈芝菇，嘩！好入味，就是想說我很喜歡吃某部份的菇，靈芝菇是其一！然後就是海參，海參本身冇味道的，但口感會很爽！加埋汁醬，請很惹味！
然後是看名字有釀字，就知道內有乾坤呢，是蝦膠呢，有點彈牙加埋爽爽地既海參，每次都要直切然後海參蝦膠一齊食！好味！(我喜歡吃蝦.....)
♡ 花漾年華 (蟲草花菇炖鰵膠) ♡
鰵膠，閃閃第一次聽，連讀都唔識讀，原來係有邊讀邊 (鰵:音"敏")，初初以為係花膠，原來鰵膠係好養顏潤肺，同埋可以加強免疫力同復原能力！個口感好似花膠咁！炖湯仲要鰵膠，不過個湯都唔會膠質好重，仲有清清地！
蟲草花我之前聽過了，有少部份冬蟲夏草既功效(當然係冬蟲夏草勁好多啦！)！蟲草花口感好似金菇咁，但佢既成份又多過金菇好多喎！我自己覺得幾好味！
花菇係我其中一個鐘意食既菇類，吸收左炖湯既味道，但又保留到花菇既香味！正！
♡ 雪肌透紅 (玉露浸生班球) ♡
第一啖飲個玉露，估唔到係乜野，原來係米水，呢個構圖又係好靚，一間既杞子好似一個♥咁！加埋清爽既翡翠豆苗，感覺好清新！
生班球又好好味！班球滑滑的，愛吃魚的我，真的很喜歡！鮮味的魚配搭米水，原來係咁相配的，真係原來精緻既中菜都一以好花心思的！
♡ 紗窗倩影 (金湯釀竹笙) ♡
這個以竹笙包著露筍，我先飲了少少湯，飲到南瓜的味道，但也飲到少少肉味，竹笙很爽口，但露筍是不是有部份有點老...我咬不斷，扣了少少分！
♡ 貴妃香苗 (牛油果帶子炒飯) ♡
想說，未上前，只看名字，我已經知道我會愛吃，但這道菜不是個個也喜歡，原因是牛油果，我是很喜歡吃牛油果，而原來為了寫這篇文，我找了牛油果的資料(
相關網站)，原來牛油果有咁好既功效！仲可以降血壓同有美容既功效添唷！
個人來說，這款炒飯實在合我心，以帶子和芥蘭加上牛油果，炒得不油膩，好好味道！
♡ 御庭貢品 (貢梨燉雪蛤紅蓮) ♡
大家食到就尾聲了，有點睡意，但一上甜品，大家就為之一振！
以貢梨內藏雪蛤紅棗蓮子，唔太甜但又有梨既清香，不過入面既雪蛤好似冇乜雪蛤既質感.... 係個人口感？因為我勁鐘意食雪蛤膏的，細個媽媽成日會煮比我食(因為阿妹唔食！)個口感我好鐘意的.....
♡ 玉環美點 (圚肉桂花糕 / 北海道牛乳雪米糍) ♡
另一道甜品，見到已經覺得好好食，仲要砌到咁靚添.....
*張相係咪好靚呢！王子教我用相機既 Function！*
圚肉桂花糕好味道，不會太甜，想說的是這簡單的甜品都不是間間整得好食！
北海道牛乳雪米糍就原來都好味喎，本來好怕好奶味重，但係食落又唔會，仲好香好滑軟綿綿咁！
♡ 後宮佳麗 (精美鮮果盤) ♡
好啦！之前講左我地食多一道菜，因為今次既楊貴妃宴係由大廚主理，係大廚一道
奪得2010年度「美食之最大賞」至高榮譽金獎的「雪嶺紅梅映松露」
係橙色既底，配上煎到外脆內滑既東星班，以為最面層那個玻璃汁會好油，但又好清喎！個東星就算我地影左一陣相，都仲係可以外脆而入面仲保持住熱度！仲有好香既松露。
見我講完上面，唔好以為係咁簡單就可以得獎！當然仲有啦！
以三層唔同既蛋白組成，先蒸最底既蛋白，然後係第二層既蔬菜汁蛋白，再之後係甘荀汁蛋白，三層要分層蒸，時間要準之外，仲要唔可以令第一層先蒸既蛋白老左，保持住三層都咁嫩滑，絕對係功夫同功力既結合！呢個真係要比個讚佢！
但仲有另外一個驚喜，原來東星入面包住一片花膠，真係呢，呢一道係心思菜式呢！
成個菜式比較淡口，好食濃味既朋友未必鐘意，但係間唔中食清淡啲都係好啲架！呢個菜式除左岩男朋友帶女朋友去食，都岩一大班女仔去 Girl Talk ，仲可以帶媽媽去食添唷！
再次多謝不眠王子既邀請，同皇家太平洋酒店兩位 Marketing 同事既招待，閃閃過左一個好愉快既晚上！
楊貴妃宴：
http://www.sino-hotels.com/The_Royal_Pacific_Hotel_and_Towers/tc/Special_Offers/Dining/Yang%20Guifei%20Feast.aspxFacebook Location:
http://www.facebook.com/#!/pages/The-Royal-Pacific/173998945954747請給個 "LIKE" 加入唷，我會常在 FACEBOOK 更新試用動向唷！
