閃閃的星球: 試試食

顯示包含「試試食」標籤的文章。顯示所有文章

星期二, 2月 12, 2013

[試試食] You are what you eat ❤ Beautisoup

閃閃新年前，到了有魔廚之稱既米之蓮星級廚師 Alvin Leung 旗下的另一分店 Beautifood 試他們家新推出的 Beautisoup！(閃閃之前有寫過 Alvin 的另一間店：第一次試食分子料理 ❤ 魔廚的 Bo Innovation )

Beautifood 位於 Bo Innovation 同一條街，莊士敦道60號 J SENSES (入口在船街)，但Beautifood 係係地面的，經過就會見到，小小一間店，主力係做外賣同埋Delivery ，今次多謝PR既邀請，可以飲到佢地新推出既湯。

本身 Beautifood，係做沙律同輕食為主，佢地既目標對象係附近工作既上班族，本來閃閃以為呢類食物，會係女生食多，但估唔到當日見到黎食同買走既，全部都係男性，大家都好注重飲食唷！

「Beautifood：you are what you eat」，係追求更美好健康生活的座右銘。人體約 70％由水組成，美麗的身體從內到外需要補充液體。所以今個冬日 Beautifood 就推出左 Beautisoup。

先品嘗一下個湯先，唔似中國既湯又唔似係西式既湯，閃閃飲到係日式既味道，PR 話比閃閃知原來個湯底係用上有特殊芳香鮮味的味噌蝦做湯底，唔怪得閃閃飲到日式既味道啦！而且廚師仲幫閃閃揀左溫泉蛋加入湯度，閃閃真係勁愛溫泉蛋，但咁既形式加入湯飲都係第一次，好好味唷！而呢個湯仲可以加唔同既配料，HK$30 可以揀三款配料，每加一款只係加多五蚊。

湯料都有好多唔同既選舉，龍蝦肉同魚係閃閃既首選，廚師仲有介紹閃閃加入飯粒，好似湯飯咁，閃閃都好愛，仲會更飽肚添！

另外佢都仲有唔同既野食，PR都介紹左幾款比閃閃試下。

先黎呢個三色撻哥 (VEGETARIAN TACO TRIO) ，佢係以甜腐皮包住三款唔同既食材，分別係：味噌茄子、烤南瓜配奶油乳酪同埋牛肝菌配洋蔥奶油。
閃閃食左牛肝菌個個，雖然閃閃唔愛洋蔥，但係因為牛肝菌好香，所以閃閃覺得佢好好味道。

另外就係試左左邊既粵式蒸魚 (CANTONESE STEAMED FISH) 同埋豉椒牛肉 (3B, BEEF & BLACK BEAN)。

粵式蒸魚佢入面既魚肉好滑，配合埋青檸汁同埋一啲配菜，閃閃覺得滑得黎好清新，同埋糙米飯都好好味呀！

豉椒牛肉睇落好辣，其實只係少少辣，牛肉味都濃，好好食。不過閃閃比較愛魚那個！:P

最後黎個沙律，今次點左呢個八珍甜醋既沙律，個人黎講閃閃覺得好好食，佢地既蔬菜比起其他人地店既沙律新鮮同翠綠好多，因為佢地係直接入貨。但有啲人唔鐘意八珍甜醋既味道，咁可以揀其他既沙律唷 (閃閃食過其他的都好好味！)

呢個沙律既分量，連男人都夠飽唷！而且食材選擇都健康，食得多都唔怕肥！
而且閃閃都真係好相信 You are what you eat ，希望完成而家手頭既課程，閃閃會有時間去學營養學 (其實諗左好耐了！) 因為閃閃覺得飲食均衡好重要呢。

而家 Beautisoup 加一個沙律都係 HK$68蚊。大家去灣仔搵食可以試下呢間唷！^^

Beautifood
60 Johnston Road (entrance on Ship Street)
Monday to Saturday 12:00-21:00

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

星期日, 7月 29, 2012

[活動] 深入了解唷 ❤ 維特健靈「五色靈芝」& 「茜荊莓」

尋日閃閃第一次出席左維特健靈 Blogger Event

去到先知原來維特健靈都係第一次搞 Blogger 聚會

不過先多謝 Blogger BabyAlpha 佢邀請埋閃閃去

亦到多謝維特健靈 PR 既安排

當日閃閃出問口發生小意外，上左輕鐵先發現對涼鞋斷左

即刻搵個有商場既站買過對鞋，但時間大趕了

唯有買左對沙灘鞋頂住先

搞到上身好靚，下身好 HEA

好在，影相時大部份時間都係影上半身

咁冇問題啦

講返個聚會先，維特健靈安排左係尖沙咀 MISTO 舉行

而其中 MC 更安排左大家都熟識既大佬 B 同另一MC JOHN 一齊去開始個聚會

首先係由維特健靈既 Tammy 介紹「五色靈芝 Vita Green Lingzhi」

(哈哈, 同閃閃一樣叫 Tammy 呢！)

五色靈芝閃閃未食過，成日都覺得呢類產品要再年紀大啲先食

但今次聽完講解，閃閃有左新既睇法

又一來

閃閃對中醫學說一直都好有興趣，閃閃自己都有唔少呢類既藏書

始終自己係中國人，中醫係歷史累積落黎既智慧

閃閃都好相信由中醫學說入手可以好好咁調理身體

但係都市人呀都市人

好似閃閃咁，又返學又返工，平時要拍拖呀，見下朋友聚聚會

唔好話調理啦！連訓多啲都難呢

都唔好話去睇中醫煲藥飲呢.........

所以，揀一隻岩自己又方便既補充劑就最好不過啦

不過，閃閃諗應該好多人都好似閃閃咁

唔知應該點揀，今次維特健靈介紹左佢地產品既特點

另閃閃對佢地有左信心呢

原來細心留意下，睇下廣告，原來唔係隻隻都係用野生既靈芝黎做原材料

(都係因為聽完維特健靈先留意到呢...)

維特健靈係用上 100 % 純野生靈芝

而「五色靈芝」係用上五類六種靈芝提煉而成

集赤（補心臟）、紫（補氣）、青（補肝）、黃（補脾胃）

白（補肺）、黑芝（補腎益腦）

(photo from blog.vitagreen.com)

點解會用左純野生既靈芝？

原來純野生五色靈芝含最高成份的三萜類、多醣體，有效增強免疫力

助穩定血糖及血脂，對身體健康有益

相比市面上同類型產品，「五色靈芝」的高份子多醣含量高於30倍

因此療效價值同樣高達30倍

而維特健靈仲以中藥配合埋西醫既臨床研究

用數據去證實左「五色靈芝」既藥用療效

同左香港同中國多間大學合作，研究左「五色靈芝」既五項科研實證

增強免疫力，抗病入侵

提升抗氧化功能，延緩衰老

抵抗疲勞

強肝腎

減低三高威脅

而且仲有埋 GMP 證證

由產品研發、原料採集、提煉生產、產品包裝至品質監控

全都由榮獲香港及國際 GMP（優良藥品製造規範）

就算簡單到膠囊，都係通過多項重金屬測試，確保產品安全可靠

而另一個要介紹既係最近好多廣告介紹既茜莉莓

由另一位叫阿 HIM 既PR 介紹

呢張相係當日安排左文藝女生黎教大家拍攝小物技巧時既拍既照片唷

其實閃閃都有食呢個茜莉莓一段時間，其實食個時

都冇留意佢既功效，只係諗住佢可以抗氧化就食啦

都唔知 ACAI 係啲咩黎

原來生命莓 (Acai Berry) 係生長在巴西亞馬遜熱帶雨林

當地既人會經常食用，因為佢可以保充體力同埋保持青春

所以生命莓又被稱為「超級果莓」、「生命之果」

經現代科學研究發現，生命莓的確具有極高的營養價值

蘊含豐富的維他命、天然氨基酸、膳食纖維

以及非常高濃度的抗氧化物「花青素」

根據美國農業部資料顯示，生命莓的抗氧化功能冠絕各種水果

例如比藍莓就強逾21倍

所以歐會都有介紹連美國名嘴奧花雲費 (Oprah Winfrey) 都視 ACAI 為超級果莓

閃閃諗，花青素都唔駛多作解釋，有留意開美容產品既都會知道

花青素」係非常好既抗氧化劑，可以趕走「如鐵锈般的色斑」

(所以呢...閃閃最近覺得啲斑淡左...但最近冇用美白產品喎...)

而又作為都市人，冇可能日日好濃度咁係原材料度攝取對我地有益既野

所以補充劑就係好有效既補給品

而且維特健靈的產品研發專家從亞馬遜河流域

引進左最優質的巴西有機生命莓，結合埋 GMP優良生產過程

研製成美容保健產品「茜莉莓」

仲採用了低溫提取技術，為「茜莉莓」保存高濃度的「花青素」

比同類型產品高300倍添

MISTO 既野都幾好味

多謝維特健靈既安排，仲送左「五色靈芝」同「茜荊莓」比我地

閃閃會試食一個月然後再報告唷！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

星期一, 3月 05, 2012

[試飲] 「酒‧在快活谷」 ❤ 邊個話入馬場只係得男生！

馬會對閃閃既印象只係一個賽馬既地方，自從上次去過「莎莎婦女銀袋日」之後就改觀了，唔單只係一個賽馬既地，仲可以黎食野同 Clubbing 既一個好地方！

不過今次閃閃唔駛黎食野，都唔係黎 Clubbing ，而係黎參加一個叫「酒‧在快活谷」既活動，平時去入場，只會見到啤酒，但今次有埋幾個唔同國家既酒呢！

如果你酒量好，當然可以一杯一杯大大杯咁飲！

每隻酒都MARK 好NO.同價錢，揀好左去比錢就OK！

你亦都可以好似我地咁，去買一張美酒通行證，一套好六張，可以揀六杯唔同既酒，分量會少啲，可以淺嘗去品味！(HK$160 / 6 wine-tasting)

當日仲連同左兩位美女BLOGGER 阿MI 同水魚一齊去品酒呢！

一連四個星期三，每晚主題都唔同！二月已經完左！三月仲有兩場！主題分別係：

3月7日	法國佳釀	Eugene & the Pows	爵士樂
3月14日	意大利佳釀	Orlando & Time-Signature	爵士樂 / 流行音樂

現場所見，已經唔係全部都係黎賽馬，有好多人都係入黎飲下酒同朋友傾下計！過一個悠然既 Wednesday Night~ 仲有好多係女生添唷！所以入馬會唔一定係男人黎既！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

星期六, 11月 26, 2011

第一次試食分子料理 ❤ 魔廚的 Bo Innovation

閃閃未去旅行前，出席左一個節目的發佈會，係 NOW TV 其中一個頻道 516 Li TV 「The Maverick Chef」節目，請黎有魔廚之稱既米之蓮星級廚師 Alvin Leung 主持節目，每集都會介紹當地唔同既美食，然後 Alvin 會以分子料理方式程現，請當地廚師品嚐同評價。

節目好吸引呢，閃閃一向有看 NOW TV 的節目，飲食節目更是支持者，因為可以睇到唔同地方既飲食文化。

http://www.litvchannel.com/themaverickchef/home/