[轉載]蘋果的化妝箱介紹：率先試用 Jill Stuart Night Jewel Solid Perfume

睇見 Meling 既 Blog : 蘋果的化妝箱介紹 Jill Stuart 既新品，真係好好好鐘意，決定 7月1日發售既時候購入送給自己做生日禮物，真係靚到不了，Meling 話係短鏈黎的，我會買一條長鏈黎掛係胸前


打開入面係香水膏，一物二用，正！


(以上圖片版權屬於 Meling Lam : 蘋果的化妝箱 所有，如需轉載請註明出處！)

放大靈魂之窗

如果你出門，只可以用一件妝物去化妝，你會揀以下那一種：

A. 粉底
B. 眼睫毛液
C. 眼線筆/液
D. 胭脂

我自己呢，會揀眼睫毛液﹐因為我自己內雙眼皮，平時畫左眼線其實都唔多覺，胭脂同粉底我都需要，但因為搽左眼睫毛液個人會精靈啲，所以我揀左眼睫毛液！

早前應 PR 的邀請，參加左【MOD MAKEUP‧與「目」俱增 Beauty Workshop】，超實用既工作坊，雖然我平時比人既感覺係化左妝，但都只係化左妝，唔好化好妝！冇好好利用化妝技巧去突出應該要突出既部位，由其係眼，今次上呢個 Workshop ，雖然只係講眼，但真係可以用獲益良多黎形容！


(上圖，MOD Makeup 為一眾 Beauty Bloggers 準備既小食，好細心唷！)


Workshop 係 MOD MAKEUP 進行，由星級化妝師 Jonathan Li 傳授美目增大 1.5倍秘技，Jonathan 佢個人好風趣，原本 Workshop 係 7pm 至8.30pm，最後10.30pm先完，講緊既係呢三個半鐘都係講眼妝，應該已經係濃縮版，學左啲咩呢，等我簡單同大家分享一下！

(今次 Workshop 既妝物全部都係 Estee Lauder 既產品呢！)

首先每一派一張紙！上面有一個眼型，好大家都攞張紙出黎，畫一隻大家心目中既大眼妝！



好啦！再睇下自己畫既大眼妝，我心目中既大眼妝，係有長眼睫毛，一條粗眼線係眼尾微微向上提升！下眼線由眼角至眼中！再戴個大眼 CONS！



Jonathan 教既當然同我心目中既眼妝有好大分別啦！首先，佢問我地覺得眼線重唔重要，對平時唔畫眼線既我，當然係覺得唔多重要，不過我自己都知道畫左眼線呢，對眼係會大啲，但係一般教化既眼妝都話眼尾微微拉長提升，我成日都畫唔到呢個效果！

唔緊要，原來 Jonathan 話而家唔興拉長提升架啦！睇下面呢張圖就明白！

Jonathan 話係眼尾水平咁，拉長眼線，可以再因應需要既效果拉長 1 cm 至 3 cm



問題二，眼線可以畫幾多條呢？




答案睇下圖



冇錯，係五條，分別係上外，上中，上內，下外及下內，當然唔駛日日畫晒五條眼線！但眼線其實唔係由一條直線組成，由其係上中既眼線，會睇到眼睫毛其實係上上下下咁唔係一條直線組成的，我地要係填滿眼睫毛中間既空白位，咁就會有放大眼睛既效果！



之後就到眼睫毛啦！Jonathan 教我地點可以夾出 Curl得靚既眼睫毛！秘訣就係由眼睫毛既根部分五段，每夾一下向下移，分五段夾到尾，一般出面既化妝師教分三段慢慢將個夾向上移，但 Jonathan 教係向下移，我初初都好疑惑係咪真係會 Curl ，但我返屋企試過，又真係夾得好靚喎！呢個方法大家要試唷！

之後我地揀左學貼插秧式既假眼睫毛，因為呢種一束束式既假眼睫毛好難貼得靚，當然 Jonathan 貼得好鬼靚啦！呢啲真係要工多藝熟，基本上我連一排過既眼睫毛都未貼得好呢！


(上圖，唯一既 PR K先生不幸成為 Model，要畫眼線同夾眼睫毛，再要係眼度插秧，比我地睇效果呢！真係多謝晒你唷 PR K先生，鼓掌！！！)


真係長左好多好多呢！

教學講完，就到示範啦！ Amy 成為今次大眼妝既 Model，本身眼大大既佢， Jonathan 再將佢既眼放大！






本身已經靚女既 Amy ，化完個大大眼妝更加殺死人！



最後問題時間，我有留心聽書呢，好好彩可以攞到份神秘禮物！而且最後既時候， Jonathan 就我地每個 Bloggers 唔同既情況，作出建議，Jonathan比我既建議係因為我內雙眼皮既關係，只係畫上中同上內眼線，已經ok，眼影唔加都可以靚！(之後我有跟佢既建議，隻眼真係精靈巧巧巧多唷！)




都多謝送出左 Estee Lauder 既產品，中間個盒就係神秘禮物


護膚品我未開呀，因為手頭上既產品都未用晒，但盒粉就日日帶住好好用，遲啲同大家再分享！


多謝 MOD Makeup 既工作人員同星級化妝師 Jonathan ，另外仲要多謝 PR 既邀請，學到好多野呢！

Rote fabrik 零污染卸妝淨肌啫喱

平時你係用咩黎落妝？油？奶？定係落妝水？
今次試用既 Rote Fabrik 零污染卸妝淨肌啫喱凝膠，本來諗住佢好似啲去角質既產品咁會摔到一粒粒膠咁，但原來唔係喎！


官方資料

主要成分：
- 潔膚淨白超微細因子
- 植物性氨基酸超微潔淨萃取份子
- 洋甘菊萃取物
- 青瓜精華
產品功效：
零污染卸妝淨肌啫喱以突破性的瑞士醫學科技研製，為你帶來前所未有的零污染潔面新體驗！結合多種珍貴的天然萃取物，配合潔膚淨白超微細因子，在淨化的同時徹底對抗令肌膚老化的主凶──自由基。自由基會於體內形成毒素分泌物，破壞正常細胞的運作。由Rote Fabrik首創的潔膚淨白超微細因子，能中和空氣中的自由基污染物，直接對抗紫外線侵害，防止黑色素沉澱而形成的色斑，全方位防止肌膚衰老。
創新配方，成份天然──零污染卸妝淨肌啫喱賦含植物性氨基酸超微潔淨萃取份子，強效分解，潔淨毛孔，清除死皮，並能同時調節皮層pH值；持續使用，能顯著收細毛孔，使嬌膚嫩滑細膩，享受真正的零污染清爽感覺。另外，其蘊含的洋甘菊萃取物及青瓜精華具長效保濕、舒緩和降敏的作用。
使用方法：
早、晚取適量於面部及頸部輕輕打圈按摩，卸妝啫喱會逐漸把化妝品溶解，令稠度逐漸增加，形成膠狀，黏走死皮和頑固的不潔物。最後以清水沖洗。

我用左防水眼線去測試，平時我要用水油混合既落妝產品黎落妝



落左 Rote Fabrik 零污染卸妝淨肌啫喱凝膠落去


摔左幾下，開始有啲溶


但因為防水既妝物，要摔多一分鐘，佢先開始落到！



之後我用紙巾搽走佢，又發現可以落到九成喎！



用後感：
用左一段時間，記得第一次用，覺得比佢個名呃左！因為佢話係凝膠，但一用上面，滑黎滑去，摔左一陣變左好似鼻涕咁，感覺好差.....
但係第一次用完個時，個皮膚又好似真係滑左喎，後來諗，佢因為好滑，唔會好似某產品摔摔下變左凝膠，其實我覺得變左膠係面上面磨，有點傷皮膚！
不過用呢 Rote fabrik ，有點麻煩呢，因為佢太滑了！所以我都會係沖涼個時去用！

但我覺得用黎落日常淡妝比較好，如果濃妝都係用返落妝油比較好呢！

睇下唔明白，去片~~~~~~




多謝 theztyle.com 抽中試用

Haagen-Dazs 新品 Tiramisu

天氣開始熱，我本身唔好食雪糕，但係夏日炎炎又見到新品，就買黎試下！
7-11 獨賣新品，係 Haagen-Dazs 既 Tiramisu！細細杯，岩晒一個人食！


一打開，就見到浦左可可粉係面！！



見到嗎？雖然冇好似盒面既圖咁分左幾層，但係都叫做分左層，最上係好淡芝士味，下面係都算幾苦既咖啡味雪糕，我覺得同 Tiramisu 有點似，但始終係雪糕，冇左本身 Tiramisu 個種輕巧細膩軟滑既感覺，芝士味不太特出，反而咖啡味太搶了，而且很苦！

我食半杯就食唔落，留返一半晏啲先再食！


Haagen-Dazs - Tiramisu
7-11
特價 $26.9

Immudyne fasten club 斷食組合-瘦身戰隊斷食分享

有沒有看過我月初時的一篇博文「斷食 ＝ 唔健康？？？」這是我參加了莎莎的「Immudyne fasten club 斷食組合-瘦身戰隊」成員，安排了早前的的星期六及日進行為其兩天的斷食。




May 8, 2010 (Sat)

早上九點多起來，肚子有點餓，但當然想起今天要斷食，刷牙洗臉後，去磅一磅重，再去沖Immudyne fasten club ，1:1 的比例，我先喝了一點，然後開 DVD 去看戲，其間又喝了一點，晏啲又再喝一點，中午去午睡，睡了三小時，然後一直喝 Immudyne Fasten club，到晚上十二點去睡。

其間媽媽煮了美味的午飯，還煲了鮑魚雞湯，最後我忍唔住，喝了一碗片了油的雞湯，晚飯的時候，媽媽要我吃了兩隻蝦仁炒蛋 (破了戒....)

May 9, 2010 (Sun)

比星期六還早起床，一起床磅一磅，嘩！輕了六磅，看來我的水真多，但我今次斷食的重點不在減肥上，雖然我想減，重點在排毒和清一清腸胃。肚不太餓，又喝了一點 Immudyne Fasten club，但忘記了要喝水，中午才想起要喝水的，一直都是飲 Immudyne Fasten club，其間想食野既感覺可以講係完全冇，只係好想飲野。

朝早的時候，開了一套有關法國野食既片叫 Julie & Julia ，我自己唔記得左自己斷食！但又冇肚餓既感覺，只要一有想食野既感覺就去飲 Immudyne Fasten club，之後和媽媽一起睇 Now TV 的飲食節目！

中午既時候，我帶左妹妹既 Baby 去公園玩，又帶 Baby 去 Supermarket Shopping ，雖然去左 Supermarket ，但都冇話想食野，而且冇話因為冇食野而手軟腳軟，反而個人好清醒，我仲係 Supermarket 買左整木槺布甸既材料，帶木槺布甸比同事食！係咪好大挑戰呢！

當晚仲好早去睡，第二朝都係有啲肚餓，但係就冇話手軟腳軟，返到公司買左個飽食！

第二日既斷食成功！

之後都唔可以食太多野，仲要配合" Daidai Diet" 每日餐前食三粒！幫助阻隔係復食期脂肪既吸收！

總結：我覺得一年斷食三次，自然療法對身體整合好有幫助，可以比腸胃抖一抖，今次斷食期間輕左六磅，之後一星期體重回升但都比未斷食前輕左2磅！其實係斷食期間唔好只係心裡面不斷諗住要減肥要斷食，反而係諗 Reset 身體，令身體健康等等比較正面既諗法，都可以令自己冇咁易想食野，另外顏色學都指出藍色係會減低食欲，大家可以試下唷！

好多謝 Sasa 今次提供既斷食試用！！！估唔到我可以做到呢！ YEAH!!!!!!

Jill Stuart Jelly Eye - 2, 3, 8, 10 現貨出清

之前因為買多左 Set 分裝，而家分好了！有人有興趣帶佢地返屋企嗎？已經分好了，不用等！






一共分左四盒係 2, 3, 8, 10 四隻色！每盒 170蚊，可在銅鑼灣面交。有意可留言或 Email 給我：littlebluebb@gmail.com

相關文章：
好好用日日用既Jill Stuart Jelly Eye
Jill Stuart Jelly Eye 分裝記
大家有冇興趣分裝Jill Stuart Jelly Eye 呢！

Za True White Plus 真晳美白系列

早前出席左 Za 既 True White Plus 真晳美白系列既發佈會，我係 Lunch time 時間去，但到 Lunch Time 完左都未開始.... 最後唯有走啦！


冇睇到發佈會，唯有感受一下產品，其實 Za 既 True White 呢條 line 我唔係第一次用，而家仲有 Keep 住用添，係乜野？就係訓覺得可以搽得既美白粉啦！呢個粉專係為左訓覺用，每晚我都會搽晒所有野去訓個時，印上呢個美白粉先去訓！用左佢皮膚冇咁乾呢！又可以因為用左Night Cream 之後，成塊面有點笠既時候印上呢個粉，就可以乾爽啲去訓唷！



今次可以試用全新既 Za True White Plus 真晳美白系列，洗完面後用真晳美白晶肌水(True White Plus Prismizer)，然後再用真晳美白乳液(True White Plus Emulsion)，前者質地輕爽，好快吸收；後者質地比較水潤，第一次試上面時候仲係度諗，夏天啦喎，仲咁潤？？但係訓醒一覺就諗夏天都唔可以太爽呢，因為長期處身係冷氣地方，如果太爽既質地，其實好快就比冷氣抽到乾晒，皮膚就冇得到適當既滋潤，而呢個乳液既用法係要由內至外打圈按摩至完全吸收，咁可以每晚都做一個按摩，等皮膚更加吸收美白成份！
試用了七天，雖然冇可以淡斑既功效，但令我膚色均勻了不少，而且冇因為美白成份令皮膚變乾，讚！成set用加埋都唔駛300蚊，朝朝用晚晚用好抵用！

Za 係 Shiseido 旗下既一條開架品牌，自1999年已經推出左美白系列，而 2004年就推出左True White 真美白系列，而今年推出既 True White Plus 既成份更加加強，以鑽石美肌黎定義新世代美白基準，以鑽石既4C (Carat 克拉, Clarity 淨度, Colour 顏色, Cut 車工) 黎比擬美白肌膚既4C (Colour 均勻膚色, Clarity 光澤透明感, Cut 表面平滑細緻, Carat 完美底層膚質)，而 Za 就以呢4C 黎定義真正既剔透完美肌膚。

真晳美白晶肌水(True White Plus Prismizer)
透明水狀，微香


真晳美白乳液(True White Plus Emulsion)
白色乳液，不算太快吸收，可以做一下按摩




測試一下乳液既水份：
由上至下，最上是未有搽乳液前，中間是搽乳液後 5分鐘，最下面是再過 15分鐘，水份比未搽前提高了，還令水油平衡！讚！


多謝 Beauty Exchange 這次安排的試用，我可以連同美白粉一起用唷！

靚到唔捨得用......可口可樂 FIFA 杯

我又要黎話說....

話說某日早上用 Iphone 開 Twitter 的時候，看到 Daisy post 左佢個 new blog post link 出黎，一睇不得了，原來係我之前係網到見到佢地講 McDonald 會出可口可樂 FIFA 既玻璃杯，之前已經特登去左McDonald 睇下會有邊幾隻，仲已經諗緊要去換既時候，就見到呢篇 Blog (相關文章)，照住佢上面講，係 Twitter add左 Yeelim ，膽粗粗咁DM 問 Yeelim，本來都諗住可能冇架啦！點知過左一日就收到回覆，開心開心，非常開心!!!!!!!

又，見到 Meling 寫的人在世博文章(相關文章)！原來可口可樂搵左黎自唔同地方 50位 Bloggers，去參觀可口可樂既快樂工廠，上海之前都有去過，但今次世博係上海舉行，令我都想再去，但未有機會去前，就囉住可口可樂既杯先唷！

上次既可口可樂杯，兩邊都係可口可樂 Logo，今次唔同既係一邊係可口可樂 logo ，一邊係踢足球既公仔logo，仲要隻隻都唔同，好鬼正！一套六隻！


收到既時候非常驚喜，因為本來話第二日下午送到，點知當日已經送到，同事都好寄一大盒係乜野黎，一打開，成個蛋糕盒咁大！打開就見到六隻杯係晒入面，成個包裝勁靚！！！

換杯行動已經開始左架啦！冇留意到既快啲去換啦！因為呢啲野一向都係手快有，手慢冇.....

另，雖然已經有六隻杯...但因為成個包裝太靚，唔捨得用，最後都要去加大多幾個餐換多幾隻！最想換粉紅同灰色！


多謝 Daisy 同 Yeelim 呢！Thanks x 10000000000000000!!!!

Miryoku 日式42式鴛鴦按摩透明質酸嫩肌面部護理

早前收到 Beauty Exchange PR 既電話，問我試唔試做日式既 Facial，可以試做喎，岩時間當然試啦！但聽到話要拍 Video，都考慮左一陣，有睇開我個 Blog 既朋友仔都應該睇過我素顏樣，PR話唔會影做緊 Facial 既相，咁好啦！我就答應左了！

多謝 BE 既邀請，我同另一位 Blogger Ta小妹 Zita (相關文章) 去左 Miryoku 位放銅鑼灣既店試佢地既42式鴛鴦按摩。(之前一路都唔知係邊位 Blogger 同我一齊試做，原來係靚靚空姐 Zita 呢！佢眼大大，皮膚又勁白，正！)

今次試做，首先係要做皮膚測試先，平時我去開既美容院，都係美容師覺得我岩做啲乜野就做乜野，今次係 Miryoku 做 Facial ，首先要做皮膚測試！

呢首儀器可以測試到表層同底層既皮膚。分別要影一張正面同側面既相黎做分析！


得出黎既結果係我皮膚底層好敏感，好缺水，底層有好多黑色素，可能係因為細個有好多年都係泳隊成日游水既關係，而家年齡不斷增長既時候，黑色素慢慢咁浮出黎.....，而因為缺水既關係，令皮膚出左好多問題！美容師話我要補水補水！只要補返水，皮膚好多問題都可以得以舒緩！




最後美容師同我揀左 HY- 透明質酸, CO - 膠原蛋白同埋 PL胎盤素！(呢三樣都係為左我呢塊又敏感又要補水既面而揀的)


之後就入房做 Facial 啦！美容師事先問左我有冇對乜野香薰有敏感，佢地揀選左佛手柑同洋甘菊，Set 好間房，播埋柔和既音樂，可以入房做 Facial 啦！(好細心唷)



講下個流程先
卸妝 -> Peeling -> 超聲波精華導入 -> 42式鴛鴦按摩 -> 軟模

42式鴛鴦按摩究竟係乜呢？呢套按摩手法係日本導師黎香港教授，鴛鴦既意思係唔係我地平時做 Facial 既時候美容師兩邊既手勢都係一樣，而呢個係一隻手黎按穴位，另一隻手做提升既動作，手勢十分之輕柔，幾舒服的。

做完之後，皮膚感覺好嫩滑，肌膚比未做前細緻同有光澤，上妝粉底更貼！

補上官方資料：
理想の肌 自然美肌

Miryoku在日本擁有超過30年歷史，是全國美容院公認的專業護膚品牌，其崇尚的天然日式美學概念，就是讓您拋開生活煩惱，舒緩工作壓力，使肌膚及身心得到放鬆，進入忘憂境界。

Miryoku Beauty Salon 全店採用日式的裝修設計，再配合簡約佈置及柔和燈光，給您閒適感覺。置身其中，可享受由日本導師教授的一套日式美學按摩手法，再配合Miryoku天然的專業護膚產品，即時讓您的肌膚光采動人！

「42日式美學面部護理」就是由這美學概念演繹出來的42式鴛鴦按摩手法，其精髓就是要讓客人進入完全放鬆的靜止狀態，讓肌膚細胞自我修復，回復健康。

Ó美容師會針對各種的肌膚問題，調配不同的精華素Ò

多謝 BE 同 Miryoku 既安排試做！

後記：今次係第一次去拍呢啲 Video，完全唔知應該要點好，只係知應該笑好啲既，就一路 Keep 住笑，但係勁機械式，應該超唔自然，希望唔好太醜樣就好了............>.< 大家睇到唔好笑我 ~~~~~~~~~~