RoC Multi Correxion™多效活膚系列 - 原來 Yoga 都可以好好玩

早前閃閃出席左由 HKCOSME.COM x RoC 舉行的 「RoC Multi Correxion™多效活膚系列 Beauty Blogger 發布會」，發布會既會場係位於中環既一間 Yoga Centre ，閃閃好耐冇做過 Yoga了，因為之前做過覺得唔係咁岩自己玩！但今次既活動令閃閃改變左睇法呢！！

第一次參加 RoC 的發布會，知道是同Yoga有關有想過不去，但係又因為之前用過 RoC 既眼霜同Retin-Ox Wrinkle Filler (相關文章)又幾好用！所以決定去啦！去之前要搵長褲，又要搵T-shirt (識閃閃既都應該冇幾可見到閃閃會著褲，因為閃閃打扮很好女性化麻) ，搵齊衫褲出發咯！

去到呢，大部份人都到齊了，閃閃好快速去更衣室換衫，好似去返中學個時PE堂換衫既感覺，好鬼得意！


換好衫入到去，見到大家都坐好了！閃閃都搵個位坐好呢！首先係品牌公關小姐 Bell 同埋司儀 Meling 介紹 RoC 呢個品牌既歷史，今次新出既新品，其中既全新 Multi Correxion 多效活膚煥采精華，下圖五個圈圈就係今次主角可以解釋皮膚五項問題既成份同功效
包括 Retinol - 減淡幼紋；穩定維他命C AA2G - 淡化色斑；Silk Pearls 技術 - 減褪暗啞；甘油 - 擊退乾涸；T.H.P.E - 緊緻肌膚，可以話一枝締造到 5 大抗衰老既功效。


而家出多左不同既抗衰老產品，好多時大家都會諗我廿零歲，唔駛咁快用麻，但係預防係勝於治療架，而家因為基因同埋生活習慣既改變，周圍環境既影響，同埋我地係25歲後，新陳代謝開始減慢，皮膚越黎越早出現乾燥、幼紋、色斑、暗啞同埋鬆弛等等既衰老情況，所以應該係問題未出現前處理然後好好保養住佢！等皮膚變得明亮、柔嫩、水潤同埋緊緻 ^^

點解會安排 Yoga 既活動去配合今次既主題呢，係因為做 Yoga同保養皮膚一樣，唔係食粒仙丹就可以即刻見效，係要持之以恆，先可以見到效果，Yoga 導師 Josephine 已經有40 多歲，身型同樣貌一啲都唔似呢！我地學左五個 Yoga既動作，佢係可以解決因為我地坐姿不正，搞到身體出現既腰骨痛，同埋有一個動作可以舒緩經痛呢！


今次做 Yoga 相堂愉快，唔知係咪因為有一班朋友仔一齊，定因為 Josephine 導師既風趣令我地上呢個 Yoga 堂一啲都唔沉悶，好開心咁就過左個半鐘！

完成左之後，大家都好鬼 Relax 咁係度傾計呢，哈哈


離開 Yoga Room，每人都有一袋粉紫色既東東！


入面係一套四枝既 Multi Correxion™多效活膚系列
包括有：
Multi Correxion Anti-age Intensive Serum 多效活膚煥采精華 30ml
Multi Correxion Anti-age Moisturiser 多效活膚乳霜 50ml
Multi Correxion Anti-age Eye Cream 多效活膚亮采眼霜 15ml
Multi Correxion Radiance Enhancer Make-up remover 多效活膚亮肌洗面乳 200ml


產品大約要時間試用一個月，閃閃會係二月再同大家分享用後感！
再次多謝 HKCOSME.COM 同 RoC ！過左好開心既一個下午呢~

同埋多謝 RoC好細心咁安排左試用裝比閃閃同大家分享呢！
試用裝係Multi Correxion Anti-age Moisturiser 多效活膚乳霜，有SPF 15既防曬功效，3ml裝，有興趣既朋友仔，可以留言留下你既姓名，電郵(唔會show 出黎的)，我會抽三位去試用呢！