[分享] 閃閃的美白習慣 ❤ 你的美白習慣？

以前，閃閃有個習慣，就係冬天會著重保濕多啲，因為以前既美白產品都冇咁保濕，所以閃閃會係冬天著重保濕，但係而家既產品同以前唔同左好多，已經冇以前咁乾了，所以冬天而家都好安心咁用美白產品。

有啲女仔會係夏天先做美白，但閃閃又唔覺得係咁，因為陽光係一年 365日都有，應該要全年都做好美白既工作，咁先可以減低黑色素既出現。

閃閃有個 DIY 既天然美白，就係用豆腐黎磨面，皮膚會變得好滑，不過冬天用就覺得好凍了，雖然要好耐先有效，但係都不失係一個天然又平價既美白小 DIY。

以往都用過好多唔同既美白產品，不過美白真係要講下耐性的，唔可以一用就一下子就可以白到，由其係皮膚有28日既更新週期麻，唔好話用一星期唔WORK就唔再用，起碼都要用返一個月以上先真正見到效果架？

仲有呢，美白MASK 都唔以缺少，當然平貴既產品用既成份都唔同啦！但係有時平平地密啲敷都有用，當然有啲日子要重點出擊就要駛下錢用啲貴少少既產品。

你又有咩美白既習慣，可以用閃閃分享嗎？