▌試用 ▌在家也可以有 Salon 級的乾淨感 ❤ Rejoice ProSeries 專研柔潤系列

話說，最近閃閃收到唔同品牌既洗髮用品既試用，自己亦都買左新既洗髮用品

而最近係 SHE.COM 度見到有 Rejoice 既新品試用

閃閃都申請左，好幸運抽中左，先多謝 SHE.COM 同 Rejoice 提供既試用唷

先講一下，閃閃其實冇買過 Rejoice 的，雖然佢既小豬系列廣告好吸引

但係因為佢係 1 TAKE 既洗護用品

習慣左用洗髮同護髮素分開用既閃閃，未曾購入過 Rejoice

但今次見到佢新品係一系列既洗髮產品，就有好有興趣

其實最近閃閃染頭髮都染得密左， 因為之前頭髮淺色啲

當頭髮生長時，黑色既頭髮就好顯眼

所以去 SALON 染又好，自己染又好，都密左！

其實自己知道會好傷頭髮，但閃閃貪靚，所以冇辦法。

所以一啲可以修護頭髮既產品就好重要

而 ProSeries 研發四大系列產品 

就係根據亞洲人頭髮天生易扁塌，同埋大部份女性會染燙頭髮等等問題

研發了四個產品線

以滿足大家對於順滑、抗屑、染燙、修護既需求

Pro Smooth專研柔潤洗髮乳

HKD49.9/700ml
HKD37.9/450ml

針對乾枯毛躁髮質
嚴重乾旱秀髮注入柔亮活力

Pro Smooth專研柔潤潤髮乳

HKD49.9/700ml
HKD37.9/450ml

針對乾燥頭髮，提供充分滋潤，令乾燥受損髮質重回強韌。
有助改善頭皮膚質，保濕減壓，給予髮絲全面的修護力。

Pro Smooth專研柔潤多效保濕髮膜

HKD39.9/300ml

含GHC專研柔潤因子，滋潤乾枯毛躁髮質

緊鎖水分，讓秀髮如剛走出Salon般柔潤保濕

瞬效防毛躁精華乳

HKD29.9/130ml

令頭髮不再粗糙，改善頭髮光澤

今次既 ProSeries 係以打造 4D Salon 秀髮為指標：

豐盈：含致輕潔淨份子，從份子層次減輕秀髮重量
柔潤：TAS修護因子，撫平毛鱗片，秀髮健康柔潤

光澤：光感能量正離子，能中和髮絲負電，帶來光澤
易整理：Dual-lock雙重鎖水科技，髮絲水份平衡，不再蓬亂

而且蘊含GHC專研柔潤因子，以2倍親和力吸附於髮絲表層

極速修復脫水髮絲，即時補充頭部皮膚及髮絲濕度，滋潤乾枯毛躁髮質
緊鎖水份，使用後秀髮柔滑不結．為髮絲建立如薄紗般的絲滑保護層

緊緊鎖住秀髮水份抵禦外來損傷，回復秀髮健康亮麗

用後感：

 試用左一個星期，大約用左三次

三次都有用埋個髮膜 (因為閃閃實在係太唔順滑了)

閃閃初初睇新聞稿時，對佢個句：

用完頭髮超輕盈，髮根感覺很乾淨又很蓬鬆，但整體頭
髮又很柔順，真的就像Salon的產品一樣，很好用

好有疑問？？？

但用過幾日後，每次用完都會諗起上面呢句，然後覺得又真係有咁既感覺喎

當然同去SALON 真係做晒機焗油係有分別，但以家用黎計

呢套產品都真係不錯， 真係覺得頭髮輕盈左，同埋好乾淨又好柔順

而佢個花果味又唔會太嗆，因為有啲洗頭水既花香味呢.... 勁難聞.....

而且平時洗完頭梳開頭髮時都會打結，但用左 ProSeries 之後少左喎

用前一

用前二

 洗髮後一

 洗髮後二

 

價位都一點都不貴，買定一套黎替換用都不錯唷

再次多謝 SHE.COM 同 Rejoice 提供既試用唷

閃閃的星球 FACEBOOK 專頁已經開動啦！

閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

[活動] 橄欖樹的神奇效用 ❤ PHYTO-C SUPERHEAL™ O-Live 系列

原來閃閃手頭好多文未清，但係自己又好多野想講喎，咁唯有快啲清左啲文佢！
不過黎緊出席活動都要揀過先得，因為四月開始要返學了。冇咁多時間可以去活動了，可能方向都會有啲轉變呢！希望大家繼續睇閃閃既部落唷！

好了，今次同大家分享一個活動，隨後會另文分享用後感，呢個品牌閃閃應該係第一次接觸，佢係PHYTO-C，一個由美國穩定維他命C專利護膚配方權威製造商 PhytoCeuticals, Inc 成立的。美國醫學抗氧權威科學家Dr. Mostafa Omar（維他命C之父）創立的PHYTO-C 醫療級護膚品牌，閃閃對醫學類的都會比較有信心，今次推出既 SUPERHEAL™ O-Live 系列，閃閃真係一用愛上！(但銀包對佢未愛上呢... 因為唔平唷！)

今次公關安排左我地去上肥皂班，講解完就利用 SUPERHEAL™ O-Live 系列既GEL 黎做肥皂！(肥皂突然身價飆升！:P)

由導師示範，講解，再到我地著手造，因為本身已經有皂基，所以我地只係混合材料，不過都唔簡單架，因為有啲步驟係需要人手打到好似蛋白咁起泡 (手軟唷....)，不過又幾好玩！



枝精華成千蚊架，所以先會話肥皂因為幾滴精華而身價飆升唷！
個MACARON 造型既綠色都幾靚唷！^^ 啲色素既分量要好好控制呢！






造好啦！係咪幾靚呢！查實閃閃到而家都仲未捨得用唷！







好啦！講返 SUPERHEAL™ O-Live 系列先！今次介紹既分別係：









係官方網頁抓來，詳細啲呀麻！閃閃對佢可以緩和玫瑰痤瘡及濕疹症狀最感興趣，因為閃閃以往都有被濕疹症狀困擾 (不過呢年食台灣一款膠原蛋白產品就冇再返發了，有睇閃閃FANS PAGE 應該知係邊隻)。



佢既質地唔似一般精華好水水的，佢真係同佢名一樣係GEL GEL 地，吸收唔算好快，但係感覺好保護咁，閃閃用左佢既 TESTER 好多日 (3.75ML 閃閃好唔捨得用晒佢)，每晚用完佢之後 (所以只係捨得晚上用...)，第二日皮膚都滋潤咁！好正呢！不過成 HK$980蚊一枝，但係呢，如果只係夜晚用閃閃諗都應該用好耐下！因為如果朝早用佢，佢又好似潤左啲！



閃閃個人覺得回購度極高，但銀包對佢既回購度保持觀望。
不過，閃閃諗應該都會買，最近覺得女人既皮膚係一項極需要投資既項目！









唔知點解，反而面霜質地冇咁杰，好推好多，有水水既感覺，閃閃晚上連埋佢一齊同GEL用，感覺好好呢！佢既成份好全面，除左抗敏同抗炎外，仲可以抑制黑色素添呀！





佢成個系列都係呢種帶啡既顏色，講開又講，閃閃唔鐘意食OLIVE，不過佢呢個系列既氣味又好討好喎，搞到閃閃好鐘意搽佢！(售價:HK$1050 /50G)












一打開，要先用棒棒將佢地混合，然後先用！(呢個遲啲出文再講)
呢個面膜好貴呀！成HK1,150/50G，不過閃閃用過一次真係覺得好正！佢本身係寫一星期用2-3次，但閃閃真係勁唔捨得唷，不過佢咁多功能，又真係好值得投資喎！


講左產品，就講下佢既成份啦，其實人類利用橄欖樹木已經有很長一段時間。古希臘神話中就有這樣既記載，女神雅典娜在雅典衛城聖殿山之間種植了一棵橄欖樹，這棵樹具有照明、治愈同賦予營養既力量。聖經裏面都講到，摩西下令免除橄欖種植者的兵役。橄欖枝是和平和繁榮的代表，橄欖油是純淨和善良的象徵。古希臘奧林匹克競賽的優勝者被授予橄欖葉編織的花環。

而且橄欖樹又被稱為「生命之樹」因為其壽命長達400年或以上，而橄欖樹的醫學療效歷史悠久，當中更以含有極高橄欖苦素之Oleuropein (橄欖多酚)廣為醫學界關注，多項醫學文獻証實高濃度純橄欖葉精萃能為皮膚提供驚人既修復癒合能力，能夠改善敏感膚質，由內而外強化皮膚既抵抗力，兼且具有抗氧化及抗細菌既功效，並有效緩和玫瑰痤瘡及濕疹症狀，令到脆弱既皮膚重拾緊緻。

所以由極高橄欖苦素之Oleuropein (橄欖多酚)製成既護膚品相對只係用維他命C製成既，佢地抗氧能力係相差400倍架！可以更有效咁保護皮膚避免受到陽光既侵害，同時能激活骨膠原更新，減淡幼紋添唷！

PHYTO-C 仲有其他產品呢！^^



多謝PR 既邀請呢，閃閃又認識到多一個品牌。

想了解佢地多啲，可以去佢地既網頁同FACEBOOK 唷！
http://www.phyto-ceutical.com.hk
https://www.facebook.com/pages/Phyto-C-HK-Official-FB

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

快速增生膠原既方法 ❤ reenex 高效膠原自生組合療程

見到咁靚既 View？係邊度？其實係 reenex 位於北京道一號既分店，閃閃上次做完 CPS (相關文章)後，約左黎做高效膠原自生組合療程！

高效膠原自生組合療程係咩黎呢？其實係由「冷凍光學膠原自生療程」同「HGF 激活細胞增生療程」組成的，reenex 膠原自生整合療程其中一部份，先以 CPS 更新肌膚，清除角質，然後就做呢個療程了！



先講「冷凍光學膠原自生療程」，佢係透過1540nm 既冷凍光學，能夠深入真皮層的骨膠原所在位置 200-500 微米，活化纖維母細胞 fibroblast 增生骨膠原，提升肌膚彈性同承托力，有效咁改善同預防各種老化徵狀，同時更能變細過於發達既皮脂線，改善過盛既油脂分泌！



治療師會一點一點咁，印係皮膚上，將光學打入深入位置 200-500 微米既真皮層，但過程你唔會感覺到熱，因為佢有「Koolburst」既科技，以5度冷凍既技術保護同鎮靜皮膚，所以成個過程，閃閃只係感覺到一下又一下凍冰冰既感覺！







之後就係做「HGF 激活細胞增生療程」，呢個就感覺到個真空吸頭，係皮膚上吸走啲 Dirty 既野，佢係利用真空水漾煥膚淨肌，一邊注入營養煥膚液，而另一邊就吸就角質同污垢黑頭等等。再用另一吸頭，去係鼻頭呢啲多黑頭同油垢既地方再吸，咁皮膚就更加乾淨！



睇下... 吸出黎既水幾咁 Dirty......




黎到呢個療程其中一個好重要既步驟啦！就係導入呢枝專比導入用既「人體生長因子 Human Growth Factors」！成枝導入百多種既人體生長因子會全部導入肌膚內，為肌膚注入各種營養！



睇返效果，真係唔好意思，開始影個張冇對焦添，但係閃閃覺得做完皮膚乾淨左，其實做一次效果唔會勁明顯，但係呢，因為閃閃係連埋早前聖誕節EVENT中左既獎品做，閃閃發覺只係呢個療程，做第二次既效果已經同只係做一次有唔同，今次好明顯感覺到皮膚有好似飲飽水既感覺！覺得有彈性左！應該係膠原已經增生緊呢！



大家有冇興趣試做呢，★ 按此登記 ★ 想試下就去登記啦！可以試做 CPS ，體驗完之後仲會送 Bioderma 卸妝水 100ml 添唷！

多謝 reenex 既 PR 安排，黎試一個月後閃閃會試做第三部份既療程，期待唷！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

好滑唷好滑唷 ❤ mikami salon Neoprocess Step 3+1 Treatment

前兩日分享過家用既護髮產品，今日要同大家分享就係外出享受護髮服務，其實閃閃既頭髮已經唔只一次做過測試，每次既結果都係勁受損，一來自己用家用染髮產品會更傷，二來係閃閃真係勁少出去做 Hair Treatment，因為自己主觀覺得只係焗下油咋喎，係咪真係可以令頭髮靚靚？

早前 PR 就搵閃閃去做一次頭髮既護理，好啦！等我都去試下係咪真係好先得。

mikami Salon 位於銅鑼灣，勁方便閃閃，因為閃閃係附近返工，返工就去幫頭髮做 Hair Treatment。

新生出黎既頭髮，都好毛燥，其實唔太健康，但閃閃對頭髮護理比較懶，所以其實去 Salon 做 Hair Treatment，真係一個集中去快速護理頭髮既方法。




講到用料，其實點解閃閃唔想出去做，因為根本唔知佢地用咩係閃閃個頭上面，而 mikami 用既係一隻叫做 Neoprocess 既牌子，佢有三個系列，而閃閃做既系列叫做 neoprocess MF，因為閃閃係長直既頭髮，比較鐘意有貼服既感覺，所以呢個比較岩閃閃，佢可以深層咁滋潤頭髮既內部，而且保濕力相當高，可以令頭髮有光潭同貼服，岩晒閃閃！



分左 ① ② ③ 個 Step，首先要先洗頭，再用毛巾盡量將頭髮抺乾
Step ① 由髮根至髮尾，搽上 Neoprocess BC1，再加以按摩，仲可以根據受損部份再搽多啲。佢可以將受損頭髮既內同外面都有較咁修補。
Step ② 然後搽上 MF2 ，呢個係形成強固既基層，阻止營養流失。
Step ③ 最後就係用 MF3，呢個係可以回覆頭髮既光澤感。
搽晒三個 Step ，就可以即刻去沖水同吹乾頭髮，呢三個 Step既 Timing 要控制得好好，因為如果時間掌握得唔好，頭髮就會變得好油......




雖然有成三個 Step ，但係都唔係要用好多時間！



好啦！係咪好柔順呢，嘻嘻，之後幾日，閃閃都忍唔住係咁摸自已既頭髮，終於明白廣告成日啲男主角摸女主角柔順頭髮個種吸引既感覺........


Step 3 完左，其實仲有個 Plus 1，係做完 Treatment 之後一星期，將佢黎當護髮咁用，係屋企延續呢個 Hair Treatment。



當日同點點一齊做 Treatment，有傾有講好開心過左一晚~ ^O^~~
為左 Keep 住靚靚既頭髮，呢啲錢真係唔慳得，女仔真係要由頭到腳都要好好護理呢~~~~~

聽日同大家分享美食唷，真係勁好食，要快啲推介比大家先得！^^





mikami salon
銅鑼灣駱克道514號1樓
Tel: 2573 9901
http://www.mikamisalon.com

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

Pantene CLINICARE 髮の美容科學 @.@ 我啲頭髮唷.....

多謝 Pantene 既邀請，閃閃出席左佢地既活動，好開心又好唔開心.......
^O^ 開心既係，可以了解 Pantene 既新品，專業分析揀選岩自己用既產品！
>.< 唔開心既係.....轉頭再講.....

一開始，Pantene 方面請左一位醫生黎講解！先講頭髮既結構，幼幼一條頭髮，都有幾層組成！



而原來有好多外來既物素都會對頭髮做成傷害！




我地成日都會注意皮膚會要抗衰老，但原來頭髮都要呢！



而 Pantene CLINICARE 既秀髮科學研究，加入左過萬億超微修粒子既專利修護科技，能夠快速咁深入毛鱗片，密集咁修護髮絲受損既部份，再保護髮絲內部。




而 Pantene CLINICARE 最新包裝既3款白金級護髮系列，經由專業醫療美容中心驗證，能夠係兩星期內改善受損毛鮮片、增加強韌度、提升髮幹直徑、平衡頭皮酸鹼值。

藍色既係 時光損傷修護系列；橙色既係 纖細受損頭髮修護系列



而紫色既係 染燙受損頭髮修護系列



當日仲有介紹新品密集修護精華，係每晚搽係髮尾，可以形成保護膜，係夜晚進行修護。





好啦，講解完就去做頭髮分析啦！(Babyalpha 好專心喎)






呢個係我既分析，我既頭髮都算粗，但係因為染髮.... 佢已經受損，好唔開心呢！仲要有斷裂既情況！




水份超低呢，毛鱗片情況真係好嚴重呢.......




當日仲食左餐廳提供既小食，好味道呢！



@.@ 點解會有手作仔玩既，原來銀黏土係由好細微既粒子組成，理念同 Pantene CLINICARE 係一樣架唷！







走既時候，每人可以囉一袋產品返去試用！係以測試去分類的。




我咁嚴重，當然要用紫色系列既染燙受損頭髮修護系列。



仲要加埋呢個精華！




一盒十枝，每星期用兩枝就OK~



扭開就用得！敷五分鐘左右就OK架啦~ 好方便~





多謝 Pantene 既精心安排呢，其實我知我自己頭髮染過會損傷，但冇諗過咁嚴重，忽略左頭髮既護理，但係 Pantene 既系列，就可以係日常護理中，慢慢咁修護返我地既頭髮。以開架既價錢，就可以咁專業既護理，真係好讚，我用左一段時間，都覺得頭髮比之前有光澤同強韌左！希望持續用會有更好既效果。

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！