護護膚：色斑、雀斑、防曬，抗衰老

細個因為游左幾年水，唔識保養，更加唔知咩叫做防曬，雖然我未至於曬到變Tan Look，但係呢，始終唔夠唔游水既妹妹白，近年更因為早年冇做防曬，就算而家已經做足防曬，雀斑都不知不覺走出黎，自己本來都唔多發現，到朋友仔話我有雀斑既時候，先發現多左好多雀斑。

另外一個朋友仔打算生完BB後就做彩光，我都有咁既打算，因為呢啲雀斑，用幾多美白產品，淡化既程度相當慢，想靚靚，唯有儲錢做彩光。

同另外一個舊同事講起，先知佢一直都冇做保養同防曬，天呀！係而家Internet咁發達既年代，網上資訊日日都更新，隨手打"防曬"兩字，都有好多好多文章or Blogger既撰文，居然仲有女生會唔防曬，我聽到既時候大表驚訝。

每日我地都聽到天氣報告報導紫外線指數，根據天文台指出，就算個日多雲有霧，但紫外線有80%可以穿透雲層，雖然冬天太陽伯伯唔猛烈，但係我地女仔，其實全天候都要做足防曬既措施，因為紫外線對我地皮膚既傷害係累積的，過度曝曬於太陽的紫外線之下會曬傷皮膚、導致皮膚老化及催生皺紋，同時亦會增加患上皮膚癌和白內障的風險，所以要對皮膚做好保護。

咁我應該買邊隻防曬產品好呢，市面上有好多品牌推出既防曬產品，上面有SPF既指數、PA+++、UVA，UVB呢啲Label！就自己膚質同埋需要，選擇適合自己日常使用既防曬Lotion！
咁究竟SPF係咩呢，PA+++，UVA同B 又係咩呢？

• SPF (Sun Protection Factor) [copy from 防曬劑標籤說明解讀 -- SPF、UVA及UVB是什麼?]

防曬指數是代表阻隔紫外光的能力，SPF指數愈高，阻隔紫外光的能力愈強。但不可不知的是，即使相同膚質，膚色相近的人，對日曬的接受程度是不同的，所以應以自己對日曬的敏感程度去選購適合的防曬指數。

SPF的號數是皮膚可接受日光曝晒，而不受傷害的最長時間指數。度數愈高，防曬愈長。不過，同一度數，對不同膚質的人，受保護的時間也會不同。最安全的方法是當每一度的時間為5分鐘(一般5－10分鐘)。 SPF 30度﹦305分鐘﹦150分鐘塗一次即可防晒150分鐘。

• PA (Protection Grade of UVA)

從英文的全寫可以知道這個防UVA的級數。我們通常看到的是PA+、PA++和PA+++，加號越多，抗UVA的能力越強，一般以 +號作為單位:
- PA+ 可在陽光多2-4倍時間減慢皮膚曬黑
- PA++ 可在陽光多4-8倍時間減慢皮膚曬黑
- PA+++ 可在陽光多8倍以上時間減慢皮膚曬黑

• UVA，UVB，UVC

UV係紫外線，UVA 能量可穿透真皮層，使皮膚老化及變黑，以及破壞皮膚膠原質。UVB 能量可到達皮膚表面，容易曬傷皮膚、減低免疫力，有機會導致皮膚癌。UVC已被大氣層過濾去。不過，如澳洲，有報導指澳洲上空的大氣層已被破壞，那麼理應阻隔UVC的功能也相對降低，所以在那兒的時候應該要特別小心。

[copy from 防曬劑標籤說明解讀 -- SPF、UVA及UVB是什麼?]
紫外線有三種波長：長波紫外線（UVA）、中波紫外線（UVB）、短波紫外線（UVC），各對肌膚造成不同程度的傷害。

UVA可通過大氣層而不被吸收，其強度一年四季不論陰晴均變化不大。UVA會加深已存在於表皮層內的黑色素，比UVB更容易導致肌膚失去彈性、增添皺紋及加速老化，也增加患皮膚癌的機會。

UVB與UVA不同。陽光越猛烈，UVB越強，殺傷力亦越大。UVB會刺激皮膚表層的黑色素細胞，製造大量黑色素，以保護皮膚抵抗紫外線，想美白也難了。 理論上，UVC會全被臭氧層吸收，不會抵達地球表面而造成傷害。


防曬用品的防曬方式，簡單來說有物理性(Physical block)和化學性(Chemical block)兩種，物理性是在皮膚表面阻抗紫外線，而化學性則在皮膚吸收後發揮作用。

我自己就推薦
IPSA-PROTECTOR DAY SHELTER BRIGHT VISION 全方位炫目防曬日霜 [$290] 30ml
佢可以當Base up Base用，佢有 SPF30 PA+++，都足夠應付我地日常使用。

另外SOFINA一系列既防曬，好多朋友都話好用。


我自己就會平日係屋企只係搽防曬，出街就會用有防曬既Base加有防曬成份既Foundation，到中午既時候，會補一層有防曬系數既碎粉。另外要注意一樣係唔好以為BASE有防曬系數再加Foundation有防曬系數，保護就係加埋一齊黎計，唔係架，你搽SPF8+SPF25，個保護都係SPF25，唔會變SPF33的，唔好搞錯唷。

記得要做防曬唷，因為抗衰老第一步就要防曬唷。[Meling: 美容大揭秘]

所以呢，防曬除左係防止皮膚底曾既黑色素浮現，預防色斑、雀斑等既出現外，亦係預防皮膚衰老既重要一步，所以唔好話你唔駛美白，你要Tan Look就係咁去曬，去曬都要搽有保護系數既防曬，咁先會可以避免皮膚受傷害，又如果你本身好白，諗住天生白既唔駛防曬，又係錯錯錯！有報告指出皮膚白唔做防曬，更加易有皮膚Cancer！所以如果你本身白都唔好忽視防曬呢！！


延伸閱讀：
天文台: 紫外線知識你要知
防曬霜鬥易推鬥清爽
新浪網：夏天防曬六原則