VICHY 12小時不變色持久護膚粉底試用

感謝 Beauty Exchange 抽中左閃閃去試 VICHY 既新粉底， VICHY既產品閃閃未試用過，只係陪朋友去買過粉底，今次可以體驗下 VICHY既產品。

試用日期：4 -7 Dec 2009 (共四天)
閃閃的皮膚性質：乾性 T-Zone 帶油

話說閃閃係試用前一晚囉左粉底，第二朝拾下拾下搽左佢就出街，到再第二朝，多啲時間細看之下，先發現.... 原來佢冇防曬..... OH NO....我個日成日都冇防曬既情況下係街行黎行去。
哈哈，首先就講左唔好既地方就係冇防曬度，因為閃閃最近用既 BASE 都冇防曬系數，主要係靠粉底既防曬度黎保護皮膚。所以呢支粉底冇防曬度，閃閃唯有轉用有防曬度既 BASE黎保護皮膚！

VICHY呢支最新既粉底睇下個名「12小時不變色」「持久護膚」粉底，等閃閃黎解構下啦！

12小時不變色-平時既粉底，用左半日，如果唔係脫妝就係會變色，好似氧化左既蘋果咁變左色，最慘就係變黃，搞到我地好似黃面婆咁，所以會唔會變色對鐘意白皙皮膚既閃閃黎講，好重要！VICHY採用左「底妝定色」抗氧化技術，令粉底係 Keep 住12小時唔變色！

持久護膚- 睇返個盒既介紹，應係因為佢係用左可以24小時保濕既 Thermal Spa Water，皮膚只要有足夠既水分去保護，自然就會好唷！

閃閃用既係 Light Ocre 20 比較偏白，但閃閃都算白，還可以接受！
枝裝，我覺得好好，因為夠衛生！


顏色係比閃閃白的，但都ok，起碼日日搽出街都冇覺得好似面具or 粉樣 (閃閃最怕粉樣！)




推開幾下，睇得出係比閃閃白，粉底好易推，有一定既遮瑕度。




搽完上手，好薄好貼。DONE!!!!



用左幾日，最留意有冇變黃，雖然冇搽上面個一刻咁白，但都 KEEP到唔變黃！
而且脫妝問題唔嚴重，只要中午時補少少粉就ok 啦！同埋可能有Thermal Spa Water啦！雖然未至於好保濕，但冇乾紋出現！

以 $185/ 30ml黎計好抵用！

唯一唔好就係有防曬要扣少少分唷！

多謝 Beauty Exchange 今次安排既試用！好開心可以試到有質素既產品唷！

其他 Bloggers 分享：http://www.beautyexchange.com.hk/design/vichy/landing/200912/postevent.html