首先講句對不起先，因為最後私事太太太忙，搞到最近完全埋唔到位寫文，大家都出左文了，閃閃都未出，萬分唔好意思。
今次閃閃試用既係 Sofina AUBE Couture 2013 春妝系列，試用品包括有彩形明眸眼影組合 (designing impresstion eye)，完美修護精華唇膏液 (essence premium rouge)，彩形水感持久唇膏 (excellent stay rouge)。
先講彩形明眸眼影組合 (designing impresstion eye)，閃閃今次得到既係限量版既566綠色系，說話當日收到新浪電話，閃閃有查詢過顏色有冇指定，但個STAFF好似好唔清楚咁，過左兩日閃閃先知原來先到先揀顏色，其實，好無奈的說，因為大家既面形，FACE COLOR 同眼形好唔同，大家都應該會有唔同既顏色係皮膚受得到，但閃閃去到，眼影冇得選擇，唇膏液同唇膏都完全冇得選擇，勁無奈，不過閃閃都本住試下先啦！可能岩呢既心態接受左。
Sofina 既眼影組合一向都襯好色，而且個設計仲係根眼影化妝既部位去設計，岩晒就算唔識化妝既女生，都好易上手。今次 2013年春妝同過往既眼影組合有少少唔同，就係多左可以同個眼影組合和諧起黎既下眼線粉添唷！咁就唔駛得特又去買啲下眼線既筆或者眼影，好方便同好貼心呢！
眼影已經分好左1-5個區別，連附送既眼影掃都有晒號碼，跟返眼影既號碼去用就可以架唷！
先黎素眼！
先將 1號搽左整個眼瞼，成盒眼影粉都帶有少少閃粉的。
然後就係搽上 2號係眼窩既部份
再將 3號搽係眼尾部份，加強眼晴既輪廓。
之後就係將4加係上眼線位，5係下眼線位 (忘了拍照，SORRY:P)
跟住要介紹係彩形水感持久唇膏 (excellent stay rouge)
而家出既唇膏已經同以前好唔同，以前既唇膏好乾，而家既唇膏好水潤。
完美修護精華唇膏液 (essence premium rouge)
張相有啲亂，中間係乜都冇搽，最下面係搽左持久唇膏，最上面就係加左唇膏液，雖然個唇膏液帶啡，但混合埋紅色系既唇膏又岩岩好。
個人覺得閃閃唔夠白，個春妝綠色唔係太MATCH 閃閃，希望下次既彩妝會有岩閃閃既顏色啦！不過如果配返春裝應該會好好多。
沒有留言:
發佈留言