[心情] 恭喜發財 ❤ 2013 年的碎碎唸

(網絡抓圖)

新春快樂唷！閃閃祝男生們型爆，女生們閃閃亮亮！對啦，閃閃自己是女生，當然偏心女生的，所以除左閃閃亮亮外，當然仲要靚靚唷，願大家都係蛇年靚靚足一年，發熱發亮唷！

有睇閃閃既 Facebook Fans Page ，都知閃閃新年都仲病緊，暈呀... 嘔呀... 唔知咩事，呢幾日又冇醫生睇，唯有希望自己早啲訓，調節返個身體，希望今年身體健康，大家都身體健康啦！

紅假幾日，閃閃雖然唔駛去拜年，但都 Plan 左好多野做，尋日閃閃就拍左一段片 (等閃閃好快剪完就知係咩黎唷！)

閃閃仲自己係屋企自家電左眼睫毛 (因為太暈了，所以呢個冇拍片，大家有興趣可以去 Katy Youtube 度睇 :Eyelash Perm Set自助電眼睫毛♥讓睫毛捲翹EVERYDAY )，閃閃係係 Beauty Ranking 買的，而家有早訂優只係HK$360咋.. 閃閃買HK$408唷..>.<

有朋友話電眼睫毛出面做好都好平呀，但係閃閃就係鐘意自家在家做，好多野閃閃都會自己做，例如整 CAL GEL甲咁，閃閃都係自己係屋企自己整，一來自己整平好多，二來唔駛下下要BOOK 時間，一來一回....

話明唔駛拜年，閃閃都唔係會收到好多利是，不過閃閃由前年開始有個習慣，就係將利是錢儲起，今年海港城仲送黎一個咁靚既包包，閃閃會用呢個包包儲起啲利是錢。嘻嘻！

多謝海港城每年都有咁靚既利是封送比閃閃唷！今年個設計係以絲巾做靈感，一如以往咁靚呢！^^ 

讀書方面呢，閃閃岩岩係新年前收到成績單，本來諗住唔會合格既科目合格左，好開心好開心，不過又開始擔心而家讀緊既科目，又係唔知阿蛇教緊乜。希望今次都順順利利啦！

工作方面，以往閃閃都冇諗住想升職的，每年加人工已經好開心，但閃閃希望黎緊可以讀埋DEGREE，所以希望人工會再加多啲，咁升職就係加多啲人工既方法了，睇緊要先完成老闆比我請人既任務，希望三月底會達到目標，咁四月出花紅就可以多啲。^^

寫BLOG方面，往年閃閃好LAZY呢，希望2013年好好衝刺，寫多啲文章同埋拍片同大家分享，希望大家多啲黎星球探閃閃唷！^^

黎緊四月閃閃報左名去學臼井靈氣一級 Reiki 1，其實閃閃一向對 NEW AGE 既學科好有興趣， Reiki 梗係閃閃好想去學既一門學科，希望閃閃學左後可以好好保護自己既氣場，唔好咁易受外界既影響。

命運，其實對於呢個字眼，閃閃放低好左好耐，不過最近真係深深咁感受到人生如戲，命運等等，感受好深，有些事，原來一早已經有左安排，唔係自己一力可以改變，令閃閃起好耐之前睇既一套叫 Time Machine 既戲，就算你點去改變，最終結局雖然演繹方法唔同，但係結局始終會出現。劇本一早已經寫好了，睇我地用咩方法去演繹而已。雖然感覺有啲灰，不過閃閃都會努力去演好呢個角色。

暫時係咁多先啦！好啦！開始寫蛇年既第一篇文章，同食有關的唷！^^

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！