不知道是不是在上班的日子實在太累，所以在假日就算什麼都不做
都可以十萬個累，這個也是閃閃的部落格出品慢的原因之一
第二個原因是因為實在太忙，不單單時那很少出席的部落客活動
就是平日閃閃安排給自己的課程也是滿滿的，好像三月一個整月都是上課
也因為太忙，約朋友食飯就會約得比較晚，往往都要約一至三星期後
這天就是約了不眠王子
多謝不眠王子帶閃閃黎呢間小店，真係小店呢，門口連招牌都未有
Matsuri Tearoom
旺角甘芳街1-7A新萬利大廈地下C舖
要搵其實不難，但要先看地圖，閃閃去了第二次了
第二次有看地圖就比較有方向
冇招牌，但門口的牌都有店名
不好意思沒有留意手震了，但手繪的餐牌很可愛呢
飲品的，話明是 Tearoom ，主打係茶唷！
單點外仲可以點套餐，分別有 SET DINNER 同埋 DESSERT SET
本來主食就是不多，這小店是主打甜品，不眠王子也是來主打甜品啦
這個茶名叫 Wedding Imperial (HK$75)
係由雲呢拿既雪糕香味，加上焦糖同埋朱古力味既一款紅茶
未飲已經聞到一陣陣帶有焦糖味既雲呢拿味道，好甜好香
配上英式既茶壺同茶具，好優雅既感覺
每次都記得要套返住茶壺，閃閃第一次去時冇套住
啲茶涼得好快，第二次去每次斟完都套住，就好好咁保住溫度了
然後就係主食，閃閃點左
ALL DAY BREAKFAST 全日早餐 (單點 HK$85 ; 套餐 HK$115)
平日既 ALL DAY BREAKFAST 係配沙律的，但同不眠王子去個日就冇晒沙律
所以跟左生果，但之後閃閃再去配沙律呢！
說真的，閃閃比較喜歡配生果，由其係閃閃喜歡士多啤梨同藍莓
另外係，第一次食係一個短頭髮既女生主理，那次既 ALL DAY BREAKFAST
閃閃覺得好好食，由其個蛋炒得好滑
但第二次去，唔知係一個男生定係一個長頭髮既女仔煮，水準係差都幾遠
所以個廚師都好緊要呢......
而不眠王子就係點左呢個 煙肉蘑菇茄汁意粉 (單點 HK$60 套餐 HK$90)
份量都算細，如果一個食多一點既男生食既話，應該唔多夠
但女生就應該 OK！因為仲要留肚食甜品麻...
頭先提到單點同套餐，其實閃閃覺得套餐好抵食
主食再跟一杯野飲同一球 Movenpick 雪糕
唔計轉一壺茶加既錢，百幾蚊其實都好抵食
唔計轉一壺茶加既錢，百幾蚊其實都好抵食
之後就係甜品時間，基本上因為閃閃都已經飽了，所以全部都係不眠王子點的
不過閃閃都有偷食少少
甜單的確係好好味的唷
先來 朱古力軟心蛋糕 HK$60
閃閃不是太好好甜既朱古力，但呢個苦苦地的黑朱古力
配埋個 Movenpick 雪糕
而呢個係閃閃推介，真係好好味！
洋梨批 HK$65
一片片既洋梨，好有心機咁舖係酥皮，當不眠王子影相時
見到上面既雪糕溶落洋梨批度，已經感覺到係好好味
焗過既洋梨加酥皮，加埋點點既焦糖味，成為閃閃諗住再去食既一道甜品
紅酒洋梨 HK$65
另外呢個紅酒洋梨算係閃閃食過既同款甜品中最好味既一次
閃閃唔識呢個紅酒洋梨，只係覺得好好食，有啲店會整得好淡口
但今次食好有紅酒香味
這間小店閃閃是推介的唷，服務很好，食物也不錯 (不過要看看誰主理)
不過地理位置不是太好呢，一個女生就要小心點
最好的是男仔陪女仔來唷
閃閃的星球 FACEBOOK 專頁已經開動啦！
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言