閃閃的星球: 為為食【新界區】

顯示包含「為為食【新界區】」標籤的文章。顯示所有文章

星期日, 7月 28, 2013

▌活動 ▌藍精靈 ■ 十分勁 ❤ 麥當勞®「開心樂園餐」X 藍精靈 2

藍精靈返黎啦

最近開始係 Facebook 見到朋友 Share 藍精靈既相
因為 MIKIKI 個度已經有藍精靈既展覽

而一向都會出唔同公仔既麥當勞®「開心樂園餐」
今次都配合藍精靈2上畫，都推出左一系列既藍精靈玩具

前兩日閃閃見到 Blogger Vivian 問有無 Blogger 有興趣去呢個活動

閃閃就即刻報名啦

因為知道帶柏宇去玩佢會好開心

所以多謝 PR 邀請，因為全部既Blogger 都係爸爸媽媽黎

應該都得閃一個係姨媽

但都比閃帶埋柏宇去呢，多謝唷！

睇下柏宇，未開始已經笑到見牙唔見眼

今次活動安排左神秘嘉賓

就係麥當勞叔叔啦

同一班爸爸媽媽大小朋友合照外，仲同我地大玩遊戲

柏宇玩左第一個遊戲，同運動有關
就係郁動身體去令身上既計步器跳動

閃閃戴係手，柏宇戴起頭

最後閃閃同柏宇以152分WIN左呢！(原諒閃閃只識用計數機~心算...OH NO~~)

睇下柏宇幾咁開心

之後仲有一PART係大家一齊跳舞，每個小朋友都可以得到一個
麥當勞筆盒呢

今次主題係藍精靈
所以所有小朋友都可以得到一套12隻既藍精靈玩具呢

開心死個衰B

開心樂園餐設計成「1+2+3開心樂園餐」劃分為主餐、配餐同飲品三部份

柏宇點左麥樂雞、薯條及熱朱古力

而「開心樂園餐」玩具隨「開心樂園餐」附送架。

第一批會係 2/8

分別係有：反一反阿威、氹氹轉精靈爸爸同吹BB大想頭

第二批會係 9/8

分別係：跳跳紮為食鬼、閃閃論盡仔

閃閃論盡仔係會閃出藍光，好靚架~

第三批會係16/8

分別係：圓波波百厭仔、眼睩睩智多星同埋香噴噴整餅仔

第四比會係 23/8

最後四隻會係：變變變美芝、抱抱大舊、扭扭霸王妹同埋叻叻發明家

今次活動過左個好開心既中午呢！多謝麥當勞同埋公關公司既安排

閃閃同柏宇都玩得好開心呢！下星期開始換啦！
Don't Miss it !!!

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

星期二, 10月 02, 2012

[活動] 第一次手拉 PHD Pizza ❤ 第一次品嚐 PHD Pizza

先說一說近況，閃閃已經病左一個月了，其實都是小病，都是感冒、腸胃、咳、暈同嘔，一直都反反覆覆，好像今天，完本一起身食完飯就寫文，但就到而家先好少少，又係又暈又想嘔咁！同埋FEEL 到感冒又返轉頭搵閃閃....

九月尾既時候考試，加埋壓力，閃閃真係抖唔到氣咁，最慘係集中唔到精神！想記啲書入腦都記唔到，而家期望係合格，合格就好了！下兩科下個星期又開始，今次閃閃真係要好好安排時間，唔好又到考試先溫了。

上上兩星期同網友仔交收 (係... 拖左兩個月...都交收唔到...) ，網友仔話閃閃好耐冇寫文了。

閃閃聽到有開心，開心既係原來閃既BLOG有人留意呢！

唔開心既係，因為閃閃真係成個九月冇UPDATE 過，閃閃都唔想。

好了，今日寫返九月參加既一個活動。

未開始寫前，希望大家為十●一係海難事故既死傷者祈禱，雖然閃閃冇宗教信仰，但希望大家透過信念既力量為死傷者祈禱。(閃閃已經哭了一個整天，每次看新聞就哭... ... )

生同死，只係一念間，我地要好好咁珍惜每一分每一秒！

九月初，閃閃收到一個 PR 既電話，係有關一個活動既邀請，當時閃閃聽左既名唔知乜黎 .... (係.... 閃閃真係渣，咁都唔識)

「PHD 薄餅博士」呢個名，當閃閃同閃妹提起既時候，佢答我：『下！我成日都食架啦！好好食呀！佢個雞都好食架！』

下！乜原來屋企人都食過... 係閃閃未食過。

原來「PHD 薄餅博士」係 Pizza Hut 旗下既一條LINE！

而 PHD 係以傳統手拉薄餅為主打，每個手拉薄餅都係以優質既北美進口小麥麵粉製造，當日手拉薄餅專家 Carlos 就同我地介紹點樣做手拉薄餅喇！

閃閃好耐之前屋企都有做過薄餅，但原來 PHD 每日都會準確咁調製出麵糰，以32度既溫水混合埋 PHD 特別研製既酵母粉，仲要把握係30分鐘內將麵糰分砌成一個個小麵糰，並將佢存放係溫度少於1-4既冷藏庫，等酵母係一個穩定既環境下慢慢發酵，過左兩日發酵之後，就可以人手拉製成批底。

Carlos 開始示範點整個批底了，原來以人手拉既批底保留麵糰既天然彈性，令到個口感更加柔軟。

睇見 Carlos 兩三下手勢就搞掂，過程係要先麵糰灑上粟米粉，再用手掌以陰力由內向外壓開，將發酵時所產生既多餘空氣排走，然後再將麵酵搓拉10至15次！

最後就係將麵糰向上作90度旋轉拋起！(呢個真係最高既難度)！！！

然後放係個網上面，拉埋好岩既形狀！

之後就係加入配料了，呢個係 PHD 多寶既配料，分別有雞肉、辣肉腸、蘑菇、五香肉粒、洋蔥同埋青椒。

每樣材料既先後次序同埋分量都有規定，見到枱面啲唔同顏色既杯嗎？佢地分別係要黎裝唔同既材料，再分佈係 PIZZA上！

到閃閃整了，先搽左蕃茄醬，再加芝士！

閃閃既分品係咪少左啲野呢，係啦，因為閃係偏食女生 (噢，閃知唔岩，唔好學我唷！)

等待焗成原來只係需要四分鐘！勁快！

之後 Carlos 就為左我地既大比評比分了！好認真呢！

好在閃閃得分都OK，只係薄餅外觀同批底口感少一分，其他都係滿分呢！

另外，閃閃真係要推介大家食佢既脆香雞，真係好正呢，好味又嫩滑，真係勁正呢！

多謝 PR 既邀請，閃閃係打文期間都忍唔住ORDER 左 PHD 了，係 PIZZA HUT 外又一另一個選擇！

**重點係，佢地送貨大約半小時就可以，肚餓時叫最岩呢！

http://www.phd.hk

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！

星期二, 1月 17, 2012

用 iPhone apps 訂位 ❤ 今助 JAPANESE RESTAURANT IMASUKE

早陣子既事了，話說個日係沙田行街街，行到咁上下，周圍睇都唔知食乜好，咁閃閃咁岩見到新城市廣場有啲STAND 介紹訂檯APPS，咁就即時 DOWNLOAD，原來可以訂7樓的食店，上OPENRICE 看看，就揀了「今助」這店了！

等閃閃介紹下個 apps 先！去 apple store 打「新城市廣場」就可以免費下載！

打開個 apps ，第2個 tap 就係即時訂檯。