香港未有既 ❤ MAYBELLINE 純淨礦物泡泡 BB Mousse

之前係台灣雜誌見到 MAYBELLINE 出左泡泡 BB Mousse，佢既 BB Cream 我都相當喜愛，所以出泡泡真係好吸引，咁岩有SIS 去台灣代購，所以我入手左一枝呢！




呢款泡泡 BB CREAM，只有一色，就係自然肌色！價錢比起 BB CREAM 貴一倍呢！(大約HKD$180) 不過因為雜誌寫既時候話佢每次咁少少出黎就OK，所以差唔多200蚊我都想試下！




咁一下，已經好大個泡泡，夠晒全塊面，好輕好輕，好細密既泡泡，內有8種天然礦物成分，可以修飾毛孔、改善膚質、保濕、遮瑕、抗UV防曬、控油、潤色、隔離等，而且不添加任何香料或油質，佢冇 S家的泡泡 Base 咁乾，可能佢有玻尿酸，所以冇咁乾，好易推開，岩晒朝早超趕返工既時候，同埋佢有 SPF30 PA+++ ，防曬度足夠一般返工既OL！




左邊係未用前，有好多印同豆豆紅印，右邊係好薄咁搽左一層，皮膚明亮左，同埋啲印遮左！不過雖然佢有保濕成份，但係感覺都係有啲乾，記得要做好保濕既打底工作~



整體黎講我好鐘意呢個泡泡BB CREAM呢，希望佢快啲係香港推出唷~~~~~~~~❤



岩岩過左生日，食左幾餐生日飯呢，食左唔同既野，又食左幾個唔同既 Cake ！再同大家分享唷~

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！