最近雖然出少左豆豆，但可能因為工作太忙，壓力大！(唉... 做到十二點...仲要星期六都要返去做野！) 晚晚都好夜訓，搞到出左幾粒好豆豆！
呢個時候收到 Beauty Talk 邀請試用，梗係試啦！(多謝 Beauty Talk & Origins ^^)
由細到大，都用過好多唔同既暗瘡治療既產品，但就冇試過 Origins 既暗瘡產品，今次試用佢既升級版，本來未升級前，我上網睇過一啲 Comments ，都話佢一兩日就去豆，所以好期待呢！
Origins [升級版] Spot Remover™ 特效暗瘡療液，主要係由水楊酸 (Salicylic Acid 對抗 + 預防= 治療暗瘡)、黃芩根、蘋果及青瓜萃取 (Scutellaria, Apple and Cucumber Extracts 淡化黑色素 + 預防色素沉澱 = 消除暗瘡印痕) 同埋咖啡因及紅海藻複合物 (Natural Caffeine & Red Algae 紓緩及鎮靜肌膚 = 擊退紅腫)既天然成份，而講到係[升級版]，仲加入左兩款肌膚親和性極高的純天然植物精華油 -
俄勒岡草 (Oregano) —生於歐洲地中海希臘的沿岸地區的高嶺上，Oregano在希臘語解作“Delight of the Mountains”，古時的希臘人已用作治療受細菌感染的皮膚，有消炎抗菌之效；俄勒岡草精華油則有淨化的作用。
丁香 (Clove) — 源自印尼，自古以來其花蕾及精華油均用作刺激神經，帶來醒神及振奮作用。
講左咁多佢既成份，講返我既試用感啦！
閃閃由收到之後一直都有用佢，一來佢細細支又夠輕身！(10ML麻)，收到個時其實粒豆豆已經出左幾日(幾日都冇好到呢... 又谷住喎)，點少少塗起豆豆上面，唔知係咪因為我多手整損左，有啲拿拿地既感覺 (冇豆豆既地方就唔好搽了，因為可能佢消炎殺菌好強，如果冇豆豆既地方搽左會有啲"猛猛緊"既感覺)！訓一晚之後，粒豆豆有消炎既功效，早晚用多幾次就會好番晒！不過雖然佢有去印既成份，但我覺得佢去豆既功效好過去印好多！
質地：GEL 狀，少少即可，點係暗瘡度就OK! 透明~~~~上妝都冇問題唷！^^~
左邊係未用前，已經冇最嚴重個時！但係發晒炎，右邊係用左三次之後 (夜晚，第二朝同夜)，下面個粒已經好左了！冇再發炎！NICE~~~~~^^
我覺得佢比起英國某品牌既油黎得見效！用左佢一來冇油淋淋既感覺，而且上妝都唔會有問題，而且去豆功效相對下較強，Origins 既產品一向都以天然同有機做標榜，所以用落都比較安心。
軟身膠樽，輕按即可！
我本身係敏感性偏乾既皮膚，出豆豆都係因為成人暗瘡又或者壓力同埋腸胃唔好所致！如果你係油性皮膚，可以試下佢既 Zero Oil™淨肌控油系列（包括淨肌控油深層潔面啫喱、活膚水、保濕乳液及重點吸油液）使用，能全日有效調節臉部多餘的油份，迅速暢通及收斂毛孔，改善油光滿面、收細毛孔及預防暗瘡。
❤ ORIGINS [升級版] Spot Remover™ 特效暗瘡療液 ❤
使用方法：取少量塗於已清潔的暗瘡患處上，每天1-3次，使用次數視乎肌膚需要。
售價：HKD$130/ 10ml
百三蚊唔貴呢，我相信我回購度係 100% ♡♡♡♡♡ (除非唔再出豆豆...不過都好難！)
Besides, 頭先提到呢款產品去印功效一般，我會推介自購既喜療疤除疤啫喱，只要用完 Origins [升級版] Spot Remover™ 特效暗瘡療液之後，用除疤啫喱，疤痕會退得快好多！大家可以試下唷！(不過呢枝成支藥膏咁，都係等豆豆好返夜晚係屋企搽，都係 Spot Remover 方便啲，可以袋係手袋仔度！)
喜歡我既文章的話，請按LIKE 唷！^^♡♡
最近閃閃真係忙到不得了，應該係閃閃係呢間公司入職以來最忙既兩個月，做到個人冇晒心機但又要趕，發生左啲不愉快既事，個人好沮喪，本來要同大家分享既文都一再拖延，對不起大家！
岩岩完左份糧，係未開始新一期既計糧，我要好好咁調整自己，然後再開始新一期糧！
今個月係生日月呢！再同大家分享下我既生日飯局唷！同埋會搞一個小小抽獎！希望大家支持一下閃閃唷！
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言