閃閃早前去左九龍維景酒店食左一餐好好好好貴既「維景金裝豪華宴」，多謝❤ 九龍維景酒店同❤ 不眠王子既邀請，因為當日係月尾，係閃閃計糧忙都爆既日子！又咁岩最底工資既生效，所以閃閃用左好多時間去計糧！當日早走幾乎係偷走的！:P 約好左七點半到酒店，閃閃做到七點半先離開到公司>.< (第二日做到十一點呢....) ，搭的士轉地鐵再轉的士，先可以係四個字內到達，係油麻地搵的士既時候，司機叔叔話其實酒店就係轉彎既再前啲，不過見閃閃著住三吋高跟，就話女生行咁遠路好辛苦呢 (好在遇到個好人既司機叔叔，不致要被粗口問候...因為其實離地鐵站不是太遠)
當日閃閃遲到呢，錯過左席前既雞尾酒，又冇影到環境相比大家！(唔好打閃閃唷=.=\\補返酒店相一張)，點解想影環境相，因為「維景金裝豪華宴」每日限量供應一席 (當然要預訂唷！)，係宴會廳進行！一入到去已經見到小型迷你酒吧！比食客們席前把酒談天！(都說閃閃遲到...不過閃閃也不太喝酒！可以改飲橙汁！)
埋席，見到轉盤上有好多富有中國色彩既擺設，我地都係咁影相！
另外有一樣野非常體貼的！估下呢個係咩黎？(最尾開估)
好了，先來看一看餐單！有沒有流口水的感覺？
如果沒有，再看下面的介紹應該有吧！閃閃可是流著口水在回味的說！
第一道出場的是 § 金豬鵝肝三重奏 §
呢個好似三文治咁，以脆薄既乳豬夾住蝴蝶夾同埋鵝肝。
甜甜地既蝴蝶夾，加埋特制既鵝肝，因為唔想頭盤就有太油既感覺，所以鵝肝既油比例少左，會清點，但係入口都係有溶化既感覺。
第二道上既係 § 螺片鮮露荀帶子 §
有幾道菜都會先比我地影相，然後再即席分上！
分好左一人分量，螺片爽口，帶子用蒜蓉煎過，帶有蒜香，而且好有鮮味！
反而個蝦比較失色，因為正席休漁期，所以唔係新鮮蝦。
最估唔到既係個汁，原來混有朱古力醬，加埋海鮮醬，帶出鮮味！
第三道菜 § 明珠海鮮大蝦皇 §
又係蝦唷！今次用虎蝦，蝦頭用海鮮醬同茄蓉煮，入面仲有蝦膏！
而蝦球好彈牙，啖啖鮮蝦肉，以海鮮慕絲包著黎炸，而蝦球既質感唔似坊間一般既蝦球好膠咁，佢仲好有蝦肉既質感係入面！配入蕃茄醬黎食！好好味！
個蝦球點點覺得似海豚，閃閃覺得似兔仔呢！
而呢道菜，仲曾經囉過美食界既明珠大獎。真係唔簡單呢！
第四道係 § 海皇竹笙燕窩 §
以高湯配似蝦肉，啖啖燕窩唷！足兩両既燕窩，好岩女生呢，又滋補養顏。
其實本身呢道菜係 § 龍蝦海皇濃湯魚翅 §
因為而家講環保，席間既朋友都唔食翅，所以改左上面既燕窩，不過酒店方面都提供左比我地影相，我地都有試一試味 (因為都煮左出黎... 唔食仲浪費！)，個龍蝦湯底好香濃，我諗用黎配其他食材都會好出色！(一來魚翅冇營養價值麻)！
第五道菜 § 原隻南非鮑魚伴花膠 §
話說當日我同點點都切個鮑魚切左好耐好耐，原來用錯刀度，王子示範唔駛點用力就切到 -.-....
雖然切左好耐，但入口又好淋好滑，配埋個汁，好好味，個花膠，嘻嘻，唔駛講梗係好正啦！
女仔最岩食花膠！其實兩樣食材都唔係自身味道好重既野，所以個汁就好緊要！
而當日酒店方面說到，佢地特別用上南非鮑魚而非一般坊間酒樓用既其他地方既鮑魚唷！
第六道菜 § 金箔黑松露菌石斑卷 §
想講一講的是，廚師每一道菜的擺設都很花心思呢！好像藝術品一樣唷！
閃閃我呢，除左蝦之外，都極愛吃魚，石斑當然喜愛啦！以石斑包著甘荀、金華火腿同西芹，再放一片好厚既黑松露係上面一齊煮，其實以配搭來說相當好，西芹冇嗆左個魚味，而金華火腿一齊煮有令魚味更香，不過黑松露唔太岩一齊煮，雖然好大片，但煮左之後冇晒味！個人覺得上菜時片一片片既黑松露會更香同有視覺效果！
第七道菜係 § 御前香茗茶皇雞 §
見到去到呢度菜上雞，心諗都係普通貨式，但經經理說原來呢道菜係佢地22年前首創，先"立油"吹乾，再用茶胆薰上味，上淋油上枱。茶胆用上普洱，因為上色既顏色靚，又可以去左雞既油膩感！
雞肉岩岩熟，好嫩滑！好好味！
個花花係芒果黎的，而家芒果當造，呢個花花都比我食埋呢！:P~
黎到第八道菜了 § 黃耳百合青菜苗 §
黃耳好有益的，而且仲煮得好入味；而一條條好得意既係意粉黎，上面加左啲蟹黃，雖然已經飽飽地，不過都想食多啲菜！
去到第九道菜 § 鮮蝦金魚餃 §
閃閃望左佢好耐，先搭得食佢落肚呢，蝦膠好彈牙，個造型又咁CUTE~ 真係好好食呢！
其實佢都唔細件，不過蝦喎.... 再可愛我都會食埋佢！
其實係到出第十道菜既時候，我已經好飽，但呢個 § 燕窩燉雙皮奶 § 一出... 第二個胃啟動！
本身我係唔食雙皮奶既，因為我好怕好怕啲奶味好重既野，但呢個雙皮奶，用左椰皇，鮮奶，仲有加左 CREAM，香滑得黎，又有奶香，而個椰皇都中和左我好怕好SO 既奶味！好GOOD!~~~~~ 仲要整到星星型，加咁有份量既燕窩，我成個食晒呢！！！
真係好好好好飽好滿足，最後既 § 藍啤梨木瓜船 § ，我只係食得落藍莓，真係太滿足了！
真係好開心又滿足既一晚，席間酒店既經理講左好多食材方面既野，識多左野添我呀我！仲令我有整新菜式既靈感！
好多謝九龍維景酒店既招待，仲要多謝王子帶埋閃閃去呢，咁貴既酒席閃閃都係第一次食呢！
個人覺得呢個「維景金裝豪華宴」好岩啲公司請客食飯，又或者公司獎勵員工既飯宴！
其實呢個係手機套黎，細心咁保護客人放係枱上既手提呢！^^~
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言