早前收到邀請，去了一個很神秘的地方 (柴灣真係好日都唔黎麻....仲要係工廠區添呀！)，黎到黑白分明的門口！mAk AttAck ？咩地方呢？
就係美女廚神 Kit Mak 未開張既工作室！好緊張呀，我第一次見美女廚神見面，真人好NICE 好靚女唷！(仲好瘦.......... 秘方最尾再講！)
而今日既主角，就係黎自挪威既三文魚啦！今次有幸應挪威海產外貿局 Norwegian Seafood Export Council (NSEC) 既邀請，黎聽三文魚既資料同埋睇 Kit Mak 既示範！NSEC專門負責全球挪威海產的推廣，其中以挪威三文魚為主！(唔知下次會有咩海產呢，我最鐘意食 Seafood 呢！)
首先玩個遊戲 Warm up 一下先，將左邊既對應返右邊三文魚既唔同部位！
下面係答案，你中左幾多個？
之後就係由 NSEC 既代表講解，之後就由營養師分析三文魚既營養價值！
原來挪威三文魚同皮膚健康之間有著非常緊密既聯繫。它是最富含omega-3 不飽和脂肪酸的魚類之一，每 100克魚肉中的含量高達 2.7克，使其成為世界上最健康的魚類之一。 三文魚豐富魚油中的 omega-3 不飽和脂肪酸是有益健康的膳食脂肪，被證實有益於促進心血管健康，可以減少膽固醇總量，降低罹患高血壓和心髒病的危險。 挪威三文魚還富含多種重要的天然維生素，如維生素E、C、D和A。 此外，挪威三文魚還含有豐富的對健康有益的礦物質(如鋅、鐵、鈣和硒)和蛋白質。仲有呢，仲可以抗衰老添呀，真係一個美肌又瘦身既有益食物！
國內有試驗性研究結果顯示，挪威三文魚在皮膚保濕功能、皮膚光滑度和皮膚抵禦外部環境影響的能力等方面，關係明顯。更有研究指吃三文魚可以幫助減肥，是非常適合女士食用的健康食品。
而NORGE 既三文魚係捕獲到香港前後都係三四天時間，其間都係以冰鎮既方式，唔係用冷藏既方式運送，咁到我地MARKET 既時候都仲係好新鮮既魚呢！
講解完，開始睇示範啦！
★ 三文魚洋蔥甘荀湯 ★
呢個湯無食譜，唯有憑記憶，其實味道可以自己調較唷！
首先，要煮定一個魚湯，用魚骨...仲有其他材料，但唔記得... 煮兩個幾鐘，KIT 話平時煮定放係雪櫃，可以放好耐，要用既時候就囉需要既份量！
然後就是甘荀薯仔連魚湯煮起再用攪拌器打到變蓉，煮滾！
另一邊就可以用三文魚粒洋蔥再加調味料爆香！再加入湯中，熱返即成！
呢個湯真係好味道唷！唔駛用忌廉同全脂奶，都做到咁CREAMY 既口感！好好好正！
★ 香煎三文魚伴草莓沙沙 ★
三文魚柳
醬汁：
洋蔥碎 1/4個
蒜茸 少許
黑醋 1湯匙
芫茜碎 少許
士多啤梨 3-4粒
特純橄欖油 1茶匙
蜜糖 少許
鹽 少許
黑椒碎 少許
{其實都係個人口味，調味可以自己就返口味}
{如果要焗既方法，就要先預熱個焗爐到１８０度！}
見到閃閃整呢，係啦，當日可以出去試整一啲簡單既野，好似整個沙沙，只係撈撈撈，仲有美女廚神係身邊教整，所以閃閃就出去幫手了！(多謝PR 幫我影相呢！)
個食譜係士多啤梨，其他可以配搭唔同既生果！
不過我唔鐘意生食洋蔥，我一邊加一邊諗住。。。唔想食洋蔥唷！
好啦！到煎三文魚！記得新鮮既三文魚，唔好預先調味，要係煮前先好調味唷！
簡簡單單，用鹽同黑胡椒調味再拍啲麵粉！煎一煎佢，加啲白酒加蓋再焗一焗！又或者放入焗爐焗數分鐘都可以！再以 Sala Sauce 拌吃！好好味！
仲有三文魚刺身添！正正正正呀！
仲同左NSEC 既代表合照，當日閃閃以有限既英文交流，間唔中聽唔明白要PR 翻譯，真係失禮晒！真係要惡補下英文先得！
另外梗係要同KIT MAK 合照唷！佢真係好靚女唷！
★ 美女廚神瘦身秘方 ★
原來阿KIT 每日都會打呢個果汁黎飲！佢KEEP 住當早餐，然後每餐前都會飲！
有啲咩呢？有紅菜頭，連皮連芯既蘋果，菠蘿，紅火龍果，檸檬，薄荷葉，同埋加啲水！打左佢放起雪櫃得閒囉黎飲，有飽肚感又有纖維！(因為有果糖，有糖尿病就要注意！)，KIT 佢既無私分享，實在好好好NICE 呢！我見佢瘦得咁健康，証明應該係WORK 架！不過要每朝早打...我..... 做唔到呢.... 但我諗間唔中係WEEKEND 打黎飲都好好呢！
仲可以加埋呢個添唷！
好有口感既一個果汁，紅色！抗氧化唷！
多謝PR 既邀請呢，不過我仲未有時間煮比K先生食呢！找天去買NORGE 既三文魚柳整返呢一個菜食比K先生食先！
我自己睇書，都係偏向食療黎對待身體，身體既健康其實或多或少係你平日對待飲食既態度，真如 NSEC 既代表說：「You're what you eat」，聽講，佢地仲會推出三文魚提煉既護膚品唷！
大家記得去超市認住NORGE 呢個名啦！^^
其實我都超愛吃三文魚呢！^^
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言