前日收到 6IXTY 8IGHT 既 SMS「It's 6IXTY 8IGHT's birthday ! Make a wish! 6月3至5日，會員可享68折、折滿後$198送最新款 Bikini/泳衣一套」，我已經 OT 左好多天，尋日終於可以準時啲收工，執埋啲手尾放工就去左尖沙咀既 LCX 既 6IXTY 8IGHT ，一去到，七點半去到，已經要分流同排隊了！
先講我既收穫先，我買左四套BRA(好在搵到底底可以配埋一套！)，另外再買六條底底(即係十條啦！)因為佢只係BRA 先有68折優惠，而底底就係$128蚊5條！(平均$25.6一條！所以揀$38既會最抵！不過都要揀鐘意既款既！)，藍色格仔係咪有啲熟口面呢！之前我有買個有啲相似既款呢！(❤相關文章按入❤)
呢兩個同一款添唷！個色好柔和，我好鐘意呢！
另外呢款後面有啲唔同的，可以有兩種著法！
跟埋個TAG都有教點著呢！
講返攻略先，排左半個鐘左右啦，就入去啦！因為個SMS話送 Bikini/泳衣，第一時間梗係揀左先，因為怕冇SIZE，但後來先知原來送既 Bikini/泳衣唔係即買即送的，我都係問到第二個STAFF 先話我知！我諗有啲PT 既STAFF 唔係咁清楚！而我見大部份人都係揀左 Bikini/泳衣先！
❤所以呢個就係攻略1！可以唔駛先揀 Bikini/泳衣❤
佢會係你比錢個時計每折滿 $198 蚊就可以有一套！佢會比將卡你，可以之後係6月15日至30日去返 6IXTY 8IGHT 換 Bikini/泳衣！
❤攻略2❤ 看圓 Tag 知杯型❤
因為試FIT 每人只可以試三個ITEMS，所以揀咩野黎試就變得好重要，閃閃咁岩撞到好友！(真係撞都冇咁岩，排隊試FIT 係我前面咋！)佢地教我睇圓TAG 上既名，就知道佢係咩型，好似我咁，Fiona 同 Bonnie 就同我最岩 Key，Zoe 同我最唔夾！咁你就可以先係場度搵左三個唔同名既黎試，試岩左，出返黎就可以揀岩心水既款！
❤攻略3❤搵櫃桶最齊 Size ❤
其實佢啲 Size 以底底分得最 Details，上中下三層分SML，再以顏色區分，所以試完Fit，揀岩BRA BRA，就可以去搵底底！
而BRA 都係以顏色區分，以係LCX 分店為例，分藍橙紅三大區，係排隊試FIT 可以搵埋櫃桶既SIZE，咁試完唔岩放返出去都唔怕試岩冇SIZE ！
❤溫馨提示❤今次個SMS 話ALL ITEMS，但原來只係BRA 同衣服有DISCOUNT咋，飾物同BRA 帶之類冇折的，有問題要問清楚唷 ❤
今次係會員優惠，如果你未係會員，可以EMAIL 我(littlebluebb@gmail.com)，我比個電話NO. 你都可以去買唷！(不過唔好比人地唷！) 之後你再去買野就記得做會員唷，免費入會架唷！
尋晚我諗我係入面都成兩個鐘，TOTAL 買左六百蚊，有三套BIKINI 呢，為起真係好抵！我上次買左四百幾都係得兩套咋麻，佢間唔中都有優惠，而且我覺得內衣呢啲呢，係情趣黎既，唔同既款有唔同既感覺麻！
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言