上面既相係咪有啲似曾相識呢？
之前同點點去過飲啤酒食 Macaron (相關文章) ，今次同點點去左中環蘇豪伊利近街既 Café de Paris ，多謝 PR 既邀請，可以試食添加左 Blanc 果味白啤酒既法國菜 (上次說過了，果味白啤酒好岩女生唷！^_^)！
法國唷，除左 Macaron 之外，當然唔少得法國菜唷！因為一開始已經知道係三道菜，本來同點點都擔心唔夠飽，但原來都好飽肚呢！
Café de Paris 店內環境係火車卡來的！所以有行李架的裝飾。門口比較OPEN，所以入面既冷氣流失得快，所以有點熱！不過店內環境都好浪漫，好岩男生帶女生來吃飯，又或者幾個女生來吃飯聊聊天也不錯，當日我都同點點聊了很多呢！^.^//
未上頭盤前，先來個包包！我很喜歡吃包包唷！這包包內裡很鬆軟唷！
❤ 頭盤 - 香煎法國鵝肝配白啤酒提子乾及脆炸蘋果 ❤
Appetizer - Seared Foie Gras, Beer Marinated raisins, Apple fritter and tarragon
外脆內軟的鵝肝入口豐腴，油脂甘香四溢，令人回味無窮。為消除油膩感，大廚特意配上用白啤酒 Kronenbourg Blanc 醃製而成的蘋果肉及堤子乾，清爽的 Blanc 與微酸的果肉散發淡淡的果香，整道菜式頓時變得清新可喜。而金黃色的蘋果條香脆可口，甜而不膩，大廚更在炸粉中加入白啤酒Blanc，令果味更加突出，清香開胃。
最近好鐘意煮野食既我，每次試新菜式都會諗廚師對食材既配搭，用上蘋果，同 Blanc 既果香味好夾，脆炸左既 Blanc 蘋果，帶酸酸地同埋果甜，配搭埋有油膩感既鵝肝，實在很搭！
鵝肝口感香滑，作為頭盤，呢個配搭很好呢！不會太油膩影響到跟住既主菜！
❤主菜 - 煙肉番茄啤酒汁煮法國藍青口❤
Main Course - French Mussels steamed in bear, bacon, tomato and parsley broth
Cafe de Paris一反傳統，棄用傳統的白酒，創新以白啤酒 Blanc製成的濃湯烹煮來自法國肥美鮮甜的藍青口，再配以煙肉、蕃茄、荷蘭芹及少量蒜頭，酒香四溢，絕對令人一試難忘!!
平時聽白酒煮青口聽得多，我都係第一次聽用啤酒煮！加埋蕃茄同埋煙肉，比起用白酒煮我覺得會有多一層甜味！不過青口好細隻呢，我平時食澳洲既藍青口會大隻啲！主菜來說青口這食材我係有啲失望的，不過好在味道好味搭夠，仲加埋粗薯條，同點點一邊傾計一邊食，不知不覺就食晒！
用 Blanc 煮既濃湯有埋青口既鮮味，我都飲左好多呢！
❤ 甜品 - 鮮雜莓伴啤酒莎芭翁配蜂巢雪糕及開心果脆 ❤
Dessert - Mixed berries with beer sabayon, pistachio crumble, honeycomb ice cream
完美的法式晚餐當然要以完美的法式甜品作結。雜莓白啤酒雪糕沙巴翁賣相精緻可人，奶黃色的沙巴翁配以鮮紅、棗紅、深藍的雜莓，微微燒過的面層呈現出金黃色，再灑上淡黃的蜂窩(HONEYCOMB)及用純黑朱古力條作點綴，充滿藝術感的色彩配搭豐富且協調，絕對是感受「法式享樂主義」最繽紛的選擇。
呢個甜品，好好食 (好想再去食，女生果然都係鐘意甜！)，沙巴翁我第一次食，我同點點都唔知咩係沙巴翁 (因為呢個甜品有幾層！)問 PR 先知原來係底下好似CREAM 既野就係沙巴翁！用 Blanc 整既沙巴翁，都好好味唷，有淡淡既 Blanc 果香味！一口雪糕、一口沙巴翁、仲有我好鐘意食 Honeycomb (平時食都唔知佢叫咩名！但我好鐘意食，脆脆地！)，加埋鮮紅、棗紅、深藍的雜莓，中和左沙巴翁、雪糕同埋 Honeycomb 既甜度，好好好好味！
極上法式三重奏由甜品作為完結！同點點一邊傾計一邊食，好滿足既一晚，多謝 PR 從旁既講解呢！呢個餐只係提供到今個月尾咋，想去試下就快啲去囉！！
(橙字為資料提供)
Blanc 極上法式三重奏
供應至2011年6月30日
Appetizer + Main Cours + Dessert $350
Blanc/pint $88
(+10% service charge)
Café de Paris
中環蘇豪區伊利近街 23 號Tel： 2810 0771
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言