早前收到公關電郵邀請，就要試 LGB 極上法式 Blanc x 橙味 Macaron！哈哈，我一見到 LGB，即刻非常興奮呀！LGB 呀！要知道極愛 Macaron 既我，食均香港咁多間 Macaron ！ LGB 係最得我心，每有朋友問邊間 Macaron 好味，又或者男仔朋友問送比女朋友，我都會先推薦 LGB！❤❤❤❤❤ 超開心｡◕‿◕｡♥，仲可以帶多個朋友仔去，就問左點點有冇興趣食 Macaron 啦！(佢答我：SUPER! INTEREST! I LOVE MACARON!!!) 哈哈，搵岩人選，約好時間，就 GO GO GO！
我地今次去既係 IFC 既 LGB ，去到見到公關小姐已經準備好左，原來我地個焦點去左個 Macaron 度，其實今次既推廣係 Blanc！為左慶祝 Le French May* (法國五月) ，法國既啤酒品牌 Kronnenburg 1664 推出全新果味白啤酒 Blanc ，沿用 13 世紀傳統釀酒方法製成，含5%酒精的白啤酒 Blanc，融合胡荽與丁香的基調，清新的柑橘味及柔和果香， Blanc 的顏色就如其法文品牌名字 – Blanc(白色)顏色淡白如雲朵，配上珍珠般純白的泡沫 (個泡... 想要白色既咀要快飲，我同點點掛住影相，啲泡少左一半了....)
每隻杯上面都有個0.5 ARC 的線，我見啲啤酒會斟到呢個位，係咪有意思既呢？
講返個啤酒，其實閃閃已經好少飲酒了，公司PARTY 都係飲少少，而家會煮完野食，配白酒同香檳，不過都係飲少少，啤酒就更加少，雖然我食得苦！但係啤酒既苦澀我唔太鐘意！今次絕對係作出嘗試 (仲叫埋個平時唔飲酒既點點黎飲添！:P) 但飲落原來又幾好飲喎，唔太有苦澀味，好易入口，有少少果香，點點話似甜酒味！我覺得少少苦但易入口有少少橙味！
❤ 橙味特別版 MACARON ❤ 登場！
另一主角就係呢個比平時我地食既 Macaron 大左一個圈既橙味 Citrus Chiffon Macaron 配以 Mandarin Chocolate Cream ，用橙味既 Macaron 配搭白啤酒 Blanc 橙香味！食一口 Macaron 再飲一啖 Blanc ，味道真係有所提升，甜味會更突出喎！
上面既脆糖都整得好靚唷！雖然可以食，不過都係食 Macaron 好！
公關姐姐提我地要快啲食，因為個 Macaron 用朱古力醬支持住，但我同點點都係咁影係咁影係咁影！哈哈哈哈！
呢個 Macaron 有三種食法
◈ 淨食 Macaron ！一口 Macaron 一口 Blanc ◈
中間係以白啤酒 Blanc、檸檬汁、橙皮等製成的蛋白醬，清新有果香！
◈ 配以酸甜的紅莓粉末搭食 ◈
當然唔好唔記得 Blanc 啦！呢我配搭最得我同點點心，酸酸地既紅莓粉，亦可以帶出 Macaron 既甜味！！
◈ 配搭混入左柑橘既朱古力醬 ◈
其實個朱古力醬都好好味，但味道較濃，搶左 Macaron 既風頭，我既建議係分開食！不過呢個朱古力醬配 Blanc 都好好味架喎！(加左少少金泊！)
我咁大個女，食過咁多次 Macaron，都係第一次囉刀叉黎食 Macaron ，個 Macaron 保持住 LGB 一貫既水準！外脆內有啲濕潤感，不會過甜橙味好出！好好好好食，後來 PR 問我地駛唔駛要多 SET ，哈哈，有啲想呢，不過有點不好意思！我諗我會再去食多次，同男朋友黎傾計食又得，同女仔朋友黎傾住計食又得喎，重點係 Blanc 係好岩女仔飲呀！
當日我都飲左半杯呀！好勁架啦，而家唔係好飲得酒，飲少少都面紅耳熱唷！
"法式享樂主義"藝術創作就係呢SET 啦，係PR 送比我地既禮物，好驚喜呢！
為推廣優雅的法國藝術之風，Blanc 更特別邀請來自英國的藝術家 Tanya Bennett 及本土著名藝術家 Chocolate Rain 特別為 Blanc 以"法式享樂主義" 為題創作了一系列的藝術設計。 設計中 Tanya將自己少時徘徊於巴黎的浪漫感覺及記憶重現，而 Chocolate Rain則特別創作了成長版的 FATINA - 較女性化的PIOGGIA，到迷人的巴黎，展開夢幻的" 法式享樂主義"之旅。
個啤酒味同我地當日飲個著杯有啲唔同，兩隻都好靚，呢隻就比較女生浪漫感多啲！唔知係咪非賣品呢，可以買我想買埋另一隻呢！配成一套唷！
多謝 Carlsberg PR 既安排呢，呢一餐甜品加 Blanc 真係超滿足唷！同點點一直傾傾傾，傾左好多好開心唷！
我其實都好想飛去法國食 Macaron 呢，我成日都諗第日 Honeymoon 要老公同我去法國食 Macaron！(同點點不約而同有咁既諗法呢！)
Blanc 又點只配甜品唷！嘻嘻，鐘意飲飲食食既你，留意住 Blanc 既 Part 2 唷！^^//
極上法式Blanc x 橙味Macaron (5-6月限定期間)
中環IFC 2期2028-2029 - LGB
http://www.legouter.com
有留意閃閃既部落格，都會留意到我加左 Facebook 既 Like Function，如果你鐘意我既文章，請按一下 Like 支持一下閃閃唷！
*法國五月：十九六八年五月的法國全國暴動，以及暴動帶來的思潮。68年的學生運動、工潮、政治文化革命浪潮捲起一場浪漫風暴，青年們義憤填膺上街示威。
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言