Maybelline ❤ 四款眼線測試及瞬盈睫毛液試用

超多文要清，仲要日日有追文CALL ，但實在太太太忙，所以冇時間寫 (訓都唔夠時間唷....)
工作好忙，主要係因為最低工資既問題，$11500以下既都要有工時記錄，變相我地要睇多好多 Timesheets! 慘慘唷~

今日同大家分享一下 Maybelline 既試用，原本應該係星期一出文的，但拖到今日！>.<

❤ IMPACT EXPRESS Smooth Felt Liner 亮彩流暢眼線筆 HK$59 ❤

幼細筆頭，唔駛用力都好易畫，只有一色！但唔快乾，要等佢乾要啲時間，如果唔係佢會印左上眼，我諗岩啲唔係油眼人！



不過真係好易畫，但真係有啲化...可能係我眼太油！建議係一畫完上碎粉！咁會好好多！(因為我太內雙了，之後都係畫手比大家睇！)





❤ LASTING DRAMA GEL EYELINER 持久耀目眼線啫喱 HK$79 ❤

用到DRAMA 字眼，應該好掂既一款產品
官方資料：密度極高的啫喱粒子，令眼線色澤深厚持久。質感細緻，柔軟順滑的眼線啫喱易於掌握！
我本身都有啡色，今次試用既係黑色，以呢個價位有呢款GEL EYELINER 真係相當唔錯呀！好快乾，又 Long lasting ，四款中，我最鐘意呢個，因為佢化開既情況係最少！




❤ CRAYON LINER HK$49 ❤

最新出品黎，筆頭好柔軟，可以畫出飽和度好足既眼線，好易畫，不過呢個比較易化開，以價位來說，油眼人既我就算咁平都唔係咁岩用，如果你唔係油眼，就可以一試唷！




❤ HYPER DIAMONDS LIQUID LINER 閃鑽眼線液 HK$59 ❤

我呢枝係紫色，閃閃地既紫色，都快乾，不過呢款唔會畫得好幼細！但佢抗油度都OK 架喎！閃閃地，我覺得岩FOR 晚裝用！




好啦！做個測試先
由紫色既閃鑽眼線液開始，順時針既分別係：CRAYON LINER, 亮彩流暢眼線筆 同埋持久耀目眼線啫喱！左邊既圖係用手指擦左一下，右邊係三下！KEEP 得最好既係持久耀目眼線啫喱！



然後用OLIVER OIL 黎擦一下，睇佢既抗油度！以閃鑽眼線液同持久耀目眼線啫喱抗油度最好！




❤ VOLUM' EXPRESS Magnum Super Film 瞬盈睫毛液極緻濃密版 HK$99 ❤

呢枝唔係新品啦，都出左一段時間，而且佢係我最鐘意既溫水落配方，超大掃頭有窄有闊，可以就眼形黎用！




不過佢膠質好重，搽完要再夾先有CURL 既效果，但因為溫水配方，唔會變PANDA EYE！油眼人用都好岩！




多謝 Be 既試用呢，一次過用試左四款眼線，搵到岩自己用既產品，你呢？你岩用邊款？

黎緊要趕出糧，應該冇咁多時間寫文住，更新會慢點！出完糧就會正常返啦！

閃閃的星球 FACEBOOK 專頁已經開動啦！
閃閃的星球

http://www.facebook.com/littlebluebb

請給個 "LIKE" 加入唷，我會常在 FACEBOOK 更新試用動向唷！