多謝
今次抽中左 Neutrogena 高效調色防曬乳液，之前曾經參加過 Neutrogena 既記招（相關文章），曾試用 Neutrogena 其中一條 Line 既 「Fine Fairness Brightening UV Moisture 細白隔離乳液 SPF50+ PA+++」，知道佢採用左獨有的 Helioplex 抗陽光分解技術，所以防曬成份冇咁易比分解，咁更加有效保護皮膚。
岩岩過左去既星期日， 閃閃返左大陸拜山，起身出門口，開左支Neutrogena 高效調色防曬乳液，因為知道上到去山頭一直都要曬住，仲要冇遮冇擋，諗起樂基兒個廣告話有 Helioplex 唔會分解防曬成份，所以就選用佢啦！(認住樽上Helioplex 個LOGO啦！)
洗完面，用過化妝水同Day Cream就可以用佢，閃閃試用既係紫色(潤色配方)，紫色可以修飾偏暗沉同備黃既膚色，盒面上講可以令皮膚有白晳透亮有光澤。
上一次試用細白隔離乳液既時候，覺得佢佢好厚身，雖然好易推，但都係有點厚，今次試用之前，都有擔心會唔會好似上次咁厚身架，夏天既時候好似唔係咁好麻.......
點知，一開黎用，估唔到咁水潤，同上一次個質地好唔同，今次係好水感，好薄身，而且用左之後覺得唔乾，有保濕既感覺。
之後一整天我每隔兩三小時就補一次，出門口連粉底都冇搽，雖然我覺得佢既紫色調色效果唔係好出，但係就令皮膚有光澤左！加少少胭脂同Mascara就返大陸喇！
最開心係返到黎，係大陸曬足一日既閃閃，一啲都冇曬黑到，嘻嘻！美白同防曬都係好重要既事唷！
搽均左，皮膚帶有光澤感，好乾爽好薄！
閃閃既同事都有試用下，佢地都話好薄好水呢！
佢有成 SPF50 PA+++，仲有 Helioplex 成份，足夠戶外用，如果去玩去旅行之類用佢就岩晒了！不過佢都係有陣防曬既味，不過唔太重，都接受到呢！
價錢唔貴呢，$139.9/30ml，就算需要日日用都唔會肉赤呢！雖然今次係試用品，但閃閃都覺得好用，推介呢！
多謝
同 Neutrogena今次安排既試用活動！
