年初決定左五月到台灣旅行，一直都打算一個人去，雖然後來有想過因為自己一個人會害怕，但今朝起身，都係決定一個人去。
係我咁大個女第一次一個人離開香港，決定去台灣係因為我曾經去過一次，感覺都安全，同埋唔算貴，尋日本來都仲諗緊搵多個朋友去，不過經和曳媽咪一席話後，我都係決定一個人去，呢個係人生入面一個體驗，我會好好珍惜呢短短既四日旅程。
雖然五月先去，但而家心情已經好開心，既緊張，又興奮，度度下覺得四日唔多夠用咁，不過作為一個人冒險之旅，都應該好足夠。
上網睇人地寫既Blog
有個好得意，佢帶埋bear bear 去！好開心咁，我都打算帶一隻公仔去，同佢影寫真，咩公仔好呢
熊霸天下
沒有留言:
發佈留言