你喜歡怎樣的女生？？？

踏入二月了，情人節距離不遠了，想了買什麼給心儀的女生嗎？？你喜歡的是怎樣的女生？自信漂亮？？鄰家女孩？甜美女生？

想一想，以閃亮的西柚、黑醋栗同陽光浴下的杏子，與心調的婉約鈴蘭和玫瑰花瓣相遇，然後被光亮的茉莉花群簇擁著。最後蘋果的氣息以縈繞身軀的金色木材和幼滑的肌膚香調作結。

縈繞著這樣香氣的女生，你會更喜愛嗎？？

知道閃閃想介紹給你吧！看圖片估到是那一個品牌嗎？？

My Watercolour Work

2008- 2009 既事了，突然好懷念，搵返呢啲畫出黎，未轉黎 Blogspot前，呢篇文係係 Xanga 張貼的。

以下係閃閃既作品
有初班同中班的作品


呢個係練習黎的！練習唔既效果！





呢個係畫Orange and Apple，阿Sir比左8分我，仲寫超水準添唷！(右下角唷！見唔見唷！)
好開心架唷！




之後回家自己練習，亦試左唔同既效果！

呢條蔥，都有八分架！！！
係咪畫得好靚呢，我好有心機架呢堂！哈哈

呢條Banana真係好難畫得好，搵日我買返黎自己再畫過先！

人像.... 想當年我會考都冇考人像，我真係唔鐘意畫人像，亦畫得唔好！

呢個好似好點了！嘻嘻

菜仔一片，都有7.2分架

呢個粟米比阿sir 話我lazy 畫到d 粟米粒好大粒！哈哈！

大家會唔會估到我呢個畫乜呢？
哈哈哈哈

呢個花未完成，但都唔錯呀！

呢個有8.2分呀！
係咪幾靚呢！哈哈哈！
我好有心機畫架！
不過起草稿既比例唔係咁好！
如果好點應該會高分點！
哈哈

呢個係最後一堂既作品，未完成，阿Sir話我畫得好Colorful！哈哈！
之前我唔夠胆用咁多色架！終於有進步啦我！搵日完成埋佢先！
嘻嘻 (過左咁耐... 都仲係未完成)，哈哈，想學返畫畫，因為畫畫既專心同寧靜，都係放鬆心情既一種！

棉花冰都係台灣好食好多喎 - 糖百府

資料圖片 From Openrice: http://www.openrice.com/UserPhoto/photo/1/XU/006OMW3D9F5A0CA82A30A3l.jpg
之前係台北食過棉花冰好好食，到香港有既時候，閃閃一直都未食過 (一來閃閃比較少食凍野)，同埋次次食完飯都已經冇位再食甜品落肚！Last Friday 閃閃同朋友仔去左睇「轟天黑幕」，因為睇之前食左飯先，所以睇完有位可以再食甜品落肚。

行左過佐敦糖百府，去到台台都食緊棉花冰，本來想食熱既糖水既閃閃，都點左個黎食！但係本來想食芒果既棉花冰，但係得星期二先有喎.... 咁諗諗去，都係食宇治金時啦！

左邊係閃閃要既宇治金時，右邊係朋友仔自己揀料既牛奶棉花冰！


不過有點失望，雖然話棉花冰造得幼，入口唔會戒口！但係係台北食既棉花冰比較有「口感」冇係呢度食一入口就係水，完全冇晒質感，所以有點失望呢！

仲有邊度既棉花冰水準比較貼近台灣嗎？可以告訴閃閃嗎？

抺茶味既宇治金時，同閃閃既綠很相襯！嘻嘻



糖百府
佐敦吳松街139號地下
2199 7430

試過一次就夠了 - Pancake Colours Cafe & Bar

(資料圖片 From Open Rice : http://www.openrice.com/UserPhoto/photo/0/RK/005G0PD96EB7E62AFD3297l.jpg)

前幾日約左朋友食飯，因為想用電腦睇野，所以就搵cafe坐下啦！
諗黎諗去都唔知去邊間食飯好，最後朋友仔提議去呢樹！

閃閃放工前訂左位，七點去到，人仲未好多，一坐底覺得坐得唔係咁舒服，想問侍應轉過另一張枱，佢話 Booking好 Full ，轉唔到，咁由佢啦！坐底睇Menu，都幾多野食喎！等埋朋友仔泊埋車，我地就叫野食！

我地三個人，叫左三分餐，首先黎個餐湯，普普通通，都ok 既！



原條美式燒豬仔肋骨伴薯菜 ($138)
我地三個都好想食，但係一睇就知唔好食... 食落果然.....
燒得太乾啲豬肉又柴皮，同佢 Menu 張相實在差太遠！第一個菜已經好唔掂......


因為一個菜太唔掂，我已經唔記得左影第二個菜，煙肉蛋芝士薄餅，可能呢個比較簡單，反而都幾好食，一人兩件食晒成個 Pizza！

到第三個菜，又係可以用唔好食黎形容，一堆唔知咩黎咁！
招牌芝士焗忌廉海鮮寬條麵，因為個豬仔骨冇乜肉食，所以點都要食啲麵落肚，但係煮到又乾，冇乜芝士味，真係唔好食.......


最後甜品都冇影，因為係三杯唔知乜野黎既野，如果 Set得做套餐，個甜品應該比返啲誠意，話晒係 Cafe黎.... (冇食到，因為見到都唔想食....)

服務一般，侍應反應好慢！我諗我應該唔會再黎食了。

Pancake Colours Cafe & Bar
旺角彌敦道628號瓊華中心7樓 English Address
7/F, King Wah Centre, 628 Nathan Road, Mong Kok
2380 0438


Open Rice Comments Link: http://www.openrice.com/restaurant/commentdetail.htm?commentid=2060363

Dinner @人民公社俱樂部 PRC café and lounge

Photo take by Isaac Poon
多得朋友仔邀請，閃閃都唔發現呢度有間樓上 Lounge ~

個名叫人民公社俱樂部，好有民族情懷，見到五星國旗既室內裝修牆身，以為係食中菜，但睇落環境唔似喎，分左室內同室外露台部份，晚上燈光較暗，坐位闊落，坐得好舒適，坐底睇下 menu，原來係食西餐喎！

一大班朋友既聚會，叫左一大堆食物！

首先係呢個 Salad，閃閃唔知呢個係 Menu 上係邊一款 Salad，閃閃估係 PRC Clubhouse Salad吧！Parma Ham 同 Salmon閃閃都很愛吃，這款 Salad食完一碟又再叫多碟，好味道！
不過 Parma Ham 有少少太乾身既感覺，唔知係咪因為油花唔係咁多，如油花多返少少，肉質會再柔嫩，咁淡淡既餘香會更令人回味呢！
朋友仔帶左部大相機黎，張相影得好靚，而家一邊寫返食評，睇住張相都覺得好好味！(之後啲影得唔靚既相就係閃閃用機仔影.... 有比較既時候... 大家將就下啦！哈哈)

Photo take by Isaac Poon

小吃有兩款唔同既雞翼，閃閃食呢個應該係 Spicy Buffalo Wings ，好好味，炸得岩岩好，少少辣好好味唷！(呢張相好明顯係閃閃影 =.=")
另外既 Cajun Seasoned Wings閃閃冇食到~~~~
右邊既長通粉都煮得岩岩好，個汁配合埋好味道，閃閃愛吃芝士，所以又加左芝士粉！


另外個Pizza都好好味呀！呢個 Pizza上既食材全都係閃閃愛吃的，薄薄地，茄汁偏酸但配埋其他食材又好好味喎，不過 Pizza 有12" 唔細架，要一大班人先會點，如果2個人食飯就好似太多了！不過呢個好味，下次如果再去晚飯都會再叫！



到主菜啦！因為已經食左好多前菜，所以主菜都冇叫咁多！分別叫左牛同魚既菜式！
牛肉類 Order 要 Medium，我因為首先食魚先，無留意個牛扒，食左少少而且！
閃閃愛吃魚，個魚煎得唔錯，少少香口，但魚肉都仲好嫩！好好味！

Photo take by Isaac Poon


呢張相閃閃影的，閃閃想影乜呢，其實係想影啲星星！靚靚呀！閃閃好愛星星既野！仲要係藍色！閃閃星小藍耶！嘻嘻！


呢張閃閃用朋友既相機影，主要係影露台，呢度有酒牌，放工黎 Happy Hour，係露台高枱個邊坐同朋水傾計相當唔錯！


上網搵返呢間店既資料，佢 Facebook 有 Fans Page ！
有自己既 Web Site : http://www.prclounge.com/
我問過佢地每星期啲 Sets都會轉，可以上去個 Web Site睇左岩食就去食唷！

因為朋友仔知道閃閃係附近返工，仲問埋個 Set Lunch 有咩食，原來而家 Set Lunch 做緊買一送一既優惠，我係 Openrice 睇過佢個優惠會做到 Feb 28, 2010，個Set Lunch 原本 $98 +10%，如果兩個人去食平均唔駛 $60一個，閃閃第二日返公司同同事講，個日就去左食 Lunch了！Lunch 再同大家分享！

多謝朋友仔帶埋閃閃去食飯，又多一個食飯既好地方！Yeah!

Openrice comment: http://www.openrice.com/restaurant/commentdetail.htm?commentid=2060148

人民公社俱樂部 PRC café and lounge
銅鑼灣駱克道496-498號合亞廣場4樓
2836 0101

BE x CLARINS全新Multi-Active多元活膚試用活動

多謝 同 Clarins合作搞呢個 Multi- Active 多元活膚試用活動，最近好多抵抗衰老問題既產品！

Clarins 安排左早前一個星期五晚放工既時候，上去 Sogo Club Clarins Centre ，聽呢個 Multi-Active 多元活膚系列，呢個系列主要係針對25歲至35歲既女性，衰老既問題未係嚴重但又已經出現在早期因壓力而形成既幼紋


首先試下 Multi- Active Skin Renewal Serum 多元活膚精華
佢可以係真皮層內刺激骨膠增生，因為入面含胭脂仙人掌 (Nopal Flower Extract)，佢可以促進皮膚自我更新既過程，奇妙既成分能「分解」表皮層既老化角質，令到肌膚暗啞既老化角質自然脫落同埋再生，令皮膚變得亮澤！

白色但唔太Cream狀，有好香既香味，好易推開，而且好快吸收！


另外都介紹埋日霜同晚霜
日霜入面有卡塔夫樹(Katafray)同埋藜麥(Quinoa)既萃取，有效滋潤肌膚同埋令到肌膚持久保濕！
晚霜入面既成份包括有奇異果萃取，Imudilin 縮胺酸，可以提升細胞自我修復功能，同埋入既成份可以令人好訓啲架


兩者質地相近，Cream 狀啲，冇Serum咁易推，但都叫做快吸收！


Clarins 既負責人講解點樣用佢地既全效纖顏露配合一套動作去加強佢既效果！






Shaping Facial Lift 全效纖顏露 ，可以排毒同埋提升輪廓，即場我地可以試上手，質地都好易推同好快吸收！



聽完講解後，每人可以有一 Sets 三件既七天試用裝！


用後感：閃閃試左一星期左右啦！每日都有用呢三枝產品！皮膚冇咁乾！但可能只係用七日，未有佢書仔介紹話用左14日之後既效果！但皮膚確係有變得順滑左，不過日霜要另外搽防曬有點煩，同埋上粉好似貼左少少！

多謝 同 Clarins呢，閃閃第一次試用佢地既產品，都唔錯呢，閃閃仲想試埋佢個纖面！唔知會唔會面尖尖呢！嘻嘻！