Beauty Exchange x VICHY 全新活性緊緻面霜試用

多謝 再次抽中左閃閃用 Vichy 既產品， 閃閃今次可以用完呢個面霜然後用 Keep住唔會變黃既粉底！

閃閃皮膚一向唔太好，但又唔係話太大問題，但係自28歲後開始，皮膚開始有乾紋，之前冇諗過要用 Anti-rides 既產品，但隨住人一日一日咁長大，又冇好好保養，都開始出現問題了！再次印證係一路保養好過出事先黎補救，好在市面都仲有好多唔同類型既產品，咁次就用全新既活性緊緻面霜啦！

呢個面霜係用係最後一個步驟的(早晚洗臉、爽膚、眼霜及精華素後)，用左一個星期左右啦！
根據比閃閃既資料，全新活性緊緻面霜係一個4天緊緻面霜：新星級配方的 LiftActiv CxP活性緊緻面霜根據藥物研究中將藥物持續釋放的理念，持續釋放維他命C及Peptide2 聚合蛋白。為肌膚增加9倍彈性蛋白纖維及增加4倍纖維蛋白母細胞，令纖維結構更鞏固，持續提升肌膚彈性、支撐力及緊緻度。持續釋放活性抗皺成份，即使停用兩星期，抗皺效果持續顯著。

而且用佢有獨特既手法，只需三個 STEPS:

Step 1/ 緊緻皮膚組織
- 用力從口中慢慢地呼氣，改善血液流動，活化臉龐肌膚組織
-> 為肌膚作好抗皺準備

Step 2/ 抗皺按摩
- 在有皺紋的位置以中指及無名指輕輕打圈按壓
->促進皺紋位置淋巴循環，增強肌膚彈性

Step 3/ 塗上LiftActiv CxP活性緊緻面霜
- 在眉心、面頰及下巴位置塗上面霜




用後感：
閃閃用左一個星期了，有少少收緊，但效果未係好明顯，呢啲產品又唔係仙丹，要好持續咁用先可以再報告，佢質地係白色既 CREAM，但好易推開，不過吸引得較慢，真係要做按摩先可以快啲吸收，不過朝早就會麻煩啲，因為佢都好潤，咁好易令個妝甩，但而家咁凍夜晚用佢既滋潤度又好足夠喎！閃閃會 KEEP住用多一段時間，睇下個效果！


再一次感謝抽中閃閃試用 VICHY既產品，用到兩樣唔同但質素好既產品，閃閃對 VICHY都更有信心呢！