白雪雪好可愛 - IPSA METABOLIZER 試用

多謝 抽中閃閃參加 IPSA X 之IPSA Metabolizer 試用及玻璃瓶設計比賽，閃閃同 Metabolizer 已經闊別多年 ( BA話最少有三年啦！因為樽身已經係全新既設計了)

首先同大家分享試用先，閃閃上月29號去左金鐘 SEIBU P.P. 既 IPSA 做左皮膚測驗先！
今次係閃閃第一次係 IPSA 做皮膚測試，以往都只係測試皮膚既顏色去揀適合既粉底，今次主要係測試皮膚揀選適合既 METABOLIZER！

首先係H2O水分測試，分別會開始時既水份，然後就加左水分既皮膚，再睇20s 同40s 之後水分留失既情況！

測試結果，水份保持力好低呀！同AVG都仲差大半，閃閃皮膚真係好乾好乾呢！要好好保充水份先得唷！

之後就係皮脂分泌力測試，額頭位置同面頻位置好唔同，一係太油，一係冇乜油，睇黎油份都好唔平衡添！


最後結果我真皮活性力岩岩好合格，但係合格呢係唔夠，想皮膚好，真係唔懶得呢！


最後BA Miffy 比我既 Points 係：補充大量水份，平衡水油分泌！

其實我都知道要多按摩，幫皮膚做下運動係對皮膚好好的，但日日放工返屋企都好累，實在唔想郁，不過做完測試之後，閃閃都已經勤力左了！因為再唔好好保養，皮膚就會唔合格！

皮膚測試完畢，係結果分折同 Miffy 既建議下，選擇左 METABOLIZER WHITE EX3 更生活化美白液 3 ，因為閃閃好想皮膚再白啲唷！

以前閃閃都有用過 METABOLIZER ，但冇美白成份的，用過兩枝，後來因為太多其他產品，所以就冇再用，都應該有好多年了！METABOLIZER 係 IPSA 皇牌黎，根據網頁既資料，METABOLIZER WHITE EX 蘊含14年科研超卓美白成份4MSK，改善持續角化障礙，徹底消除暗啞及色斑。而高效活性緊膚分子活化纖維母細胞，促進真皮層膠原生產，提升彈性緊緻。配合極速滲透分子加速美白成份滲透肌膚，營造水潤角質層，迅速提升自我更生力。

Miffy 話新一代既 METABOLIZER WHITE 有中藥既成份 (而家啲護膚既成份真係咩都有！)，全面都用得，連眼位都可以用，佢建議我洗完面，爽膚水之後用 METABOLIZER WHITE EX3，咁會軟化更生肌膚，令之後再搽既產品更加吸收！


白雪雪既樽身，好喜歡唷！


而家新既泵裝，方便左好多喎！


半透明既乳液狀，好水水的，好易推開同埋好快吸收！但用上面時係需要兩泵分量係化妝棉，再汪塗抹全臉！


又係水份測試機出動既時候，未搽之前，皮膚水份係



搽左之後三分鐘，水份提升左，連水份機都出現在水油平衡既笑臉！



十五分鐘後，水份都仲 Keep到42.3% ，只係比之前跌左6.2%！算好好喎！


用後感：閃閃由29號晚開始已經急不及待開始左用，用左大約一星期了，感覺好好，但因為美白要用一段時間先知有冇效果，但係閃閃覺得去左面部既黃氣，所以閃閃之後都會 Keep住一直用的！佢快吸收，閃閃相信用左佢再用其他精華素效果會更加加倍！
朝早太趕，我只係洗面+爽膚水+ ME WHITE EX3，皮膚都Keep到好軟滑咁，好方便好好用！


後記：關於BA！
閃閃一向好注重服務，所以今次去過PP既 IPSA 之後，覺得一定要寫返閃閃今次遇到既 BA，佢係係金鐘 SEIBU P.P. ，頭先都有提過佢叫 Miffy，閃閃覺得佢真係一個好好既 BA，係咁多次唔同地方既 IPSA，閃閃第一次遇到一個閃閃覺得真係好好既 BA，佢好 NICE 好專業，最緊要係服務態度好好，佢令閃閃覺得佢真係用心係顧客既角度出發，有時我地去買野，遇到唔好既 BA / Sales，真係未必會返轉頭再買野，但係今次係令閃閃覺得如果要買野都會搵返 Miffy，大家如果去開金鐘又要去 IPSA買野，閃閃推介搵呢位叫 MIFFY 既BA呢！

再次多謝 IPSA 同 ，白雪雪既樽身係時候要講 Bye Bye啦！閃閃要幫佢大變身呢！