未講裙仔，先講閃閃最近既事先，閃閃唔小心整親膊頭，月初睇過一次醫生的了，點知前日又發作，無啦啦又勁痛，不過公司好多野做，死忍住痛返左工 (閃閃真係好忍得痛，但係都痛到邊做野邊冒汗)，最後當然又係去搵醫師，今次醫師要同閃閃施針了，嗚嗚！好在男朋友陪住閃閃，如果唔係閃閃一定難過死了。
十枝針呀！！！嘩~~~其實閃閃勁驚的，針喎，不過又冇想像中咁痛，係等待既個二十分鐘閃閃同男朋友傾下計，其間醫院入黎轉過啲針，不過都OK，閃閃忍受到！最後醫師仲同閃閃啪返好啲骨，希望會好番冇事啦！
好啦！講返前幾日去左 UNIQLO ，其實係陪男朋友睇下啲 T SHIRT 的，點知比閃閃見到啲 OP 同一啲長衫 ！好似幾好咁，簡簡單單咁，最後閃閃買走兩件，估下係邊兩件？
每件都係 $249 ，係一個 Designers Invitation Project 系列， Brand Name 係 Banner Barrett！
呢件 OP 閃閃最近都好愛，係一間樓上舖買的，叫 Red Garden，不過閃閃係呢間店本來唔係睇中呢件的，可惜鐘意個件比人買左，最後睇中呢條裙仔，價錢好似係 HK$399，店主係韓國入貨的，質地都唔錯！
閃閃偏愛 OP 因為LAZY 啦，一條OP 襯少少飾物加對鞋仔就出得街，好方便，你又鐘意啲咩類型既衫，上閃閃的星球 Facebook 分享下唷！^^
好了，醫師話閃閃要早啲訓，而家十二點了，閃閃去沖涼訓囉！
請給個 "LIKE" 加入唷，我會常在 FACEBOOK 更新試用動向唷！
沒有留言:
發佈留言