[試玩] 投入反斗奇兵大本營 ❤ 香港迪士尼樂園之影像紀錄

其實呢篇試玩已經係二月中既時，但係每次閃閃打開啲相... 都勁頭痛，因為太多相，相片係一種紀錄，我諗大家去迪士尼玩都會有呢種習慣，或者係動作既反射，每每都會忍唔住舉機影相，所以只係閃閃已經都影左幾百張相唷 (仲有閃妹，男朋友同友人一家啲未計呀...)！

不過其實好多地方閃閃都去過玩 (❤按此閱讀❤) ，大家可以睇返舊文重溫，今次閃閃就同大家講下最新既反斗奇兵大本營啦！

感謝 PR 既安排，閃閃同埋屋企人同朋友一齊去左玩左半日 (因為個日好遲先入去:P) ，搭往迪士尼既列車都係景點之一，大家都係入面影影影！




一入去，就聽到廣播話過一陣開始飛天巡遊，已經見到好多坐係一旁了，我地都搵左個有利位置等待巡遊開始！








呢位演藝人員好靚女，仲係咁整心心手勢冧人，周圍啲人都起哄！



好啦，完左巡遊，我地就向住目標進發，先經過城堡！


再向左手邊行。就會見到呢個牌，遲啲仲有迷離莊園同灰熊山谷，好期待唷！




見到啦見到啦！



又係影影影既時候！




所有玩具都放到好大好大！好得意呀~~~~~~~~~~~














好鐘意呢張相，所以要左黎做FACEBOOK PIC~





呢個應該好刺激，但冇人陪閃閃玩，因為柏宇唔肯跟我男朋友，閃妹同唔到我去玩呢個...嗚...但聽同事講呢個真係好刺激的唷！




去到第一時間睇下邊啲岩小朋友岩，原來呢個彈弓狗轉轉柏宇同迪迪都玩得！








之後仲去左玩具奇兵跳降傘！睇下柏宇未開始前幾咁開心同輕鬆！






一開始離地佢就驚到硬晒，變樣添！閃妹係咁抱住佢講：唔駛驚媽媽起度媽媽起度！(按：之後隔左二星期，閃妹又同柏宇去，點知柏宇一見到呢個GAME 就話唔玩，睇黎佢真係記得！)

其實同跳樓機有啲似，當然個FALLING 既速度冇咁勁啦！(又按：閃閃近呢兩年已經唔敢玩跳樓機，心臟負擔唔到了)，呢個玩具奇兵跳降傘相對地冇咁驚，不過佢都升得幾高下，哈哈！



最後睇埋個必睇既煙花匯演，就閃啦！



最近佢地又開始左「星級款待」了，詳情可以睇以下網址：
http://park.hongkongdisneyland.com/hkdl/zh_HK/ticketsAndReservations/overview?name=StarGuest2012LandingPage